افضل محل قرصان ؟؟

[الطريبي]

السلام عليكم

صباح | مساء الخير جميعا

بما ان الموضوع مهم للكثير ويبي مشاركات من الاخوة

نبي رايكم في افضل محل يصلح القرصان

وابيكم تبدون في مدينة الرياض

ولا نستغني من ارائكم

تقبلو التحية والتقدير

[عبدالمحسن 1]

ابو يمن يبطي ما يسوي قرصان محترم في المطاعم ..
افضل قرصان اذا جاك من حرمة من نجد .. خصوصا لما يكون من الحوطه .. مشهورين في القرصان اللي عليه الكلام .. فيه بعد القصيم قرصانهم معتبر ..
تحياتي لك
وعلى فكره في بعض ربات البيوت يعملون قرصان منزلي باسعار محدده
ابحث عنهن .. خصوصا في المواقع الاعلانيه مثل مستعمل وغيره ..

[ساحووق]

ماازين من قريص امويمتك خل المطاعم عنك طال عمرك كلهم بنقاليه وزيوود وش عرفهم للقرصاان؟

[مشعل العيسى]

ماازين من قريص امويمتك خل المطاعم عنك طال عمرك كلهم بنقاليه وزيوود وش عرفهم للقرصااان؟
اخوي راعي المصاغير هذا والله الكلام الصحيح ...

لكن من باب التغيير ...
انا اخبر من فترة فيه واحد باكستاني شغله طيب ومكانه عند مكتبة مدار الوطن .. وعندك بعد في هايبر بنده اللي طريق الملك فهد بعد اسواق العويس وانت متجه للشمال عندهم قرصان رطب ومميز ..
والشباب مايقصرون ان شاء الله

[s.n.a]

انا اقول ان قرصان امك احلى واطعم و ان كانك تبي مطآعم فـ خذ العميد طعم يفقع الراس طعم يخليك طوطي

[ياعين ابوي]

أخوي نصيحه مني لك ,, طحين القرآصين لك عليه شوي .. ماله طعم ومايعجبني .. نصيحتي انك تأخذ طحينك الخاص فيك وتعطيه القرآص يسويه لك قرصآن .. بس لآزم تقابله علشآن مايغشك ويخلطه .. والآ اذا تعرف حريم يقرصون ممكن تعطيهم الطحين وياخذون منك شغل ايديهم .. بصرآحه أنا لآ أثق بأي أحد .. والله يوفقك .