كيفية تشبيك بطارية إضافية للسيارة

[مكشات]

الأخوة أعضاء وزوار خيم مكشات
السلام عليكم ورحمة الله وبركاته
تحية طيبة وبعد
هذه المشاركة أرسلها الأخ ( ســـبـار ) أحد زوار مكشات ويهديها للجميع ، وقد أرسل لمكشات بعض الصور البرية ، فله منا جزيل الشكر والتقدير على هذه المشاركات القيمة
............
كيفية تشبيك بطارية أضافية للسيارة
يعلم الجميع ان هواة الرحلات في كثير من الأحيان يصطحبون معهم اجهزة تعمل على بطارية السيارات مثل اجهزة الأنارة او اجهزة الأرسال او بعض المعدات مثل منفاخ الأطارات .
وفي كثير من الأحيان قد تستهلك طاقة كهربائية كبيرة دون ان تحس وعندما تحاول تشغيل السيارة تجد ان الطاقة المتبقية في البطارية لا تفي بالغرض و لاتكفي لتشغيل السيارة وقد تكون في موقع بعيد عن الناس وعن المساعدة ، لذا فأنه من الضروري لهواة الرحلات التنبه لمثل هذه المشكلة ، وقد وجدت الحل في بطارية أضافية في السيارة يتم توصيلها بطريقة خاصة حتى يتم أستعمالها عند أيقاف محرك السيارة و يتم أعادة شحنها عند تشغيل محرك السيارة .
المواد المطلوبة :
1 - بطارية أضافية 60 امبير او اكثر
2 - اسلاك توصيل كهربائية تتحمل جهد 30 امبير او اكثر
3 - مفتاح توصيل كهربائي ( ريليه ) او ( كتاوت )
4 - صمام يسمح بمرور التيار في أتجاه واحد ( دايود )

طريقة التوصيل :
1 - لا بد من تركيب قاعدة مناسبة للبطارية تكون قوية وثابتة ومناسبة و بالأمكان الحصول على قاعدة جاهزة من محلات قطع غيار السيارات او توليف قاعدة عند احد الحدادين الماهرين .
2 - يتم تأريض البطارية الأضافية بتوصيل القطب السالب ( - ) بجسم السيارة في مكان خالي من الدهان او الشحوم او الزيوت لضمان اكتمال وجودة توصيل التيار .
3 - يتم وصل القطب الموجب ( + ) من البطارية الأساسية بالقطب الموجب ( + ) من البطارية الأضافية ويتم توصيل صمام التيار (الدايود) مع التأكد من ان أتجاه التيار المسموح به من البطارية الأساسية للبطارية الأضافية و مفتاح التوصيل الكهربائي ( كتاوت ) في الدائرة بين القطبين الموجبين.
4 - يتم تحميل جميع الأجهزة التي تستعمل أثناء وقوف السيارة مثل لمبات الأضاءة - منفاخ العجلات - جهاز الأرسال على البطارية الأضافية فقط للأبقاء على البطارية الأساسية من أجل تدوير المحرك فقط .

لماذا يتم توصيل مفتاح توصيل كهربائي ( كتاوت ) في الدائرة الكهربائية بين البطاريتين؟ :
مفتاح التوصيل الكهربائي ( الكتاوت ) هو عبارة عن فاصل يعمل بالتيار الكهربائي فعند وصول الكهرباء لهذا الفاصل يقوم بتوصيل الدائرة الكهربائية المطلوبة وعند انقطاع الكهرباء عنه يقوم بفصل الدائرة .
يتم التوصيل للمفتاح الكهربائي ( الكتاوت ) من أجل ان يتم قطع التيار بين البطاريتين بمجرد أطفاء السيارة وذلك للحفاظ على البطارية الأساسية وعدم استهلاك أي كهرباء منها .
ايضاً من اجل ان يتم شحن البطارية الأضافية بمجرد تشغيل السيارة حيث ان المفتاح الكهربائي سيوصل البطاريتين بمجرد تشغيل السيارة .

لماذا يتم وضع صمام تيار ( دايود ) في الشبكة بين البطاريتين ؟
من المعلوم ان تشغيل السيارة يستتنزف اكبر طاقة موجودة في البطارية الأساسية ( لذا يلاحظ مثلاُ عند تشغيل السيارة والنور الداخلي مضاء انطفاء النور او المسجل ) لذا فأن عملية التشغيل ربما تسحب الكهرباء من البطارية الأضافية والأسلاك الموصلة قد لا تتحمل هذا الجهد العالي قتسخن وتحترق لذا فالهدف من هذه التوصيلة منع التيار من العودة من البطارية الأضافية للبطارية الأساسية .
أخوكم
ســـــــبـار

[الخبير]

تسلم يا مكشات
معلومات مهمة
لكن وين القى القطع إلي قلت عنها؟
=======================

http://nobody.jeeran.com/jkduhpma1.gif

[sabar]

الأخوة الكرام : المشرفين على مكشات

شكراً لكم على التجاوب السريع في نشر الموضوع واعدكم و الأخوة متصفحين هذا المنتدي بالمزيد في القريب العاجل انشاء الله .

اخي الكريم : الخبير

القطع موجودة لدي محلات قطع غيار الالكترونيات فقط تأكد من انها خاصة ب 12 فولت حيث ان هذه القطع متوفرة بفولتجيات متععدة .

اخوكم

سبار

[فرد حمزة]

الله يجزاك كل خير

ويجزى أخونا الخبير اللي دلنا على موضوعك الثمين

جزاكم الله كل خير ، وجعلها في ميزان حسناتكم

تحياتي لكم ... :)

[العيد]

اشكر الاخوة على طرح مثل هذه الحلول والاحتياطات لسلامة السيارة وتجنب المواقف المحرجة لا سمح الله
اريد ان اوجه سؤال لو تكرمتوا .هل المولد (الدينمو) قادر على شحن البطاريتين لانه حسب تجربتي ماطور الهواء وحده كافي لسحب الكهرباء من البطاريه خلال دقيقه او دقيقتين حيث الاحظ انخفاض ادائه وضعف صوته مما يدل على ان الكهرباء بالبطاريه غير كافيه و ان المولد لا يوفر شحن يغطي استهلاك مكينه الهواء فكيف لو كان بطاريتين معناه انه لا بد من مولد آخر لكي استخدم اجهزه تحتاج كهرب كثير .شكرا لكم جميعا

[مقيط]

جزاك الله أخوي العيد الف خير واخوني الاعضاء على الموضوع والمشاركة المفيد جداً ، عز الله حليت مشاكل اصحاب البر والاجهزه الاضافيه بالسيارة .

لكن السؤال اللي مايلقى مكان للبطارية الاضافية وش يسوي ؟

اخوك مقيط

[عاشق الصحراء]

جزاكم الله خير على الموضوع.

تنبيه: دائما اختر البطارية ((الاصلية))ذات قوة الانبيرات
المناسبة لمحرك سيارتك فبطارية المحرك الضخم غير
المحرك الصغير حتى لا يكون هناك جهد على البطارية ,
و خاصة البطاريات الغير أصلية فهي خطيرة !.
انا لست كهربائيا و لكن عند صديق لي انفجرت بطارية جديدة
ذات 60 انبير غير اصلية كان مركبها على سوبر , لذلك مع
المدة قد تتاثر اي بطارية ,

في هذا الموضوع الشيق المفيد :
لا اعلم اذا كانت قوة البطارية الرئيسية و البطارية الاضافية
في السيارة يجب ان تتساوى ؟ أرجو التوضيح :what:
و لكم فائق الشكر

[الجمس]

اخوي مكشات
السلام عليكم ورحمه الله وبركاته
هناك طريقة اخرى وقد جربتها بنفسي لمدة تزيد عن السبع سنوات ولم اواجه اي مشكلة ولله الحمد.
وهي ايصال البطاريه مباشره الي الدينمو مع وضع كتاوت بين البطارية والدينمو وقد احترق الكتاوت فوصلتها مباشره بالدينمو مع نفس البطارية الاساسية وبدون كتاوت وسلكت بدون اي مشاكل وقد حذرني كثير من الاخوان بان البطارية ستنفجر وان الدينمو سيحترق ولكن ولله الحمد لم يحدث شي هناك نقطه واحده يجب ان انبه لها وهي انه يجب فصل البطاريه الاساسية عندما ترغب في استخدام البطارية البديل لوقت طويل علما بانني كنت شابك الونش وماطور الهواء وماطور الكهرباء وجهاز الاسلكي عليها.
اخوي هذه تجربه شخصية يمكن انها غير صحيحه ولكن كماقلت جربتها اكثر من سبع سنوات وبدون مشاكل والحمدلله لايروح واحد يجربها ثم يسيرله شي يروح يدعي علي اسئالوا اهل الاختصاص قبل.
فقط احببت المشاركه بتجربتي لعل فيها فائدة للجميع ولله من وراء القصد.
تحياتي للجميع.

