الثريا

[sbider2002]

السلام على الجميع ياشباب ابي جهاز ثرياء وانا حصلت في الدمام محل الرماية جهاز كوري ب 2300 ريال ولاكن بشريحة امراتية والسؤال هل يشتغل على موبايلي وشكرا

[القطاوي490]

اللي اعرفه انه يشتغل على الشريحة السعودية سواء الاتصالات او موبايلي الفاتوره اذا كنت حاط خدمة التجوال الدولي اما شرائح الشحن والله ماعندي خلفية عنها

[مزاجي]

السلام عليكم ورحمه الله وبركاته

اسمع نصيحه واحد مايبي منك غير الدعاء له ولوالديه ابعد عن الاجهزه الجديده ماتسوى ...

خلك على الهيوز القديم 7100 او 7101 او القديم مره اسكوم وكلهم من شركه الثريا بس منقطعين منت لاقي جديد بس دور على مستخدم نظيف مافك وسعرهم من 1500 الى 2500 حسب النظافه

انا كان معي الجديد الصغير اللي بدون كمره زهقني شاريه بحدود3000 ريال وبعته بحدود 1100 ماستخدمته الا قليل

المهم خذ الوصيه والله يوفقك بالجهاز النظيف واذا تبي ادورلك انا حاضر

[هاوي القنص505]

وانا اخوك انا معي الصغير الرصاصي ولا احسن منه شاريه من الرياض بـ900 مستعمل يرسل رسايل ويخزن ارقام
ويستقبل الرسايل بالعربي زي الجوال العادي وانتبه ترى في شي احرفه انقليزي يكتب الرسايل بالانقليزي
وسعره معقول وقطعه متوفره
وبنسبه لشريحه لا تاخذ الا المخصصه له تراها بالدولار والارسال الدقيقه بـدولار 1 والاستقبال مجاني
اما اذا ركبت الشريحه اللعاديه تاكل الرصيد اكل لاوتراها تصرف على الارسال والاستقبال وشحنها بـ75 ريال 20 دولار و10 دولار بـ 40 وانا اشحنها ثنتين ام 75 ودقه وتسكيره