شنطة ممتازة وظرورية جدا.......لأهل المكشات

[النفود الشرقي]

السلام عليكم ورحمة الله وبركاته

هذي شنطة ممتازة وضرورية وصغيرة وما تاخذ مكان في السيارة تقدر تحطها تحت المرتبة مثلا
وتحتوي على :

1- أسلاك أشتراك للبطارية

2-عيار هواء للكفرات

3- فيوزات

4- كشاف

5- لمبة

6- دسوس (قفازات)

7- مفك صواميل تقدر تتحكم فية بالتصغير والتكبير

8- لزق كهرب

9- مثلث عاكس ضوء

10- حبوب لفك صواميل الكفرات

مع الأسف أني يوم كنت في المحل كانت دراهمي في ثوبي الثاني :( :( بس أنشاء الله أبا أشريها

أتركم مع الصور.....


http://www.mekshat.com/pix/upload/images10/mk16709_20050102(002).jpg

http://www.mekshat.com/pix/upload/images10/mk16709_20050102(003).jpg

http://www.mekshat.com/pix/upload/images10/mk16709_20050102(004).jpg

http://www.mekshat.com/pix/upload/images10/mk16709_20050102(005).jpg

وفية شئ تسنة غطا برتقالي ما أدري وش هو
وآسف على عدم وضوح الصور لأنها بالجوال

أخوكم ولد شقراء.................

[ابو فص فص]

جميلة جدا بس كم سعرها اخوي


بس بعدين كيف راعي المحل خلاك تصور >>> يخاف تسرق التصميم

واحلا شي كرتون الدله اللي تحت ( الصورة ما قبل الاخيرة )

تشكراتي

[النفود الشرقي]

أخوي أبو فص فص :

شكرا على المرور
بعدين مع الأسف ما أعرف سعرها بس اليوم السبت أبا أجيبة لك لأني أبا أشريها
بعدين راعي المحل هندي ويعرفني لأني عميل عندة....ولا خاف أني أسرق التصميم لأني لو بغيت أسرقة أشريها

وهو عارف أني أبا أشريها

ومشكور مرة ثانية

أخوك ولد شقراء

[عاشق المزون]

شنطة جميلة مشكور
بس المشكلة انها صيني باين من الادوات
طيب وين نحصلها وكم سعرها

[الكشاح]

فكرة طيبه....فكرة الشنطه وليست الادوات انا عن نفسي لو اجد الشنطه الاغراض الثانيه انا انتقيها بكل دقه..لان لو لاحظت القلص حق السحب ظعيف..والاشياء الاخرى كذلك...عموما اخي العزيز مستر بن..تشكر على جهودك الطيبه..وجزاك الله خير..
واذا ممكن تخبرنى عن السعر يا طويل العمر

[النفود الشرقي]

السلام عليكم

بالنسبة لسعرها 100 ريال وموجودة في الرياض في حي السويدي الغربي في سوق الوشم اللي على شارع حمزة

أخوكم راعي شـــــــــــــــــــــــــــــــــــــــــــــــــ ــــــــــــــــــقـــــــــــــــــــــــــــــــ ــــــــــــــراء

[النفود الشرقي]

أخوي الكشاح وش قصدك بالقلص والأدوات الضعيفة
الشنطه كاملة وخالية من العيوب


ومشكور على المرور.......شقراوي ...وأحوم في وسط الصحاري

[الكشاح]

اخوي مستر بن القلص قصدي حبل السحب كونك عندك سيارة دفع رباعي..فما اعتقد انه يصمل كثير..وكذلك واير الاشتراك.. ..وكذلك الكشاف الاسود مش من النوع الجيد.....وانت تريد الشي الذي يسعفك.. ويفك ازمة اذا كنت في بر اوفي غرز..فلابد ان تكون لديك عدة هاف ديوتي..يعني لك وللزمان...وانا معك ان مثل هذة العدة ظرورية ولكن يجب اختيار الاجود يا اخي العزيز..والسموحه

اخوك الكشاح

[ابو فص فص]

بــ 100 ريال بس

السعر حلو جدا يا ولد شقراء بس اهم شيء بعد الجودة وخاصة الاشتراك لان عليه الكلام

تقبل تحيتي وشكري

[اسيزو 4x4]

يعطيك العافية يا مستر بن

لكن الأدوات الموجودة داخل الشنطة جميعها تجارية وليست أصلية

ممكن أنت تفصل لك شنطة وتحط نفس الأدوات ولكن أدوات أنت تنقيها أصلي مثل:

1- اشتراك أمريكي من ساكو

2- واير سحب متين وقوي

3- معيار هواء أمريكي دقيق

4- كشاف أصلي أو زينون شحن

5- والخ.....

ولك كل محبة وتقدير يالغالي >>> أخوك أبوحمود.

[aziz2727]

والله الشنطه زوينه وتافي بالغرض
وتشبه هذي الشنطقة الي تجي مع الجيب الند كروزر من الوكاله
مشكور

[أبو ثا بـت]

ياحبنيلك يابوي بس ..

يايبه وش رايك تشتريها لي ..

