حرارة الربع نيسان 2002

[التاهو]

السلام عليكم ورحمة الله وبركاته

حبيت أستفسر عن حرارة جيب النيسان الربع الطبيعية وهو واقف ولما يمشي واثناء التطعيس ؟

ياليت أحد أخواني اللي له خبرة فيه يجاوبني والحقيقة لازلت جديد على السيارة وهي جديدة علي

بالمناسبة أنا غسلت المكينة من داخلها ونظفت الأديتر وغيرة كلتش المروحة والمرحة أصلي

وتغيرت الحرارة نوعا ما للأفضل حيث وهو واقف توصل فوق الربع تقريبا اثنين مليمتر ولما

يمشي تكون على الربع ,,, بقي قطعة في الاطار البلاستيكي حق المروحة الامامية من أسفل

قال لي الفني ركبها لانها ماهي موجودة ولما سالت واحد قال مو مهم ومدري من الفاهم فيهم .!!!


اليوم العصر بروح واسال عنه


منتظر تجاوبكم ولكم وافر الشكر والامتنان

[بساط احمدي]

شوف وانا خوك

صيخ الرديتر

تأكد من السيور

تفقد لا يصير فيه تهريب ولا شي

وتبي راي اخوك الصغير ؟

ركب لك مراوح سوبارو وريح عمرك من الشقا كله

تقبل مروري

[التاهو]

شوف وانا خوك
صيخ الرديتر
تأكد من السيور
تفقد لا يصير فيه تهريب ولا شي
وتبي راي اخوك الصغير ؟
ركب لك مراوح سوبارو وريح عمرك من الشقا كله

تقبل مروري

هلا بك يالغالي

بالنسبة للاديتر صيخته ونضفته وغسلت حتى المكينة
والسيور تفقدتها وحالتها جدا ممتازة ومشدودة
والتهريب لا يوجد أبدا

وصراحة أنا قريت عن مراوح السوبارو وعن أديتر صناعة أردنية بالمنتدى

لكن قبل أبدى بتغيير الأديتر أو تغيير المراوح راح أتاكد من حالة راس المكينة

ولكن للأسف مدري كيف ولا أعرف

ومنطقيا راس المكينة صعب جدا انك تكشف عليه الا بالفك او بتبديل كل انظمة التبريد في السيارة وحساسات الحرارة واذا استمرت الحرارة معناه مابقي الا الراس


بالمناسبة أنا قبل أشتري السيارة فحصتها

واذكر ان الفني أخذ له قطعة كرتون وسد بها الشكمان وقال لي دوس

لما دست للموتر قال وقف وجاب لي وصلت الكرتون يوريني ان عليها نقاط ماء ناتجة من احتراق الوقود وقال مشاء الله المكينة نظيفة


عموما الان احتاج اعرف المعدل الطبيعي للحرارة حتى اقدر اقارن وابدى بالتحليل

باقي مراوح المكيف الامامية اللي انت اقترحت اغيرها لمراوح سوبارو وبخليها حتى اتاكد من الحرارة الطبيعية


عموما شاكر لك ومقدر مرورك واهتمامك وربي يجزاك كل خير

[YUKON_GMC]

ربع عاديه ... إذا مسكت خط بسرعة 140 والحراره من الربع وحول فالموتر سليم لاتتعبث فيه

الراس لاصار فيه مشكله كل ماتزود السرعه تزيد معك الحراره حتى توصل فوق النص

ومن علامات عطل الرأس او الوجيه ان الموتر يفور ويطلع فقاعات هواء مع غطاء الاديتر

وتأكد هل بلف الحراره موجود أولا ...

وعطل المراوح سهل معرفته ...
اول شيء من خلال قوة دفع الهواء وثاني شيء من خفة حركة المروحه باليد وثالث شيء الحراره تزود مع الوقوف فقط وتنقص مع الممشى

[التاهو]

ربع عاديه ... إذا مسكت خط بسرعة 140 والحراره من الربع وحول فالموتر سليم لاتتعبث فيه

الراس لاصار فيه مشكله كل ماتزود السرعه تزيد معك الحراره حتى توصل فوق النص

ومن علامات عطل الرأس او الوجيه ان الموتر يفور ويطلع فقاعات هواء مع غطاء الاديتر

وتأكد هل بلف الحراره موجود أولا ...

وعطل المراوح سهل معرفته ...
اول شيء من خلال قوة دفع الهواء وثاني شيء من خفة حركة المروحه باليد وثالث شيء الحراره تزود مع الوقوف فقط وتنقص مع الممشى


بالنسبة للراس

مشيت على الموتر 120 الى 160 ولكن في ليل والهوى بارد وما اقدر اعتد فيها كقياس للوضع الطبيعي . الحرارة ارتفعت قبل تغيير المروحة والكلتش وتنظيف الاديتر والمكينة بالبر لما عشقت الدبل الثقيل ومشيت فيه في نص الطعس وانا سويتها متعمد وبدون ما انسم الكفرات بغيت اشوف عزمه كيف يكون .


