سؤال عن حافظات الثلج أو( الصبارة )

[تركي الضرغام]

السلام عليكم ورحمة الله وبركاته

حيا الله كل الشباب
وش لونكم طيبين نشاء الله

ما أطول عليكم سؤالي عن حافظات الثلج هل يوجد أنواع زينه ومجربه تحفظ الثلج لأطول مدة

قد يقول البعض طيب عندك ثلاجات اللي عن طريق البطاريه أنا مع صاحب الفكرة ولكن إذا كانت السيارة ( حوض ) قد لا تتحمل مثل تحمل الثلاجه الأخرى.

والله يجزاكم خير

[كشات]

http://www.geocities.com/hraaar_1/1100218787_starting_word.gif

اخوي الغالي
البارود1997

هناك نوع امريكي ماركة Gott
بالنسبه لي هذا افضل نوع لحافظات الثلج

ما ادري ان كان فيه اشكال جديده منها
الزينه وصفها مماسكها منها وفيها ما تنسفط

وعلى فكره
موت الثلج هو الهوا اذا دخل الحافظه
اذا تبي نصيحه
فيه عوازل يستعملونها محلات زينة السيارت عباره عن لفه من الاسفنج رقيقه وباحد جهاتها ماده لاصقه
وممكن تحصل هاللفه عند ساكو تستعمل لوضعها على محيط تجويف ابواب البيت لمنع دخول الغبار

اذا لقيت هاللفه لصقها في تجويف باب الحافظه من الداخل حتى اذا صكيت باب الحافظه زين مايدخل هوا وخصوصا اذا كانت الحافظه خارج السياره اثناء السير (بصندوق السياره) مثلا مع مراعاة وضع خيشه مبلوله فوق الثلج اذا كان فيه مجال بالحافظه

واذا بغيت الثلج يطول اكثر
لاتستعمل ثلج الاكياس ولا ثلج مبشور افضل شي لطول بقاء الثلج هو القوالب الكبيره وكل ماكانت القطع كبيره كانت فرصة ذوبان الثلج اقل مع مراعاة تفريغ الماء الذايب من الثلج باستمرار

هذا مالدي من معلومات والشباب عندهم خبره اكثر ويفيدونك اكثر مني

[تركي الضرغام]

جزاك الله خير يا أخوي على المعلومات

بس أنا عندي ملاحظة بسيطه النوع اللي قلت الأمريكية ( Gott ) منقطعه من السوق لها فترة .

ما لنا يعني إلا القصدير أو العازل اللي قلت.

على العموم بيض الله وجهك

والشباب لا يبخلون علينا بأرائهم ومرئياتهم

[ابو فص فص]

فيه نوع امريكي ممتاز اسمة كولمان صراحة حلو جدا


وفيع اماراتي يمشي الحال


هذا ما احببت ان اضيفه هنا

[المموه]

بسم الله الرحمن الرحيم
اخواني
السلام عليكم ورحمة الله وبركاته
حافظات Goot فعلا منقطعة عن السوق والامارتيات سخانه ولا تنفع الثلج مايقعد ساعتين .وفعلا افضل مافي السوق الان هي حافظات كولمان . وانا انصحك بثلاجات البطاريه حتى لو معك ونيت . سيارتي ونيت ومثبت الثلاجه فوق التانكي بشدادات تباع بالغرابي عند المحيميد ومرتاح .

[أبو المثنى]

طيب keep cold هل هي جيدة؟؟

[ابو فص فص]

طيب keep cold هل هي جيدة؟؟


اخوي هذي الامارتية اللي نقول عنها

ويقولون تهرب التبريد كما قال اخوي المموه

وعليك بكولمان ووكيلها الظاهر في شارع الستين