[فرد حمزة]

للرفع

[جــلــمــود]

الاخ العيد

بأمكانك تشغيل ماطور الهواء وشبكه بالكفرات وتعبئتها والسياره تشتغل

فستلاحظ ثبات قوة الماطور في نفخ الكفرات دون استهلاك للكهرباء

[العيد]

اشكرك اخوي على اهتمامك ..... انا اقصد ان الكهرباء يضعف اثناء دوران المحرك خاصه اذا كان ماطورين مع بعض وايضا اللي يركبون بستم البيوك اذا انتهى من الكفر الاول يضعف الكهرب لان الدينمو ما يغطي الا اذا زودت على سرعة المحرك الاحظ ان الكهرب يستمر قوي وما يضعف .فيه حلول تركيب بطاريه كبيره او بطاريتين بس ما ادري وش افضلهم ؟؟؟!!

[فرد حمزة]

السلام عليكم ورحمة الله وبركاته

للفائدة جميعاً ،،، هذي تجربتي
أنا حالياً ناوي أركب بطاريتين بالجمس البليزر اللي عندي ، فيه مكان جهاز من الوكاله للبطارية الأضافية ،،
بيت القصيد ...
أني مريت كذا كهربائي وسئلته قلت له ابي الطباريه الثانيه الأضافيه تشحن وتخدم فقط الملحقات الأضافية اللي بالسيارة مثل جهاز الأيكوم والأمبي فير وماطور الهواء والكشافات يعني بطارية السيارة الأساسية لإدارة محرك السيارة وتوابع السيارة فقط
والبطارية الإضافية للملحقات أنفت الذكر ... يشتركان فقط في التعبئة من الدينمو لكن منعزل الكهرباء بينهم ولا بطاريه تأخذ من الثانية <--- متخانقات :D
المهم مالكم بطويله ...:)
سئلت كذا كهربائي اللي يقولي دايركت وكل بطاريه تاخذ من الثانيه والكهرب يعني خليطى:(
واللي يقولي تحط لك سلك ونحط داخل الغماره عندك في الطبلون سويك ( زر عازل ) إذا طفيت السياره تفصله علشان ما ياخذ كهرب من البطارية الأساسية :(
وجيت لي واحد شاطر بالحيل قالي فيه كتاوت للجمس بموديلات الثمانينات خاص للبطارية الثانية الأضافية ياخذ من الدينمو ويعبي البطاريه الأضافيه لكن مايسمح للسيارة أو البطارية الأساسية تسحب منها ولا يختلط الكهرب :) كذا كويس
رحت لحقين قطع الغيار وسألت عنه ( الكتاوت هذا ) وشريته والكهربائي يقول يعرف يركب الأسلاك صح ...! بجربه اليومين الجايات وأعطيكم خبر ...:)

[فرد حمزة]

اليوم ركبت البطاريه الثانية ...:)

وركبت الكتاوت لها ... وشغلنا وسويت أختبار لها والنتيجه عال العال ...:) والفضل لله ثم لكم ولمنتدى مكشات بمشرفيه وأعضائه ..:)

التجارب اللي سويناها
شيكنا على السلك اللي جاي من الكتاوت ورايح للموجب بالبطاريه... يشحن ...:)
شيكنا على الراجع من الكتاوت ... ولله الحمد مافيه راجع والدليل طفينا السيارة ولعنا النور ثم فصلنا صبع البطاريه الأساسية الموجب وطفى النور ... لو كان فيه راجع لتيار الكهرباء من الكتاوت كان أستمر النور والع !
الميزه في الكتاوت أنه إذا فتحت سويك السيارة وشغلت بدأ يشحن للبطاريه الأضافية وإذا طفيت السيارة قفل أتوماتيك عن الشحن علشان ما يسحب من البطاريه الأساسية
اللي عاجبني في الكتاوت أنه يأخذ كهرب لكن ما يرجع كهرب يعني بصريح العبارة (( نذل)) :D
النذاله في كلا الحالتين سؤاء السيارة تشتغل ولا طافيه ...:)
عموماً اللي أنا شريته الكتاوت حق جمس فيه خمس روس لكن الهكربائي يقول المفروض أربعه
ويقول هذا الكتاوت حق مكيف ؟ لكن يقول يقوم بالعرض وشبك أربعة أسلاك فقط

راح أوافيكم بالمستجدات في الموضوع بعد وقت إذا كان فيه سلبيات ..:)
كلمة راس للي ناوي يسوي هالحركة ... أصبر لين أشوفها معي ناجحه ولا لا ... ;););)

[جــلــمــود]

الف شكر يا اخ فرد حمزه
على التجربه الحلوه وانشالله موفق
ولابد تعطينا النتائج اول باول ومن خلال ردك الاخير
يبدو ان التجربه مواريها طيبه انشالله

للعلم اخي فرد حمزه والمهتمين
معظم انواع الجموس القديمه موديلات الثمانين ( صالون , ونيت , بليزر , فان , ستيك بدي ) كانت تجي
بطاريتين بالغالب شد بلد
وانحسرت في موديلات بداية التسعينات بالانواع ذات المحرك الكبير 454 وبعض 350
ولكن الغريب ان بعض الانواع التي تحمل بطاريتين شد بلد قوة الكهرباء والملحقات هي نفسها على سيارات البطاريه الواحده
مما يدل على ان هنالك فائده اخرى للبطاريتين غير مانسعى اليه في هذا الموضوع ( تشبيك اجهزة اضافيه )
فياليت احد الاخوان المختصين
او الذين لديهم خبره يفيدوننا بالموضوع هذا









جــلــمــود

[al-nashmi]

اخواني زوار وأعضاء مكشات

السلام عليكم ورحمه الله وبركاته

شكرا لكم على طرحكم الجميل والمفيد حول هذا الموضوع المهم جدا, وتبان خبراتكم وتجاربكم حوله.

اخواني الكرام انا لست كهربائي ولم اركب بطاريه اضافيه في موتري حتى تكون لي خبره فيه, مع انها ضروريه جدأأأأأأأأأأأأأ.

