السيارة جديدة و خبطت ..

[shiny]

السلام عليكم اخواني الاعزاء
بالله شوروا علي وش اسوي

السيارة اكسبلورر 2007 استخدام امريكي 8 سلندر اشتريتها ما كملت سنه الي حصل ان فيه صوت طلع لي من جهة يسار المكينة ( تك تك تك ....) الحقيقة الصوت مستمر و مزعج. في المتديات قالوا تكاية الزيت و لا تغيرها و بعض الاخوان قال يمكن تكلف 3000 ريال.

السيارة الحين في الورشة و ما صلحت فيها شي لان الميكانيكي يقول رد علي افك المكينه او لا . و انا الحقيقة متردد لانه قالي بتكلفك كثير هذي بعد الفحص الصوت جاي من تحت المكينه و هذا صوت السبايك يبغالها تغيير و عمود الكرنك يبغاله خرط و طبعاً التكايات و البلوف و مضخة الزيت. ( يعني تقريبا بس بالميت 10.000 )

بالله ياخوان وش مشورتكم
علماً باني الاسبوع الماضي في جدة و الورش الكبيرة زي العالمية و غيرها قالوا لي هذي تكايات بس لازم نفك المكينه يمكن في شي ثاني معاها.

فهل فيه طريقة نطلع فيها باقل التكاليف ...
انتظر ردودكم و دمتم ...

[ابومعتز99]

لاتستعجل وناخوك
مر على اكثر من ورشه وخل الاتفاق ان الدفع يتم بعد اصلاح المشكله وليس لاكتشاف المشكله.

[أطلال نجد]

نعم لا تستعجل بفك المكينة

السيارة ما شاء الله جديدة ,, دع أكثر من مكانيكي يشوفها

[جاكم لفاكم]

الأخ الفاضل

[جاكم لفاكم]

الاخ الفاضل

أتصل على هالرقم وتجد الافاده من صاحبه إن شاء الله

090171150

وشكرا

[Abu Mryea]

يا أخوي اذا بتكلفك 10000 ريال

فاالأفضل أنك تشتري لك مكينة كاملة ( شد بلد )

تلقاها عند البيان الجديد و الغفيلي وغيرهم في الصناعية القديمة

مع ضمان ... بس نصيحة لا تاخذ الا شد بلد ... لاتاخذ مجدد ( لأنهم يجددونها بقطع غير أصلية )

[الوعد2]

اخي الكريم shiny
قم باخراج الكرتير بحرص وفحص بقياء الزيت هل يوجد قطع او برادة معدنية في اسفل الكرتير
اذا كان يوجد احتكك واضح سوف تبين لك اذا لم تجد اي شي سوف سبب الصوت شي اخر

[shiny]

:):)اخواني الاعزاء

اشكر لكم مروركم و نصايحكم الغالية و الله اني استفدت منكم

و راح ابلغكم وش يصير معي

تحياتي و تقديري لكم جميعا
وجزاكم الله خير

[سحاب1]

اخي الكريم shiny
قم باخراج الكرتير بحرص وفحص بقياء الزيت هل يوجد قطع او برادة معدنية في اسفل الكرتير
اذا كان يوجد احتكك واضح سوف تبين لك اذا لم تجد اي شي سوف سبب الصوت شي اخر
كلام اخونا (الوعد) سليم لا تستعجل وانا اخوك ..

[ويلومني]

الله يكون بعونك ويسر أمرك
بس لو تفحصه بالكمبيوتر مايبينلك الفحص
ومثل ماقالو الأخوان لاتستعجل وأفحصه عند أكثر من ورشه

[ملك الفكتوريا]

إن شاء الله مشكله بسيطه وتكون عوائد الفورد


مشكلة بسيطة ظاهرها كبير ومشكلة صعبه


اولا / افحص كمبيوتر وهل ولعت المكينه أو لا؟!!!