[النفود الشرقي]

شكرا لجميع الأعضاء الذين تفاعلوا مع الموضوع

وكلام أخوي أبو حمود سليم 100%
أما أخوي الكشاح فكلامك صحيح كل اللي فيها تجاري بس أنت بدلة بأصلي


ومشكورين
ولد شقراء

[nahham]

اعتقد يااخوي ولد شفرا ان تفصيل الشنطه في الغرابي اجدى

وجمع العده بنفسك

الاصلي لك وللزمن

تحياتي

[الموادع]

و انا أخالفك الأي كذلك !!!!!!!!
==================
احسن شي تشتري الشنطة فاضية !!!! و تجمع عدتك شوي شوي !!!! تطلع باقل من نصف القيمة !!!!
================================================== =
انتبه
انــــــــــــــــــــــــحـــــــــــــــــــــــ ـــــــــــــــــــــــــــــــــــــــــش عنهم !!!

[ابو فص فص]

ياحبنيلك يابوي بس ..

يايبه وش رايك تشتريها لي ..

اشتريها وانا ابوبك

بعدين وش جابك بدون ما تقولي

>>>> خارج الموضوع

----
كلام ابو حمود صحيح ولكن لي تعقيب

فيه ناس تدور الرخيص ولا تدري وش معنى الجودة

فمثلا لو أن راعي المحل سوى وحه عليها الكلام وصار سعرها 300 ريال قلتو اترك عنق ولد شقراء هذا غالي اجل بــ300 ريال الله لو انها ذهب

ولكن بجمع لي شنطة عليها الكلام وبعطيكم تسعيرتها جملة أن امكن

وترى فيه اشياء مب لازم اصلي مرررة مثل شيء نادر استخدامه

:)

[النفود الشرقي]

مافهمت قصدك

بس الشنطة هذي لا أنصح بشرائها ولكن القصد من ذلك أنك لو شريتها تزودها بكل جديد ونظيف لأن الإحتياط واجب




بعدين على فكرة تغير أسمي بالكامل بس للأسف مالقيت (ولد شقراء , راعي شقراء , شقراوي ) ولا أسم فية (شقراء)
وسلامة قلوبكم ....

[أبو يوسف]

طيب اخوي ماسألتهم بكم الشنطة فاضية
لو ب 30 ما فيه مشكلة
وتكمل الاغراض انت

مشكور على العرض الوافي

مع التحية

[النفود الشرقي]

أخواني مشكورين على المرور
أخوي أبو يوسف أنا ماسألت بكم فاظية
بس أظن لو تفصلها أنت بنفسك أحسن لأن قماش هالشنطة مايمشي مع عدة البر
ولو تفصلها وتخلي قماشها قوي مثل قماش العزبة (الثاية)يكون أفظل بكثير
وراح تعيش وقت أطول
وأنا يوم شريتها وطلعت كل الأغراض اللي فيها ناظرت قماش الشنطة
وأثرة ماهناش يعني كلها فتره وتبدى تشقق
بس خليتها تحت المرتبة علشان لو خرب شئ معي أستعملها



ومشكورين على المرور.......

[غيّام]

اخوي راعي ديرتنا حياك الله ومشكور على الشنطه والمقصد من كلامك هو الفكره يعني شفلك شنطه مناسب مقاسها وحط فيها عده كهربائيه ولا لا يالنفود (الشقراوي) :D

اخوك راعي غسلة
غيّام

http://www.mekshat.com/pix/upload/images10/mk7099_ssss.jpg

[النفود الشرقي]

أخوي راعي غسلة
تراني أروح لغسلة واجد أسير على ناس هناك
وخذ هذا البيت لأهل غسلة
يالله يامنشي حقوق السحايب .... تخص غسلة منبت الزعفراني

بعدين وش دخل المعدات الكهربائية في الموضوع
أنا قصدي تحط في الشنطة نفس المعدات أصلية

بعدين وش سالفة شارع التفحيط اللي عندكم
( الخط الأصفر )
كل ماجتهم الدورية طبوا علينا هاللي يفحطون في شقراء
بس ترا فيه ناس من سكانت شقراء يجون يفحطون
بس أعلمك أنهم ليسوا من شقراء

ومشور على المرور .........

[فهد-بوعبدالله]

مشكور على النصايح ويعطيك الف عافيه

[مقلع الرمث]

بين ان القطع تجاريه وممكن ماتستفيد منها لو تجيبلك شنطه تخيطها وتاخذ نفس الفكره بس تحط كل شي اصلي كان تصير تمام

[أسامي]

بس أنشاء الله أبا أشريها

(ان شاء الله) هكذا تكتب
مع شكري وتحيتي لك

[ابـ معزي ـو]

الله يعطيك العافيه
.
شنطـه رائعه جداً
وفيها كل احتياجات السياره سوا لرحله او سفر او استخدام داخل المدينه
شاكر لك الموضوع المميز
.
تقبل مروري وتحياتي
اخوك
.
ابـ معزي ـو

[بن نويشر]

كفو والله يا ولد شقراء .. يا عزا الله إنك شقردي وبس .

مشاركة جداً متميزة وبأذن الله نشتري هالشنطة على بركة الله .

[ابوعبدالله 22]

اتوقع لو تطرح الفكره على حقين الخيام الي في الغرابي فصلولك شنطه اقوا منها وحط فيها عده اصليه لك وللزمن