مقصات اللاندكروزر

[عبدالله المطيري]

السلام عليكم


يااخوان انا عندي صوت خفيف اذا كانت السيارة

واقفه وعشقت دي ابي امشي وكسرت الطااره لاخر شئ اسمع صوت طقه وحده

بس


المهم وديته كذا ورشه يقولون مافيه شئ فضاوه بسيطه جداً

بالمقص العلوي اليمين (وماندري الصوت منها او لا )

هل ممكن تكون هي وهل فيه خطر لو امشي عليه لين يبين الصوت



السؤال

هل لابد من تغييره كامل

او له جلد

او فيه احد يصلحه بدون ما اغيره

[ن م ر]

للأسف اللاندكروزر من 98 ~ 2007 ويمكن الجديد بس ماني متأكد

عند تلف جلد المقصات لازم تغير المقص كامل واللاندكروزر يجي اثنين علوي واثنين سفلي
يعني 4 مقصات خلفية

لكن نصيحتي لك رح لميكانيكي فاهم وخله يفك المقص ودور لك جلده من محلات قطع الغيار الخاصه بالجلد تركب عليها
ويركبها لك الميكانيكي

هذي طريقة ما جربتها لكن افكر اجربها لان جلد المقصات الخلفيه في سيارتي رايحه فيها وما فيه الا تغيير المقص كامل

والاعضاء الكرام لديهم المزيد والمفيد

[عبدالله المطيري]

بس وانا اخوك

انا المشكلة عندي بالمقصات الاماميه الركب

[بدوي جنوبي]

اذا الطقه من الركبه خطيره لازم تغيرها
لان الركبه هى اللى تمسك المقص
صورة للتوضيح فقط

http://www.mekshat.com/pix/upload04/images186/mk32037_0013.jpg

[حندقوق]

فيه ركبه صينية في السوق لكن ما ادري عن جودتها ولا سعرها

[sanh]

هذي طريقة جربتها فك المقص ودور لك جلده من محلات قطع الغيار الخاصه بالجلد تركب عليها
ويركبها لك الميكانيكي ل لان جلد المقصات الخلفيه في سيارتي رايحه فيها ومن سنه غيرتها وما فيه ايي صوت (في الامارات)

[عبدالله المطيري]

السلام عليكم

توني جاي من الورش ماخلية صناعية بالرياض ماجيتها

ولكن ولا واحد لقيت عنده حل ولاحتى عرف المشكله


اللي يقول ركبة يمين علوية

واللي يقول ركبة علوية يسار

واللي يقول جلد دودة

واللي يقول ركبة تحت الثنتين

واللي يقول اذرعة الدبل وجلد الدبل

واللي يقول موترك مافيه الا العافيه الطقه ذي فضاوة بسيطة براس العكس


المشكلة ان الركب ماتجي الا مع المقص اجباري تاخذ المقص ليه ما ادري مع اني قد اشتريتها لواحد من العيال من الكويت الركب كلها تجي من وكالة الساير ب 550 ريال بدون المقاص لانها ماتخرب تاخذ الركبة وتكبسها على المقص
ولكن بالسعودية يقولون مافيه ماتجي الاكاملة

الركب العلوية 600 ريال للواحد =1200 للاثنين
الركب السفلية 620 الواحد = 1240 للاثنين



لا اله الا الله

صابني صداع شديد منهم كل واحد وله راي


انا خايف من الركب لانها لو انكسرت الله يكفينا الشر وجميع المسلمين

راح تجيب مصيبة


الصوت ماعلى منه


هل تعرفون احد ثقه بالرياض ورشه او ميزان
اللي يعرف يدلنا عليه

جزاه الله خير http://www.toyota4arab.com/forum/images/smilies/smile.gif

[بترووول]

غير الجلد وتدعي لي

[حندقوق]

تاكد من شد مسامير البدي والمقصات يمكن مرتخيه شد عليهن

[ابوحميد122]