ولكن حصل لي موقف اثبت لي اهميه البطاريه الاضافيه.
ماطول عليكم , الموقف بأختصار هو كنا طالعين جه الدبدبه وعلى موتر واحد فقط, المهم امرحنا, ومعنا واحد من اخويانا رومنسي وراعي قصص حب وغرام الماخوذ:D :D مغير ينقل رواياته معه (مثل مولفات غاده السمان, ونجيب محفوظ الله لا يحفظه , وونزار قباني) حنا نمنا وهو الاقشر سرى ليله يقرأ على ضؤ لمبه السقف .
ويو م اصبحنا لقيناه نايم ومطوي عند مكان رجلين السواق:D

جينا نشغل الموتر قال هذا امس مو اليوم؟؟؟؟؟؟؟؟؟ والله الورطه وش السواه !!!!!!!!!!!!!!!
ولا حولنا احد في هالسهال الي تشوف السراب يتطارد فيها ( كان الوقت في الصيف من القراده)

نسيت اقولكم موترنا سوبر مان 88 دفرنسين اوتوماتيك( اخو الجديد)... يعني انسى انك تحاول تنتعه
من زين الحظ كان معنا اشتراك قال واحد من الشباب ليش مانجرب ان نشبك البطاريات مع بعض ؟؟؟؟؟؟ بعضنا ضحك عليه والبعض الاخر قال خلونا نجرب محنا خسرانين شئ.
والله نشبك البطاريات مع بعض وندق سلف.......... ويرعد طير شلوى ويشتغل والحمد لله
وهذا الموقف اثبت لنا اهميه البطاريه الاحتياطيه وضروره اكثر من سياره في الطلعات البعيده,,,,,,,,,,
عن بنده

:D :D :D

مع تحيات اخوكم الصغيرون/ النشمي

[فرد حمزة]

جــلــمــود

الله يعافيك ويجزاك خير

أبشر بوافيك بالمستجدات وبسوي تجارب عليها خلال الأيام الجاية بحاول أفضي الكهرب بكل بطاريه لوحدها
وبشوف يحصل أن حديهن تفزع للثانيه ولا لا ؟ :D
وبشوف إذا فضيت البطاريه الإضافيه وشغلت الموتر وكيف عمل الأجهزة الإضافيه والموتر شغال يعني بشوف هل إذا فضت البطاريه الأجهزة الإضافيه ماتعمل إلا لما تكون البطاريه الإضافيه مشحونه 100 بالـ100 أم أنها تشارك البطاريه الإضافيه بالشحن وهي تعمل وتسحب الهكرباء ؟

[فرد حمزة]

al-nashmi

ههههههه
الله يرج أبليس خويكم والله ياهو بغى يجب بكم العيد لولا فضل الله ثم البطارية الثانية :)

لكن المرات الجايه لا تاخذونه وإن بلشتوا فيه خلوه ياخذ تريكات علشان يعيش رومانسيته بدون ما يجيب الطعه فيكم

[العيد]

:) :) :)
:D :D

[al-nashmi]

اخوي العيد :confused: :D :D :no2:

[فرد حمزة]

أفى ...!

النشمي شنوحك ماعلمتنا أن الحمى مسكونه :D

أثرينا وطينا المعجن :D

[فرد حمزة]

اليوم وحنا كاشتين لاحظت حركه غريبه ... !
ما أدري هي من قوة ماطور الهواء ولا من عدم شحن البطاريه على الوجه المطلوب ...؟
شغلت ماطور الهواء أبي أعبي هواء لكفرات الموتر والموتر طافي ... اسكر على الهواء اللي طالع من ( اللي ) ترتفع ابرة ساعة العيار اللي بالماطور ولما اكبس عليها يضعف أداء الماطور حتى يطفي كررته كم مره نفس الحكايه شغلت الموتر لقيه ما يضعف وعبيت الموتر هواء تمام !

العجيب هل ان الماطور يسحب الهكرب بهذه القوة ؟أو أن البطاريه ماهي مشحونه ؟
هل أداء الكتاوت على الوجه الغير مطلوب ؟ علما أن البطاريه حالياً ليس راكب عليها إلا ماطور الهواء ، ومركبها جديده من اللي تجي أتوماتيك مشحونه
بأمر الكهربائي اللي ركبها وبشوف وش براسه من السالفه هذي

[al-nashmi]

اخوي فرد حمزه اسعد الله اوقاتك
ياخوي فرد حمزه ثاير ثاير لو اعطيناه درزن مساويك:D :D

وش نوحك تاطا المعجن:looney: :hot:

[ابو الريم]

موضوع يستحق الرفع وزيادة في المناقشه والتجارب لاهمية البطاريه الثانيه


اخوكم ابو الريم

[Y&Y_4X4]

ايها الاخوة الاعزاء

سوف اضيف لما ذكرتموه مشكورين

السلام عليكم

موضوع بطارية اضافية كلام ما يختلف علية اثنين عقال ( راشدين ) اليكم الطريقة .

1- لازم البطارية الاضافية تكون من نفس قوة البطارية شد بلد.
2- تحتاج الى عدد 2 كتاوت ( مفتاح كهربائي ) ملاحظة النوعين مختلفين .
3- سلك كهرب 14 مم ( من النوع الذي يستخدم في مكائن اللحام ) .


الفكرة :
ان تكون البطاريتين من نفس القدرة علشان ما تحرق القوية الضعيفة في حال ان واحدة من البطاريات فاضية تماما لإن البطارية الفاضية تحاول سحب اكبر قدر من الطاقة ورايح يكون من البطارية الثانية لانه اسرع من الدنمو ملاحظة ( الكهرب ياخوان مثل الماء يدور المطامن والدروب السهله ) , بنسبة لطريقة التسليك فهي كما ذكرو الشباب السالب يوصل لبدي السيارة مكان نضيف وانصح مع كيابل السالب الي موصلة في السيارة من قبل الصانع لإنها مدروسة, يوصل موجب البطارية الاساسية الى الكتاوت الكبير ومنه الى الموجب في البطارية الاضافية . الآن الكتاوت الصغير هو الي يشغل الكتاوت الكبير ويجيه الكهرب من الدنمو لاحظو ياخوان اننا نبي الكتاوت الكبير يشتغل بعد ما المكينة تشتغل ويبداء الدينمو بيتوليد الكهرباء . فيه سلك صغير طالع من الدنمو ويروح للكمبوتر حق السيارة علشان يقول للكمبيوتر ان الدنمو زين ويصدر كهرب واللمبة الحمراء الي عند السواق في الطبلون ما تولع هاذي الي حنا نبي من هنا ناخذ مفتاح الكتاوت الكبير.

ما ادري انا ضعت ولا ضيعتكم

انا في انتظار اسئلتكم.

[Y&Y_4X4]

2

[mmii999]

تكفون ياشباب ابيكم تدلوني على كهربائي فاهم صح ويكون بالرياض لاني صراحة درت بكل الورشات ومالقيت اي كهربائي يظمن الشغل اكثرهم يقو مهيب مشكلة بس اذا احترقت الاسلاك تبي تحترق البطارية عليك
يعبي محد شجعني على شغله
على العموم أي واحد يعرف كهربائي صح لايبخل عليناويدلنا مكانه انا سيارتي (GXR) موديل 2002
تكفون يا شباب الفزعة
:confused:

[Y&Y_4X4]

الله يعينك علية متغطرس وغالي ودوامه على كيفه !!!!!!!! وشغله ينقصه الخبرة العلمية بس انه زين, موفقه الله .

ومحله وانت نازل من الدائري الشرقي على مخرج 17 وجهك غرب قبل النفق بعد ماتتعدى المستودعات الي على ايدك اليمين يجيك محلات على ايدك اليمين بعيدة شوي عن الخط خلك في طريق الخدمة عمارة دور ارضي يجيلهن خمس او ست محلات, محله الاوسط منهن ( العمارة دور ارضي حقيرة من بعيد تقول مزبلة بس لا يهمك ) المارية عامل سوداني اظنه من جماعته انتبه تغلط علية. فيه لوحة على المحل خط يد مكتوب عليها كهربائي ابو فلان حاط اسم ولده نسيت اسم ولد الشين من زينه هو حاط اسم ولده الي هذا الوالد وش عاد الولد . على كل حال الحمد لله ,,,,,,,,,,

ترى وصفي قديم أذا ما حصلته قلي وانا اروح ان شألله واظبطلك الوصف.

