طرح الطيور

[هوليووود]

السلام عليكم
ياشباب انا في منطقة زراعية هل ممكن الصقور تجي هناك وهل يمك طرحها
ثانيا هل هذا موسم الصقور
الاحظ في عز المربعانية تي طيور في المزارع بس مو خصيفي اللي هو اردى شي
بس طيور صقور قوية من سرعتها ومن فزة الحمام من بعيد اذا شافتها وتجلس شهرين وحتى من كيفية صيدة الحمام ارجو اعلامي ولكم الشكر
انا ماعندي اي خلية عن الصقور

[هاووي الطير]

وعليكم السلام ورحمه الله وبركاته
http://www.mekshat.com/vb/showthread.php?t=216893
ممكن الرابط يفيدك
والله يرزقك بالنادر

[هوليووود]

شكرا اخوي هاوي الطير بس ما نفعني الرابط بشي

[هوليووود]

وينكم يالنشاما

[هبوب]

وضح اكثرتقول مزارع وطيور وضح

[هوليووود]

اخوي هبوب لو قريت موضوعي عرفت وش استفسر منه بس استغرب الى الان ما جاوبني واحد معطيني رابط الف شكر له على اي حال بس مافيه اجابه على استفساراتي بس خلو عنكم بس عندي سوال واحد لو احد جاوبني عليه اكون شاكر ممكن الصقور تجي على المزارع بنجد وقت المربعانية وهل من الممكن طرحها

[مخاوي دابذريع]

هلا فيك اخوي دورهن شمال دربهن مناك والدعوه وانا اخوك ارزاق وبعدها تجي الخبره انت اذا شقت لك طير وكد محله او على الاقل دربه وحط له الشركه مع الفجر وخل دربيلك معك والله يرزقك بالطير الطيب تقبل مروري .

[هوليووود]

مخاوي الله يبيض وجهك لانه دايم اشوف في المزرعه طيور تجي بسرعه رهيبه بين النخل وتصيد الحمام تقول فشقة ولاهوب فعل شرياص ولا عقبان ولاكن اتوقعها يا وكر والا شياهين لان جنحانها كنها طويله شوي بس سرعه رهيبه وعلى عيونها خطين سود نازله ومرة صادت قدامي وكنت جالس ورى نخله ومابيني وبينها الا خمسه امتار شافتني وهجت وتركت الحمامه

[قرناس شماالي]

افادوك الاخوان

[هاووي الطير]

هلا فيك اخووي هوليوود
على وصفك انها شيهانه
الطيور ارزاق مقسمها من عند الله
وعسى الله يرزقك بالنادر
واتمنى لك الف توفيق
ودمت بووود..

[هوليووود]

الف شكر للجميع ولك اخوي هاوووي الطير

[هبوب]

اذا كان المزرعه حولها حمام واجد ممكن تجي الطيور بالمزرعه اخبر واحد صاد طير حر على ابراج الموية والله يوفقك يارب بالنادر وهي اخوي ارزاق موزعه بين الناس بالطيور وغير الطيور تحياتي

[نبع الدموع]

اختصار الحكي اخوي
اية تجي الطيور على المزارع ولا يرد الطيور شئ ابد لين داخل المدن و خصوصا على الاماكن العالية مثل ابراج المراقبة و ابراج الجوالات و اعمدة الكهرباء بحدود المدن
و الي يطرح الحمام الصقور مثل الشياهين و الوكارى و الحرار
بالنسبة للشبوط انا عن نفسي ما قد شفتة واجة حمامة ابداااااا لاكن يذكرون انة يهد عليها و الله اعلم
نصيحة اشتر حمام و شبك و نقل و خلة حولك ولا تزعل مني لاكن في مثل نقولة دايم (الغشيم له طير)
اسلم حل اشوفة لك ان تشري نقل و اذا شفت الطير اشبك النقل على حمامة و فكة للطير لاكن انت لا تواجة الطير يعني خلك من بعيد

و الله يرزقك ان شاء الله و يكون الطير الطيب من نصيبك

[هوليووود]

الله يبيض وجيهكم وماقصرتوا