هدد 2005

[اليورو تو]

معروض علي جيب هدد2005
فل كامل خلفيه وفتحه ومكيفين
ممشاه 200000 كم اللون ابيض
وارد قطر وش رايكم يالربع اولاً بالموتر
هل مواصفاته وقوة تحمله ومباعه بالسوق
مناسب ثاي شيء سعره الرجال حاده 95000 الف
تكفون يالربع افزعولي بالراي تراي غشيم بالدفع الرباعي
والله لا يحرم الجنه كل من دلني الخير

[اليورو تو]

على فكره القير عايدي

[ابو شدون]

ياهلا وغلا فيك
الهدد عامه مرغوب والمطلوب اكثر هو وارد اليحي اللي يجيك الدبل عصا بدون زر
والموتر اللي معرورض عليك سعره مناسب وحلو جدا اهم شي نضافة الموتر لابد يكون منضره حلو ولاقد جاه فلتر ولا هدرز ترا اذالموتر مجلود ينشب بحلق الواحد
وركزعلى ديكورات الموتر من داخل وشف بطن الموتر لايصير فيه صدا
واذ الموتر فيه ريش طيور بكثره ابعد عن الموتر احتمال يكون موتر مقناص واهم شي لابد يكزن الموتر بدي وكاله يعني لابويه ولاسمكره
والف مبروك مقدم

[قنااااص]

الله يقسم لك اللي فيه خير وخيره

استخر ربك وإن شاء الله يسيرك للي فيه خيره

أفضل من غيره

[قنيص غير]

الله يرزقك من واسع فضله

[اليورو تو]

ابو شدون الله يعطيك العافيه ويكثر من امثالك كفيت ووفيت

قنااااص الله يجزاك الجنه

رمال متحركه مشكور على الدعوه الطيبه

ويالربع اللي مجرب لا يبخل علينا بالراي والمشوره

[شاص]

الهدد ما عليه كلام .. أهم شي نظافة الموتر ولا يكون جاه تعديل أو طرد في مقناص ويكون بديع سالم من الرشوش والصدوم وكذلك القير والمحركات وسالم من الصدأ ..

وإذا مالك نظر بالموتر تواصل معي على الخاص لاهنت