[mmii999]

للاسف الرد مهوب واضح

[Y&Y_4X4]

وشو الي ماهوب واضح الرد ولا الوصف او طريقة تركيب البطارية الثانية مهيب معقوله كل هال الهرج ولا وضحلك شي ؟

حط لي رسالة خاصة اتفاهم انا واياك او ارسل لي ايميل.
وشكرا,,

[mmii999]

ابيك الله يعطيك العافية تعطيني وصف لتركيب البطارية الثانية يكون مضمون
ومجرب
أنامادري وش رايك بالطريقة الاولى هل هي مضمونة
واذا كان عندك غير هالوصف قل لي
ولك جزيل الشكر
:what: :what: :what: :what: :what: :what: :what: :what: :what: :what: :what:

[Y&Y_4X4]

أخوي mmii999 ولا يهون من يقراء.

الطريقة الاولى ممتازة لاكن السؤال عن نوعية الكتاوت الذي بين البطاريتين لازم يكون من نوع خاص انا والله ما ادري وشهو ماخليت محل مادورت فيه وفي الإخير جابوه ابو نايف ( تراي رحت وشفت لك الوصف مظبوط ) .

لاكن !!

عندي لك سؤال انت ودك تركب البطارية بنفسك ولا تبي كهربائي يركبها للسيارتك ( علشان ما ننفهم غلط ) ؟

بأنتظار ردك .

[عربسات]

اخوي فرد حمزه

هـاه بشر تـراي قاعد انتظر

وش صار معاك اركب :confused:

[Y&Y_4X4]

الكتاوت الكبير هذا الذي يكون مابين القطبين الموجبين للبطاريتين ( ادغام بغنه ) يشبه الى حد كبير كتاوت السلف حق الفود الى موديل 95 اسود اللون كبير له قطبين نحاس 14 مم .
وهذا الكتاوت من خصائصه انه ينقل الكهرب من الدينمو والبطارية الاساسية بجهد عالي يصل الى اكثر من 100 امبير في الساعة الواحدة الى البطارية الاظافية بسرعة شحن اكبر من كتاوت صغير الماني 30 امبير, يعني تخيل وانت كاشت والبارح الشباب سهرانين سحبت كهرب البطارية الاضافية والا منك اصبحت بأذن الله تروح تحطب خلال نصف ساعة او ساعة الا ربع تحصل البطارية الاضافية فل كهرب (FULL CHARGED ) الموتر شغال طبعا .

من تجربتي الشخصية
الكتاوت حق الفورد وغيرة من الصناعات الامريكية له خاصية حقيرة وهي انه مايشبك لمدة طويلة اكثر شي 4 دقائق همن يدخن ( او يشيش ) ويحترق, الله ولي العلم اني احرقت حول 5 والسادس قلت انا ابي اخترع قمت وهو جديد فكيته وعلى الشباب الي يلفون المحولات في شارع الثميري ولم انجح في هذا الاختراع.

استمريت فترة من الزمن على الالماني بس المشكلة اني اطلع من الرياض الين اصل عنيزة 360 كم بسرعة 125 كم واشيك على البطارية احصلها احيان فل واحيان باقي شوي.

حتى كان ذلك اليوم الجميل ( عفوا احس اني من كثر ما اكتب, اني اكتب قصة خيالية ) اكتشفت بالصدفة لاند كروزر فاتح الكبوت عند معرض سيارات نطلت وجهي تحت الكبوت همن يأخوان ( موسيقى مرعبه والوان تروح وتجي ولمبات مثل برنامج من سيربح المليون ) لقيت الي انا ادور سألت عن راعي السيارة الين لقيت جواله و دلني على الكهربائي الي انا وصفت محله في مشاركة سابقة و أسم المحل أبونايف كهربائي سيارات .

رحت لمه ( ادري غثيتكم ) شاف الموتر حصل كل شي راكب ما بقي الى الكتاوت اقوله منين اجيبه قال ما ادري قيمته 90 ريال عطني حق التكسي وادور واجيبه لك وأخذ مني 40 ريال حق التكس, وجابه الطماع.

الكلام هذا له 3 سنين والبطارية من ابدع ما يكون....

هذا ما لدي ودمتم,,,,,,,,,,

[أيمن]

( لقد تم إضافة هذا الموضوع إلى المواضيع المميزة والشيقة في هذه الخيمة (http://www.mekshat.com/vb/showthread.php?s=&threadid=8666) )
مع الشكر للجميع ،،
http://www.mekshat.com/pix/upload/images/flow12.gif

مشرف الخيمة

[أيمن]

سرقة في وضح النهار ..
ويا كثر مسروقات هذا الموقع حتى أصبح مكانا للصق فقط !!
ولا رقيب ولا حسيب !!
http://www.efi4500.com/vb/showthread.php?s=&threadid=2037

تحيتي

[ابو عايد]

مشكور أخي العزيز والغالي .. يا ابو ياسر على هذه الموضوع الذي هو مهم لجميع اخواننا

والشرح الوافي الرائع رائع جداً :good: :good: :good:

الله يعطيك العافية وماقصرت يالغالي

يا مشرفنا العزيز مكشات كثر الله من امثالك على جهدك الرائع وجزاك الله الف خير

وتقبل تحياتي // العاشق الولهان

[صقر]

موضوع رائع وجاء وقته بالنسبة لي:

لآني افكر جديا بإضافة بطارية ثانية لسيارتي (محرك السيارة يعمل بالديزل وعندي ثلاجة تعمل بالبطارية)

اشكر جميع من شارك بهذا الموضوع الشيق والمهم والمفيد.

بارك الله فيكم.

[Y&Y_4X4]

حتى الردود كانت فاترة ومالها طعم لآننا نحن من بدأنا هذا الموضوع واشبعناه وصفا وتدقيقا في منتدانا القيم والذي يعتبر مرجع علمي .

ولم يكن لآين من كان ان يتجرأ ويخطف معلومه بدون أذن أو تصريح ؟؟؟؟؟؟؟؟؟؟؟؟؟؟؟؟؟؟؟؟؟



انا عن نفسي ما أدري وش اقول لا كن علموني يأخوان وش أقول !!!!!!!!!!!!!!!



انتهى كلامه يرحمه الله .........................

[فرد حمزة]

ياجماعه

نتائج التجربة :(

أولاً :أنا سويتها بالبليزر بديهي تكون البطاريات أتوماتيكي ! أحرقت علي بطاريتين

نخلص منها أن الحركه لا تصلح مع بطاريات أميركيه اتوماتيك ! فأحرص على البطاريات العادية

ثانياً : الأسلاك ذابت وماعت وتصلخت وصارت عريانه وحصل فيه ألتماس بس الله ستر

نخلص منها لابد من أسلاك قوية التغليف وتتحمل الحرارة

ثالثاً لمن أراد ترهيم الحركة ضماناً لعمل الكتاوت بالشكل الصحيح يحرص على وكالة GMC وفيه جموس سوبربان تأتي وكاله فيها بطاريتين يطلب الكتاوت اللي للبطاريه الثانية
تلقى كتاوت أشكال وأنواع وفيه نوع للمكيف وغيره

[الفجر]

السلام عليكم ورحمة الله وبركاته


1-نريد ان نعرف فائدة الكتاوت
2-نوع الكتاوت الأفضل
3- هل يمن الإستعاضة عن الكتاوت ب موحد (دايود)
4-ارجو رسم الدائرة الكهربائية
5-ارجو إعطاء شرح مفصل عن التركيب

الاحظ ان اغلب الذين عملو التجربة واجهو مشاكل والأسباب

هي في الغالب من القطع متل الكتاوت والأسلاك وغيرها


والله الموفق

اخوكم الفجر

[عاشق الصفاري]

ماشاء الله عليكم..
والله فكره جميلة..

وجزاكم الله خير..

