المساعد الشخصي الرقمي

مشاهدة النسخة كاملة : فزعتكم يا أهل vxr قبل لاينصب علي عبداللطيف جميل بالمدينه


بن بريك
27/10/2010, 06:31 AM
أسعد الله صباحكم بالخير
ياخوان امس وديت سيارتي vxr 2002 للشركه وطلبت منهم يكشفون على المساعدات وقال تهرب بس نصلح للك بقيمة 1700 وبعد الخصم 1260 ريال
قلت تركيب مساعدات بهذي القيمه قالوا نعم هذي فيها هيدروليك ولازم بعد تغير المساعدات نعمل وزنية ونقوم في تنسيم الهوا ونفرغ الهوا من المساعدات والفني ياخذ فيها مشوار ومشوارين الين يضبطها .
السوال : هل الكلام اللي يقوله صحيح لأني سألته كيف شكله جهاز التنسيم ابي اشوفه وما عند مشكله اسويها عندكم لو 1700 وقام يتلعثم بالكلام

ارجو بارك الله فيكم انكم تفيدوني اللي عنده خبره هل بعد تغير مساعدات الفكسار الهيدروليك قد يتعرض للاعطال لا سمح الله وهل تنصحوني اغرها عندهم

وفق الله كل من تعاون معي وعلمني
مغتراب
27/10/2010, 10:58 AM
والله انصحك توديها لمراكز مثل العضيب مختصين في الند كروزر . والا مراكز متخصصه في الهدروليك وشف وش ردهم وبعدين قرار . وبتوفيق اخوي
ابن سيف 18
27/10/2010, 11:17 AM
والله شف انا صلحت موتري من تحت كامل كلف فوق 4000
بس موب بالوكالة عند ورشة خبيرة
والصراحة بخصوص المساعدات ضروري توديه لورشة زينة وناس فاهمين
اسأل عن الورش الزينة وتوكل على الله
بس خلك حول موترك واقعد على روسهم
والصراحة حرام توديه للوكالة
لان الموتر موب جديد

هذا اللي عندي وسلامتكم
بدر الشويلعي
27/10/2010, 11:24 AM
الله يمسيك بالخير اخوي ابن بريك

اترك منهم انا رحت وشريت المساعدات من الرحيلي مع عامودين التوازن لزم علي الفحص تغييرها بس ناسي كم والله لاكن ماهي غاليه حيل

ووديتها وكالت رضوى الي امام مدينه التدريب طريق تبوك ولقيت الصيانه شغاله ولازالت تعمل

المهم ركبو المساعدات والعمودين بـــ 200 يال فقط لا وزن ولا شي نصابين النظام يوزن نفسه

وللمعلوميه سيارتي فل كامل هدروليك ومشيت من عندهم من احسن مايكون

ان شاء الله افدتك
بن بريك
27/10/2010, 11:40 AM
اخوي مغتراب جزاك الله خير ماعندنا العضيب بالمدينه

اخوي ابن سيف جزاك الله خير والله اللي خليني مهتم فالموتر صح قديم الموديل لكن الموتر ماشاء الله شيخ فل كامل وسيم مني والله ب 103 الف من شريطيه والا لو انه من الهرابيد سويته عند اقرب بنشر


اخوي بدر الشويلعي بيض الله وجهك ورحم الله والديك متى انت مسويها لاهنت لاني سمعت انه قفل مركزهم
بدر الشويلعي
27/10/2010, 12:15 PM
ووجهك ابيض ابو محمد

جزاك الله خير ورحم الله والديك

سويتها بشهر ثمانيه الي فات وهم شغالين تعال لهم بعد الساعه 9 الصباح وبتلقاهم ان شاء الله

اي خدمه انا حاضر
البدوي الفاهم
28/10/2010, 02:57 PM
مرحباااا باخوي
لاتغيرها بالوكالة ولا شي......
اشتر المساعدات من الوكالة اصلية قيمتها حدود 480الى 500 ريال
وركبها عند حقين المساعدات حدوود 120 ريال
ابرك لك
كلها مسمارين يفك ويركبها بمحل الاولة بس

تحياتي
بن بريك
28/10/2010, 07:05 PM
اخوي البدوي بارك الله فيك

لان فيه ناس غيروها ما ضبطو معيار زيت الهيدروليك وانت عارف المساعد بالفكس ار مرتبط بالهادروليك

ولو ما ضبط زيته بضر الهادروليك واللي قال لي الكلام رجل اعرفه بصيانت الوكاله يقول جاتنا سيارت جيوب لكزس وفكس ار يغيرون مساعدات برا بدون معايرة زيت الهيدروليك ثمن بعد فتره والا الهايدروليك خربان

والله اعلم
aaasss
19/11/2010, 12:51 AM
اخ بن بريك صبحك الله بالخير
ابي ارسل لك جوالي بالخاص وانا ادلك ان شاء الله
الموسيقار6
16/01/2011, 03:40 AM
القرار الاخير اي ورشة تركبها ولا لازم ورشة مختصة ؟؟
القارا
30/06/2011, 07:43 PM
أنا أبغى اغير المساعدات الاربع لان لها سنه تندي وطبعا هي هيدروليك وخايف من الورش فإذا فيه أحد يعلمنا كيف تنفك وينوزن الزيت ونصلحها في البيت ابرك ولكم جزيل الشكر