لاهل الخبره من اهل البل يالربع

[لاجلك انا]

السلام عليكم ورحمة الله وبركاته..


ياهل الخير والخبره..

انا عندي نياق ومن ضمنهن قعود وبكرة..

بهن جروح ع السبال تسمى القرفه..حبوب سود بين كبار وصغار

رحت للصيدليه وعطاني بخاخ وابر ولي شهر مافيه فايدة وش السواه يالربع..

ياليت من يعرف حل يقولي ياجماعه ..

[مساعد بن خالد]

اخوي البيطري الي رحت له جاهل

قد حصلت معي دور لك بيطري ثاني وقل له ابي مرهم وليس ابر

وتدهن به الجروح

وفيه حل ثاني حل هل البداوه الي مايعرفون البيطره

وهو تاخذ ليمونه وتقصها من النص ثنتين وكل نص لناقه

وهو تفرك هذي الجروح باليمونه فرك جيد

وانشالله تلقى الي يسرك

[الا مبراااطور]

الله يعينك

[الزمان مغبرنا]

هلا خوي انا قد شفت واحد من الجماعه سوى طريقه يقول انها زين مع كل الجروح الخارجيه ومنها الجرب الا وهي انك تجيب لك زيت محروق وتحط على قد الجرح ونت بتشوف الفرق لكن يمكن يكون المراح مليان من الدمن الله يكرمكم يعني لزم تنظفه كل فتره ...

وهذا اللي اعرف ارجو ان تستفيد من بعض المعلومات ولو انها قاصره واجد ...

[خالد الفالح]

هذي الحبوب تسمى البارده ولها اسماء كثيره وهي معديه
1- اعزل المصاب لوحده
2- افرك بالدهان وتلقى له ادهان عند البيطري ولا تهمله

[لاجلك انا]

الاخوان جميعا مشكورين..

وبسوي احدى الطرق انشالله يزين الله الحال.

[قزيزالنعام]

لاجلك انا يذ الابل تاكل وبطان معليها ويمكن الابل في ارض فيها سدر اوشوك كداد والبارده ترا ماتجي الى الحشوان الابل الكبيره ماتجيه البارده

[Hch]

يسمونها القرحه او القرفه وهي معديه صابة الابل عندي كلها من الفرد لكبر ناقه عندي كانت في ابل ابن حلال كان جنبنا وعدت ابلنا كنا فاالدهناء لكن يمكن الحاله اللي جات اباعري قويه لنها جات انتفاخات في الراس تجي المفرود لين راسه تقول كوره معبيه هواء منتفخ وهو اول مايجي مثل الحبوب على المشرب المطيه صح ولا لا ..
بعلمك بالعلاج الي نفع معي ماخليت شي ماسويته .
ابرة بنسلين شامل يوم بعد يوم +بخاخ ازرق حق الجروح يومي..
بعدين اعزلها لاتقرب الابل الثانيه تراها معديه وانتبه من الروائح العطر التايد ابو ريحت عطر وغيره تراها يستشم.. تعرف الكيس ابو ريالين حق المر جبلها عشره اكياس يوم بعد يوم يحطه لها في الحاض حق الماء وركز على البخاخ الازرق حق الجروح تراها عند عند الله ثم عنده ..

الاخوان اللي يقلون البارده البارده تجي وتروح لو ماتعلجها تروح لكن هذي الظاهر مامرت عليكم والله للتعيفون الابل هههه مايروح على يسر..

اتمنى اني افدتك
ابــــو مشـــاري

[المهند1433]

هذا مرض فيروسي نجس صعب طلوعه من البكار