[aldrawy]

السلام عليكم ورحمة الله وبركاته
بالنسبه للبطاريه الأحتياط فنحنو مجموعه مركبينها منذو اكثر ون اربع سنين وسيارات مختلفه فيها الجيوب بانواعها وفيها يكون جمس وانا صابه ولا شفنا من الله شر لله الحمد لاكن تم التركيب عند شخص صاحب ورشه متخصص بهذا الشيء يث ان الدوريات والمرور والأسعافات كلها تركب عنده الين عرفوا الشغله وصاروا يسوونها في ورشهم الورشه للا ستفاده لو انها دعايه مجانيه اساها ورشة صالح الجابري في الصناعيه في الرياض




اخوكم المحب - الدرعاوي

[حصان القايله]

السلام عليكم ورحمة الله وبركاته

كل عام وانت بخير

مشكور اخوي مكشات والاخ سبار

الله يعطيكم العافيه

لكن في اقتراح صغير ياليت تنزل الموضوع مره ثانيه لكن باستخدام الصور التوضيحيه

لأن اغلب الشباب اللي قرو الموضوع ماهم عارفين الطريقة بالظبط

ولو كان هناك صور للقطع المستخدمه كان سهلتو الامر علينا

تحياتي لكم

[van]

السلام عليكم ورحمة الله وبركاته

شكرا لكم على طرح مواضيع مفيدة،

كما أرجو أن أفيد في هذا الموضوع الجميل بإرفاق هذا الرابط,http://www.nationalluna.com/Dualbatmon_frame.htm

[aahhhh2]

السلام عليكم ورحمة الله وبركاته وبعد
اخوانيكل من عملو التجربه وخصوصاً Y&Y_4X4 انا ابي اسوي بنفسي
اجيب سلك لحام و بطاريه 70 المبير وسوي القاعده وشبك البطاريه يبقا الكتاوت الصغير والكبير
الكبير احطوه بين البطاريتين مع القطب + يبقى الصغير منين اجيبه و وين الحطه و ماهوا عمله
و الكبير منين اجيبه

[aahhhh2]

السلام عليكم ورحمة الله وبركاته
وهل الصوره او المخطط هذا الي حطوه اخونا العزيز van انفذه

[van]

السلام عليكم ورحمة الله وبركاته

أرجو الإفادة بأن هنالك أكثر من مخطط دوائر كهرباء لعدة أنواع من السيارات, لذلك يجب عليك بأن تعرف المخطط المناسب لسيارتك و الله أعلم.

[van]

و هذا مخطط أخر.

[van]

كما أرجو أن أفيد في هذا الموضوع الجميل بإرفاق هذا الرابط

http://www.imajeep.com/dual_bat/dualbat.htm

[نقا هشال]

الف شكر

[van]

العفو يا أخي.

[أبو فراس]

السلام عليكم ورحمة الله وبركاته

اخوي فرد حمزة

حنا بالانتظار نبي نشوف وش صار عليك ونبي انتأكد من المعلومات الوافية الله يخليك من مجاميعه

[الضاري]

السلام عليكم ورحمه الله وبركاته

ياسلام عليكم ..

روووووووح الى..

ملف..

حفظ..

المستندات..

ملف ( خاص - مكشات )

تحياتي للجميع

[بركان]

هل عمل قاطع ( فيوز) بين البطاريتين ضروري.؟؟؟
من يجيب على سؤالي اثابه الله !!!

[راعي المجاهيم]

ما قصرت ياخوي راعيها والله

[أبو يوسف]

انا بجاوبك اخوي بركان
نعم ضروري
بتقول ليش
اقولك
علشان تطفي القاطع ثم تستعمل البطارية الاضافية بدون تخوف
اما اذا ما حطيت قاطع فأنت بتكون على اعصابك لأن البطارية الاضافية بتسحب من الاساسية الكهرب وتنتهي الاثنتين عند الاكثار من سحب الكهرباء


عموما الفكرة ممتازة
والشكر لكاتب المقال وصاحبه
والشكر موصول لكل من شارك في هذا الموضوع


....مع التحية

[قوطي]

مشاء الله موقه وااايد حلوه اتمنالج يارب انو يكون احلى مجي وايد عجبني موقع اشباح

[ابو باسل]

السلام عليكم ورحمة الله وبركاته ،،،

مشكورين اخواني على هذا المجهود
أخوي فرد حمزة ممكن تزودنا بالشرح وبالصور
قمنا برحله برية ومشغلين المبه يوم جت المشيه قال الموتر هذا مكاني والبر مافيه احد نحاول ننتعه مافيه فايده واقبل واحد ونشرله ولكن حط رجله خاف منا إلى ان الله يسر لنا واحد من الشباب وسوى لنا أشتراك
أنا مع جمس حوض 95م يقولون أن الكتاوت تجي في نفس الدينمو

[الرسسسام8808]

السلام عليكم جميعا الي الاخوان الذين يساون عن البطاريه الاضافيه ونوع الكتاوت انا جاهز للا ستفسار وهاذي خدمه نقدمها للمنتدا الغالي للا ستفسار جوال 0505268808

[الرسسسام8808]

السلام عليكم جميعا الي الاخوان الذين يسالون عن البطاريه الاضافيه ونوع الكتاوت انا جاهز للا ستفسار وهاذي خدمه نقدمها للمنتدا الغالي للا ستفسار جوال 0505268808

[القابوعة]

يا اخوان السلام عليكم ورحمة الله وبركاته ،،

اخوكم القابوعة ما يعرف اي شي في الكهرب:( وبصراحه عندي ما طور كهرب في السياره وثلاجه توني مركبها وابغالها بطارية اضافية .. هل وممكن ولو سمحتوا:p يا شباب تدلوني على احد من الشباب او الورش او اي أحد يركبها لي (وما نختلف في الحساب يبشر:D ..) وش قلتوا يا اهل الفزعات

[المشراق]

أخي القابوعة السلام عليكم ورحمة الله وبركاته

إن كنت في الرياض فهذا محل ركبت عنده في صالوجمس ومجربه في السويدي أسمه مركز الرياض شارع البلد الأمين ( العشرين)شمال نفق السويدي جوار مخابز الخيلاء فيه فلبيني اسمه قطو واجهة الورشة جنوب وقدامها ارض فضاء 0

[ابو درع]

البطاريه لزوم تكون مثل الي فيه او اي بطاريه حتى لوكانت صغير جداً بعني

للمحول وغيره ... علشان تحطها في اي مكان ماتأخذ حجم

وشكرا مكشات على المعلومات

[التصحيح]

السلام عليكم فيه ورشة سوافي تركب لك بطارية اضافية بس شغل رائع ومامون باذن الله لا وعندهم شغلات ثانيه للبر بس ارخ الدراهم لانهم على قولت زبون شفته عندهم جاي من الكويت اذا تبي تسال بكم لاتدخل الورشة

[مدور ربيع]

طيب ليش ماتكون البطارية الثانيه مفصوله تماما"

وبحالة الحاجه لها يتم شحنها عن طريق اشتراك عادي من السيارة .. (( يكفيها ربع ساعه من الشحن للعمل ساعتين ))

خصوصا انه مانحتاج لها طوال الوقت ,, وايضاء تحميلها على الدينمو ,,, ومشاكل التوصيل الخطرة

[التصحيح]

السلام عليكم جميعا يا اخوان مالكم بالطويلة انا معي يوكون 2002 وركبت بطارية اضافية وركبت عليها ثلاجة تشتغل 24 ساعة تشيل ذبيحه 35 لتر ومنفاخ هواء ثابت والايكوم والكنود واللمبات الاضافية في الكبوت وفصلت اثنين من الشواحن كلها على البطارية الجديدة وبدون ما تتاثر بطارية السيارة الاصلية

[الشيروكي]

فيه جهاز حلوووووووووو انا شفته مع واحد من الشباب وهو عباره عن جهاز فيه سالب وموجب ولو فضت البطاريه تشبكه بالبطاريه ويشحن البطاريه لك وتشغل السياره وانت مرتاح اتوقع قيمته تقريبا من 200 ريال وطالع

[dejjo]

السلام عليكم ورحمة الله وبركاتة
جزاكم الله خير على الموضوع المفيد
لي سؤال اذا امكن ماهو نوع الكيتاوت الجبد نوعه او اسم الشركة

[fahader]

