فشق متفجر ( بالزيت ) !!!

[AL999e3ry]

السلام عليكم و رحمة الله و بركاته


شحالكم يا الربع؟


طبعا هذي اول مشاركه لي في المنتدى و ان شا لله تلقى القبول...


انا من شهر تقريبا شفت واحد من الاخوان كاتب عندكم في المنتدى عن الصجم المتفجر... بس انا استخدم طريقه ثانيه... احط في فتحة الفشق من ورا بعد ما اركب الفشقه في الهوائيه زيت تليين دراكسون السياره( يعني زيت power steering) و جربتها و لاحظت الفرق في الاختراق و القوه و الصوت... عندي الفيديو و اريدكم اتشوفون الفرق بين الفشق العادي و الفشق المزيت... و اذا حد يعرف عنها يخبرني العيوب اذا وجدت... اترككم مع الفيديو


الرابط: http://www.youtube.com/watch?v=zVXCOMblsu4

[swead]

كلامك صحيح .. لاحظت أني يوم ازيت السبطانة وارمي بعدها أن الصوت يقل لأنها يقل احتكاك الرصاصة بالسبطانه ..

[AL999e3ry]

swead... هلا بك اخوي في الموضوع ... اللي قصدته مب لازم اتزيت السبطانه... بعد ما تركب الصجم في الهوائيه( الطلقه ) الفراغ الخلفي للطلقه اتعبيه زيت بقدر قطره وحده لا اكثر و اتشوف الفرق اتحس انك ترمي بسلاح ناري مع زيادة القوه و الصوت تزيد قوته... تخيل اني ارمي بطلقه من النوع العادي و الاختراق للحديده من الجهتين مثل اللي في الفيديو... لو انها طلقه مدببه او من الانواع السريعه و القويه شوه راح اتكون النتيجه... اكيد شي خرافي بالنسبه للهوائيه ... بس ابا اعرف هل فيها سلبيات هالطريقه؟! اللي يعرف لا يبخل بمشاركته و يخبرنا من خبرته...

[راعي الجمس200]

والله ماعندي معلومة عن الطريقة هاذي بس ان شاء الاخوان يفيدونك
وننتظر باقي الاخوة لاني شكلي بجرب الطريقة اذا هي فعالة
وليس لها اي سلبيات

[وكري نجد]

ان شاء الله اذا شرينا سلاح سويناها
ولا خلنا على طيورنا احسن

[ابو سفيان]

اول شي فكره طيبه ولا عليها اي شي من الخطوره غير في نقطتين انا ارى إنها قد تكون احد النقطتين خطيره وهي
1- طبعن التزيت لسبطانه في اغلب االحوال حمايه للسبطانه من التائكل لكن قد يختلط الزيت مع الغبار والاتربه ويسكر مجرى الحلزون ويبيلها تضيف بممراش النحاس وقد لا ينضف ويمكن تدخلها رطوبه وما شء الله ماء مع زيت صى يا سلام سلم

2- الزيوت المستخدم لسلاح او السياره او الفرامل او الطاره او اي زيت تبع محركات اليس سام قد يصل او اكيد يصل الزيت لصيده ويختلط في لحمها وحدث ولا حرج من الامراض والسموم الله يكفينا شر الامراض والسموم

بقلك شي لو الزيت ينفع السبطانه كان الخواجه سوو حجره لتزيت السبطانه ذاتين ولاهو صعب عليهم

تقبل مروري وتعليقي

[المقنع الكندي]

الله يوفق الجميع ان شاء الله

[AL999e3ry]

يا مرحبا بالاخوان و عجبني تفاعلكم في الموضوع...


ابو سفيان ... كلامك صحيح و 100% ... و خاصة عن التسمم نبهتني و تسلم شيخي... ترى التزييت يكون من خلف الفشقه فقط.. يعني مقدار قطره و لا تزيد ... انزين شوه رايك بزيت عافيه( لووول) راح اجرب و اردلكم خبر... يا جماعه اللي عنده يجرب و صدقوني راح يعجبكم الاداء... نبا مشاركات اكثر و افكار مثل اللي جابها ابو سفيان عشان نستفيد...

[AL999e3ry]

جربت زيت عافيه... اقوى من زيت السياره ... بما ان زيت عافيه يستخدم في الطبخ فما اظن انه راح يكون في تسمم... المهم لو كانت الرصاصه بسرعه 900 fps مع الزيت راح اتكون 1800 fps ... قريب ان شا لله بحاول اشارككم بفيديو

[مجنون نحم]

ماشاء الله بالتوفيق

[عقاب999]

تعجبني الأفكار اللي زي كذا..وااااصل يالذيب

[AL999e3ry]

الشكر لكل من شاركنا به الموضوع.. و شكر خاص لاخوي ابو سفيان اللي نبهني لقضية التسمم... راح اتحس انك ترمي بسلاح ناري...

[عاابر القارات]

جبتها يالذيب ماشاء الله عليك

نبي نجرب إنشاء الله

[الخزاعي2010]

معقول زيت
يقوي سرعه الطلقة
طيب هل يضر السبطانه

[عاابر القارات]

طيب أخوي ..

جرب أكثر من مره

لأن الطلقه الأولى ماتثبت شي

وعلى ماقالو الثالثه ثابته

[AL999e3ry]

ابشركم اخواني دوم ارمي و القوه ثابته... بالنسبه هل تضر السبطانه او لا... اكيد تقلل من عمر السبطانه لأن اتصير عملية احتراق داخلي... بس اللي عنده ديانا ما يشكي باس ان شا لله لأن الحديد المصنوعه منه متين... عندك مثال الـ M16 ما تقدر ترمي على طول فيه و لا راح اتخربه لأن الحديد يسخن.. طبعا مجرب على ديانا ار دبليو اس 350 ماقنم و عال العال... بس حاول انك ما ترمي و انت فمنطقه سكنيه راح يحسبونه ضرب نار...