وش افضل رصاص شوزن للارنب

[رفيق الصبر]

السلام عليكم ودي انشدكم عن افضل رصاص شوزن للارنب

وهل رصاص آرصي ون الايطالي الاسود 70 نمر 6 ممتاز
بس على تجريبي له ماهو ممتاز والناس يمدحونه
تكفون فيدوني

[سنا البررق]

اسمع اخوي الآرسي ماجازلي ابد لانه قوي شوي وصلف واحيانا ماتدري وين مرماه فيه لكن ابعطيك انواع حطها على الجرح يبرا رقم واحد وهو الشددت (الاخضر )36/6 الثاني الالمبي الاسود بس 36/6 الثالث الباتريوت 36/6 والكلسك البرتقالي 32/7.50 ممتاز للطيار وللحجايا وغيره ارجو اني افتك بالنسبة للطيور والارانب اخوك سناالبررق

[راعي مرزوقه]

فام رقم واحد يسوق ولايوجع تحياتي

[عاقر الحصان]

أنا جربت جميع الأنواع بضغوط وارقام مختلفةوجميعها جيدة للارنب الا نوع واحد نسيت اسمه لون الزرف أخضر 36/6 ماينفع بريال وعلى الفكرة الأرنب أدناة ماذبحها

[حكيم7]

والله يا أخوي أنا من وجهت نظري أن الفشق 36 /6 أو غيره قوي شوي على الأرنب

والأرنب ضعيفه أدن شي يذبحها فأنه أأيد 32/6 إذا توفر أو 32/ 7.5 وفيه نوعين

ممتازه :good2: الأول اللي هو التوردو البرتقالي

وفي لمبورو الأزرق طبعاً كل الإنثنين 32/7.5

هذي وجهة نظر وأتمنى لك أخوي رفيق الصبر وللجميع الصيد الطيب .

[Joey Tribbian]

من وجهة نظري انا خذ الفيكتوري الابيض 36/6 طيب للارانب اما 7.5 هذا للطيور الصغيرة قمري وحجل وسمان وغيره..وترى على حسب نوع الشوزن اللي ترمي بها

[ابو سفيان]

يازين الارتب لو تشيل اله يكرمكم تراب وتطشها به تموت على طول اي فشك يذبحها ان كنت تبي تعرف فشك خاص يعني ويكون جيد خذني انا راعي صنف بعطيك افضل 3 انواع ومدري تحصل او لا

عندك ريمنتجون الاخضر ابو خاتم اخضر في اسفل الفشك رقم 6 وزن 36 جرام
والكاكا الازرق من افضل الفشك الي مرعليه رقم 6 برضه وزن 36 جرام وهذا شخصين احبه لطيور الكبيره
والميراج الابيض رقم 6 وزن 36 جرام يا حلوه حلواه اصلن فشكته ودك تتفرج فيها الحديده نيكل وليست نحاس هذي من الفضل الفشك الي مرت عليه وغيرها كثير بس هذي افضل 3 انواع
بنسبه للارنب

[المقنع الكندي]

افادوك الخوان الله يوفق الجميع ان شاء الله