سمكة الإدمان ... السبيطي

[ابوساره3]

إخواني رواد وأعضاء مكشات ...

مساكم الله بالخير ..

هذي أول مشاركه لي معاكم ،، ويشهد الله اني من المتابعين لهذا المنتدى الطيب من فتره طويله .. وبما إني اعشق حاجه اسمها >>> سبيطي <<<

حبيت يكون أول موضوع لي معاكم في المنتدى عن حبيب قلبي السبيطي ...

بالذات ان هالفتره والفتره الجاية مع البرد يزيد فيه حداق السبيطي أكثر وأكثر ..

عشان لا أطول عليكم هذي طبعا كم صوره أرشيفية من الشتوية اللي فاتت واللي كانت ولله الحمد عامره بالسبيطيه .. (طبعا الصور حقة طلعة وحده بس)

http://www.mekshat.com/pix/upload04/images185/mk184982_15737_105925516089077_100000148866486_156 531_4986560_n.jpg

http://www.mekshat.com/pix/upload04/images185/mk184982_15737_105925519422410_100000148866486_156 532_3621581_n.jpg

http://www.mekshat.com/pix/upload04/images185/mk184982_15737_105925526089076_100000148866486_156 534_6434948_n.jpg

وهذا عبادي :mad:"قاهر السبيطية الصغير"

http://www.mekshat.com/pix/upload04/images185/mk184982_15737_105925529422409_100000148866486_156 535_4096709_n.jpg

تحياتي لكم جميعا
أخوكم/ ابوساره

[قبقب طفشان]

"

يالبييييييييييييييييه بس
هذا السبيطي إللي يطيّب الخاطر والا بلاش
ماشاء الله تبارك الله
وربي يخلي لك البطل عبادي يابو ساره
بس ياليت تفيدنا عن الطعم اللي استخدمته ..
وعن المكان اللي صدت فيه ..


:good2:

[amam977]

ما شاء الله..السبيطي ويا سلام على صيد السبيطي...ممكن تفيدنا عن الموقع ..تحياتي

[abubassel]

ماشاء الله تبارك الله

أنا دائم أطلع بالقارب في منطقة الشعيبة أكثر من 15 سنة ولا عمري شفت مثل هذه السمكة ممكن أنها ماتتواجد في البحر الأحمر

أرجو من يملك الإجابة الرد علي

[سمبوك]

الله يعطيك العافيه ويجمل حالك في هالسبيطي الجميل والمشهي

ويسلمو

[فهد العوني]

إنشاء الله السنة ذي تكون عامرة بالسبيطي
يعطيك العافية

[حياتي البحر]

حياك الله اخوي وياهلا ومرحبا

واشكرك على الصور الرائعة

[حياتي البحر]

ماشاء الله تبارك الله



أنا دائم أطلع بالقارب في منطقة الشعيبة أكثر من 15 سنة ولا عمري شفت مثل هذه السمكة ممكن أنها ماتتواجد في البحر الأحمر



أرجو من يملك الإجابة الرد علي

اخوي هذا النوع يتواجد في الخليج العربي وبحر العرب مثل الناجل والحريد لا يتواجدان في الخليج بدا

[O M A A R]

مسسآك آلله بالنور والرضى أخوي أبوسسآرهـ

مً ششآء آلله تبآرك آلرحمن سبيطي حجم طيب

واللي يخلي لك الحوآت القآدم عبآدي بإذن آلله

وعليكم بألف عآفية

[جرح _الرياض]

ما شاء الله تبارك الله
وربي يخلي لك البطل عبادي يابو ساره
بس ياليت تفيدنا عن الطعم اللي استخدمته ..
وعن المكان اللي صدت فيه ..

بس ياليت تفيدنا عن الطعم اللي استخدمته ..
وعن المكان اللي صدت فيه ..

بس ياليت تفيدنا عن الطعم اللي استخدمته ..
وعن المكان اللي صدت فيه ..

