طلب مساعده الله لايهينكم أرجو الدخول , [الأرشيف]

مشاهدة النسخة كاملة : طلب مساعده الله لايهينكم أرجو الدخول ,

مخاوي فلاح

31/10/2010, 08:12 AM

بسم الله الرحمن الرحيم

السلام عليكم ياربع اخباركم بشروني عنكم ان شاء الله بخير

انا طال عمركم واحد اهداني طير والرجال سافر بالخارج يدرس الله يوفقه

الطير فيه ريحه من فمه

الريحه على حسب خبرتي البسيطه انه يبي حبوب اقلاع مدري اذا هو او لا

واذا كان الحبوب اقلاع وين احصلها مثل احصلها بالصيدليات البيطره ولا يوجد مكان متخصص بالادويه لطيور

وجزاكم الله خير مانستغني عن نصايحكم .

الشـ صقرـــام

31/10/2010, 08:22 AM

abu hlal

31/10/2010, 08:52 AM

حياك الله يا مخاوي فلاح

بالنسبه لريحه فم الطير... ماهيب شرط مرض ...ان كان الطير مابعد شنذر فهي طبيعيه وتروح بعد الشنذره!!!

على العموم افحص الطير قبل لاتعطيه شي!

تقبل مروري
abu hlal

صاحب نوماس

31/10/2010, 08:55 AM

اخوي مو شرط انة يكون قلاع القلاع وانا اخوك يكون واضح ويجي ريحة في فم الطير صحيح وايضا تلاحظ علية يجدع العلف مايعلف هذا القلاع

اما اذا كان علفة طبيعي ووجة الطير حي بس المشكلة الريحة هذي هذا وانا اخوك تلقى الطير مجمع روابيج تلقاة مايروبج على شان كذا تجي الريحة

قرناس شماالي

31/10/2010, 09:17 AM

ماقصرو الربع اوفوك بلعلم الوكاد

مخاوي فلاح

31/10/2010, 12:02 PM

السلام عليكم

مبروكه عليك الهديه وتستاهل يالغالي

والله يرد خويك الاهله سالم غانم

بالنسبه للحبوب

تلاقيها عند محلات بيع الصقور او في مستشفى الصقور اذا كنت في الرياض

وعلاج طير بذن الله سهل

تحياتي لك

مرحبا الله يبارك فيك ماتقصر وافي ويعطيك العافيه ماقصرت منور الصفحه

حياك الله يا مخاوي فلاح

بالنسبه لريحه فم الطير... ماهيب شرط مرض ...ان كان الطير مابعد شنذر فهي طبيعيه وتروح بعد الشنذره!!!

على العموم افحص الطير قبل لاتعطيه شي!

تقبل مروري
abu hlal

واالله وانا خوك الطير مشاء الله عليه طيب مافيه الاالعافيه بس الريحه ومثل ماقلة الطير توه طال من الربطه وماشنذر واضاهر منه ماقصرت اخوي بيض الله وجهك

اخوي مو شرط انة يكون قلاع القلاع وانا اخوك يكون واضح ويجي ريحة في فم الطير صحيح وايضا تلاحظ علية يجدع العلف مايعلف هذا القلاع

اما اذا كان علفة طبيعي ووجة الطير حي بس المشكلة الريحة هذي هذا وانا اخوك تلقى الطير مجمع روابيج تلقاة مايروبج على شان كذا تجي الريحة

ايه الطير علفه طبيعي ووجه حي مشاء الله مافيه شي من العذاريب بس الريحه اللي ضيقة صدري وان شاء الله بن شنذره ويرجع طبيعي

بيض الله وجهك وماقصرت منو ر الصفحه

ماقصرو الربع اوفوك بلعلم الوكاد

بيض الله وجيهم ماقصرو الله يعافيهم

ابوعزيز2007

31/10/2010, 02:00 PM

انشاء الله استفت

رجم العناء

31/10/2010, 02:50 PM

السلام عليكم ورحمة الله وبركاته
علاج القلاع تلقاه عند الصيدلية البشرية
حبوب فلاجيل 250
تعطي الطير نصف حبة لمدة ثلاثة ايام
بس تاكد قبل تعطيه العلاج ان فيه قلاع
وللمعلومية تراه نفس علاج المستشفى حق الطيور