ثلاجة السيارة .... من عنده حل؟

[ذيب الشفا]

السلام عليكم ورحمة الله وبركاته :
إلى خبراء ومستشاري ومختصي الثلاجات وكل أعضاء مكشات خبراء .. عندي ثلاجة جنوب افريقية minus 40 فيها مشكلة وهي أنها بعد 3 أو 4 ساعات من التشغيل تبدأ تطفي وتشتغل حتى اقوم بتشغيل السيارة ثم تستمر بالتشغيل يعني كأن البطارية ماهي ماليه عينها مع العلم أني حاط بطارية احتياط واللي هي عليها وعندما تبدأ المشكلة تكون البطارية شغاله مافيها شيء بدليل اشتغال اللمبات عليها والمحول والآيكم ...
شغل البطاريات والتسليك عند ورشة سوافي بالرياض .
كانت البطاريات حجم 100 امبير وبعد فترة تعطلت (انتهت) وركبت 80 و70 والمشكلة نفسها من قبل تغيير البطاريات
ارجو ممن لدية خبرة او او معلومة افادتي .. شاكر لكم مقدماًً

[سرهيد]

هلا بك طال عمرك

السؤال اخوي اذا طفيت السيارة البطارية على اي درجة من التبريد ، يعني هل هي 5 فوق الصفر او 18 تحت الصفر

تقبل مودتي

[ذيب الشفا]

اخوي سرهيد اشكرك على سرعة الأجابة .
اذا طفيت السيارة تكون الثلاجة على درجة عالية من التبريد يصل اغلب الأحيان تحت الصفر .. ليست هنا المشكلة .المشكلة انها اذا اشتغلت على البطارية الاحتياطية يعني والسيارة طافية ..ماتستمر بالاشتغال لفترة طويلة .. يعني بعد 3 ساعات مثلاً تبدأ بالتقطيع يعني تطفي وتشتغل بشكل سريع وقال لي كهربائي الكترونيات هذا الكهرباء اللي يجيها ضعيف وبالطريقة هذه فيه خطورة على الكمبرسر ... طيب كيف الكهراء ضعيف والبطارية بحالة ممتازة ...

[ذيب الشفا]

يرفع .....................

[ذيب الشفا]

سرهيد انا بانتظارك طال عمرك

[سرهيد]

حياك الله اخي الكريم


اذا طفيت السيارة تكون الثلاجة على درجة عالية من التبريد...


هذه اعتبره سلبية

لان المفترض ان يتم وضعها على 8 فوق الصفر يعني في حال تبريد لكي تطول مدة العمل مع البطارية ... ومعلوم ان وضع الثلاجة على درجة عالية من التبريد يجعل الاستهلاك اكثر وقد تصل الى 5 ساعات ، فهذا ما لحظته في بعض الثلاجات ...

جرب تضعها على 8 فوق الصفر ثم احسب كم تقعد ؟؟

السؤال الثاني : السلك اللي جاية للثلاجة كم حجمه وهل هو مباشر من البطارية ام معه اشياء اخرى ؟

[QUOTE=ذيب الشفا;5503974]ليست هنا المشكلة .المشكلة انها اذا اشتغلت على البطارية الاحتياطية يعني والسيارة طافية ..ماتستمر بالاشتغال لفترة طويلة QUOTE]

بل تكمن المشكلة هنا اذا تم اطفاء السيارة يجب ان توضع على درجة فوق الصفر لكي تعمل اطول وكلما كانت تحت الصفر قل عمل البطارية .

وكذلك السلك الممدود يساهم في ضعف الكهرباء ؟

في انتظارك

تقبل مودتي


تقبل مودتي

[هدد2006]

السلام عليكم ،،

أولاً أشهد الله على حبك فيه ياسرهيد ،×


وماقول إلا
وشهي الخيمة بليا سرهيد !
×الله لايخلينا منك وأمثالك يابعدي .

[4*4]

سرهيد كفى ووفى
الافريقيه غثيثه لازم يجيها كهرب ميه ميه
يعني السلك الممدود لها لازم يكون سلك صاحي وقوي
بالتوفيق

[مفتون صيد]

اخوي ذيب الشفا من خلال تجربتي بالثلاجة اللى معي الطمرة مثل ماقال لك اخوي سرهيد اذا انت تمشي حطها على اعلى شيء اذا وقفت اقصر على برودتها فوق الصفر مثل ماقال سرهيد
وغير كيذا البطارية لا تحط اقل من 90 انبير اقوى لها ويريح الثلاجة لانه يجي لها كهرب زين ... وعلى فكرة ترى تغيير البطارية الاضافية تقريبا كل سنة يعتبر امر طبيعي لانها تستخدم والسيارة مطفية ودائما .. ولاهو دليل انه يكون اللمبه زينه يعني البطارية زينه
لان الكهرب اللى فيها ممكن يقوم المحول واللمبة الصغيره لكن ما يقوم الثلاجة تبغى اكثر من غيرها ... وفيها حساسات او منظم هو اللى يطفيها على اساس يحافظ على مابقى من الكهرب اللى في البطارية