اهلين

يمكن يفيدكم


http://www.toyota120.com/html/4runner_dual_batteries.html (http://www.toyota120.com/html/4runner_dual_batteries.html)


تحياتي

[alyos13]

سوافي الي يركبون البطاريه كل القطع صيني وكرسي البطاريه ما يصبغ بويه قلت للعامل ليش ما تصبغ الكرسي قال ماهوضروري تركيب البطاريه الحتياطيه قبل سنه للجب gxr مبلغ 500ريال والان يقلون 750ريال شوف الجشع:mad:

[الرهدن]

يعطيكم العافية جميعآ00

وأنا مركب عند مركز 4*4
طريق مشفى العيون (غربآ )بعد ماتتعدى جامع الملك خالد رحمه الله امسك الخدمة والمركز داخل المحطة
ولاأظن أحد يركب مثلهم ( إن كانوا على خبري)وعيبهم الغلا

0

[4800VTC]

ياشباب ناوي اسوي الطريقه اللي اشار لها الاخ مدور الربيع في الصفحه 7
ارجو من الاخوان افادتنا عنها مشكورين

[ونيس البرق]

الله يجزاك كل خير

ويجزى أخونا الخبير اللي دلنا على موضوعك الثمين

جزاكم الله كل خير ، وجعلها في ميزان حسناتكم

تحياتي لكم ... :)

[alkongrs]

جزاك الله خير والله يعطيك العافية

[ابوعقل]

مشكور

على المعلومات

[سرهيد]

موضوع يستحق الرفع

وسؤالي : اليس هناك صور لكل قطعة وضعتها اخي الكريم لتعم الفائدة

او اين اجدها بالضبط

[عاشق الفرفشة]

السلام عليكم

يا اخواني حسب فهمي للموضوع وقراءة كذا موضوع متخصص بالبطارية الاضافية وانا في محاولة تركيب بطارية بالطريقة اللي فهمتها واشوف ايش يصير وعلى حسب فهمي وعلمي ان الطريقة كالتالي :
1- التوصيل بين اصباع البطارية الأساسية الموجب إلى دقمة فورد او دقمة جمس موديل 80-88 . ( لاتنسى تحط فيوز 80 امبير بينهم )
2- التوصيل من الدقمة إلى اصباع البطارية الموجب للبطارية الاضافية .
3- توصيل الأرضي للبطارية الاضافية بالبودي .
4- توصيل الكهرباء لتشغيل الدقمة من الدينمو ( السلك اللي يروح للطبلون ويبين للسائق بتشغيل السيارة)
5- توصيل الأرضي للدقمة.
ملاحظات :
1- الدقمة لها اربع مخارج(واحد يدخل كهرباء وثاني يخرج الكهرباء وثالث لتشغيلها ورابع للتفرغ اللي هو الأرضي) وتقدر تشتؤيها من اي قطع غيار امريكي
2-عمل الدقمة هو توصيل الكهرباء عند التشغيل يعني يشحن البطارية عند تشغيل السيارة وليست على طول .
3- استعمل اسلاك توصيل نحاس ويكون حجم السلك 16 مل بين الآتي :
* بين البطارية الأساسية والدقمة
* بين البطارية الاضافية والدقمة
* الأرضي للبطارية الاضافية
4- اشتري اصابع اسلاك نحاسية
5- ضع شرائط عازلة للكهرباء على رؤس الأسلاك منعا للالتماس
6- روح لحقون تسيييخ الرديترات وحقون اللحام للرديترات وخليهم يلحموا رؤس الأسلاك بالرصاص عشين يكون السلك مضمون التوصيل وما يخرج السلك عن الرأس أبدا بإذن الله

اعتقد ان شرحي وافي وبإذن الله كافي على ردود اسئلتكم واذا كان هناك نقص فأرجو تنبيهي وافادتي ونحن كلنا هنا للتعلم والتعليم

وافيدوني بأسئلتكم جزاكم الله خير

شكرا لجميع المكشاتية

[.أبوصالح.]

السلام عليكم ورحمة الله وبركاته

أخوي في ورشة مشهورة جدا اسمها (سوافي)
مختصة للتجهيزات البرية أقترح عليك أنك تروح لها وأنا مجرب الورشة على موترين والثالث عقب أسبوعين إن شاء الله

[عاشق الفرفشة]

مع احترامي لكل اللي يدلون المكشاتية لسوافي وعلى حسب كلام البعض انه غالي وشايف نفسه

وانا من وجهة نظري تروح لكهربائي خبرة وفنان وتشرحلوا طريقة توصيل البطارية وهو يركبها لك حسب خبرته ولا يحتاج الى مبلغ وقدره 300 او اكثر

لأني سألت كذا كهربائي وقال يسويها بتكلفة مايقارب 250 ريال وهذا كان السليماني

اما الكهربائي الخطير والقديم والخبير في تركيب بطاريات الجموس القديمة الاضافية والتعديل في الكهرباء فاعتقد ان سعره حوالي 180 ريال فقط

ولكم الرأي والمشورة

[عاشق الفرفشة]

بالنسبة لكثير من الكهربائية والمكشاتية يقولون ان لازم نركب كتاوت او دقمه تقوية بين البطاريتين عشين يفصل بينهم لما تقفل السويتش بع السيارة

وانا اقول ان الدقمة ما تستحمل ان الكهرباء تكون متواصلة وهذا يحرقها حسب التجربة وكلام الكهربائية

والمفترض توصيلها بكتاوت تستحمل زي كتاوت بوش خمس خط و.... امكن يوصل وامكن لأ

وانا سويت فاصل او قاطع كهربائي يدوي ( افصله بنفسي واوصله بنفسي واريح بالي

وسوف اعطيكم الجديد

تحياتي لكم

[سوبر VTC]

بالعكس ونا اخوك احد زملائي معه باترول فاكه وكالة م99 سوبر سفاري و حاط دقمة للبطارية الاضافية و الى يومنا هذا مافي مشاكل
ايضا عمي معه جمس منذ 9سنوات و لا في أي مشاكل
الوالد الله يحفظه معه جيب منذ 4سنوات و لا في أي مشاكل
اعرف الكثير و الكثير كلهم حاطين دقمة و لا خربت
الدقمة بحكم انه شغالة مع السويتش على طول اكيد انه تبي تصير حارة بس ما خربت معنا
ايضا واحد مركب دقمة على كورولا2002 منذ ثلاث سنوات و حاط بطارية 120امبير حقت حراثة:D :D اصغر من حقت التريلة و لا في أي مشاكل طبعا البطارية كبيرة لان له مأرب اخرى و حاطه في الشنطة
انا ركبته بالجيب في الخلف 120 امبير و حطيت دقمة ب70ريال و سلك اردني 16 ملي طوله 4متر و يجي سعودي و نفس بعض المتر ب8ريال و ترى توصيله قوي لانه يشغل الجيب من دون البطارية الاساسية هذا اذا بغيت تفحص جودة السلك و التوصيل و عازل اسود او جرجور المتر ب3 ريال التكلفة الاجمالية تقريبا 120ريال و ترى الشغلة سهلة مهيب صعبة و انا مركبه بالبيت
و تشري الصفرة حقت راس السلك و انا اشوف ماله داعي تلحيم راس السلك اذا شغلك نظيف لان هاذي وسوسة من الشيطان
طبعا كهرب الدقمة تسحب من اقرب سلك طبعا السويتش مفتوح و تفحص بلمبة الفحص سعره ب15 ريال طبعا هي على شكل قلم اصفر و راسه زي الابرة و له سلك من الجهة الاخرى و تراه ممتازه تفيدك في فحص الفيوزات و فحص أي سلك في الغمارة او عند النور الخلفي او عند المكينة اما الماص تسحب من البدي
طبعا اذا طفيت السويتش تفصل الدقمة و هي افضل من الكتاوت لانه يخرب دايم و ماله امان يعني ما تدري اذا شغال او خربان بعكس الدقمة اذا فتحت السويتش تسمع صوته و انت بالغمارة
تحياتي:) :)

