المساعد الشخصي الرقمي

مشاهدة النسخة كاملة : عزم الموتر بارد الى درجه ماتتوقعها


احمد4.4
29/10/2010, 10:11 PM
السلام عليكم

معي باترول ربع جديد 9

الموتر مايميش ولا بريال اذا غرزت لازم افصل الدبل ارقص وبعدين اشبكه

مايحفر زين اذا كان مغرز

هل هو وزن ديلكو

وين القا الي يوزنه وبكم
YUKON_GMC
30/10/2010, 12:50 AM
عليكم السلام ... دامه جديد 2009 فـ أكيد مشكلته منظم اوحساس او طرمبة بنزين ..

افحص الموتر كمبيوتر ويبين اللي فيه على طول

وبعد لو تحط سؤالك في رابطة الجيوب تلقى حل ان شاء الله
احمد4.4
30/10/2010, 02:37 PM
يالربع الفزعه الشتاء قرب

والموتر والله تندمت اني شريته من كثر مابلشني
./عنيزاوي./
30/10/2010, 08:14 PM
مادام انه موديل 2009صلحه بالوكاله مجانا
الله ييسر امرك
نآصر
30/10/2010, 08:59 PM
أخوي مشكلة مكينة الباترول 4500 ضعيفة جدآ خصوصآ فـ النفود ...

ولكن أنا متأكد إن الديلكو ماله علاقة بـ الموضوع ...

ولكن راح أقولكـ كمـ شغله مجربينها عـ نفس موتركـ والحمد لله لاحظنا فرق ...

أول شي والمهمـ:

1_ كفرات مقاس 275/65/16 مع جنوط GT 8 إنش ...

2_ هدرز مع كت باكـ ...

3_ فلتر مع الإنتيكـ والعازل ...

4_ مراوح كهرب ...

5_ بواجي رياضية مع أسلاكـ رياضية 8 ملي ...

وإذا دخلت النفود حط الهوى حق الكفرات 10 ...

وراح تلاحظ فرق كبير فـ عزمـ السيارهـ خصوصآ فـ النفود ...

وإذا إنت راعي خطوط لا تنسى (اللوكات) الفصالات حقت الدبل ...
احمد4.4
30/10/2010, 09:23 PM
ابي اخليه الين يمشي 50الف
وبركب مراوح كهرب وهدرز

بس ولو معقوله مايمشي ولا بريال مايحفر ابد الهايلكس ابرك منه هو ودبلاته
بساط احمدي
30/10/2010, 10:04 PM
يا خوي انا كان معي اخو موترك ... والله وقسم بالله يمشي مشي الاسد اللي يبي فريسته

واللي يقول ان الباترول مكينته 4500 وضعيفه اقوله راجع معلوماتك وانا خوك

والباترول بلا منازع الى الامام ... لكن اقولك رح للوكاله وانا اخوك ومجاااااااااانا
PATHFINDER 4
30/10/2010, 10:16 PM
عني انا اشوف ان مكينة 4500 << ضعيفة مرة

ياخي ما ادري وشلون تاملون عزم من مكينة ام 12 بلف !!

مايفيد فيها لاهدرز ولافلتر ولابواجي خساير على غير سنع !!
العودالازرقhk
30/10/2010, 11:14 PM
عندك الوكاله تاكد منهم
ضمان لمدة 3سنوات او100الف
واذا مافيه خراب عدله
YUKON_GMC
30/10/2010, 11:32 PM
2009 مكينته جباره بس البلى مشكلة منظم او حساس ... ومثل ماقلت لك افحص الموتر كمبيوتر .. ترى كلها 100 ريال
كاشت وحداني
31/10/2010, 12:05 AM
تاكد من البواجي قبل تحوس وتدوس بالحساسات
واحد من الشباب موتره سفاري وكان بالسهل ما شاء الله ومن يشوف الطلعه يبرك واكتشفنا ان البواجي اللي فيه حقت كربريتر مو بخاخ وغيرناها ببواجي بخاخ نفس الرقم الخاص بالسيارة وصار طلقه وعزم
موفق خير اخوي
نآصر
31/10/2010, 12:56 AM
واللي يقول ان الباترول مكينته 4500 وضعيفه اقوله راجع معلوماتك وانا خوك







قارنها بمكينة التايوتا 4500 ...!!


