تقرير عن بعض الرحلات الحلوه من الجبيل مع النوخذه الكبير بوتركي

[ابوساره3]

اخواني الأعزاء "المكشاتيه"


مساكم الله بالخيرات..


اقدم لكم مجموعة صور من رحلات متنوعه مع نوخذتنا الكبير "ابوتركي" واللي هو غني عن الوصف من حيث الخبره الكبيره والتمكن والجهوزيه التامه لكل ما يحتاجه الشباب على القارب إضافة إلى الأخلاق العالية ومساعدة الشباب في كل ما يحتاجونه بصدر رحب. "تحياتي لك اخوي بوتركي"


واسمحوا لي تراني ما أذكر التواريخ ،، بس الرحلات كلها كانت خلال الثلاث أشهر الأخيره..


رحلات كانت غاية في المتعه من حيث تنوع المحادق وأساليب الصيد من الحداق "سماري ، ركه ..." واللفاح "التشخيط" وما شابه. وتنوع الأسماك مثل: الشعري بأنواعه، والهامور، الكنعد، الفسكر، الناجل، السمان، النيسر، الحمام ...


نبدأ بالصور على بركة الله


وهذا محدثكم ويظهر على وجهه سؤال (ها ما نسيت شي؟؟)
ويظهر في يمين الصوره النوخذه بوتركي "عيني عليك بارده يابوتركي،، عطني نص خبرتك وأوعدك ما أطلع من البحر"


http://www.mekshat.com/pix/upload04/images186/mk184982_01.jpg






وهذي الأحجام الطيبه من الشعري
هذا محدثكم مع الشعريه الأولى
http://www.mekshat.com/pix/upload04/images186/mk184982_3.jpg




وهذا رفيق العمر بومحمد ،،، تخصص أحجام XXL
http://www.mekshat.com/pix/upload04/images186/mk184982_4.jpg




وهذا بعد حيي بوتوفي ،،
http://www.mekshat.com/pix/upload04/images186/mk184982_5.jpg



وهذا فاصل إعلاني مع بوتوفي ،،، وصابون ما أدري شنو اللي عاجبه فيه خخخ
http://www.mekshat.com/pix/upload04/images186/mk184982_6.jpg




وهذه بوسه للشعريه عشان الفسكره تموت من القهر ،،، لأنها تتغلى علينا دايما خخخ ملاحظين انها زعلانه
http://www.mekshat.com/pix/upload04/images186/mk184982_7.jpg




ما شاء الله تبارك الله ،، خير ،، خير من فضل الله
http://www.mekshat.com/pix/upload04/images186/mk184982_8.jpg




وهذي طلعه ثانيه ..
http://www.mekshat.com/pix/upload04/images186/mk184982_09.jpg




أويلاه يا الجيشي
http://www.mekshat.com/pix/upload04/images186/mk184982_0010.jpg




بعد بعد
http://www.mekshat.com/pix/upload04/images186/mk184982_11.jpg




تسلم يمناك يا بوجود على الحجم المرعب هذا
http://www.mekshat.com/pix/upload04/images186/mk184982_12.jpg


http://www.mekshat.com/pix/upload04/images186/mk184982_13.jpg




يا لبى قلبي قلبك يا بودانه ،، ابتسامه تسوى عندي الدنيا
http://www.mekshat.com/pix/upload04/images186/mk184982_14.jpg




وهذا النوخذه عبادي ،، تتعب معاه والله
http://www.mekshat.com/pix/upload04/images186/mk184982_15.jpg




مانت هين يابوتوفي ،،،
http://www.mekshat.com/pix/upload04/images186/mk184982_16.jpg




فرحه جماعيه ،،، وباين اخوي ابوالليل ،،مع انه اول مره يطلع بس ما عليك طلع نوخذه واحنا ما ندري
http://www.mekshat.com/pix/upload04/images186/mk184982_17.jpg




وهذي بعد طلعه غير ... وبدايتها باللفاح وكانت حصيلتها حلوه 2 كنعد وثلاجه مشكله شعري وهامور واحد بس ما عندي صور كفايه ""السموحه""
http://www.mekshat.com/pix/upload04/images186/mk184982_18.jpg


http://www.mekshat.com/pix/upload04/images186/mk184982_19.jpg


http://www.mekshat.com/pix/upload04/images186/mk184982_20.jpg


http://www.mekshat.com/pix/upload04/images186/mk184982_21.jpg



وسلامتكم...


اسمحوا لي على قلة الشرح بس لان الطلعات إرشيفيه مش في وقتها على طول .. والمرات الجايه ان شاء الله التقارير أول بأول ..



ودعواتكم لنا بالتوفيق .. ولا نستغني عن تعليقاتكم اللي تسر الخاطر

[حياتي البحر]

هلا وغلا اخوي ابو سارة

مشكور على التقرير الجميل والمميز

الله يعطيك العافية

[O M A A R]

مسسآك آلله بالنور والسرور

مً ششآء آلله يً بو سسآرهـ أثآري في جعبتك رحلآت أرشيفيه ومخبيهآ :o

وآضح أن تخصصك ششعري :p مً ششآء آلله عليك

الصصيد وفييير اللهم صلي على محمد كل طلعة ثلآجه ;)

عليكم بألف عآفية وبإنتظآر تقآريرك :good2:

[صياد الخبر]