[سوبر VTC]

(صياغة الرد بشكل افضل) :)


بالعكس ونا اخوك كلام الكهربائي غير صحيح اطلاقا و لا عند


سالفة


احد زملائي معه باترول فاكه وكالة م


99 سوبر سفاري و حاط دقمة للبطارية الاضافية و الى يومنا


هذا مافي مشاكل




ايضا عمي معه جمس منذ 9سنوات و لا في أي مشاكل


الوالد الله يحفظه معه جيب منذ 4سنوات و لا في أي مشاكل


اعرف الكثير و الكثير كلهم حاطين دقمة و لا خربت


الدقمة و (الدقمة بحكم انه شغالة مع السويتش على طول اكيد


انه تبي


تصير حارة لانه موصلة للكهرب باستمرار) فاكيد تبي


تحتر بس ما خربت معنا


ايضا واحد مركب دقمة على كورولا2002 منذ ثلاث سنوات


و حاط بطارية 120امبير حقت حراثة:D :D اصغر من حقت


التريلة و لا في أي مشاكل طبعا البطارية كبيرة لان له مأرب


اخرى و حاطه في الشنطة


انا ركبته بالجيب في الخلف 120 امبير و حطيت دقمة ب


70ريال و سلك اردني 16 ملي طوله 4متر و يجي سعودي و


نفس بعض المتر ب8ريال و ترى توصيله قوي لانه يشغل


الجيب من دون البطارية الاساسية هذا اذا بغيت تفحص


جودة السلك و التوصيل و عازل اسود او جرجور المتر ب3


ريال التكلفة الاجمالية تقريبا 120ريال و ترى الشغلة سهلة


مهيب صعبة و انا مركبه بالبيت


و تشري الصفرة حقت راس السلك و انا اشوف ماله داعي


تلحيم راس السلك اذا شغلك نظيف لان هاذي وسوسة من


الشيطان


طبعا كهرب الدقمة تسحب من اقرب سلك طبعا السويتش


مفتوح و تفحص بلمبة الفحص سعره ب15 ريال طبعا هي


على شكل قلم اصفر و راسه زي الابرة و له سلك من الجهة


الاخرى و تراه ممتازه تفيدك في فحص الفيوزات و فحص أي


سلك في الغمارة او عند النور الخلفي او عند المكينة اما


الماص تسحب من البدي


طبعا اذا طفيت السويتش تفصل الدقمة و هي افضل من


الكتاوت لانه يخرب و يحتمي دايم و ماله امان يعني ما تدري


اذا شغال


او خربان بعكس الدقمة اذا فتحت السويتش تسمع صوته


و انت بالغمارة (وهذه ميزة)


طبعا شحن البطارية الاضافية يتم اخذ


الكهرب من نفس البطارية الاساسية لكن تكون الدقمه وسط


بين كهرب البطارية الاساسية و البطارية الاضافية


و كل الاشخاص السابقين لم يضعوا فيوز


لمن اراد الصور ينظر الى الرد في الصفحة السابقة رد رقم


(47) و (48)


و هذا رابط اخر بالصور


http://www.mekshat.com/vb/showthread.php?t=37714 (http://www.mekshat.com/vb/showthread.php?t=37714)


تحياتي:) :)

[وسم18]

بارك الله في جهود الجميع
واعظم لهم الاجر
موضوع جدا ممتع

[fox1]

الله يعطيكم العافيه ياليت تدلوني على كهربائي محترف يركبلي بطاريه اضافيه على افلنش شفر
ولكم جزيل الشكر

[مزاجي فوق]

اخوي حبيت اسئل كم ملي لزم لسلك وياليت تجاوبني يالربع لاني اشتريت 2.5 ملم وما ادري ينفع ولا توهقت به عشر متر خذيته

طبعا عندي محول كهرب تحت المتر قوه والله مدري كم بس قوي مو زي اللي تشبكه في الولاعه

[مزاجي فوق]

يعني على الاقل محدن طراه يعطينا معلومه صغيره لاهنتو يالربع

[الشغموم]

يا الربع الدقم اللي يقولون عنها الشباب ما تنفع لاني ركبت بدال الوحدة سبع حتى اني مره دبلتهن ودايم يخربن ما في شي افضل منهن بس يجن تماتيك وشكرا

[fox1]

اخوي الشغموم على حسب وصف واحدالله يجزاه خير شاري الكتاوت با25ريال من محل يبيع قطع التريلات في صناعية العويضه خذ الوصف ونت نازل من الدئري الشرقي في اتجاه الجنوب بيجيك مخرج 17 ادخل يمين في اتجاه الغرب كنك رايح الصناعيه تعدا اشارتين وبعده اطلع من فوق النفق بتجيك اشاره فوق النفق اطلع يسار ودخل خط الخدمه مباشره مع اول فتحه بيجيك مسجد على يدك اليمين لف قبل المسجد يمين يسير المسجد يسارك استمر لين يجيك اول مديور يرجعك للمسجد قبل المسجد تشوفه يمينك اضاهر اسمه با وزير المهم فيه( با) اطلب منه كتاوت فورد قله ابغا اركبه للبطاريه الاضافيه انشاالله يكون وصفي واضح تحياتي للجميع

[ملاهد]

جزاك الله خير

[نبض البوسنة]

مكشوررررررررررررررررررررررر

[الموقر 1]

ابغاء اركب بطارية ثانية
وموتري باترول افيدوني
مين يركب لي ولكم جزيل الشكر
اخوكم ابوراشد جوال 0504897773

[بن قاسم 1]

ابغاء اركب بطارية ثانية
وموتري باترول افيدوني
مين يركب لي ولكم جزيل الشكر
اخوكم ابوراشد جوال 0504897773
أخوي أبوراشد ما لك غير السوافي في الرياض شغله ميه ميه وهذا جواله 0505288840 أبوعبدالله

[سوبر VTC]

اللي يبي يركب
ببريده
فيه العثيم بصناعيه الرواف
موفقين

[HITLER 006]

[مشاء الله , موضوع ممتأز , جزأك الله خير , أنشاء الله أذا فضت البطاريه أشبك الثانيه بدال الدف ونتع.............]]

[قرناس ارامكو]

جزاكم الله خير

[sg'hk]

#2 (http://www.mekshat.com/vb/showpost.php?p=17863&postcount=2) http://www.mekshat.com/vb/images/buttons/report.gif (http://www.mekshat.com/vb/report.php?p=17863)
http://www.mekshat.com/vb/images/statusicon/post_old.gif 09/08/2002, 03:12 AM
الخبير (http://www.mekshat.com/vb/member.php?u=81) http://www.mekshat.com/vb/images/statusicon/user_offline.gif

http://www.mekshat.com/vb/images/ranks/medal4.gif
تاريخ التسجيل: Jul 2001
المشاركات: 1,570
http://www.mekshat.com/vb/images/reputation/reputation_pos.gif


تسلم يا مكشات
معلومات مهمة

[نباك]

الله يعطيك العافيه

[برق الليل]

أتمنى من الأخ الكريم لو طرح صور لطريقة التوصيل يكون أوضح وخاصة مع وجود بعض الناس ما يترددفي القيام بهذه التجربة مثلي ويمكن يجيب العيد في سيارتة

ولكم مني جزيل الشكر والتقدير

[ابو علي 515]

يسلمو طريقه حلوه

[a1Ruwais]

جزاك الله خير

[7767]

ياسلام عليك
تسلم والله

[ذيب النجيل]

السلام عليكم ورحمة الله وبركاتة

انا رحت لكهربائي وقلت له ابي تركب لي بطارية ثانية على لاند 97 وقال اشبكها على طول مع البطارية الاولى وقلت له مايصير لازم كتاوت او شغلات انت يالكهربائي اعرف فيها مني وقال لا انا مجربها على سيارة واحد من زبايني وشغالة بصراحة ماعجبتني فكرة الكهربائي فقلت اسأل اخواني في مكشات هل تشبيك البطارية الثانية مع البطارية الاولى باسلاك مباشرة بدون كتاوت يضر ام لا وانصحوني وين احسن كهربائي له خبرة بهالشغلة بتبوك ولكم مني كل الشكر

