تجارب ف الطيور !!

[Mr_6r]

السلام عليكم ورحممة الله وبركاته

شحالكم ياجماعه الخير يارب انكم بخير ...

كل شخص له تجربه ف طيره واحدآ سمع واحدآ قال

الي ف خاطري تجربه عملتها للطير وجابت نتيجه ملحوظه

مثلأ :

جالس مع جماعه ونسولف الا يسولف لنا واحد من الربع عن طيره الي يسوحل على الارض
وطير مايرتفع للسما وسوا تجربه فيه ونجحت وطير معاد يداني قرب الارض الا بصيده

وطريقه على كلامه .. ان به عرق فوق الذيل اضربه بضربات خفيفه لين طلع الدم خفيفه وقطب الطير يومين ماشاله .. ومن بعدها الطير طلاع ويحوم ويرتفع

وبعدها بفتره سالت عن ها الطريقه وقالو به طريقه ثانيه الا وهي ...
انك توسع مناخير الطير ويتغير طيرانه من ارض الى جو 180 درجه

والله اعلم بها التجارب ..

الفايده من الموضوع ..
مهب عبث ف الطير بس الطير الي يجيك يسوحل وطيرانه قريب الارض مايسر

ولي له تجربه ولا معرفه بشتى التغيرات الي تطرى على الطير يفيدنا

.. ويزاكم الله خير ..

[الصارم1]

والله ودي استفيد مثلك لهذا شاركت بالموضوع

[أبوفرحان]

لاهنت اخووي والله يعطيك العاافية

[سماء نجد]

هذا طال عمرك دق عرق المدهنه شافه ازرق محتبس فيه الدم ودقه يوم تحرك الدم بالمدهنه ومشى مع قصب ريش الذنيبا استطاع الطير من تحريكها ومن ثم قدر يرتفع .
التجارب كثيره وانا افكر احطها بموضوع خاص بالرغم من رفض الكثيرين حولي .

[هاووي الطير]

وعليكم السلام ورحمه الله وبركاته
بخير الله يسلمك
لاهنت اخوي
الله يعطيك الف عافيه

[akhaldi]

هذا طال عمرك دق عرق المدهنه شافه ازرق محتبس فيه الدم ودقه يوم تحرك الدم بالمدهنه ومشى مع قصب ريش الذنيبا استطاع الطير من تحريكها ومن ثم قدر يرتفع .
التجارب كثيره وانا افكر احطها بموضوع خاص بالرغم من رفض الكثيرين حولي .


كلام منطقي جداً ومفيد للعموم
ويوضح بعض العيوب التي قد تكون بسبب جهل القناص
والذي قد يعيب في الطير لعدم علمه بالمشكلة الحقيقية

أتمنى أن يرى موضوعك النور ، وأن لا تستمع لمن يحاول ثنيك لأنك بطرحك ستلامس ذوي العقول الرزينه

[Mr_6r]

يزاكم الله على خير على المشاركه ولمرور ..

تبون الصدق بعضهم يكره طيره اذا كان طيرانه مقارب الارض ولبعض الاخر يستفيد منها ف المسابقات لانه الطير الي يروح ارض يكون سريع ف الطياران ولطير الي يروح الجو احلى حاجه بنسبه لي للمقانيص

وبهها التجارب تقدر تغير وتوصل للي يرضيك ف طيرك

[البراء آل عثمان]

لم أسمع بهذا الموضوع

والعلوم إلي قلتها هذي تعلم الطير فيها

يعني مثل الإنسان تقول واحد حطيت في إبر في رقبتها وبعدها بيومين ساري يتكلم إنجليزي وطلع دكتور مب منطق هذا

كلها علومه وأنا أخوك

أما من ناحية الأمراض تقدر تقول نجرب عشبه ولا دوا بطريقه علميه
مب شل دوا وعطاه وسلم وقلنا تعافى

تحياتي لك أستاذي الفاضل

[Mr_6r]

شكرك على ردك .
لا تقارن انسان ب حيوان .. وبعدين الطير له الكثير من الاشياء تجعله يتغير غير الدوا وطرق العلميه وماشابه

يعني مثل ماشاركنا الاخو سما نجد
هذا طال عمرك دق عرق المدهنه شافه ازرق محتبس فيه الدم ودقه يوم تحرك الدم بالمدهنه ومشى مع قصب ريش الذنيبا استطاع الطير من تحريكها ومن ثم قدر يرتفع .

انا ماقول لك روح وتعبث ف الطير وراح يطلع لك الحاجه الفلانيه ..
بس اقولك في حالة الضرر من ناحيتي اشوف الطير الي يطير ارض مايملي العين

ومثل ماهو الطير خفاق وخفقته كثيره .. وتعتبر تجربه هاذي الطريقه ومعروفه جدآ بين الصقارين ..
ترش اطير ب ماي وتحطه عند المكيف وكذا الحال لحد مايخفق وكل مايخفق تسوي له المثل

او من تجربه اخرى الا وهيه . ..
انك تربط حبل متين شويه يوقف عليه الطير وتخليه على الحبل وتروح عنه
في حالة انه خفق بيطيح من الحبل وبيرجع له وبيعرف نفسه في حالة خفق راح يطيح ويتعب نفسه ب خفقته


هاذا الي ابا اوصله انك تسوي حاجه وتؤدي الى نتيجه تكون اجابيه لك وللطير

وتمنى وصلت لك المعلومه وتحياتي للجميع

[THE SNIPER H]

بمناسبه دق المدهنه
كيف تدق المدهنه ومتي اعرف ان الطير يحتاج لدق مدهنته واين مكان المدهنه؟؟؟؟

[قرناس شماالي]

شكرك على ردك .
لا تقارن انسان ب حيوان .. وبعدين الطير له الكثير من الاشياء تجعله يتغير غير الدوا وطرق العلميه وماشابه

يعني مثل ماشاركنا الاخو سما نجد
هذا طال عمرك دق عرق المدهنه شافه ازرق محتبس فيه الدم ودقه يوم تحرك الدم بالمدهنه ومشى مع قصب ريش الذنيبا استطاع الطير من تحريكها ومن ثم قدر يرتفع .

انا ماقول لك روح وتعبث ف الطير وراح يطلع لك الحاجه الفلانيه ..
بس اقولك في حالة الضرر من ناحيتي اشوف الطير الي يطير ارض مايملي العين

ومثل ماهو الطير خفاق وخفقته كثيره .. وتعتبر تجربه هاذي الطريقه ومعروفه جدآ بين الصقارين ..
ترش اطير ب ماي وتحطه عند المكيف وكذا الحال لحد مايخفق وكل مايخفق تسوي له المثل

او من تجربه اخرى الا وهيه . ..
انك تربط حبل متين شويه يوقف عليه الطير وتخليه على الحبل وتروح عنه
في حالة انه خفق بيطيح من الحبل وبيرجع له وبيعرف نفسه في حالة خفق راح يطيح ويتعب نفسه ب خفقته


هاذا الي ابا اوصله انك تسوي حاجه وتؤدي الى نتيجه تكون اجابيه لك وللطير

وتمنى وصلت لك المعلومه وتحياتي للجميع

مشكور اخوي على المعلومه
لاكن مافيه شئ ماهو جايز
وانا اتوقع الطريقه سليمه لطير
والله يجزاك خير