يالنشاما استفسار وارجو الافاده

[الرحال 33]

السلام عليكم ورحمه الله وبركاته

ياصقاقير مكشات

تحيه طيبه وبعد


انا عندي طير بكر فارسي

الطول 17*17

حبيت اقولكم معلومات الطير عشان اقولكم شنو مشكلته


الطير مانقد عليه بشي لا بالجناح ولا بالعلف

ويتفلا ويروبج ووضعه طبيعي

واحرص اني اشربه ماي بشكل يومي قبل المدعي واخر المساء

المشكله اني ملاحض ان الطير اذا فرعته علي الوكر اعيونه تغور ( يعني تقل يبي يقمضها)
طبعن العينين الاثنين

ولقربت له او وريته العلف يبطل عيونه وجنه مكاكو شي
واذا تركته تشوفه تقل مريض عيونه تقور

مادري شنو الي فيه فحصته تكرمون مرش ومنظار سليم

لكن مشكلتي كلها بعيونه يعني مو مثل باقي الطيور الله يستر عليها علي الوكر وتشوف عيونها نفس الفناجيل

فشنو الحل اكثر الناس تقول عطش وانا حارس عليه من ناحيه الماي وهم عيونه تقور

ووقت الهدد ولما يطرح اجيه اشوف عيونه اقول مشالله ولاجنها له العين
واذا علي الوكر وماكو شي ترد عيونه جنه يبي يقمضها مغوره


فياربع شنو برايكم هاذي طبع بالطير ولا الطير فيه شي فياليت الافاده

شرحي طويل السموحه حبيت اشرح بس عشان يكون شرحي فيه اجابه لبعض الاساله لكم

فاابي الحل وشاكرلكم

[شرهاب ليبيا]

و الله أعلم أنه طبع, طالما هالعادة مش جديدة عليه يعني لها وقت مستمرة معاه و مش مأثرة عليه في أي شي, و فيه طيور اللي تكون مستأنسه جدا و تقعد مفرعة عالوكر في البيت و لا تتحرك و تغمض عيونها و تنام أحيانا.
إن شاء الله طبع مادام أنك فحصته و ما لاحظت عليه أي تغير, المهم الفعل في الهدد و المقناص.
دمت كما يحب الله لك

[عبدالرحمن ‍]

وعليكم السلام ورحمة الله وبركاته،،

قد يكون مثل ماقال اخوي شرهاب ليبيا.. ولكن للتأكد أكثر اعمل جميع التحاليل.. والتركيز على تحليل الدم.. والتأكد من عدم وجود مقاومة لكريات الدم لأي مكروب وإذا كانت النسبة طبيعية يعني انه لا يوجد ميكروب بمشيئة الله،، وثم فحص السالمونيلا، وأخيرا يمكنك عمل اشعة للتاكد من عدم وجود التهابات او اجسام غريبة في جسم الطير.. وبإذن الله مافي طيرك ألا العافية

تقبل مروري

[سماء نجد]

اذا من ناحية الماي تقول ماعنده مشكله يشرب .
وتحاليله كلها سليمه .
احتمال زود ولف بالطير .
بس فيه شغله ابتاكد منها
س / اذا كان على تكاية الموتر او على كفك نفس الطريقه ولا لا ؟
ارجوا الاجابه وانا متابع معك انشاء الله

[قرناس شماالي]

و الله أعلم أنه طبع, طالما هالعادة مش جديدة عليه يعني لها وقت مستمرة معاه و مش مأثرة عليه في أي شي, و فيه طيور اللي تكون مستأنسه جدا و تقعد مفرعة عالوكر في البيت و لا تتحرك و تغمض عيونها و تنام أحيانا.
إن شاء الله طبع مادام أنك فحصته و ما لاحظت عليه أي تغير, المهم الفعل في الهدد و المقناص.
دمت كما يحب الله لك

:good2::good2:

[الرحال 33]

اذا من ناحية الماي تقول ماعنده مشكله يشرب .
وتحاليله كلها سليمه .
احتمال زود ولف بالطير .
بس فيه شغله ابتاكد منها
س / اذا كان على تكاية الموتر او على كفك نفس الطريقه ولا لا ؟
ارجوا الاجابه وانا متابع معك انشاء الله


لا اعيونه تكبر ولا جنه فيه شي وقت الهدد او وقت واهو يعلف ولا جنه ينوس شي

[سماء نجد]

يارجال طيرك مابه إلا العافيه انشاءالله وهاذي (( ولف )) بالطير ,,,
لا وبعض الطيور تلقا ليا صار راعيه حوله او جاء مقبل عليه من زود ولفه ينـغـق نـغـقـه خفيفه وهو طول اليوم مابه بلا وبعضهم يتضايق منها وهي ( طبيعيه جدا ) .
على العموم موفق وجعله من طيور السعد .
وحفظك الله انت وطيرك من كل مكروه