اللي عنده خبره بفشق الشوزل يدخل الله لا يهينه ..

[متألق بطبعي]

صباحكم ورد وياسمين اعضاء ومشرفين وادارة
انا اشتريت لي صندوق فشق بس مدري هو زين ولا لا
ابي مشورتكم للي يعرفه يعلمني الرجال قال لي جربه اول ويمدحه مدح كثير
الفشق اسمه :
ام بي لونق رنج
بب بي
رقم 6/36
وبندقي ام سيلان الطويله
ارجو افادتي ولكم مني جزيل الشكر والتقدير

[متألق بطبعي]

ثمان زيارات ولا احد رد ليش يالربع محد عطاني وجه .

[شري97]

ماجربته بس يمدحونه انا افضل 32

[أبوباسم455]

أخــــوي نــزل صــور عـلـشان نـحـكـم أكـثـر الـفـشق مانحفـظ أسـمـائـهـا بـس نـعـرف أشـكـالـهـا !!







http://dc03.arabsh.com/i/00113/5cvbd8pn7ipm.gif








http://dc03.arabsh.com/i/00099/fz6vdqqe8do9.gif

[متألق بطبعي]

الفشقه لونها اخضر

[متألق بطبعي]

ليش مافيه ردود ياناس
ارجو افادتي عنه
اما ارجعه ولا استخدمه

[a7md al-q9em]

ياهلآ ومسهلآ بآخوي ..

قبل كل شي احسك بردآن تعال جنب النآر تدفئ.. :f
صرآحه الفشق مآعمري جربته ..

لآكن وش يحدك لنوعيآت من الفشق ليست دآرجه عندنآ بالسوق .. :(


لآتتعدى" ارسي ,, كاكا ,, ميرآج ,, آلخ من الانوآع الممتآزهـ والمجربه .. :D

وهآذي صورة الفشق للي طلبه ..:good2:

http://www.mekshat.com/pix/upload04/images186/mk131116_mblongrange_4.jpg



وهنآ الموقع الرسمي للشركة نفسهآ ..


B & P (http://bandpusa.com/hunting/upland/mb-long-range.html)


اتمنى اني افدتك ولو بالشي القليل ..

تقبل مروري ..

بالتوفيق .. :heart:

[الذود العفر]

أخوي أنت هالفشق وش تبيه له !!؟

لكل نوع من الصيد له فشق معين ,,

هالشركه أنا شريت المتوسع وهو كويس للطيور الكبار,,

أما ال6/36 ماجربته ,,

[متألق بطبعي]

a7md al-q9em

عز الله انك جبته ياذيبان هذا هو الفشق وش رايكم

[متألق بطبعي]

الزود العفر
الله يطول بعمرك انا ابيه للحمام والحجل والصفاري

[ابو محمد سوبر]

اخوي هذا الفشق افضل فشق عندنا بالسوق وممتاز وتراه افضل من الكاكا المغشوش والارسي المغشوش الموجودات بالسوق الحين
الاسبوع الماضي رامي فيه القطا النغاق والغطاط ممتاز لا تعداه لأنه هذا الاصلي اللي بشده

[محمد الشمروخي]

ممتاز ونظام فرش الفشق طولي وافضل رمي فيه على الارض او طيار

[سيف خنذف]

كويس لاتتعداه ... جربته جابوه لي عيال من الكويت ... طيب

[راع النوايف]

الفشق لايعلى عليه
لكن المشكله ان شوزنك ام حبه ماتتحمله لأنه صلف جدآ واحد من الزملا تشلخت عنده الاخشاب لما رمى فيه
اذا ماكانت الشوزن غاز ماأنصحك ترميبه تبي تروح عليك الاخشاب

[نباك]

من افضل الفشق كان متوفر وما احد ياخذ الا هو عن نفسي ما مر علي افضل منه كان متوفر قبل لا اشري ام خمس كان معي ام سبع ابر الله يسقي ايامها بالخير ولا يعيد اليوم الي فارقتها فيه (الاخ طولها شوي كنه بيكتب شعر)

[متألق بطبعي]

ابو محمد سوبر
الله يطول بعمرك واسعد الله ايامك بكل خير
اسعدتني بالخبر

[متألق بطبعي]

