باترول ديزل 2006

[كلاسيكو]

السلام عليكم ورحمة الله وبركاته

اخواني انا ابي مشورتكم في موتر باترول ديزل موديله 2006 مكيفين ثلاجه فيه سمكره رفرف ومقدمة الموتر لكن ماتضرر بالمره مجرد شبك وانوار اماميه واللون مرغوب رصاصي
مع اني لاحظت موديلات 2005 و2006 ديزل اسعارها في بحر الخمسين بهالمنتداء الي شفة سوامتها

ابي رايكم وش تتوقعون يسوى لانه له فتره بمعرض واقف ولا احد فتح سومه هل لهدرجه ماهو مرغوب او كلن يبي احد يفتح الباب شخص ثاني
الشي الثاني لو صار من نصيبنا هل احد جرب تغيير المكينه خاصه 4500 كبليتر او بخاخ هل يكون ناجح بالاستخدام وخفيف والا نواجه مشاكل القير والكوارين تكون محشوره ويلزمك تغيير هالمحركات وتطيح بتغييرات اخرى

مع العلم ان الفتك تاصل تغييره حدود 25 الف
يعني بيصير اغلى من سعر موتر على تركيبة بلاده

لكن انا هدفي اني بعتبره موديل وشكل جديد لو المكينه كنه مكينة سياحي ( السلق )
والي يقول خذ سياحي افضل مقدر رايه لكن السياحي سعره شوي مرتفع ويجي بدون مكيف مركزي وبدون ثلاجه حسب علمي وحنا الميزانيه محدوده وابي اغير المكينه اذا صار نصيب بمرحله ثانيه

انتظر ارائكم بقيمته وتغيير المكينه

لاعدمنا تواجدكم :good2:

[alimuhammed]

لا يحوشك الا اذا بستخدمه على وضعه و ترضى بالعزم

[نبع ضرماء]

اخوي كلاسيكو اذا بتبيع المكينه الديزل ترا فيه شراي لها

يبي يحطها في مزرعه

ردلي علي الخاص

[google-999-]

والله من راايي الشخصي
تبي تحووس بالسياره وتغير مكينه ( صبه احقنه لبن )
يعني مراح تستفيد شي خساره بخساره
لكن اذا خذته خذه وانت على اتم لاقتناع فيه ولا البديل جاهز بفلوسه تقدر تاخذ سياره ثانيه
تقبل مروري

[u.d.]

آسف لازعاجك أنا أبحث عن باترول ديزل من 2005-2007 نفس اللون في أي معرض إذا مالك رغبة بالديزل بارك الله فيك

[سال السيل]

أنا لي رغبة بهالموتر لتك ترسيل عالخاص عنوان الموتر

[sal999]

يااااااااااااااااااااااااااااااااااااااااااااااجما عة الديزل منقطع عند 2006 والي خابر لي 2006 نظيف جدا مكيفين ثلاجة بس يكون لؤلؤي يقولي تكفون الله لايهينكم

[أبو حسن933]

عندي لك فتك 2004 تماتيك ثلاجه مكيفين شد بلد ولا تشيل ولا تحط وعطني ديزل وخذ بنزين ولا تفك ولا تربط

[كلاسيكو]

شاكر لكم اارائكم
لاعدمنا تواجدكم

للحين انا وراعيه في مفاوضات
ونا ابي كم تعطون الموتر من قيمه بالسوم
وكم نهايته الي يسواها
لاني زي ماقلت لكم في رفرف يسار وكبوت مغير كامل لاني شايفه قبل السمكره كبوته ماكان يصلح سمكره وذا ماني غلطان انه مغير حسب الي شافه معي

غشيم بالسمكره <<
لاكن لاتخلوني وش حدود قيمته بين كم وكم يسوى

اخوكم كلاسيكو

[البرًي]

افتح سوه 50

[كل يوم مكشات]

انا أدور نيسان فتك ديزل وين المعرض