بالنسبة للبلف

البلف يالغالي تاكدت منه واكتشفت انه ماهو موجود المروحة الامامية جديدة أصلية مع الكلتش جديد وأصلي . الاديتر مصيخ ونظيف المكينه مغسوله ومنضفه عند اختصاصي رادييترات . المراوح الامامية الثنتين عندي استفسار عنها هل عملها فقط مع المكيف ولا تشتغل في حال ارتفاع الحرارة ؟؟؟

الحرارة حاليا وهو واقف فوق الربع بشي بسيط

واذا مشيت ترتفع شي بسط والمسافه بين مؤشر الحرارة وخط الربع تقريبا اثنين مليمتر


يمكن اكون مهتم زياده لكن ماني موسوس

ولا تنسى يالغالي الموتر جديد علي وانا جديد عليه


رغم انه كان عندي ماكسيما تصميم صعب ومعقد ومختلف وافهم لها واعرف ظروف تشغيلها الغير طبيعيه والطبيعيه



شاكر ومقدر تواصلك ومعلوماتك اللي قدمتها وجزاك الله خير

[نآصر]

قطعة الأطار حقت المروحة ضروريه جدآ جدآ ...

بـ الوضع هذا الهواء يضيع ولا يستفيد منه الرديتر أبدآ ...

ركب الأطار وإن شاء الله الأمور بـ تزين ...

ومدامـ الحرارهـ ماوصلت النص لا تفكر فـ راس المكينة أبدآ ...

والأفضل إنكـ تركب مراوح كهرب آداء أفضل وعشان تفتكـ من ثقل المروحة المكانيكية وصوتها ...

وبلف الحرارهـ ضروري جدآ يكون موجود عشان ينضمـ دورهـ الماء فـ المحركـ والرديتر ...

[مكسر الشوك]

يالحبيب فوق الربع عادي جدا جدا وطبيعي
اذا الحرارة تاصل للنص وتتعدى معانته في موترك مشكلة

[مركز حراره]

الاطار البلاستيكي الي تحت مهم الانه يمنع المروحه ان تسحب هوا الى من الاديتر فهي لتوجيه الهواء ولزيادت البروده
موترك طبيعي

[فارس العيون]

موترك كانه الظهر واقف او تمشي بين الربع والثلث ترا موترك الله لايظره كوويس

لكن كانه تتعدا النص فيه مشكلة ..

ركب سوباروا وانس الحرارة ..

وللمعلومية ترا محركات النيسان حارة جدا يعني القير والدبل حارات دايم فاذا شبكت الدبل الثقيل حاول انك تخف عليه شوي عقب

[اسيرالعيون]

سلام عليكم مشكله تكون في شك بلف في كوع الماء او تكون مروحة طرمبة متاكله من الماء والله يريحك من هل مشكله انا فني مكانيكه على الايميل m_ab_11@hotmail.comمن اخوك /اسير العيون

[التاهو]

الأخوان يا ناصر ومكسر الشوك و مركز حرارة وفارس العيون وأسير العيون


أولا هلا بكم والله جميعا وتجاوبكم على راسي والله


بالنسبة للي حصل أمس معي


قمت مع الصباح ورحت لواحد راعي أديترات طبعا قبل لا اروح بيومين يعني يوم السبت الماضي تركت الموتر عند واحد ميكانيكي لجل يرفع وجهيته ويربطه ويصيخ الاديتر اللي حصل انه وداه عند زميله وزميله ما تجمل ولا صيخ الاديتر ولا غسل المكينة وهذا شي اكتشفته عند محل الاديترات امس لما فكينا الاديتر ولقيت اوصاخ ورواسب فوق مواصير التبريد وفجاءة الا وصاحبي الميكانيكي الاول داخل علينا قلت تعال شوف خويك وش سوى الله يسامحه.


المهم لقيت الاديتر مقفل فيه 51 ماصورة اللي في نصه بالضبط لانها ملحمه وقررت وقتها اني ما اصيخ وانه من الافضل شراء ادييتر جديد وفعلا بدات ادور ولما فتشت لقيت وكالة جديد سعره من 1700 الى 2000 ووكالة مستعمل سعره 550 ولقيت صيني سعره 650 وبصراحة راعي الاديترات اعرفه من ايام كان البليزر معي وانسان ما ازكيه على الله قلت وش اختار قال خذ الصيني وغير مويته كل سته شهور وراح يعيش معك بحول الله وخلنا نغسل المكينة واثناء غسيلها روح جب لنا موية اي سي ديلكو حمرا فقط رحت وجبت له طلباته ولما خلص من غسيل المكينة قام خلط الموية الحمرا مع موية ماء مقطر ولالنتيجة كانت مذهله جدا طاحت الحرارة تحت الربع حتى ونا راجع على الهاي وي وماشي 160 او حولها الحرارة على اقل من خط الربع


واليوم الصباح جنني حتى سخن في الصباح طبعا السبب بكل بساطة انه الثرموستات مشيول وبالتالي الموية تصب صب في المكينة عموما بعدها ولله الحمد اطمئنيت على موضوع الراس وانه فعلا سليم



مع ذلك فكرت اركب مراوح كهربائية حتى يرتاح الموتر وقت التطعيس وممشا البر رغم ان ممشاي بالبر ممشى حشمة وماني راعي مطامر ومهابد بالموتر


مراوح التبريد الامامية بعد ما شيكتها مع الكهربائي لقيت ان حساسها مشبوك على المكيف وبالتالي لو ركبت مراوح غيرها مثل ما يقولون مراوح سوبارو الظاهر انها تحتاج تركيب حساس اضافي للحرارة اضافة الى حساسها الاصلي حق المكيف



وحتى انتهي من هالموضوع وبعده انشالله راح ابدى ادعبس واحفر على موضوع استهلاك النزين العالي لاني اكتشفت ان شراااااااااااااااااااااااااااااااااب بنزين