بسم الله الرحمن الرحيم

الحمد لله رب العالمين

اللهم صلي وسلم على نبينا محمد وعلى آله وصحبه اجمعين


ابو ساره


السلام عليكم ورحمه الله وبركاته


بروفايل راقي جدا

ارشيف يشرح الصدر ويرد الروح

جمعة ولمة ورفقة متعوب عليها الله يدمكم لبعض بمحبة الله

وبالتوفيق للجميع

والقادم احلى

ودمتم

[بحرالخبر]

ماشاء الله تبارك الله
خوش مجموعة صج ملايمين لبعض وخوش جيشيات وجناعد وشعاري
وتسلم ابوساره على التقرير الطيب وبالتوفيج وعليكم بالعافية
بوعبدالرحمن

[عاشق الشعري]

اخوي بو ساره
ما شاء الله عليكم صيد طيب وارشيف يرفع الراس ... بس تراك زعلتني .. تبوس الشعري ما تدري اني متيم به.. ليه بديت اغار عليه اكثر من الفسكر .:mad:. وبراطمي صارت كبر يدي من الغيره ... تسلم وما قصرت وبإنتظار جديدك ولك حياتي

[وليد الغربة]

ماشاء الله تبارك الله

ماقصرت ارشيف زاخر

اخوك وليدالغربة

[A B D U L L A H]

ماشاء الله تبارك الرحمن

تقرير ناري

يعطيك العافيه اخوي بوسآره

ونتمنى منكم المزيد

[ناجل سمار]

وعليكم السلام تقرير رائع جزاك الله خير

[سمبوك]

ماشاء الله عليك ما بقيت شي الا علقت عليه وتتأسف في آخر التقرير على قلة الشرح
سلمت يالغالي وعلومكم طيبه وشغلكم ما عليه غبار وفالكم الاحجام الطيبه
وبالعافيه على قلوبكم

ويسلمو

[accentkool]

ماشاء الله تبارك الله
تقارير نارية
والصيد احجام ووفرة
عليكم بالف عافية

[سداح الاول]

لالالالالالا ابو ساره ابيك ترتب لي طلعه مع بو تركي مالي شغل هههههه بس وربي صيد يفتح النفس وتقرير روعه ومسوي نفسك غشيم يوم تطلع معي واثاريك نوخذه هااااه هين الخميس قريب ههههههه

يعطيك العافيه ابو ساره والمره الجايه بووووس الواوه لا تبوس الشعري لا يزعل بعض الناس لووووول

[ابوتركي1]

ماشاء الله تبارك الله
الله يعطيك ويعطيهم العافيه وبالعافيه
تقرير جميل وصيد اجمل وصحبه الله يديم السعاده فيها
بس خويكم بو توفي شكله البحر لعب فيه دوار رايح جاي ههههههههههه
حمانا الله وياكم من كل شر

[اسماعيل كمال]

ماشاء الله تبارك الله صيد جدا طيب
باعافيه عليكم

[( ابو تركي )]

تحياتي لك يا بو سارة ولكل الأخوان والمرا الجايه فيه مفاجئة جديده

[ابوساره3]

كل الشكر والتقدير لكم إخواني ،،، ردود تبرد القلب وتشجع الواحد على الإبداع

والجديد إنشاء الله يكون أحلا وأحلا

اخوي بوعبادي ،،، هذي مو غشامه ،، بس إنت نوخذه كبير ،، ولازم الواحد يخيلك تعطيه من خبرتك غصب خخخ

أخوي بوتركي ،، لك مني كل التحيه والتقدير ،، وتراك علقتني بهالمفاجئه هذي لازم نرتب لها..

[ولد من ذهب]

ماشاء الله

عليكم بالعافيه

[lebman]

السلام عليكم ورحمه الله وبركاته اخوي ابو سارة ما عليك زود ماشالله نوخذة وصحبة ولا اروع وبالنسبة لحبيبنا ابو تركي ما يحتااااااج والنعم والله انا طلعت معاه اكتر من طلعة غوص وصيد والحمدلله ربنا وفقنا بصيد حلو وابو تركي ما قصر واتمنى نترافق بطلعة واتشرف فيك ابو سارة وتقبل تحياتي
اخوك ابو حسين

[علمني الوقت]

مشاء الله عليك يابوتركي وعلى الصيد الجميل
لاتحرمنا من جديدك وطلعاتك يابو تركي

[ابوساره3]

اخوي العزيز ابوحسين شرفني مرورك وتعليقك ،، ولي الشرف ان تجمعنا طلعه معاك برفقة النوخذه بوتركي ،،،

أحس من الحين إن الطلعه بتكون تاريخيه "لا تنسى"

كل الشكر والتقدير مني لك ،،

[abuufahad]

ماشاء الله عليكم صور تفتح النفس وابوتركي والنعم فيه والله اخ وعزيز والرحله معه لها طعم يكفي انه غير السلم عشاني :) :)

[ابوساره3]

ماشاء الله عليكم صور تفتح النفس وابوتركي والنعم فيه والله اخ وعزيز والرحله معه لها طعم يكفي انه غير السلم عشاني :) :)



تسلم أخوي الغالي بوفهد ،،، الله يجمعنا وإياك مع بوتركي على الخير إنشاء الله

[بو جود]

تسلم يا بو تركي
كلك ذوق و اخلاق
لا خلا و لا عدم
بالنيابة عن نوخذتنا بوسارة و باقي الشباب
احب اشكرك على هذي الكشتات اللي لا تنسى
و احنا كلنا بانتظار مفاجئتك

[بو جود]

بو سارة تحياتي لك
نوخذتنا الكبير
اشكرك على هذا التقرير الاكثر من رائع

[((القناص))]

ماشاء الله تبارك الله