اول شي ضع العفريته حقت الكفرات في نصف السيارة الامامي بين المقص الايمن والمقص الايسر
وجبلك حديدة وحطها اول شي تحت الكفر اللي انت شاك به وارفع الحديده لاعلى اذا طلع صوت فضاوه لازم تغير المقص السفلي كامل وتقريبا سعره مع تركيبه 900 ريال المقص 700 وتركيبه 200 ريال

ومشكلة الجيوب من موديل 98 إلـــــــــــــــــى 2011 كلها جلب واذا انفتحة الجلدة حقت البيضة لازم تغير المقص كامل

او ترهيم جلبه للبيضه

وفقك الله وسدد على الدرب خطاااااااااااااااااااااك

[ابويزيد1]

هل تعرفون احد ثقه بالرياض ورشه او ميزان
اللي يعرف يدلنا عليه


السلام عليكم اخوي عطني وقت حد بكره أن شاء الله واجيبلك العلم لانه صارت لاحد من الشباب وماخلي محل الا ودور فية حتي الامارات ماحصل جلد واخرتها ركبت عليه حقت الكابرس بعد عمل كبس لها في المخرطة واسم الورشة ما عرفة بس انها في حي الشفاء بالرياض وغدا احضره لك موفق خير

[سهم قيادي]

السلام عليكم ورحمة الله وبركاته
انا لدي نفس السيارة والموديل ويوجد بها ABS
لدي ملاحظه مهم لـ ي3ي3 ارجوا ان يحذر منها وهي مبينه على الصورة


http://www.mekshat.com/pix/upload03/images150/mk66937_mk99303_5.jpg

الربله تباع لوحده عند الوكيل فقط بقيمه 17.5 ريال تطلبها طلبيه اوانك تجي الى الخبر وتطلبها من الوكيل السعودية عبداللطيف جميل
انا مغيير الثنتين 37 ريال وتركيب 50 ريال لان اذا اهملت تاكلت الركبه يجب تغيير المقص كامل بقيمه 500 ريال واذا اهملت انكسرت وادت الى انقلاب السيارة
--------------------------------------------

[illi]

السلام عليكم

اليوم كشفت على سياره الوالد فيها اصوات تسمعها عند المطبات والشوارع المكسره

قالي الميكانيكي

مقصات الاماميه الاربع 2صغير و 2كبير مع اصلاح او تغيير الرمانات اللي داخل الهوب لان فيه صوت قرقعه حديد

المقصات سعرها 2876 ريال
الرماناات و قالي يفضل تغير المساعدات لاني غيرتها قبل ثلاث شهور عشان الرجه اللي موجوده
شغل يده 1000 ريال

عطونا رايكم يااخوان هل احد مرت عليه هالشغله لانها اول مره تحصل معي

[نمر977]

السلام عليكم ومساء الخيرللجميع
أمس كنت في الصناعيه القديمه بالرياض (من الساعه 11،30ص إلى الساعه 8،25مساء) والسبب صوت الطقه بالجهه اليمين من الجيب جي اكس ار2003 (خليجي)وكان الفحص عند ميزان العضيب (حول محلات ورش الهوندا)وقالو لي الركبه وجلدتين والقطع تكلف حوالي 380 ريال لأن الركبه لوحدها تجاري ياباني والجلد أصلي. وكان يبغو يبدأو الشغل بالسياره قبل الإتفاق على السعر0يعني أروح أجيب القطع وهم يفكو وبعدها أرضخ لسعرهم. ورحت لواحد أعرفه وشيك وقال لي الركبه والمقص سليمه ولكن المساعدات الأماميه وجلدة العكس وبعد إحضار المساعدات من شركة الرشيد إتضح أنها أقصر من اللي راكبه على سيارتي وعانيت كثيرا للبحث عن المساعدات وحتى البازعي قال لي ممكن سيارتي إستخدام أمريكي أصلا وبعدها توجهت لمحلات القطع المقابله للمخيم الدعوي وخلف البنك الأهلي وأخذت جبريال وركبتها بعد صلاة العشاء وخف الصوت للطقه ويظهر أحيانا وسوف أمره غدا صباحا وسوف أوافيكم بالجديد

