دلوني على متخصص قير تماتيك

[يكفيني نظرة]

السلام عليكم ..
لو تكرمتوا ابي متخصص قير اوتوماتيك كويس وراعي ذمه لأني اتوقع ان قير موتري مولي..
السياره vxr 2002
بالرياض .

[يكفيني نظرة]

الحمدلله ان المشاهدات للموضوع 20 ولا واحد حتى دعا لي؟

[YUKON_GMC]

هلا .. اول شي ... المشاهدات ممكن تكون من زوار وليست بالضروره للاعضاء ...

ثاني شي اليوم تخبر الاربعاء واهل المنتدى كاشتين << واضحه من اسم المنتدى مكشات .. هههه

بالنسبه لي ماني من الرياض ولادل فيه الا ورش اصلاح الدبلات بالصناعيه القديمه

[بساط احمدي]

ياااااااااااا ربييييييييييييييه وششششششش اسمه .. وش اسمممممممه .... والله جالس نص ساعه وانا اتذكر اسمه عجزت اجيبه هههههههه

هي بالصناعيه القديمه بس اسمه عيا يطلع هههههههههه اغدين لا تذكرت اسمه اجيك طيرااااااااان

جيييييييده هي بالحيييييييل وامااااااااانه عز الله

[ملك الفكتوريا]

عطنا المشكله يمكن نفيدك يالغالي

[الوسام الذهبي]

ترايستار بكل صناعيه ..

والله يوفقك

[يكفيني نظرة]

اولا اشكر كل من رد وجزاكم الله كل خير..
ثانيا المشكله بالقير ماهي بالدبل (( تغييرات القير ماهي مضبوطه ومريت به على فلبينيين وقال لازم توضيب قير ب 6 الاف ريال )) ..
طبعا ممكن مايحتاج توضيب يمكن حساس ولا قطع بسيطه و6 الاف ريال مهيب شويه وانا سألت قلت يمكن القى واحد فاهم بهالامور..
واخيرا الله لايهينكم..

[بدوي جنوبي]

ممكن يكون القير سليم افحص عند ورش ثانيه
بعدين أبدأ بابسط الامور غير زيت وفلتر

[mmgarni]

السلام عليكم ..
لو تكرمتوا ابي متخصص قير اوتوماتيك كويس وراعي ذمه لأني اتوقع ان قير موتري مولي..
السياره vxr 2002
بالرياض .
السلام عليكم ورحمة الله وبركاته اذا تبي الشور الصح مايصح الا الصحيح انا شخصيا كان معي نفس الجيب حقك ياهو بهذلني بهذلة اول شي افحصة كمبيوتر تاكد من الحساسات واتوقع لو الحساسات فيها شي تولع لمبة بالطبلون بس تاكد
ثانيا لالالالالالاتووووووووووووووضضضضضضضضضبببببببببب لو كان مايكون ياخذون عليك 5000 والا 6000 وتجلس رايح جاي عليهم وتوجع راااسك وانت في غنا عنك ذلك
عليك بالتشاليح وشف لك قير انا شريت قير ب2500 ريال مع الرجيع ولا اروع بس تاكد انه ماقد توضب وخذ بطيختة معه وبضمانة 15 يوم وتركيب مع الزيت وفلتر 1000 ريال لا تقول مابتحصل ملييييانة التشاليح عندك بالنسبة للزيت لا تغيير الا زيت تويتا الاصلي وكذلك الفلتر والله يسهل لك والله مانملك لك الا الدعاء ياخوك
انا اقول كذا اكثر من واحد وضب ويوم بالظبط والا يومين ونفس المشكلة وواحد من خوياي كشفهم قالوا بنوظبة ب6500 يومين وارجع وبالغلط مر ياخذ اغراض من السيارة الا وهم منزلين القير حقة وجالسين يرفعون القير الثاني طلع يبحث عن مسول الورشة يبي يسألة الا والسوداني صاحب التشليح<<يستني الرجيع القديم لاقاه وقال لا تخاف والله القير هذا نزلتة من سيارة نظيفة ولا قد انفك نهائي قال طيب بكم قال هذي الفاتورة بالضمان 15 يوم انصدم 2300 ريال مع الرجيع وقام خوينا وحاسب حق التشليح وانتظرهم لين ركبو القير في الجيب وقال بجرب ومن حسن حظة انه ماحط ريال لا مقدم ولا غيره كيف سوا مدري وجرب وراح وجا تماااااااام وجاب الشرطة معه وسوا لهم حفلة ممتازة جدا في الاخير قالوا مانبغى منك شي رما عليهم حق الزيت والفلتر والتركيب 1000 ريال والى الحين موترة ممتاااز جدا ارجو اني افدتك انتبة ياخوك

[YUKON_GMC]

القيراذا يحتاج توضيب يبين من ريحة الزيت محروق ... افحص القير بالكمبيوتر ويبين اذا فيه حساسات عطلانه او لا ...

لوحساسات غير الحساس العطلان ويضبط معك ولايكلفك 500 ريال

[يكفيني نظرة]

الله يجزاكم ووالديكم خير والله انه مضيق صدري ماله معي شهر ويوم افحصه ممتاز بس عساه يكون حساس ان شاء الله لكن اذا مجربين احد يفحص القير دلوني عليه الله يحرمكم ووالدينكم على النار..

[ملك الفكتوريا]

ترايسار الافضل لكن انت شف هل فيه ريحة زيت محروق الامر الاخر افحص


وابدأ بالاسهل وغير الزيت والفلتر

[كديان]

ادخل رابطة ملاك الجيب يدلونك على ورشة ثقة
و ان كان لك جية لبريدة فيه ورشة العثمان رجال ثقة
و انتبه تقرب المراكز الكبيرة حقت البهرجة من برا الله الله و من جوا منطل و حرامية
تبي تلقا ان شاء الله اللي يضبط موترك ان شاء الله
القير الياباني دامه به زييت و مواضب على تغيره فلا يمكن الكلتشات تحترق
و اذا كان عزمه قوية و ثابت فالكلتشات جديدة
لو كانت المكينة عزمه قوي لكن الموتر مشيه ضعيف عند الدوس او تسارعه بطيئ كان اقول لك فعلا الكلتشات ضعيفة
المشكلة باذن الله كهربائية او اعادة برمجة
لا تستعجل

[mhajer666]

كلمني على الخاص