تم شراء خزان الوطنيه 95 لتر ب190ريال

[goldwater]

السلام عليكم ورحمه الله وبركاته
اعضاء وزوار منتدانا الجميل والراقي
تم بفضل الله شراء خزان الوطنيه بولي ايثيلين سعه 95 لتر ب 190 ريال مساء امس الاحد من فرعهم في محافظه الدرب في جيزان والخزان من النوع الواقف وعليه ضمان سنه من اي عيوب تصنيعيه يتم استبداله فورا خلال هذه المده بواحد جديد اللون بيج :)
فحبيت ابلغ اخواني بهالخبريه(تأبروني):D

[يكفيني نظرة]

ماشاء الله تبارك الله
الله يرزقك البركه فيه..

[ابورايف]

ماشاء الله
الله يرزقك
الله يعطيك العافية
ولكن لو وضعت اسعار المقاس الاخرى لكان افضل

وتقبل مروري

[goldwater]

إن شاء الله احاول اجيب المقاسات والاسعار في اقرب وقت ممكن لان المصنع بعيد عني

[اصيل نجد]

مبروك ماشريت الله يطعمك خيره ويكفيك شره بس ياليت تزودنا بالصور الله لايهينك تحياتي لك

[طايربلي جنااح]

الله يطعمك من خيره ويكفيك شرره ولا عليكم امرر ممكن صووره له تكفى

[goldwater]

ابشروا والله
ان شاء الله اصوره واضع الصوره
غاليين والطلب رخيص

[قناص بني تميم]

قولد ووتر .. ( الماء الذهبي )

الله يعطيك العافية .. واشكرك على هذه المبادرة

[goldwater]

الشكر لله ثم لكم اخواني
لضمي معكم لهذا المنتدى الرائع

[jgjc]

بالتوفيق ان شاء الله

[مخطط 2008]

مشاء الله يطعمك خيرة ويكفيك شرة

[smb916]

يعطيك خيره
ممكن صور وهو راكب لاهنت

[عصا الترحال]

السلام عليكم ورحمه الله وبركاته
اعضاء وزوار منتدانا الجميل والراقي
تم بفضل الله شراء خزان الوطنيه بولي ايثيلين سعه 95 لتر ب 190 ريال مساء امس الاحد من فرعهم في محافظه الدرب في جيزان والخزان من النوع الواقف وعليه ضمان سنه من اي عيوب تصنيعيه يتم استبداله فورا خلال هذه المده بواحد جديد اللون بيج :)
فحبيت ابلغ اخواني بهالخبريه(تأبروني):D
ليتك تذكر لنا سماكة الخزان كم ملم هل ثلاثة ملم أم أقل أم أكثر
بارك الله فيك

[فيصل التميمي]

نبي صورة للتانكي

[منتعش]

حياك ربي أخوي المحب
وعلى البركة ما شريت
والله يطعمك خيره ويكفيك شره
وياليت أرفقت بعض الصور والمقاسات
والله يسعدك بالدارين .

[كهلان]

مبروك
الله يعطيك العافيه

[اكليل الجبل]

ياليت تقول لنا عن فروعهم وارقامهم ومواصفات الخزانات والاسعر ..

والله يبارك لك ويرزقك يارب

[أبوباسم455]

مــاشــاء الله تـبــارك الله ، والله خــير ماسويـت !!!!





http://dc03.arabsh.com/i/00113/5cvbd8pn7ipm.gif







http://dc03.arabsh.com/i/00099/fz6vdqqe8do9.gif

[هلي يا خلي]

أخوي ياليت تكفى تفيدنا بالمقاسات والأسعار
وأماكن الفروع وأرقامهم

معليش ثقلنا عليك

[خالدالزلفي]

مبروك بس ياليت تزودنا بالصور الله لايهينك تحياتي لك

[بن معدل]

الله يبارك للك فيه

[مخاوي الليل1]

السلام عليكم ورحمة الله وبركاته

ماشاءلله

يعطيك العافيه

ومبروك عليك

اخـــــوكـ

مخاويـ الليلـ

[فهد33]

قولد ووتر .. ( الماء الذهبي )