محمد الشمروخي
الله لايهينك ويطول بعمرك

[متألق بطبعي]

راع النوايف
الله لايهينك ويطول بعمرك
بالنسبة لي رامي رامي بها الله لايعوق بشر
ياراع النوايف رميت ام وحده طرب والله انها تطربني طرب ماعلي من ام خمس

[متألق بطبعي]

نباك
ماقصرت الله يعافيك
وفيت وكفيت واسعدني ردك المميز

[عزالصديق]

شايفه قبل ساعه مع صديق ولقيت انه صناعه ايطاليه ومدام انه ايطالي خذه ولاتشاور بس خذ32

[PATROL]

الاخ متالق بطبعي انحش عن الفشق هذا انا جربته ومايصلح ابد
خذ لك اولمبيك حلو رميه ومتوفر بالسوق وانا مااخذ الا اولمبيك لان الكاكا صار مقلد
والارسي ماتلقى 36

[a7md al-q9em]

^^^
^^
^
بآترول ليش مايصلح .. !!!

[PATROL]

البي بي بالعربي فشق مايبرد خاطرك وصيدتك تروح صويب وجربته على اجوال جرجس وسويت مقارنه بينه وبين فشق اولمبيا اذا رميت بفشق اولمبيا يطيح اكثر عدد من الجول بعكس البي بي
اذا تبي نصيحتي خذ فشق اولمبيا 6/36
وتبي تدعي لي ان شاء الله

[عادل زيد]

الفشق ممتاز ونوعة طيب

[ابو سفيان]

ممتااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااااااااااااز جدا
وارمي به وقلبك قدك

من افضل ما نزل صراحه

[محمدالعريني]

فشق طيب بالحيل وجربته مع اكثر من 7 انواع على صاج مظله زاكانت الانواع كلها 6 على 36 اقوا اختراق كان
بال بي بي فشق قوي وصلف بالحيل تمت التجربه مع سبيد الازرق و كاكا الازرق ورمنقتون الاخضر وابو اغزال وباتريوت وارسي الاسود وارسي الاخضر واطيبهم البي بي والمسافه كانت 40 متر
وقبل كم يوم جربت رقم 1 36 وكانت التجربه بينه وبين الريو رويال الاسود وهو معروف بالحراره ومع ذلك البي بي تفوق عليه
وانا افصل استخدامه في المرامي البعيده وللطيور الكبار والقطا
اتمنى اني افدتك

[عاشق الوعل170]

اذا تبي نصيحتي لاتدور غير فيوشي يالله وش اخلي وش اقول فشق طيب طيب بالحيل وزود على ذلك نظيــــــــــــف

[الهديف]

هو الوحيد اللي يجي أصلي

ممتاز جدا أتعب و أنا أقول ممتاز

[متألق بطبعي]

a7md al-q9em
ماعليك من كلام باترول كل واحد له رأيه

[متألق بطبعي]

عز الصديق
عز الله انك عز الصديق يابعدي
وبسمع شورك

[متألق بطبعي]

باترول
والله انا اشتريت صندوق الفشق اعجبني رميه وانا احترم رايك عزيزي

[متألق بطبعي]

عادل زيد
طيب الله فالك
والفشق جربته على بندقي واعجبني

[متألق بطبعي]

ابو سفيان
ايو الله ان قلبي قدي يابو سفيان عز الله انه يبرد الكبد واذا صار معك ام وحده امريكية ام سيلان طويله عز الله انك تطرب لها طرب

[متألق بطبعي]

محمد العريني
عز الله انك افدتني وطيبت خاطري قلت ان الفشق راح علي خسارة بس انت ريحت راسي

[متألق بطبعي]

عاشق الوعل
والله الفشق شريناه واعجبني واللي يبي يشتري فشق لا يفوته وتراي شريته ب2000ريال يعني تطلع عليك الدسته ب100ريال

[متألق بطبعي]

الهديف
وانت ايظاً ممتاز يابعدي وتستاهل ثلاث نجمات

[PATROL]

يالربع كلن له وجهة نظر بس انا مااعجبني
بس اذا تبي الزبده خذ لك كرتون من البي بي وكرتون من اولمبيا وجربهن بنفسك وعطنا خبر ايهن افضل