[زاحف بحر]

سبيطي رهيب

حجم طيب

عليك بالعافية

[ابوساره3]

الأخوان الأعزاء ،،، ألف شكر على مروركم وتعليقاتكم،، حاجة تثلج الصدر
والله يحفظ لكم عيالكم واللي ما بعد يجيه عيال الله يرزقه بالذرية الصالحه

بالنسبة للشباب اللي يسألون عن الموقع والطعم،،، غالي والطلب رخيص تامرون أمر

الموقع: فرضة متعب بالدمام ،،، وبالتحديد بين خفر السواحل وبين مطعم بسمه ،،، واللي يبي يعرف أكثر فالأغلب يسمونه طريق القوارب في كورنيش الدمام.

الطعم: جواف ، سلس ، ميد (هذي أفضل ثلاث جربتها مع السبيطي ولا أنسى القبقب )

الطريقه: المد ،، الإرسالية ،، المجارير على كلام البعض.

ملاحظه: هالشتوية بجرب طريقة أخوي "الكنعد" بالخبز الهولي،، وهذا ما يعني اني ما صدت بالعجين،،، لا بالعكس صدت بالعجين وتمام بصراحه،، بس لان الطريقه تحتاج صبر شوي ولا انسى أذكركم بكلمته "ما يصيد الا طويل البال"

أتمنى اكون وفيت،،، وحاضر لاي استفسار وبخدمتكم

تحياتي..،

[سداح الاول]

روعه يابو ساره

اما بالنسبه لعبادي يارب عبادي ولدي يكبر ويكون مثل عباديكم هذا البطل ههههه

تحياتي لك وانشاء الله السنه اكثر من العام في صيد السبيطيات

وعلى فكره يابو ساره انت شكلك تصيد فوق طرادي هههههه لان طرادي واقف في المنطقه الي انت ذكرتها يا ويلك ان كسرت شي فيه:D

[بحرالخبر]

ابوسارة تقرير روعة وسلفري يروع وخبرة اروع ماشاء الله عليك
ويخليلك سارة وعبادي والمقبل وأسأل الله ان يحفظهم ويحرسهم من كل شر
بوعبدالرحمن

[accentkool]

ماشاء الله تبارك الله
ارشيف سبيطيات جدا ممتاز
احجام xxxlعليك بالف عافية

[A B D U L L A H]

ماشاء الله تبارك الرحمن

صيد طيب ... والسلفر محلي الموضوع

الله يعطيك العافيه على هـ التقرير اخوي

تحيتي لك

[sea lover]

ماشاء الله تبارك الرحمن..

الله يبارك بصيدكم ويزيدكم من فضله..

تقبل مروري وتحيتي..

[ولد من ذهب]

ماشاء الله

عليك بالعافيه

[الوحش79]

ماشاء الله تبارك الرحمن يابو ساره
والله يخلي لك عبادي النوخذه

والله ياخوي يابو ساره انا لي 3 سنوت ماصدت شي (صاير صياد فاشل طايحن حظي)خخخخ
طبعا لي اكثر من 8سنوات وانا من محبي الصيد بالستاره والجله
بس عن جد هل 3 سنوات ماهنا شي الا الشي الصغير )-:

حتى المكان والطعم اللي قلته جربته
يمكن دقوني عين مثلا او مدين علي انا والسناره

ياحسرتي


وفالك طيب يابو ساره واعطنى من ابداعات صيدك ماشاء الله

[القنصل,,,]

يعطيك العافيه بوساره على هالحجام جعلهم بالعافيه

[dbdob]

ماشاء الله تبارك الله ابوساره الله يخلي لك ساره ويحفظها
وننتظرمزيدك وان شاء الله انزل الدمام وادورك في نفس المكان اللي وصفته:D
الله يوفقك وجميع المسلمين

[عوام 5]

عساك على القوه
ما شاء الله سبيطي على كيفك عليكم بالعافيه

[ناجل سمار]

وعليكم السلام عليك بالعافيه

[صياد متهور]

لسلام عليكم
مساك الله بالنور والسرور
ماشاء الله عليك سبيطية تبرد القلب
الله يحفظ لك عبادي قاهر اللسبيطيات
بالعافية عليكم

[White_Shark]

بسم الله ماشاء الله

سبيطي حجم طيب , الله يوفقك ويرزقك يارب !