قارنها بمكينة الشروكي 4000 ...!!


قارنها بمكينة الباثفندر 3500 ...!!


وصاحب الموضوع مو أول واحد ولا آخر واحد يشتكي من ضعف عزمها ...


ولكن إذا تكلمنا عن مكينة الـ vtc تنقلب الحسبة ...
PATHFINDER 4
31/10/2010, 01:27 PM
قارنها بمكينة التايوتا 4500 ...!!



قارنها بمكينة الشروكي 4000 ...!!


قارنها بمكينة الباثفندر 3500 ...!!


وصاحب الموضوع مو أول واحد ولا آخر واحد يشتكي من ضعف عزمها ...



ولكن إذا تكلمنا عن مكينة الـ vtc تنقلب الحسبة ...




اتوقع انه يقول ان 4500 نيسان قوية لانه ماجرب المواتر اللي فوق !!

يكفي انها مكينة ام 12 بلف بس قارنها مع 4500 تويوتا ام 24 بلف وش الفرق !

اما مكينة الفتك هذا خارج الحسبة لقوتها الكبيرة جدا
بساط احمدي
31/10/2010, 05:07 PM
اتوقع انه يقول ان 4500 نيسان قوية لانه ماجرب المواتر اللي فوق !!



يكفي انها مكينة ام 12 بلف بس قارنها مع 4500 تويوتا ام 24 بلف وش الفرق !



اما مكينة الفتك هذا خارج الحسبة لقوتها الكبيرة جدا




حبيب قلبي وفؤادي .. انا ما فيه موتر الا واستعملته ما لا يقل عن سنه واقل موتر 5 شهور

لكن وانا خوك حبذا انك تتأكد من الرجال قبل تجدع مثل هالكلام وانا اخوك ..

فبإستطاعتك ان تسألني وتقول : يا بساط احمدي هل سبق وان جربت المواتر الاخرى ؟

فإذا قلت لك لا .. تكلم ورد علي مثل ردك هذا ..

وانا كان معي باترول واقسم بالله وانا خوك انه يمشي مشي الاسد لا بغى فريسته

صدقت كان بها وجزاك الله خير .. ما صدقت .. كذلك جزاك الله كل خير ..

اما قولتك انت وخويك الاخر هل قارنت ؟

اقولك اظن واعتقد ان الرجال عنده مشكله وحاب انه احد يجاوب عليها صح ؟

والموضوع ليس بمقارنات نفتحها صح ؟

لذلك حبذا اننا نساعد الرجال بحل مشكلته لانها مشكله ليس الكل يعاني منها ...

وتقبل مروري الكريم
احمد4.4
01/11/2010, 11:11 AM
طيب لو بروح افحصه

وش الي يبي يطلعلي

الصراحه ماقد فحصت يعني اذا البوجي خربان بيطلع بالمكمبيوتر
YUKON_GMC
01/11/2010, 12:54 PM
^^

نعم يطلع ولكن بشرف تلاقي واحد فهمان يستطيع قراءة معلومات الكمبيوتر صح

لأن الكمبيوتر اول تقرير له يعطيك تقرير مبسط باكواد الاعطال فقط دون ذكر مسمياتها ولكن لما يدخل للتفاصيل يبان معه كل شيء
واغلب الفنيين للاسف مايعرف يخش على اعدادت الكمبيوتر مضبوط ويعرف اللي حدده الكميبوتر بالضبط .. فيقول لك تصفيه كامله !!