ثانيا / مثل ما قال أخونا سليم فك كارتير الزيت وشف برادة حديد بكثره او قطع


وبعدين ترى مو شرط تكون التكايات يمكن جلد البلوف وسببت تهريب وشف الزيت لا يكون خلط




ويمكن الصوت مو من المكينه ودامك تقول يسار المكينه شيك على ذراع الدركسون ترى له اصوات مشابهه

ويمكن بعد من وصلات الشكمان احد المسامير مو مشدود ويطلع الصوت

أو الاقزوز



بالتوفيق ويمكن أهل الياباني يستغربون لكن هذي اللي اعرفه


والله يعينك

[بساط احمدي]

لا توضب رح للبيان وانا خوك

[دل البحار]

أخي الفاضل بخبرتي القليه عن الميكانيكا يمكن يكون عندك بلف قافل او بستن مصلب يعني فيه مشكله فقط ولا تخاف انه تخبيط ترى الميكانيكي وده ما يخلي مسمار ما يفكه افحص السياره زين عند اخصائي يخاف الله قبل كل شيء لان اغلبهم ؟؟؟؟؟؟؟؟؟

[كديان]

اخوي
الجمس الشيروكي الكابرس يطلع بهن صوت تكايات عند تشغيل الموتر في الصباح الباكر
انصحك لا تلمس المكينة و لا تبدا توسوس
الافضل ادخل على رابطة ملاك الفورد يدلونك على ورشة ثقة و اهم شي لا يكون سوري او تركي او اردني او مصري
نصحتك لوجه لله
موقعك ؟

[shiny]

شكرا لكم جميعا

اخواني / فحصت صوت القزوز ما منه

و لمبة المكينة ما ولعة

بس لما افتح السلف و انتظر اللمبات الة على الطبلون تقفل قبل ما اشغل السيارة

تصير لمبة المكينة تولع و تطفى و لما رجعت للكتالوج يقول ان في مشكلة بس ما فهمتها.

المهم قررت اغير بس التكايات الي فيها المشكلة

و خلونا نشوف و ش اخرتها

تحياتي

[shiny]

آخر الاخبار

في ميكانيكي قال تغير بس التكاية العطلانه وذلك بعد ما تفك بس غطا الراس اليسار.

بس اني متردد لان اغلب الميكانيكيه قالوا لي التكاية تخرب من طرنبة الزيت يعني لازم نفك صدر المكينه

وفيه واحد قالي يعني اذا بتفك زي كذا انصحك غير طقم التكايات كلها مع الجنزير و الطرمبة

وش رايكم ياهل الشور ترى قلتو لي لا تستعجل

تحياتي

[Ss7]

نصيحتي

أمش على السيارة كرها كر لين توقف المكينه تمشيك سنه أو سنتين أو أربع أو خمس
لا جيمت غير مكينة بصندوقها ,
معي لومينا 2004
من 2006 فيها صوت بالماكينة قالوا تكايات ومره جنزير ومره بواجي ومره ومره ومره
معصي أصلحها
ما أغير الا الفرامل بعد ما يتحلل لآخر قطرة

ولا زالت بالخدمة تقطع 80 كيلو رايح 80 جاي , لئني متأكد أنه أذا فك المكينة ممحوق الصير بتبتل تمسخرني
وأبتل أأشر معها

وموفق يارب

[سرطوقا]

بالتوفيق اخوي الكريم وان شاء الله تزين امورك

[YUKON_GMC]

حسب الصوت ... كان الصوت خفيف ربما يكون بلوف او تكايات واصلاحها مايكلف واجد

لكن لو الصوت قوي ويسمعونه الجيران انصك ماتحرك الموتر وتبدأ تفك المكينه وتشوف ايش المشكله

ربما تكون طرمبة الزيت مجيمه او سبيكه منفكه او بلف منكسر او فضاوه بعمود التيمن او عمود كرنك

لاتغير مكينه قبل تفكها وتشوف المشكله

[العاذر]

رح للوكاله وقل ابيكم تشخصون المشكله وبعدين انت حر تبي تصلحها عندهم ولا برى ارخص

علشان تتاكد من التشخيص مئه بالمئه

ونصحك يالنيسان والتايوتا باترول لاندكروزر باثفندر برادو

[shiny]

شكراً لتفاعلكم مع موضوعي
وأسال الله ان يبارك فيكم و كل سنه و انتم طيبين

بالنسبة للصوت كل الميكانيكيين حتى الوكاله اجمعوا على انه تكايات و من جهة وحدة في الاغلب

الا ان كل واحد له راي /

الوكالة قالوا نفك المكينه و اذا حصلنا اي شيء تعبان لازم يتغير و ماراح تطلع من عندنا السيارة الا وكالة على الاقل راح ادفع 8000 ريال اذا مو اكثر.