الله يعطيك العافية .. واشكرك على هذه المبادرة


مشكور على الخبرية تأبرني :D الله يبارك لك فيه ويسقيك منه كل ماعطشت :D


اخوي قناص بني تميم ..ماشاء الله صورة رائعة:good2: كأنه هذا بالسعودية أشوف مواصير الكهرب :D

[بسام15]

ارقام شركة الوطني للبولي اثلين
الرياض 2487784
جدة 2720203
القصيم 3696661
مكة 5323801
المدينة 8490666
حفرالباطن 7213313

المقاسات من 70 لتر الى 95 ب 250ريال
والارضي 115 لتر 300
وممكن المكاسر
ان شاء الله اكون افدتكم اخواني

[فياض مكشات]

وين الصورة

[حزم نجد]

المشكله اتصلت عليهم قلت ابي خزانات 90 للاند 2010 وخزان للشيروكي

قالي الاند اعتقد فيه نفس مقاسه ويركب
والشيروكي اعتقد فيه لكن ندور له ونجرب عليه

قلت اعتقد ماله داعي اضرب مشوار 200 كيلو علشان اعتقد

ما ادري هل الخزانات موديلهم واحد سوا الواقف على المرتبه والمنسدح ؟؟؟

او لكل موتر تصميم خاص فيه !!!

ليت احد ينورنا لأني اتصلت ماحصلت جواب واضح ابداً

[أبو نوره11]

المشكله اتصلت عليهم قلت ابي خزانات 90 للاند 2010 وخزان للشيروكي



قالي الاند اعتقد فيه نفس مقاسه ويركب
والشيروكي اعتقد فيه لكن ندور له ونجرب عليه


قلت اعتقد ماله داعي اضرب مشوار 200 كيلو علشان اعتقد


ما ادري هل الخزانات موديلهم واحد سوا الواقف على المرتبه والمنسدح ؟؟؟


او لكل موتر تصميم خاص فيه !!!



ليت احد ينورنا لأني اتصلت ماحصلت جواب واضح ابداً



هلا بك اخوي ان شاء الله امر عليهم بكره

واشوف اللي يركب للشروكي وازودك بالصور بعد للخزان اللي يركب

سلام

[K.S.A.A]

الله يذكرك بالخير يامحافظة الدرب , مضيت أحلى ليله من العمر فيها ..
مبروك عليك التانكي ياأخوي
لكن الغريب أنه عندنا بالرياض ب 200 وضمان سنتين ..

[القصيعه]

أنا شريته من بريدة بــ ( 200 ) ريال بولي ايثيلين 95 لتر

[أبو نوره11]

هلا بك اخوي حزم نجد

اليوم مريت معرض خزانات الوطني في شارع خالد بن الوليد

وللاسف بالنسبة للشروكي موديل 97 الى 2001 ما عندهم يركب الا ابو 40 لتر

بس من الممكن الاستفادة من مقاس 95 أو 85 اذا فكيت الاستبنة (الاطار الاحتياطي)

وبحثت لها عن مكان مناسب كموديلات الشروكي من 96ونازل حيث يوجد علاق خارجي

أو تركيب سلة علوية ووضع قفل للاطار...

وعذرا لم أتمكن من التصوير...

[alcobra2000]

يعطيك العافيه

[عبدالاله 123]

مبروك بس النقاص(البزبوز) وين القاه اللي يثبت في الخزان ويكون طالع طولي

[مليون ون]

الله يبارك لك ماشريت أنا شريته من المعرض حقهم في بريدة بـ200 وشريت 2 بـ400 ريال
وضمان سنتين
لكن ملاحظتي على الفرق في السعر على إن المعرض قريب من المصنع
و الخزان من النوع الواقف نفس مواصفات خزانك
كيف؟؟؟؟؟

[goldwater]

الله يبارك لك ماشريت أنا شريته من المعرض حقهم في بريدة بـ200 وشريت 2 بـ400 ريال
وضمان سنتين
لكن ملاحظتي على الفرق في السعر على إن المعرض قريب من المصنع
و الخزان من النوع الواقف نفس مواصفات خزانك
كيف؟؟؟؟؟


فعلا انا لاحظت ان المعرض ملاصق للمصنع اما بالنسبه للفرق في السعر يمكن انهم رفعوا السعر بعدما اصبح الاقبال كبير على شراء خزاناتهم

[هوايتي مكشات]

الله يبارك لك فيه