المنتجات واسعاره والارخص في المحلات الاخرى

[ولد وايل]

السلام عليكم ورحمة الله وبركاته

ياريت من دخل الموقع يذكر اين تباع ارخص او جملة الادوات الخاصه بالرحلات والمكشات

مثل الدوافير وقطع غيارها


اذكر انها في سوق الزل وسط الرياض شمال المحكمه الكبرى
كذالك شارع السباله غرب طريق الملك فهد وشرق مستشفى الشميسي

الفرشات او قطع الزل حي المستودعات بالفيصليه ((الغاله)) شمال الصناعيه القديمه مخرج 16 غربا

الكشافات ومحولات الكهرب الموقع شوق الزل والبطحاء عماير الراجحي

العزب والفرش والخيام الموقع الغرابي شرق البطاحاء

الادوات الكهربائيه والسيور شارع الريل شرق البطحاء

هذا مالدي

وياريت من يذكر الاسعار يكون افضل

[ابو هياا]

ما شاء الله عليك
اكثر الأماكن ذكرتها

وأضيف حراج بن قاسم

اكثر الأدوات تحصلها مستعمله وبعضها يكون نظيف

بالتوفيق للجميع

[باشا]

بيض الله وجهك يالبناخي وما قصرت على هالمعلومات الوافيه وإن شاءالله لي عودة للمساهمة وإضافة المزيد.
وفقك الله

[ريم البراري]

هل المقصود منطقة الرياض ام جميع المناطق؟

[الهاوي 9]

عليكم السلام ورحمة الله وبركاته

ماشاء الله عليك

كفيت ووفيت

[ملقاط بن جمر]

واحد من الإخوان في المنتدى هذا يقول :

حراج بن قاسم تحصل عندهم عدد أمريكية وألمانية تاخذ العقل وبسعر أشبة بالمجاني مقارنة بسعرها الحقيقي .

<< كل ما نوى يروح الحراج ويشوف تذكر زحمة الرياض وهون على طول ..

[ولد وايل]

على جميع المناطق


ياريت تذكر بعضها بالاسعار



اشكر كل من شارك موضوعي

[ابو خالد 1400]

يعطيك العافيه معلومات مهمه ماخليت شي ياولد وايل

[الحربي حاتم]

بسم الله الرحمن الرحيم
جزاك الله خير وكل من شارك

[قناص مزاجي]

نعم الاماكن هذي رخيصه مقارنه مع الصالات

[نصوب المنشى]

العوشن في البديعه

[Mekshaati@]

فكرة رائعة بيض الله وجهك وما قصرت

[ولد وايل]

ووجهك اخووووووووووووووووووووووي

[Hagaanaf]

واحد من الإخوان في المنتدى هذا يقول :

حراج بن قاسم تحصل عندهم عدد أمريكية وألمانية تاخذ العقل وبسعر أشبة بالمجاني مقارنة بسعرها الحقيقي .

<< كل ما نوى يروح الحراج ويشوف تذكر زحمة الرياض وهون على طول ..

يحفظك الله
ان كنت تقصد المفاتيح المختمومه والمفتوحه ، وحقات صواميل المكيفات والسكاريب ، فهذه يحتاج لها تجميع ، وسوف تتعب فهي ليست بمكان واحد مع كثرة الباسطين فيها
ولكن ان سألت عن المعدات الدريلات والصواريخ والمناشير فعز الله انك تاتطيح بمتغاك وبأسعار لايمكن مقارنتها بشارع الريل

[ولد وايل]

اشكركم اخوااااااااااااني

[الحربي حاتم]

بارك الله في الجميع

[كحيلان تميم]

اولا يعطيك ربي العافيه ياصاحب الموضوع .. لانه موضوع مهم للكشاته ..

نصيحه للاخوان من واحد مجرب ..

انا رحت لشارع الغرابي بالرياض فيه محلات حقت خيام وفرش بر ومدات وغيرها وفيه محلات بيع اغراض البر والكشته .. بصراحه لقيت اسعار جدا جدا مناسبه ما اقول رخيص لاكن جدا مناسب مقارنه بغيره ..

مثلا شريت مده طوله مترين ب20 ريال .. شريت شنطه صغيرة نوعا ما بس تكفي بالراحه لعزبة القهوة والشاهي بقماش تنزاني ب25 ريال ..

ولد خالي شرا منهم مده مع مركى لاصق اذكر اذا مانسيت قالي شريته ب35 ريال .. يابلاش ..

عموما ان شاء الله اليوم بروح للغرابي وبكمل عزبتي والله يوفق الجميع ..

محبكم ..

[أبو نـآيف]

اولا يعطيك ربي العافيه ياصاحب الموضوع .. لانه موضوع مهم للكشاته ..

نصيحه للاخوان من واحد مجرب ..

انا رحت لشارع الغرابي بالرياض فيه محلات حقت خيام وفرش بر ومدات وغيرها وفيه محلات بيع اغراض البر والكشته .. بصراحه لقيت اسعار جدا جدا مناسبه ما اقول رخيص لاكن جدا مناسب مقارنه بغيره ..

مثلا شريت مده طوله مترين ب20 ريال .. شريت شنطه صغيرة نوعا ما بس تكفي بالراحه لعزبة القهوة والشاهي بقماش تنزاني ب25 ريال ..

ولد خالي شرا منهم مده مع مركى لاصق اذكر اذا مانسيت قالي شريته ب35 ريال .. يابلاش ..

عموما ان شاء الله اليوم بروح للغرابي وبكمل عزبتي والله يوفق الجميع ..

محبكم ..




لاتنسى تصور العزبة والفرشة
هل هو التنزاني الي نعرفه او يختلف لوناً وشكلاً
اسعارك حلوه