[ابوابراهيم333]

اقول يالغالي اتصل علي ابدلك على ورشة زينة وبيفكك من الروحة والجية ان شاء الله

اتوقع الشغلة ماتستاهل التخمين

[illi]

السلام عليكم

رحت لميكانيكي

قالي
مقصات كامله امامي فوق وتحت المجموع 4 2كبير و2صغير
مساعدات اماميه 2
اصلاح رمان او اني اغيرها
2جلب عمود توازن


تكلف المقصات 2500
المساعدات 250-300
شغل يقول 1000


ولكن انا مدري هل اذا غيرت المقصات تنحل المشكله لانهم قالو المشكله من الركب4

ورحت لمخرطه قالي اسويها كبس!! ب250-300 شغل كامل وضمان 3 اشهر !!!!!!


ابو ابراهيم انت تقصدني؟ على الورشه وين مكانها اذا امكن

لاني الحين لما اكون ماشي من 20 وزياده كأن الكفرات تنطططط اذا مشيت في شارع غير مستوي او اكلت مطبه


الرجاء المساعده

[البدوي الفاهم]

السلام عليكم
يعطيكم العاافية يالاخوان على الاهتمام

عندي سوال
هل لاندكروزر في اكس ار لة مكان للتشحيم المقصات



وشكرا

[الكونترولCONTROL]

السلام عليكم
يعطيكم العاافية يالاخوان على الاهتمام

عندي سوال
هل لاندكروزر في اكس ار لة مكان للتشحيم المقصات



وشكرا

لا يوجد .... التشحيم للعمدان فقط
لأن المفصلات ربلات و عدوها الشحم لأنه يجمع عليها الغبار و الأتربة ثم تتقطع
و الربلات 3 أحدها لا يتغير إلا ترهيم و اثنان يمكن تغييرهما عند الحاجة

[illi]

السلام عليكم

ممكن احد يفيدني قبل ما اغير وهل يوجد اشياء اخرى اصلحها؟؟
هل الكبس ينفع
الرجاء الرد

[الكونترولCONTROL]

السلام عليكم

ممكن احد يفيدني قبل ما اغير وهل يوجد اشياء اخرى اصلحها؟؟
هل الكبس ينفع
الرجاء الرد

ينفع إن شاء الله ... إذا اشتغلها الميكانيكي بذمة ... أنا كابس ربلات قاعدة الدودة
و هي تشبهها عند شركة الطاير من عدة سنوات و ما زالت ثابتة و ممتازة
لأنها كذلك اثنتين واحدة منها و فيها و لازم تكبس و واحدة يمكن تغييرها
المقصات كذلك قالوا لي ممكن كبس ربلاتها و لكن كانت حالتها العامة سيئة و غيرتها
المقصات غالية الإثنين وكالة مع التركيب أذكر حول 1500 أو أكثر
لكن تقدر تكبسها حسب علمي

[سهم قيادي]

اذا كانت الركب سليمه بس الربله مقطوعه ليش تغيرون مقص كامل غير بس الربله انا مغيرها وشاريها من عبداللطيف جميل 17.5 ريال فقط
ويجي معها شحم واخذ الميكانيكي مني 50 ريال شغل يد فقط
الي اعرفه ان المقص حديد ما يخرب الا اذا جته ضربه قويه تعفطه او تكسره ام الي يخربه فيه بس الركبه تنقطع الربله ويطلع الشحم مع الزمن ويجيم المسمار ثم ينسكر وهو الحامل للمقص

موفقين ان شاء الله

[illi]

السلام عليكم

انا مادري كيف اعرف ان الركب سليمه ام لا
الشحم لقيت وحده من المقصات اللي تحت طالع منها شويت شحم

***اللي اعرفه عند قياده السياره اسمع طقطقه اذا الشارع غير مستوي فيه حفر او اني اكلت مطبه لدرجه انك تحس الكفرات تناقز بعد اكل المطبه او السير على شارع لك عليه***

والله توني بعد صلاه العشاء رجعت من الصناعيه المشكله ان الميكانيكي قال ما ينفع كبس قال لازم تغير

4 مقصات امامي 2500 ريال
2 جلبه شاصي 180 ريال
اذرعه داخلى640 وخارجي 320
2مساعدات امامي 220 ريال
2جلب عمود توازن 90 ريال
رمانات او يقول حط شحم عليها

*كرسي دفرنس امامي مع الجلب هاذي مالها علاقه بس عشان الصوت اللي مع التعشيق
كريسي 2 560+195جلب3

شغل يد 800 ريال
المجموع 5415 ريال :(


-----------

يجيني واحد ثاني يقول اسويها ب 1000 ولا تغير اي قطعه كلها شغل مخرطه

------------------------------
وثالث يقول ب 300 بالكثير ؟؟؟


والله اني احترت ولا ادري وش المشكله الحين



-----------------------------------------------

على سالفه الركب هنا يبيعونها اجباري مع المقصات وفي الكويت احد الاعضاء قال انه شراها الاربعه من الوكيل الساير ب 550 ريال !!!!!!! لان المشكله اساسا من الركب وان المقصات تتحمل لانها حديد
**********كيف اعرف اذا المقصات خربانه خل الركب على جنب المقصات الحديد فقط

#انا اقدر اجيب الركب اذا انها حول 600 ريال للأربعه من الكويت بس بتاخذ كم من يوم

##هل البحرين يبيعون الركب لحالها اذا ايه انا اجيبها لان البحرين اقرب
-------------------------
رحت صناعيه النسيم خشيت محل قطع غيار سألته عن الركب قال عنده تجاري ب 80 ريال
الافضل ايش التجاري او الكبس؟؟؟


هل مشكلتي في الركب فقط

السيارة GXR 2004
250 كم تقريبا

نصيحتك الله يسلمك وش اسوي الحين

الله يعينك عليه ولكن لن انساك بالدعاء

[عبدالله المطيري]

بالنسبة للكويت صحيح انها تباع لحالها من عند الساير لا المقص حديد ومستحيل يخرب الا بحادث لاسمح الله

البحرين ماعندي علم


بالنسبة لموتري اللي كنت كاتب عنه المشكله

قالولي مثلك واكثر ولكن فريت الصناعيات ورشة ورشة

ولكن اكثرهم اجمعوا على ان الركب اللي تحت خربانه

طبعا على المثل البدوي اللي يقول حك اذنك يجيك مية طبيب


اللي يقول جلد الدبل واللي يقول جلد توازن وربلات مسامير توازن

واللي يقول كراسي مكية وكراسي قير واللي يقول اذرعة بلاوووووي


المهم قلت خلني بركب الركب اللي تحت واشوف

المهم شريت الاثنين اللي تحت الوحده ب 580 وركبتهم عند ميزانكو اللي بصناعية النسيم


ب 400 ريال مع الوزن


والحمد لله راحت المشكلة


باقي الحين اصوات تشبه اصوات قرقشة الجرس وهي معروفة من ربلا عمود التوازن وربلات مسامير التوازن
بس خليتها لانها ماتضر



اذا عندك شدة وانا اخوك تروح الكويت ترا يمدحون الساير والقطع ارخص بواجد وكلام متأكد منه خصوصا الركب بالسعر اللي ذكرت

تراه قريب حرام تدفع خمسة الاف على شئ ماتدري عنه

اذا انت من اهل الرياض عندي طريق لك اقرب من البحرين يوديك للكويت حول مسافة البحرين


دمت بود

[ابوصالح77]

أخوي
ممكن مسمار التوازن الأمامي

[illi]

السلام عليكم

الله يعطيك العافيه على الرد السريع

اللي فهمت منك
الركب الاربعه اللي قدام انت شريتها من وكاله الساير ب 550 لسياره خويك

اما انت شريت الركب(هل من هنا ام من الكويت ) اللي تحت وركبتها في صناعيه النسيم
هل انت شريت الركب ولا المقصات اللي تحت لانك تقول سعرها 580 للواحده من اصل 2
للجهتين وتطلع كلها مع الشغل تقريبا 1600
----------------------------------------
* انا ماني رايح الكويت بوصي واحد يشتريها
يعني الركب الاربعه من وكاله الساير 2 فوق و 2تحت
يطلع مجموعها 550 للاربعه؟؟

* والوكاله هناك يسمونها ركبه زي هنا او انهم معطينها اسم اخر؟

شكرا لك

[عبدالله المطيري]

أخوي الركب تجي 2 تحت و 2 فوق

واغلب اللي يخرب اللي تحت


بالنسبة لوكالة الساير انا مارحت لها ولكن ولد عمي كان مدرس بالخفجي

وخربت عليه ركب موتره

يقول انا خابرها تجي كامله ولكن لما رحت الكويت حصلتها لحالها بدون المقص

وتكبس كبس وعلى ما اضن اسمها عندهم البيضات

ولكن ماعليك من الاسم مر على اقرب محل قطع تويوتا الضحيان أو النهدي أو الوكالة

وخذ الرقم منهم (رقم القطعة ) والرقم موحد للجميع دول العالم

ولد عمي يقول خذيتها الاربع ب 480 ريال

وطلعت الصناعيه عندهم وركبتها عندهم

طبعا يفكون المقصات الاوله ويطلعون منها الركب القديمه

وتاخذها على المخرطة وتكبس الركب الجدد

اتوقع الركب الامامية عندهم ماتكلفك مع التركيب

900 ريال اواقل كامله مع قطع الغيار


وعلى فكره ترا العضيب اللي على الميه

عندهم يقولون مصنع يسوي ركب ويقولون حليووه

الوحده ب 180 ريال





بالنسبة لي انا كان عندي سفر وعساس كذا اخذتها من هنا

580×2 =1160
شغل اليد = 400


اللي فوق ماغيرتهن لاني اتوقع ماعليهن حمل مثل اللي تحت

[الريصي]

يا أخي انا مركب ركب تجاري قيمة الوحده100ريال+التركيب 50 نصحني بها مكانيكي ولي 6 اشهر مركبها ماعينت الا الخير وانصح بهن بعد تجربه

[illi]

الله يبيض وجهك و يبارك فيك

الحين فهمت الشغله


اخوي الريصي


انا لقيت اللي تقول عنها الركب تجاري ب 80 ريال صناعيه النسيم

بشوف ان ما الله كتب اشتريها من الكويت مالي الى التجاري ولكن بحاول في الاصلي


كذا طمنتني اكثر


الله يرزقنا الجنة وجميع المسلمين

تحياتي للجميع

[نمر977]

السلام عليكم ومساكم الله بالخير ياأحبتنا وبارك الله فيكم
تم تغيير المساعدات (جبريال) وركبه تجاري وجلدة عكس وتم القضاء على تهريب الدوده والحمدلله أصبح الدركسيون كحالته زمان (وكاله) وذهبت لوزن الدركسيون وشيكت على كل التغييرات التي تمت فقالو لي كل شيء بالأمام ممتاز. وإتضحت أصوات الطقه من الجلد الخلفيه كلها وجلد عمود التوازن (وقال لي إنه بيفك الجلد وبيحضر مثلها مع تغيير المساعدات الخلفيه أيضاً)
ملاحظة :
تم تصليح الدوده وعلبة الدركسيون في محل إسمه البركات يأتي بعد مركز البلاد لقطع الغيار المستعمله على اليمين & أو تلف بعد بنك الراجحي يمين (على الشارع اللي فيه شركة الرشيد للسيارات ) وتمشي إلى يصبح الشارع حرف T وتلف يسار بعدها تجي ورشة البركات على اليمين .
وآسف على الإطاله

[نمر977]

يا أخي انا مركب ركب تجاري قيمة الوحده100ريال+التركيب 50 نصحني بها مكانيكي ولي 6 اشهر مركبها ماعينت الا الخير وانصح بهن بعد تجربه

والله نفس الكلام يالغالي قاله لي راعي محل القطع إنها مجربه كثيراً وماأحد إشتكى منها ولكن أنا إشتريتها بـ 120 ريال(العامل إشتراها ) وإن شاء الله راح أركب الركبه الثانيه اليسار بعد شهرين أو ثلاثه

والله يحفظنا ويحفظكم وكل مكشاتي من الشر

[رحال2100]

--------------------------------------------

ربلة الركبه ألي فوق تجي وحدها

[أصيل حجآ زي]

ربلة الركبه ألي فوق تجي وحدها





تجي وحدها
مع كيس ( علبة )
شــحــّـم الرُمــآن ورآبط
رآبطـيـن ( قفيزين / حزآمين ) .

تجي
طقم أصلآح .
،
،
،
:D
،
،
،
،

[أصيل حجآ زي]

,
,
,

CV Axle Reboot & Replacement With CV Boot Stretch Mod - YouTube (https://www.youtube.com/watch?v=vcCT4UgFUTw)

,
,
,
How To Replace CV Boots - Easy to install on the car assembly in 15 … (https://www.youtube.com/watch?v=iLrGNU_t83Y),,
,


How to Replace a CV Boot in 30 Minutes - YouTube (https://www.youtube.com/watch?v=dqz72B02UdI)
,
,
,


How To Replace CV Boots - EricTheCarGuy - YouTube (https://www.youtube.com/watch?v=-S-ofMoWsr0)
,
,
,


Easy CV Axle Boot Replacement - YouTube (https://www.youtube.com/watch?v=7spfCxGiCvM)
,
,
,
How to replace the boots on a CV axle, rebuild - VOTD - YouTube (https://www.youtube.com/watch?v=gonWl9mJd_Y)
,
,
,


How to install quick boot on cv joint - YouTube (https://www.youtube.com/watch?v=K82z3cZqMOw)
,
,
,


Can you drive with torn CV axle boots? - QOTD - YouTube (https://www.youtube.com/watch?v=KCkQNK0J_CY)
,
,
,


How to replace a CV boot or axle - YouTube (https://www.youtube.com/watch?v=dEu8uC8xszY)
,
,
,


How To Replace a CV Axle Boot.. The Lazy Way - YouTube (https://www.youtube.com/watch?v=X6vbl0LdV9k)


,
,
,
,

[رحال2100]

يعطيك العافيه يامشرفنا لكن واحد من المقاطع قص الربله وركابها وهذا خطاء المفروض يفك العكس ويركب الربله

[أصيل حجآ زي]

يعطيك العافيه يامشرفنا لكن واحد من المقاطع قص الربله وركابها وهذا خطاء المفروض يفك العكس ويركب الربله




ويـعــآفـيـك .

صحيح كلآمك
هذا جــآب العـيــد !!!

أي شق في
الجلدّة ( الربلـّـة )
يسبب نشوف الشحم
ودخول الأوسآخ والطين .
وما فيه فآئـدّة من شقها أبــداً .
،
،
،
:good:
،
،
،
،

[رحال2100]

ويـعــآفـيـك .

صحيح كلآمك
هذا جــآب العـيــد !!!

أي شق في
الجلدّة ( الربلـّـة )
يسبب نشوف الشحم
ودخول الأوسآخ والطين .
وما فيه فآئـدّة من شقها أبــداً .
،
،
،
:good:
،
،
،
،




يعطيك العافية