أبشركم ياالربع..

[أبوخالد707]

السلام عليكم ولا اطيل عليكم ,, أبشركم لقيت السلقه اللي ضاعت(هجت)من عندي قبل كم يوم..بس المشكله انه عند واحد وهوبالعربي جاحد انه عنده ولا مرت عليه وهي له عنده أكثر من يوم او يومين,وأنا الصراحه ابي ادري وش قصده من هالسالفه ذي كله ,والناس تدري ان هالسلقه عنده وكاد,,بس الله يهدي لو يرجعه أزينلي وأزيله (السلقه بهب لي لرجال عزيز علي بالحيل,ولا يبي الاهي )لويدري انه عندك تسان علوم ثانيه,, أفهم يافهيم!!! :r طفه قبل لا.......:f تالع,,ورجعه؟؟!!

[أبوخالد707]

وش السوات معه ذا يالربع؟؟!!
المشكله ما بينه وبين أي شيء غير تسذا (لا مشاكل ولاشيء ثاني..

[nmr.nmr]

العن خيره هذا حقك دق خشمه دق

[بني ظبيان707]

شوف من رايي تجي بالتفاهم ولو مانفع اترك الموضوع يبرد كم يوم وحاول انك ترسله واحد يترقبه من بعيد لبعيد
وصدقني لو السلق معاه بيبان كل شي من تصرفاته وخلك ذكي بأسلوبك حشره بلكلام ولو مانفع كل هذا
في النهايه اذا شاك وقد شكك هذا حقك مااااافيه زعل روح جيب اعز انسان عليه وحكيله ولو عاند بعد يحق لك تدخل وتدور على سلقك ترااه لك ولايحاول يجحدك ترى حلالك يرجعك وبدعي ان الله يرده لك
والله يفكك من الشر والحسد

[بني ظبيان707]

العن خيره هذا حقك دق خشمه دق


شوف لو كل الناس تجي بدق الخشوم ماتلاقي رجال بالكون هذا...
الناس اسلوب وتفاهم ماهي عضلات ودق الخشوم
فديت خشمك...

[أبوخالد707]

مشكور أخوي nmr.nmrوبني ظبيان707 على المرور وشي أكيد اول شيء نبدأ بالتفاهم ولا فاد ,وزي ما قلت جبتله اعز خوايه وبرضو ما فاد..

[ابو رهف 222]

السلام عليكم اخوي تفهم معة مثل ما قال اخوي بن ظبيان وذا قام يكثر الكلام ويهايط دق خشمة ولعن خير خيره
وانشا الله اني افتك وتقبل مروري

[وآخرتها وياك]

انا اقول ان كانه رجال تعرفه ويدري انها لك ياما يردها من نفسه ولا عيب تروح تطالبه بكلب
وتقبل مروري

[الــحـاكــمــ]

لو كان رجال عاقل بيردها لك
وإذا هو سفيه فالسفيه تبلش بالتعامل معه
لأنه لو صار مشكله لا قدر الله بيكون اللوم عليك
لأنك أنت العاقل والناس بتشرهـ على العاقل
والسفيه ما عليه شرهه
لكن تحسب الله عليه
والله ما يضيع عندهـ شــي أبــد

[صقر الشماااال]

ياا خووي الجحلط اللي مثل كذآ يبلهم دق خشوم على قولت nmr.nmrوالله انا مجرب تخليه ينطل مره ثانيه

وثالثه مادمك ما انت خايف منه راح ينطل ولو يقول بس امسكه واضربه وخله يجيبها لك

انا سلقتي مربيها وهي جروه بيضا ويوم كمل عمرها سنه ونص انطلت وهي غاليه على كبدي شوي ولا اموت
من القهر

وادور عليها صار لها بعد ما انطلت حوالي شهر وبعدها وانا ماشي بالسياره اشوف سلقه غازه بس المشكله انها حمرا
وطلع النطول محنيها كلها من راسها لرجليها وباخها بأسود على ظهرها خفيف

ووقفت قدامه ومسكتها وما تفاهمت معه ضربته بالشارع

[صقر الشماااال]

واجيب لكم صورها

[طيــر شلــوى]

الحلال مايضيع ياتركي وإن شاء الله تلقاها ..

تحياتي لك

[الأكيدر]

شف وانا اخوك
انت لاتكبر السالفه وانت ماخذيت السلقه
واحسن شي انك تشوف وين هو حاطها ياما انك تجيه وهو عندها
او انك تاخذها وبعدين تتفاهم وتعلمه انه اذا صار هالشي منه مره ثانيه مايلوم الا نفسه
لان وانا اخوك ماودك يصير مشاكل وضرب من شان سلقه
بس فيه ناس ماينفع معهم الا كذا
والله يعيين

[راصد بيئي]

طالما معك الحق بيرجع لك حلالك

شوف يالغالي فيه عدة طرق

اذا عندك صور لها من يومها صغيره روح للشرطة واشتكه

او جب لك ناس من ربعك خلهم يترصدون له اول مايطلع من مكانه ناس يمسكونه يكوفنونه وناس يطبون على مكانه ياخذون السلقه وكذا يون حلالك رجع لك وهو تأدب

[طير بيروت]

الاخ ابو خالد تحيه فواحه بالمسك والعنبر
اما بخصوص الجحود اللي تقول سلقتك عنده ماتعدته انا اقول وش فرقه عن الحرامي ومن وجهه نظري المتواضعه ان مااوخذ بالغدر يؤخذ بالغدر وان مااوخذ بالقوه يسترد بالقوه

[الذود العفر]

الحلال مايضيع ..

[برق 777]

رح له بعلوم رجال واذاجحدك راقب البيت وشوف لك واحد نشيط يفشخها لك من البيت وبعدين خله يشوفها عندك ذيك الساعه بتجيه جلطه

[على كف القدر]

هذا سلمك الله تكلم معه بالطيب ، وان مازان العلم
تفاهم معه "بالوجه الشرس"

[بدوي.]

اول شي الحلال ما يضيع

بعدين مالك الى حل واحد

انك تراقبه ولا تاخذ منه حاجه اغلى من السلقه

ولا ترجعها الى اذا جاب السلقه ولا ارسل عليه واحد يمون عليه وخطط انت وياه وبذن الله ترجع

[ابوناهض.]

تعاله بالتفاهم اذا مانفع تخبر انت عاد ......

[مراقب القمرا]

الأشكال هذي مادام مايجيبها التفاهم مالك الاتلعن خيره وتدق خشمه ويجيبه غصبن عنه

الحق ماحد يسكت عنه واذا سكت عنه بيتمادى (لاتؤجل عمل اليوم الا الغد)

[abo fahd 06]

وعليكم السلام

(انطح الصياح با الصياح تسلم )
تقبل مروري

[abo.hamad]

والله لو لي السلقه لا أطاه وطي

تقبل مروري abo.hamad

[عزوتي1]

ماعليك منه بس اخذها منه بلقوه هذاحقك ولا لا