الجراوهــ

[أحمد أبوسعود]

:BUTT1:> بسم الله الرحمن الرحيم<.:BUTT1:

السلام عليكمـ...
أخبار الشباب؟؟ طيبين دوووم انشاء الله:good:
أنا ماودي أطول عليكمـ لكن بغيت أسئل أنا عندي سلقه لاقح ابي وشلون اميز جراوته اذا طيحتهم(أجرت) ودي أخواني بالتفصيل وغير كذا وشلون أعرف نوع السلق من أشوفه من ناحية انه>قلب,كلوه,سدادهـ<يعني من نظرهـ وش المواصفات والفروق بين الانواع

الله لايهينكمـ اللي بيرد يكون بامانه ودي بكسب خبره انا بانتظاركم:good2:

في أمـــان الله,,,

[الــحـاكــمــ]

وعليكم السلام ورحمة الله وبركاته

شوف أخوي إذا كنت عند السلقه ساعة ولادتها أعرف ترتيب الجراوه

الأول السده وأقولك إني جربت السده من قبل
ولا فيه فايده ولا يهمك لونه أو شكله

والأخير حتى لو كان جيد بيكون أقل من باقي إخوانه

أما الثاني فهو القلب ويكون أطــــــــيب إخوانه على الإطلاااااااق

الثالث والرابع يكونن الكلى ويجن طيبات بس القلب أطيب منهن

وإذا كنت غايب حزة ولادة السلقه خل الجراوه

لما يجي عمرهم شهر ونص أو شهرين


وشوف الجيد والفطين وكثير الحركه تـراهـ بيكون أطيبهم

أنا جربتها في سلقتي والحمد لله طلعن الجراوه تووووب

والله يسهل على سلقتك تولد بالسلامه

أتمنى إني قدمت معلومه صحيحه لك

[ابو رهف 222]

افادك اخوي الحاكــــمـ

[ابوحمد 2009]

ماازوود على كلام اخوي الحاكم

[الأكيدر]

ماقصر اخوي الحاكم عطاك العلم المفيد

[الهواوي2010]

صدق الحاكم
لكن السداداطلقهم كلهم بس مايبان فعله الابعد سنتين ونص او ثلاث في بدايته يطلع دلخ يشوف السلق يطرد الصيد يتعداها ولا يدري وذبحه اطيب من اخوانه
هذا قول العوارف فالسلق وجربت طرده اطيبهم كلها

[ابوناهض.]

هلابك يالغالي افادك الذيب ومقدر ازيد
ون تسان عندك شي لا تحرمنا يالغالي

[الملك20]

السلام عليكم
شف اخووي انا بقول حسب معرفتي

السداده على كلام الشيبان انه افضل للسلاله اما الطرد والمقناص ما ادري
اما الثاني فهو القلب وهو جزوووم ولا يخاف
اما الثالث والرابع فهم الكلى فهم افضل من ناحيه الحراره ع الصيد
اما الخامس والسادس ما ادري

هذا كلام الشيبان واتمنى اني افدتك ولو بالقليل

[بدوي.]

ماقصرو الشباب وفو وكفو