[هاوي نجد]

مشكور على جهودك

[PATHFINDER 4]

مشكور بس انا مسيكين موتري باث وزحححححححمة تحت الكبوت :)

[لاتكب البيالة]

السلام عليكم ورحمة الله وبركاتة

انا رحت لكهربائي وقلت له ابي تركب لي بطارية ثانية على لاند 97 وقال اشبكها على طول مع البطارية الاولى وقلت له مايصير لازم كتاوت او شغلات انت يالكهربائي اعرف فيها مني وقال لا انا مجربها على سيارة واحد من زبايني وشغالة بصراحة ماعجبتني فكرة الكهربائي فقلت اسأل اخواني في مكشات هل تشبيك البطارية الثانية مع البطارية الاولى باسلاك مباشرة بدون كتاوت يضر ام لا وانصحوني وين احسن كهربائي له خبرة بهالشغلة بتبوك ولكم مني كل الشكر
السلام عليكم
شف يالغالي تشبيك الاضافية على العادية على طول افضل شي من وجهة نظري لكن تضع بينهم فاصل يدوي اذا كنت متجه للبر تشبكه عشان تشحن ثم تفصله هالطريقة اولا ما تبي شغل واجد ثانيا تعيبش معك البطارية الاضافية عمر اطول لانه ما تشحن بإستمرار

[ذيب النجيل]

ياشباب ماتخبرون لي كهربائي كويس ((بتبوك ))

يركب بطارية ثانية ويشبكها ويكون خبير بتشبيك البطاريه الثانية

ولكم مني جزيل الشكر

[وليه ياباشا]

السلام عليكم ورحمة الله وبركاته
بالنسبه للبطاريه الأحتياط فنحنو مجموعه مركبينها منذو اكثر ون اربع سنين وسيارات مختلفه فيها الجيوب بانواعها وفيها يكون جمس وانا صابه ولا شفنا من الله شر لله الحمد



اخوكم المحب - الدرعاوي

اخي الكريم السلام عليكم ورحمة الله وبركاته
عندي ملاحظه على مشاركتك بالموضوع الا وهي
كلمته التي لونتها بالون الاحمر عن الله سبحانه وتعالى
اخي الله يغفر لك
الله تجلى في علاه مايجي منه شر ولا عمر ذكر لنا انه يجي منه سبحانه شر
فالشر اخي الكريم ما يجي الا من انفسناء نحن والشيطان اما الرحمان فما يجي منه إلا كل طيب وكل خير لانه طيب وهو صاحب الجود والكرم
فارجوا غفر الله لك ذلك ان تتدارك مشاركتك وتحول تعديله وتبدل الكلمه بكلمة ماشفنا من الله الا كل خير وفضل
مع تمنياتي لك وللجميع بكل خير من الله سبحانه
محبك بالله : وليه ياباشاء

[ابومزعور]

جهد يذكر فيشكر ., ,

يعطيك العافية ونحن بحاجة الى العمل بانفسنا ...

[ابو نواف المطرفي]

يعطيك العافية ..


- ماعندك خلفية كيف ووين تركب البطارية الاضافية للباترول موديل 97

[سنعوسي111]

بارك الله فيك

[saad52]

ياخوي مالها اي اضرار للسيارة

[الراقي 999]

يعطيك العافية

[رفيق الأمل]

جزاك الله خير ومشكور للمعلوية

[nano13]

مشكور ويعطيك الله العافيه

[رحال7]

اخي الكريم السلام عليكم ورحمة الله وبركاته
عندي ملاحظه على مشاركتك بالموضوع الا وهي
كلمته التي لونتها بالون الاحمر عن الله سبحانه وتعالى
اخي الله يغفر لك
الله تجلى في علاه مايجي منه شر ولا عمر ذكر لنا انه يجي منه سبحانه شر
فالشر اخي الكريم ما يجي الا من انفسناء نحن والشيطان اما الرحمان فما يجي منه إلا كل طيب وكل خير لانه طيب وهو صاحب الجود والكرم
فارجوا غفر الله لك ذلك ان تتدارك مشاركتك وتحول تعديله وتبدل الكلمه بكلمة ماشفنا من الله الا كل خير وفضل
مع تمنياتي لك وللجميع بكل خير من الله سبحانه
محبك بالله : وليه ياباشاء


جزاكم الله خيرا اخى على التنبيه واعتقد الكاتب يقصد وما شفنا شر الحمد لله

[هاوي البر]

جزاك الله خير
اغلب المحلات ياخذون 500 ريال تركيب فقط شغل يد ومع البطارية 700 ريال 500 غاليه بالنسبه للشغله هل فيه واحد سعره معقول وشغله ممتاز ياليت تدلونا عليه

[mr vip]

http://i468.photobucket.com/albums/rr43/sayedmido3/q50.gif

[محمد-الرس]

حاول تركبها عند كهربائي----- وكاسره

[سوبر VTC]

جزاك الله خير
اغلب المحلات ياخذون 500 ريال تركيب فقط شغل يد ومع البطارية 700 ريال 500 غاليه بالنسبه للشغله هل فيه واحد سعره معقول وشغله ممتاز ياليت تدلونا عليه


فيه كهربائي سعودي سليمان الخطيب بورشة التركي
تخصص نيسان طبعا يركب بطارية اضافيه
ان بغيت رقمه علمن
و يوجد ورش ببريده تركب

موفق

[ابوصالح77]

جزاك الله كل خير

[طرقي 555]

السلام عليكم

يالربع دلوني على ورشة بالدمام او الخبرتركب بطارية اضافية وكم تقعد الانوارشغالة اذاكانت 4نجفات قوة 11وات يعني تقريبا 50وات واذاطفت اشغل السيارة لين تشحن البطارية الاضافية وكم المدة عافاكم الله

[بكر الداعي]

نشكر الاخوان على ماقدموه من معلومات عن البطاريه الاضافيه ونتمني منهم تنزيل صور مفصله من سياراتهم عن البطاريه والكتاوت كيف تشبيكها والله يبارك فيهم ولهم جزيل الشكر والامتنان نحن في انتضار الصور بارك الله فيكم

[الاشهب 507]

مشكور على الموضوع المفيد

[صاحب الذود]

السلام عليكم

اللي يخبر ورشه شغله زين في الرياض يذكرها

[كاريرا]

السلام عليكم

اللي يخبر ورشه شغله زين في الرياض يذكرها

نبي احداثيات او اسم او شارع

ابي اركب بطارية اضافية

[ابوعمر القاسم]

البطاريه الاضافيه كلن وله راي فأنا رأيي انها خساير
١- خطر على الدينمو
٢-خساير كون انك تغير بطاريتين في السنه
٣- الآن نزل شيء اسمخ مخزن طاقه في حوالي ١٢٥ الف امبير وفيه فيش ثلاثي و مداخل usb وفيه اشتراك...
وسعره حوال ٢٠٠ ريال
٤-اللمبات led ما تصرف بطاريه لو تشغلها ٥ ساعات انت في أمان انشاءالله
٥-اما بخصوص الثلاجه اذا انت مصر اشترلك ثلاجه الي تحط فيها ثلج واسعارها تتراوح من ١٥٠-٥٠٠ بالحجم الي تبي واشتر لك ثلج ب٤ريال و اذا صارت ثلاجتك كبير حط فيها ١٢ ريال ثلج وتصبر ٣ ايام هذي كفيله لاغلب الناس
كذا تكون وفرت دراهم البطاريه الاضافيه والثلاج الي اسعارها من ١٨٠٠ وفوق
(وهي وجهات نظر كلن له وجهت نظر ومهوب شرط تعجبك وجهت نظري)