الاحظ أخوي ابو سارة 3 إن حداقتك مرمية على الأرض وحاط عليها حجر , ليش ماتعمل لك " صيخ " حديد عند الحداد بهذا الشكل :

http://www.mekshat.com/pix/upload03/images140/mk57286_sbt1.jpg

تراه مفيد وعملي , وتقدر تعلّق عليه أكثر من بكرة .


الله يخلي لك عبادي وسارة , ويوفقكم يارب .
تقبل تحياتي .

[صياد الخبر]

بسم الله الرحمن الرحيم

الحمد لله رب العالمين

اللهم صلي وسلم على نبينا محمد وعلى آله وصحبه اجمعين

ما شاء الله لا قوة إلا بالله

احجام على قولتهم XXXL

صيد موفق

ودمتم

[قناص مميز]

كفوووووويابوساره عزالله انك وافي لاكن انا في الدمام وطلعاتي لصيدالسمك في المكان الي ذكرت وش اطعم الي تستخدمه وانشالله نشوفك في الموقع

[مدمن الأسماك]

بالعافية عليك انا بقه بعشق السبيطى اكتر منك بس سمكة فعلا ممتعة لأنها مش ليها طعم معين مرة تضرب على الميد ومرة على الربيان ومرة على صدور الدجاج وطلعتها بصدور الدجاج والسلس والميد صيدها والله فعلا ممتع جدااااااااااااااا

[معاند سيف]

صيد العوافي نوخذة بو ساره. تستاهل الخير.

[ابوساره3]

الإخوه الأعزاء تقبلوا تحياتي واحترامي وشكري العميق على المرور والتعليق وهذا التفاعل الرائع وهذه الدعوات الصالحه..

أخوي سداح الأول : لا تخاف على طرادك يالغالي بالحفظ والصون ،، انا اصلا قاعد اراقبه لااحد يسرق منه شي خخخخ
اخوي الوحش: فالك طيب ان شاء الله السنه ،،، قول آمين ان احنا نلتقي على السيف يوم من الأيام وأوريك طريقه متخرررش المية ،،، لازم تطلع لك سبيطي السنه بإذن الله.
اخوي dbdob: من الأسبوع الجاي دورني في نفس المكان وان شاء الله اتشرف بلقائك.
أخوي white_Shark: تسلم حبيب قلبي على النصيحه ،، وبيني وبينك ادري عن الطريقه بس الكسل مصيبه خخخخخخ،،، اتمنى نلتقي يوم من الأيام في طلعه تراك مجنني بالمجزره اللي عرضتها يانوخذتنا.
أخوي قناص مميز: الطعم ذكرت لك اياه في الرد السابق اللي هو (جواف ، سلس، ميد ) ويشرفني ان نلتقي يوم على السيف ونسوي معركه مع السبيطيه سوا.
اخوي مدمن الأسماك: والله انك صادق ان صيدة السبيطي ممتعه جدا،، أصلا انا احس انه يشبه القطو وذكاءه يعجبني،، يا ليتني مصور لك المنظر ليلة الخميس اللي فات ،،، حاط جواف كبير شوي ومركب ميدار بعد الخياشيم على طول وميدار ثاني في البطن نازل شوي (عادة استخدم الميادير الطافيه هالمره لسوء الحظ استخدمت اللامعه) وضرب عندي واحد لكن ما مسك،،، لو تشوف مكان فمه بين الميدارين بالضبط ،،، حاجه تحفه.. ساعات احس انه يتحداني ياشيخ... متعه والله متعه.

