سؤال : هل ممكن ان يتواجد الاحرار في مكان مملوء بالعقبان ؟؟

[Bo-Rakan KWT]

السلام عليكم ،
من بداية الموسم و انا اطلع في صحاري الكويت ادور لي على طير اطرحه (اسأل الله التوفيق) ، في فترة الاسبوعين الاخيرين لاحظت انتشار العقبان بشكل واضح في كل مكان اروح له و بالنازل القى 3 يحومون أو موقعين و الغالب اكثر من كذا .
و حس ما عرفت انه العقبان هم العدو اللدود للاحرار ، فهل هذي تعتبر اشارة كافية الى أنه هذا المكان خالي من الاحرار ؟؟
السؤال بطريقة ثانية : اذا شفت العقبان تارسين بر أو معبر معين .. أغسل ايدي انني ألقى في نفس المكان طير يسوى ؟ (صقر ، شاهين أو وكري)
و مشكورين

ملاحظه : تقريبا كل مكان انعتوه لي رحت له من قبل الفجر انا هناك الى عز الظهر (الصبية ، ام نقا ، حثيث ، الصابرية ، الخويسات ، السالمي ، الابرق .... و الجنوب بعد)

[هاووي الطير]

وعليكم السلام ورحمه الله وبركاته
عسى الله يرزقك بالنادر
يفيدونا اهل الخبره...

[عابر الموج]

السلام عليكم ،
من بداية الموسم و انا اطلع في صحاري الكويت ادور لي على طير اطرحه (اسأل الله التوفيق) ، في فترة الاسبوعين الاخيرين لاحظت انتشار العقبان بشكل واضح في كل مكان اروح له و بالنازل القى 3 يحومون أو موقعين و الغالب اكثر من كذا .
و حس ما عرفت انه العقبان هم العدو اللدود للاحرار ، فهل هذي تعتبر اشارة كافية الى أنه هذا المكان خالي من الاحرار ؟؟
السؤال بطريقة ثانية : اذا شفت العقبان تارسين بر أو معبر معين .. أغسل ايدي انني ألقى في نفس المكان طير يسوى ؟ (صقر ، شاهين أو وكري)
و مشكورين

ملاحظه : تقريبا كل مكان انعتوه لي رحت له من قبل الفجر انا هناك الى عز الظهر (الصبية ، ام نقا ، حثيث ، الصابرية ، الخويسات ، السالمي ، الابرق .... و الجنوب بعد)

بالعكس اخوي العقبان ترافق الحرار حتى اذا صاد اي صيد طردته عن صيدة حتى تظفر بذك الصيد الي صادة الصقر وخاصه العقبان الكبيرة بالحجم تقبل تحياتي

[falcon 1]

اذا اكو عقبان اكو طير بس وين الله العالم ..الله يوفقك بالنادر

[الخزاعي2010]

مثل مقال اخونا عابر الموج تجي معها الاحرار
يعني اذا شفت العقبان مواقيه فتش حولها زين
والله يكرمنا ويكرمك بنادر

[elsayad]

إذا رأيت العقبان ومعك نقل ابعته والله يكرمك إن شاء الله باللى فيه الخير .
لكن خلى النقل يكون حجمه كبير شوي . . يعنى لا يكون معك شبوط مثلاً ما ينفع .
قبل فترة حدث مثل هذا مع صديقي وأكرمه الله من وسط سرب العقبان بفرخ شاهين نزل من كبد السماء على النقل .
الله يزقك ويرزقنا مثله . . آآآمين .

[_دربيل_999]

اخوي الجوارج تحلق في مجالات خاصة بها أو ارتفاعات لكل نوع..
نعم تتواجد الصقور مع العقبان والجوارح الأخرى..
والدليل أهل (النقل) يتوذون دائم من مضايقات الجوارح الأخرى..

بارك الله فيك..

الروقي

[Bo-Rakan KWT]

الله يبشركم بالخير يا وجوه الخير ... مشكورين و ما قصرتوا

[اسد الجزيره]

نعم اخوي عن تجربه ومشاهده بالعين العقبان ترافق الصقور والله يرزقك بالنادر

[صقار محترف]

بعض الناس فاهمه غلط
تتوقع ان وجود العقبان يعني وجود الصقر
وهذا غلط
الصقور لايرتبط تواجدها بتواجد العقبان
يمكن تحصلك طير في الخلا ماعنده لا عقبان ويمكن تحصل طير وسط 20 عقاب
لذلك اقنص وشد حيلك .. والله يرزقك بالحر النادر ان شاءالله
واذا شفت العقبان وخر عنها شوي ودربل وترزق الله

[Bo-Rakan KWT]

لاهنتوا يا اخوان ,,, ما قصرتوا

[مكرم الضيف]

انا ابغا افهم مسألة ان الجوارح كل طير له ارتفاع معين يطير فيه هل الكلام هذا مثبت بالخبره ولا له مصادر

[جروان]

اللله يرزقك ؤءء

[قنآص ينبع]

بعض الناس فاهمه غلط
تتوقع ان وجود العقبان يعني وجود الصقر
وهذا غلط
الصقور لايرتبط تواجدها بتواجد العقبان
يمكن تحصلك طير في الخلا ماعنده لا عقبان ويمكن تحصل طير وسط 20 عقاب
لذلك اقنص وشد حيلك .. والله يرزقك بالحر النادر ان شاءالله
واذا شفت العقبان وخر عنها شوي ودربل وترزق الله


:good2::good2::good2::good2: