أحد يخبر لي سليب باق مثل هذا..

[الكشاح]

السلام عليكم ورحمة الله وبركاته

اخواني الكرام اهل مكشات...مثل ما عودتونا ان مكشات ملم بالكثير من ادوات الرحلات..

من هذا المنطلق وجدت سليب باق عند احد الاخوه...عندنا في الامارات..وفي الحقيقه عجبتني فكرة هذا السليب باق
حيث انه يحميك في الجوى البارد بعد الله طبعا وكذلك عن الدواب وما شابه وكذلك عن المطر..والبعوض والذبان
وهو ينفع في الاحراش مثل الذي يقنصون في افريقيا..لذلك حبيت اطلعكم على الفكرة..وان وجدت في السعوديه..بتكون مظبطه بشكل احسن
وخاصه انه اذا عمل بالشراع التنزاني بيكون ازين..

معلومه عن السليب باق..الطربال باكستاني وفيه تور شبك للحمايه عن البعوض..وفيه سحاب من اوله الى تاليه..وبه خشب بشكل مثلث لرفع الشراع من جهة الراس..وكذلك حبال من الاطراف لربطها من زاويه لعملية شد الفرش..او بتثبيته بي وتد خيمه..وتستطيع وضع فرش اسفنج في الداخل مع بطانيه..والقياس اعتقد انه متر ونصف في مترين..

المطلوب اخواني ان اجد مثل هذا السليب باق...واطلاعكم على الفكرة...

سألت عنه في الشارقه وقالوا يكلف 450 درهم..والمشكله مش في الدراهم ..المشكله ان الواحد يبغى شي نظيف وتفصيله مظبوط..ولا يخر الماء ..

وانتظر مشاركاتكم وتعليقتكم اخواني الكرام




http://www.mekshat.com/pix/upload/images10/mk5821_mf1.jpg



http://www.mekshat.com/pix/upload/images10/mk5821_mf2.jpg




http://www.mekshat.com/pix/upload/images10/mk5821_mf3.jpg



http://www.mekshat.com/pix/upload/images10/mk5821_mf4.jpg

[جلوبلستار]

هلا بك اخوي الكشاح ومشكور على عرض هذا السليب - الفراش - المطور ( فل انجكشن ) لكن اتوقع ( وانت ادرى مني ) انه بيكون كبير عند التصفيط وثقيل ... لكن اذا كان في السيارة مساحة كافيه فما فيه مشكله . ومثل ما قلت يصلح للمناطق الي فيها بعوض . ومشكور مرة اخرى .

[غيّام]

والله الصدق فكره ممتازه جدا جدا وانا ابسويها وادعيلك
ووينك يا ايمن الموضوع يصلح من المواضيع المميزه والشيوخ ابخص
لكن هذا ما يحتاج تتعب عمرك يابعدي وتنشد عنه رح طال عمرك للغرابي وفصل على المقاس اللي تبي والقماش اللي تبي والبطانه اللي تبي بعد وبسعر ارخص لكن الفكره ممتازه جدا
الف شكر لك اخوي الكشلح

[الكشاح]

الاخ جلوبلستار...حياك الله وشرفتنا....كلامك صحيح يا اخوي الفراش بيصير كبير بياخذ نصف شنطه الموتر...لكن يا اخوي هذا تشيله معك على السعه..وانا اكاد اجزم ان اخواني في مكشات راح يظبطونه ويخلونه خفيف ويلبق في اي قرنه..شكرا على التواصل

[الكشاح]

الاخ غيام حياك الكريم...وشكرا على الرد...وانا في الحقيقه الفكرة معششه في راسي وبسويها بحول الله..بس افضلها تكون في الرياض..لانهم يستطيعون تفهم الفكرة بكل سهوله..اما عندنا بيعملك فيها فاهم وهو ولا عنده شي..وعلى هذا يطلب قروش زياده

لذلك اذا قمت انت بالفكرة لا تنسني وانا اخوك..خبرني.في الحال..جزاك الله خير

[ابوشايف]

والله انه فراش فل اوبشن