الامر الاخر ما يمنع تشوف هل التشبيك زين يعني هل البطارية تتغذى من الدينمو صح والا لا والفيوزات المفروض سنويا نشيك على تسليكاتها لانها مولفه غير شد البلد يعني لابد يصير فيها خلل

انا مصلحها عند سوافي لي تقريبا سنتين وماشفت منها شيء الا اللهم في الفترة الاخيرة صارت تطفي لو ابحطها على 4 وقت طويل والسيارة طافية ....حسبت انه فيها شيء خربان لكن اللمبة الصغيرة حقت الكبوت هي اللى دلتني ان البطارية الاضافيه راح تودع قريبا بدليل اذا دقيت سويتش تشبك طبعا البطارتين تقوى اللمبة عرفت ان البطارية الثانية بتودع

اتمنى اني افدت ولو بالشيء القليل

[روح الاحساس]

رايي انك لازم تزيد ماها يعني تعبيها ماء زووود اذا هي تنعبا ماء وسلامتك لان فيه ثلاجات لازم تعبيها ماء عشان تشتغل عدل وبالتوفيق ،،،،،،،،،،،،،

[ذيب الشفا]

الاخ سرهيد:
لك كل الشكر والتقدير وسوف اجرب ماقلت واتأكد من ذلك ويكون بيننا تواصل الله يحفظك ويرعاك ..
الأخ مفتون صيد :
الله يعطيك العافية اشرت الى نقطة مهمة جداً وقد تكون هي سبب المشكلة وهي وجود حساسات في الثلاجة
فعلاً قال لي واحد ان فيها منظم للكهرباء يعني اذا وصلت البطارية لدرجة 50% تطفي الثلاجة علشان ماتقضي على البطارية وبعدين ماتشتغل السيارة ويصبح المستخدم في ورطة .. وقال لي من الأفضل فصل هذا المنظم .. لكني ماوجدت كهربائي محترف يخبرني هل هذا الكلام سليم وهل فصله يؤثر على الثلاجة او لا ..
اشكر الجميع على المشاركة وارجو افادتي بما يستجد من معلومات ..

[سرهيد]

الاخ سرهيد:
فعلاً قال لي واحد ان فيها منظم للكهرباء يعني اذا وصلت البطارية لدرجة 50% تطفي الثلاجة علشان ماتقضي على البطارية وبعدين ماتشتغل السيارة ويصبح المستخدم في ورطة .. وقال لي من الأفضل فصل هذا المنظم .. لكني ماوجدت كهربائي محترف يخبرني هل هذا الكلام سليم وهل فصله يؤثر على الثلاجة او لا ..
اشكر الجميع على المشاركة وارجو افادتي بما يستجد من معلومات ..

اخي الكريم

انا متابع واتمنى ان نصل معك الى حل

لكن مسألة فصل الحساس لست معها ، لان الهدف حماية البطارية من ان تفضىوخاصة اذا كانت بطارية واحدة يعني الاساسية ..

الافضل البحث عن الحلول الاخرى وترك هذا الحل الاخير وبشرط لا يتم الغاء الحساس الا مع البطارية الاضافية اما مع الاساسية فلا انصح به نهائيا ..

سؤال : الثلاجة مشبوكة في البطارية مباشرة دون اي وصلات اخرى .... وما حجم السلك يعني كم ملي ؟

وانا اشوف انك تجرب تقصر على الثلاجة اذا طفيت السيارة ، وتعطينا النتائج ..

ومثل ما يقولون آخر العلاج الكي .

تقبل مودتي

[الثويرات]

عندي سؤال
السلك الي جاي لم الثلاجه عليه فيز او لا


من ناحية البطاريه انصحك نصيحه لله وعن تجربه احرص على البطاريه الي بصوره
http://ecx.images-amazon.com/images/I/41ZIhF--ujL._SL500_AA300_.jpg

[ذيب الشفا]

سرهيد الله يمسيك بالخير ...
اشكرك على اهتمامك وحرصك على خدمة اخوانك واقدر جهدك وانا معك في قضية فصل الحساس لكن انا عندي بطارية احتياط ولن اخاطر في وضع الاجهزة على البطارية الأساسية .
المهم انا (امهوني) بعض الشيء وحتى الآن ماشفت السلك اللي جاي للثلاجة هل هو دايركت والا يشترك به شي آخر ولاأدري كم حجمه لأنه تحت التلبيس ويبغاله جهد شوي لكن هو شغل سوافي والكل يعرف تلك الورشة .
اخوي الثويرات :
الله يحفظك ويرعاك السلك عليه فيوز .... لكن البطارية الغريبة هذه اللي انت مصور وش صناعتها ووين نحصلها .. بصراحة ماعمري شفتها...

[ذيب الشفا]

تكملة .....
السلك دايركت .... حجمه 6 ملم

[ذيب الشفا]

يرفع للاهميه ....

[ذيب الشفا]

لا اله الا الله ..........