باقي الميكانيكيه قالوا عشان نغير التكاية لازم صدر المكينه ينفك و بالمرة احسن تغير الطرمبة و الجنزير طالما انك بتفك بتفك.

المهم واحد تركي والله خبرة قال غير بس التكاية و بس فك غطا الراس و ما يحتاج جنزير و الا طرمبة.



وش رايكم هل ممكن تغيير بس التكاية بدون فك الصدر و اذا المشكلة من الطرمبة يعني راح ترجع المشكلة.

و هل فيه ورشة في جدة ممكن يسوي لي التكاية بس و على الضمان شغله مضبوط.


الله يحفظكم و يتقبل منكم صالح الاعمال

[shiny]

الله يعكيطم العافية

لو فيه ميكانيكي كويس بجدة يسويها باقل التكاليف افيدوني

الله يرعاكم

[shiny]

اخواني تحية طيبة و بعد

كل عام و انتم بخير .. و اشكر لكم جميعاً وقوفكم الى جانبي بنصايحكم المفيدة و الحقيقة و انا مع الميكانيكي اقوله اشياء استفدتها منكم و هو مستغرب مني يقول وش دراك انت ميكانيكي!!!

عموماً السيارة الحمد لله تم اصلاحها .. و الحكاية كالتالي ( ارجو قرائتها للفائدة و ابداء اراءكم و تعليقاتكم):

بعد ما اجمع كل الميكانيكية ان الصوت هو تكايات البلوف .. رحت لواحد تركي و قال اقدر بس اغير التكايات و راح تكلفت 400 ريال شغل يد بس اذا في شي ثاني داخل المكينه ما بعرف... المهم توكلت على الله و قلت صلح و قفنا الموتر السبت الماضي و الاحد اتصل علي و قال لازم تجي ضروري في حاجة طلعت لنا ... رحت يمه وقال لازم تغير عمود التايمن اليمين او تسوي له خرط و تجيب طقم عصافير لان وحدة منها مصلبه و هي سبب الصوت و بالمرة جب طقم تكايات و 2 جنزير و شدادات ما دام بنفك المكينه .. وقال بفحص طرمبة الزيت اذا كويسة لا تغيرها .. اليوم الثالث جبنا الادوات و كلفتني يا اخوان 3000 ريال بدون طرمبة الزيت يقول تمام بس نغير الجلدة .

اخذ شغل يد 1200 ريال و قك غطيان الراس و الصدر يعني المجموع 4200 ريال

الحمد لله صوت الطقطقة راح ... بس اسمع صوت اول ما تشتغل المكينه و بعد يمكن دقيقة يروح تدريجيا و تصير السيارة طبيعية.

مريت على التركي و قلتله عن الصوت و سمعه لما شغلنا السيارة قال هذا طبيعي التكايات تعبي زيت !!! و نصحني احط زيت ثقيل !!! بس مارضيت.

تساؤلاتي .. يا احباب ؟؟؟؟؟؟؟
1 - هل صحيح زي ما يقول الصوت طبيعي لما التكايات تعبي ؟؟ لاني بصراحة اقول لو غيرت طرمبة الزيت مرة وحدة احسن اخاف انها هي السبب!!!

2- على الشاشة طلع لي اشارة السرفس (المفك ) مع ABS و مانع الانزلاق بعد ما طلعت السيارة من عنده. لما شيك على القماشات لقينا القماش الامامي يسار منتهي من طرف واحد بس .. قال يبغالك طقم اصلاح .. غيرنا القماشات كلها و انطفت اللمبات و ما غيرت الاصلاح حتى الآن.