على فكره ياشباب ترى الوقت هذا مناسب للسبيطيه ،،، وفالكم طيب


تحياتي للجميع
اخوكم/ بوساره

[برمائي شرقي]

الله يعطيك العافيه على الموضوع
والله يهنيك على هذا الصيد الطيب
بصراحة صيد السبيطي يحتاج صبر وطولة بال

[ابوساره3]

تسلم اخو قلبي برمائي شرقي،،،

نورت الموضوع بطلتك ،،،

تحياتي

[maxamer]

يا سلام على اللون الفضي يذبح للسبيطي

والمعلومات اللي حطيتها يدل على حب الخير للناس اتمنى نشوف المعلومات مع بداية التقرير

[وليد الغربة]

حياك الله وبياك
ماقصرت ومشكور على التوثيق

وماشاء الله على قاهر السبيطي

اخوك وليدالغربة اليمن

[الفنطاس]

بارك الله فيك صيد طيب والسبيطي من الانواع الممتازة وطعمة لذيذ

[الفتى الأسمر]

الأخوان الأعزاء ،،، ألف شكر على مروركم وتعليقاتكم،، حاجة تثلج الصدر
والله يحفظ لكم عيالكم واللي ما بعد يجيه عيال الله يرزقه بالذرية الصالحه

بالنسبة للشباب اللي يسألون عن الموقع والطعم،،، غالي والطلب رخيص تامرون أمر

الموقع: فرضة متعب بالدمام ،،، وبالتحديد بين خفر السواحل وبين مطعم بسمه ،،، واللي يبي يعرف أكثر فالأغلب يسمونه طريق القوارب في كورنيش الدمام.

الطعم: جواف ، سلس ، ميد (هذي أفضل ثلاث جربتها مع السبيطي ولا أنسى القبقب )

الطريقه: المد ،، الإرسالية ،، المجارير على كلام البعض.

ملاحظه: هالشتوية بجرب طريقة أخوي "الكنعد" بالخبز الهولي،، وهذا ما يعني اني ما صدت بالعجين،،، لا بالعكس صدت بالعجين وتمام بصراحه،، بس لان الطريقه تحتاج صبر شوي ولا انسى أذكركم بكلمته "ما يصيد الا طويل البال"

أتمنى اكون وفيت،،، وحاضر لاي استفسار وبخدمتكم

تحياتي..،
الله يعطيك العافيه اخوي على هالصور للسبيطي والله يرزقنا جميعا
بس اخوي تبي استفسر منك عن ماس الخيط الي تستخدمه في المجارير وحجم الميدار وطريقة الارسال
وحجم الطعم كيف
ومشكور يالغالي

[rayan015]

ماشاء الله تبارك الله ! هذا السبيطي ولا بلاش

[عاشق الشعري]

ما شاء الله تبارك الله صيد طيب وسبيطي يجيب العافيه جعل معاه العافيه والله يحفظ لك عبادي ويطرح فيه البركه وتقبل مروري على عجل
ولك تحياتي
ابو جـود

[اسماعيل كمال]

ماشاء الله تبارك الله صيده حلوه
وعليكم بالعافيه

[قناص مميز]

انشالله نبي نتلقى وهذا يشرفني شكرا" على الافاده

[مهند220]

السبيطي
ذكي بس علي مين؟

[ابوساره3]

ما شاء الله على شباب مكشات ،،، يفتحون النفس بردودهم ويخلونك غصب تدمن على منتداهم

لكم كل الشكر والتقدير اخواني على مروركم وتعليقاتكم الطيبه ..

اخوي الفتى الأسمر: بالنسبة للخيط انا استخدم 100 ممتاز ويعيش فتره طويله معاك ،، مع انه الـ 80 والـ 90 جيد ويفي بالغرض. أما الميدار فأختار الميدار الفرنسي اللي لونه طافي ويكون ثلاثي وحجمه يشابه حجم الميدار العادي رقم 8. أما الطعم فلا يكون أكبر من حجم الكف. وبالنسبه لطريقة الإرسال في موضوع كامل عنها في المنتدى يعطيك التفاصيل بالصور وما قصروا الشباب بصراحه الله يعطيهم العافيه مهتمين في أدق التفاصيل.

وأي إستفسار .. حاضرين للطيبين

تحياتي

[الفتى الأسمر]

مشكور أخوي أبوساره3 ع ردك المفيد وبيض الله وجهك يالغالي

[ابوساره3]

مشكور أخوي أبوساره3 ع ردك المفيد وبيض الله وجهك يالغالي

ولوووو ... تامر أمر أخو قلبي