كفرات دنلوب جديده 2010 أربع ألحق ما تلحق .

[ابوفجر 2]

السلام عليكم ورحمة الله وبركاته
أخواني الأعزاء . .
لدي كفرات نوع ( دنلوب مقاس 65/65/17 ) تاريخها 2010 ياباني جديد وكيلها بن زقر :good2:.
الكفرات توني مركبها لها ثلاث أسابيع .
سبب البيع حجمها كبير على موتري لأن موتري حجم كفراته الوكالة ( 45/65) و شاري الحبه بـ( 550ريال) يعني الأربع بـ( 2200ريال ) والله على ما أقول شهيد . . .
وهذا رقمي بعد أذن الأدارة الموقره .
( 0559944363)

[saaqaar]

كم حدك اخوي

[ابوفجر 2]

سم الله يحفظك مالي حد والكفر جديد وبتعب وأنا أقول جديد , , ,

[saaqaar]

فتحة السوم صعبة شوي
وانا ودي اغير كفرات موتري
فان كان حولك حد عطني خبر

[عود رمثه]

الله يوفقك ماظن تركب على الباث وفتح السوم على قول اخوي محرج
لكن من بعد النص مقبول موفقين

[ابوفجر 2]

لاصعب ولاشي هذا بيع ومشتراء عطوني سوماتكم والأمر سهل

إن صلحت السومة بعنا وما صلحت قلنا الله يكتب الصالح ويرزقكم .

[سلفاريو]

هلا بك اخوي ابوفجر2...ياليت تتاكد من المقاس ناقص رقم في عرض الكفر
دنلوب مقاس 65/65/17
دنلوب مقاس 265/65/17
للتوضيح ...والله يرزقك بالبيعه الي تسرك

[ابوفجر 2]

هلا بك اخوي ابوفجر2...ياليت تتاكد من المقاس ناقص رقم في عرض الكفر
دنلوب مقاس 65/65/17
دنلوب مقاس 265/65/17
للتوضيح ...والله يرزقك بالبيعه الي تسرك


عرض الكفر واضح 65\65\17 يعني 265\65\17 وهذا عرض الكفر .

[AL3ASHEG_999]

تركب على الشاص2010 وهل فيه صور

[على رمشي تمشي]

هل كفراتك راكبه على جيب برادو او باثفندر

[ابوفجر 2]

تركب على الشاص2010 وهل فيه صور


إذا كان جنطك 17 تركب براحه .

[ابوفجر 2]

هل كفراتك راكبه على جيب برادو او باثفندر



هي راكبة على باثفندر ونفس إلي تجي على البرادو من الوكالة .

[ابوفجر 2]

للرفـــــع

[المساجدي]

وين موقعك اخوي ابو فجر وهل هي نفس مقاس كفرات اللاندكروزر 2008 -2009 جنط 17

[ابوفجر 2]

وين موقعك اخوي ابو فجر وهل هي نفس مقاس كفرات اللاندكروزر 2008 -2009 جنط 17


هلا أخوي أنا مدري بضبط عن حجم كفرات الاندكروزر ولكن حجم الكفرات الي عندي مذكور في الأعلان والجنط 17 لكن أتوقع إن كفرات الاندكروزر حجمها أكبر شوي من هذي . ولعلك تتأكد .

[المهاجر انا]

تركيب على لند كروزر 2002

[صدى1]

السلام علكيم ورحمة الله وبركاته
نفتح السوم بـ 1000 ريال

[ابو شايق]

ابو فجر
السلام عليكم .. افرق السوم 1300 ..
وياليت ترسل حدك على الجوال 0554236367 تراي شراي وصامل ان الله كتب نصيب

[عبدالرحمن السالم]

كان تبي تبدل بكفراتي التويو :D

الله يرزقك يابوفجر تستاهل خير

[ابوفجر 2]

الله يجزاكم خير سوماتن طيبه لكن الكفرات جديده لها ثلاث أسابيع ياالربع ثلاث أسابيع وشاريها 2200 ريال
كيف تسومون 1300 ريال .
إلي يعرف الكفر زين يتعدل في السوم . .

[ابوفجر 2]

وصل السوم عن طريق الجوال 1500 ريال والكفر جديد موديل 2010 ياربع وله ثلاث أسابيع فقط واصلي موتقليد .

[ابوفجر 2]

للرفع للمره الثانية

[دواس الضلما]

الله يرزقك الزبون الصامل

[ابو شايق]

آمين .. واذا كان راعي السومة هون تراي مازلت عند سومتي .. والله يبارك لك في حلالك ويعطيك البيعة التي في خاطرك

[ولد وايل..]

أخوي انا شراي بـ 1400... بس لا هنت سبب البيييييييع....


وتركب ع التاهو ..؟

[متى نكشت ؟]

ياخوان الكفرات على حسب معرفتي تركب على
الشاص والاند كروزر 2002 الى 2010
والبرادو وكل موتر كبير جنطة 17
دمتم

[ابوفجر 2]

للرفع وللمرة الأخيرة

[القرشه]

ربي يحفظك ليتك تقول سبب البيع اذا كان ممكن لاني اتوقع السبب الصوت وانا مع اخر سومه وربي يرزقك امين ويرزقنا

[ابوفجر 2]

أخي الحبيب ( القرشة ) الكفرات سيمت أمس 1800 ريال .
والسبب في البيع هو أنها كبيره على موتري الباثفندر والكفر غني عن التعريف لا صوت والغيره .

[msmr]

عمي الفجر 2

وين مكانك أولا

ثمن وين وصلت السومات "الصاملة"

لأن سومتي "الصاملة" 1300

طبعا بعد التأكد الفاتورة وتاريخ الكفر وحالته

و لا تزعل من سومتي "الصاملة" اللي تخارجني

لأن بشتري شي مستعمل

وانت تدري وانا اخوك الموتر يطلع من الوكالة ثمن تبيعه على طول و يطيح من سعره مبلغ وقدره

[msmr]

نحتري الرد طال عمرك