استشاره ركبت طرمبة جديده...

[يكفيني نظرة]

ركبت طرمبة بنزين جديده اصلية وبعد اسبوعين خربت وش السواة ؟؟
سيارتي vxr 2002
هل فيه حل اصلاح مع العلم انها ماطفت بس تكتم الموتر ويقطع فقط واذا تعدى سرعة 40 يمشي تمام..

[البدوي الفاهم]

مرحبا باخوي يكفيني
اذا السيارة ماطفت اذا المشكلة مو طرمبة
نصيحتي لك غير الصفاية((فلتر)) البنزين الاصلية من الوكالة
وردلنا وش صاار معك
تحياتي

[الشامخ الشمالي]

شيك على صفاية البنزين واذا كانت تمام فك الصفايه وفرغ البنزين والاوساخ اللي فيها واعد تركيبها بدون استبدالها

وان شاء الله تنحل مشكلتك وحاول دائما ان البنزين ماينزل إقل من الربع ولاتنسى تعبي من المحطات الجديده والنظيفه

[يكفيني نظرة]

السلام عليكم ..
تم تركيب طرمبة بنزين جديده والحمدلله الموتر انضبط..
والسالفه :
الموتر vxr 2002 فيه تقطيع ورحت غيرت طرمبة البنزين ولا راح التقطيع وفحصت كويلات وطلع واحد خربان وغيرته وخف التقطيع كثير بس ماصفى الموتر مره ومار اقوم واشتري كويلات كامله واغيرهن بما ان ( الموتر ماشي 400000) ومن قريب شاريه فقلت مرة وحده اغيرهن واريح راسي احسن من انه يخرب واحد كل اسبوع ،، يوم غيرت كامل الكويلات والطرمبة جديده حصل مايلي : اعتقد ان الكهرب اللي جاي من الكويلات كان ضعيف او بسبب اني غيرت الكويلات بدون فصل البطاريه الزبده يوم ركبت الكويلات وشغلت السياره انكتمت وصارت تقطع مررررة يوم رحت كهربائي قال الطرمبه خربانه قلت مركبها جديده قال طيب جرب استعمل التانكي الصغير يوم جربته ولاه تمام وفعلا الطرمبة الجديده استخدمتها فقط اسبوعين وخربت وادفع 700 ريال ثانيه سعرالطرمبه 500 و200 تركيب والشكوى لله وحبيت ابين لكم ماحدث للإستفاده من تجربتي..

[قنياوي]

يعني نفهم أن المشكلة أن طرمبة البنزين تجاري ولا وش الأمر ؟؟

[يكفيني نظرة]

انا فهمت انه يفضل فصل البطارية قبل العمل على تغيير اي قطعه كهربائية..