صوت في مكينة اللاندكروزر

[راعي المنهاج]

بسم الله الرحمن الرحيم

السلام عليكم ورحمة الله وبركاته :

إخواني الكرام أنا عندي لاندكروزر جي اكس ار وعند التشغيل في الصباح اسمع صوت طقطقة خفيفة في المكينة وتروح بعد ثواني . والشي الثاني الامبير حق ضغط الزيت
اذا كانت السيارة واقفة يكون اقل من النصف وفوق الربع بشئ بسيط و اذا كانت السيارة
على سرعة 160 او 170 يالله يكون فوق النصف . هل هذا مؤشر على عطل او خراب في طرمبة الزيت او حساس الزيت أفيدوني جزاكم الله الجنة

أخوكم / راعي المنهاج

[محيسن1]

هلا بك اخوي معي
جي اكس 2002
نفس وضع موترك واتوقع انه طبيعي

[ن م ر]

الوضع طبيعي ولا توسوس

[الستانس]

معليش يا اخوان وانتم ابخص



هذا الله يطول عمرك صوت البلوف

والزيت ناقص عندك عب زيت ويزين موترك

ان شاء الله

تحياتي,,,

[بساط احمدي]

احذر وانا خوك هذي صارت لي

الزيييييييييييييييت الزييييييييييييييييييييت غيره او زده ... نااااااااااقص عندك وبقوه بعد تلاحك بس

واهتم تكفى بالموتر اكثر وتفقد دايم الزيت والماء والزيوت الثانيه وانا خوك

[راعي المنهاج]

بيض الله وجيهكم يا اخوان وجزاكم الجنة


بالنسبة للموتر فهو جديد مع الوالد و ماوصل 80 الف كيلو متر لكن
الشايب يغبر له زيت كاسترول جي تي اكس 20-50 ابو غطا ابيض
والسيفون من عند حقين البناشر ال ابو يمن . وانا خايف يكون السيفون
تقليد .

بيض الله وجيههكم ورزقكم في الدنيا والاخرة

شكرا للجميع

راعي المنهاج

[الستانس]

اجل المشكله من السيفون

غير زيت وسيفون اصلي من الوكاله ويروح الصوت

وانصحك بزيت سوبر موبيل لونه ذهبي علبه حديد

افضل لك من كاسترول

يعارضني الكثير في اختيار هذي النوعيه من الزيت
وهم لا يعرفونه فقط يباسه راس جرب وادع لي

وان كنت حاط حاط كاسترول خذ اسود فهو الأفضل للدفع الرباعي
والسيارات ذات العمل الشاق


موفق ان شاء الله

[راعي المنهاج]

بيض الله وجه كل من شارك وافادنا بخبرته وشوره

بس يا اخوان رحت الوكالة وشريت سيفون ولقيته صغير ( اصغر من اللي مركب بالسيارة وقال لي البايع هذا حق سيارتك ) والليلة باروح اغير السيفون والزيت وفلتر الهواء بالمره

شكرا للجميع والله يحفظكم

[ن م ر]

بيض الله وجه كل من شارك وافادنا بخبرته وشوره

بس يا اخوان رحت الوكالة وشريت سيفون ولقيته صغير ( اصغر من اللي مركب بالسيارة وقال لي البايع هذا حق سيارتك ) والليلة باروح اغير السيفون والزيت وفلتر الهواء بالمره

شكرا للجميع والله يحفظكم


اللاند كروزر اللي مكينته 4500 يجي له سيفون كبير وسيفون صغير
وكلها أنا مجربها على موتري وأحيانا اركب صغير وأحيانا أركب كبير
وكلها تؤدي نفس الغرض ولا منها مشكله

لكن احرص على الأصلي
السيفون الأصلي الصغير تأكد من ختم تويوتا عليه ويجيك صناعته تايندي وهو أكثر انتشاراً ويركب على أغلب سيارات تويوتا وقيمته عند الوكاله 14 ريال وقطع الغيار 15 ريال والبناشر حسبي الله عليهم يبيعونه بـ 25 والا 30 ريال

السيفون الأصلي الكبير صناعته ياباني وأظنه قليل بالسوق وكان يستخدم بكثره للموديلات من 97 وتحت

[ابوصالح77]

أخوي الوضع طبيعي
وموتري نفس الحالة

[هوايتي مكشات]

اتوقع عادي الوضع

[ذيب النجيل]

اذا كان الاندكروزر كربريتر والطرمبة حقت البنزين عادية ماهي كهرب

فاحتمال يكون الصوت من طرمبة البنزين الي تجي بجنب المكينة

لان عندي نفس الصوت بلاند كروزر 1997 من زمان ولايضر

بس عشان تريح بالك غير الطرمبة وارتاح