استفسار

[بحر75]

السلم عليكم ورحمه الله

اخواني انا بسوي لي تصريح لراس ابو علي فـ ياريت لو توصفولي اماكن صيد قويه براس ابو علي

وهم توصفولي دربها و وش احتاج من جيمه وخيوط وكم مقاساتها وميادير وكم مقاساتها

يعني اخوكم لسه عليمي يبي منكم الفايده

ووش الجيمه المناسبه

تحياتي

[ناجل سمار]

وعليكم السلام اتمني رحله سعيده وممتعه --ياليت اذا وصلت بالسلامه تصور منطقة راس علي -اسمع عنها ويمكن الله يكتب لي زيارة الشرقيه -واتمني احد الاعضاء يعطيك الاحداثيات

[accentkool]

الله يوفقك وتصيد الثلاجات بس لاتنسانا من التقرير

[الملقوف2007]

يفيدونك الاخوان انشاء الله

[White_Shark]

السلام عليكم ورحمة الله وبركاته

حياك الله اخوي بحري 75

انصحك كمبتديء باستخدام طعم ربيان , خيط مقاس خمسين , وميدار 12





بالنسبة لأفضل مكان صيد أخوي في راس أبو علي كثيرة , وما أقدر أضمن لك وفرة الصيد , بالنسبة للمواقع اللي نصيد فيها ندخل لها ببدلات خاصة داخل البحر لين يواصل البحر لأعلى الركبة باستخدام معدات خاصة .

لكن إن كنت تبغي حداق أسياف , عندك " دريدير " , ما أدري إذا كنت تعرفها ولا لأ , لما تتعدي الأرصاد اللي على يدك اليسار فوق الجبل بتجيك محطة كهرباء قريبة من الشارع ووراها على طول شبك حق ارامكو .. تاخذ يسار على الشبك تمر من جنبه على طلعة بسيطة ومافيه تغريز , وتخلي بيب أرامكو على يدك اليسار وتبتل سيدا لين تجيك العمدان اللي في وسط البحر , هذي المنطقة هي دريدير .. فيها سبيطي كثير .. أختار المواقع اللي على اليمين لأن المنطقة فيها اعمق واقرب للشاطيء .

وإن بغيت تصيد سبيطي هناك يبغى لك صبر شوي , لازم تجيب طعم ( سمك ) يعني , نغاق أو ميد أو سلوس أو منكوس ولازم ترمي بعيد قدر المستطاع حتى لو كان خيطك يروح يسار .. يوم الخميس القادم المد راح يكون الساعة 4:30 تقريباً العصر , وصيد السبيطي هناك بالذات لازم بعد المد بساعتين أو ثلاث ساعات .



وإن بغيت منطقة ثانية , بعد ماتتعدى محطة الكهرب وانت على المسفلت الرئيسي , أول ماياخذ معاك الخط يمين بتشوف البحر قدامك , بتشوف فيه نزله خفيفة جزء مسفلت وبعدها رمل .. هذا محدق ممتاز .


تحياتي .

[بحر75]

مشكورين اخواني ما قصرتوو

ان شء الله نوافيكم بالتقرير