مطلوب البدل في جيب اكسبلورر و شفرليت افلانش لاهنتو

[asd20009]

السلام عليكم العنوان واضح لكن الشرح بالتفاصيل يطول شوي وابختصار

انا املك سياره شفرليت افلانش دفع رباعي والحمدللله تمام الموتر معاي لكن مشكلته كبير علي كشخص واحد وحبيت ادور لي موتر علي قدي وقلت اجرب الاكس بلورر لانه عاجبني
ولا عندي وقت ادخل المعارض ولا الحراج ادور الموتر او ابيع موتري
قلت اسرع طريقه اعرضه على المنتدى ان شالله القى الطلب عندكم علما ان موتري هو:

افلانش موديل 2002 دبل لمس
ماشي 30000 الف لون ابيض ورصاصي فل كامل
داخلي مخمل بيج ورصاصي مكينه وقير على الشرط

ارغب البدل في اكس بلورر نظيف بالموديلات من 2004 فما فووووق

وشكرا لكم

[احمد ديزرت]

هلا اخوى حصلت الاكس بلورر
انا عندى 2005 لاكن ما انصحك فيه

[asd20009]

فديتك انا اخوي والله بيني وبينك اشوا اني ماجزمت عليه لكن هات ماعندك خلني استفيد
وش لقيت من عيوبه ؟؟؟

[احمد ديزرت]

نصيحتى ابعد عنه
احنا 3زملاء بالعمل وكلنا معنا اكس بلورر وكلها فيها عيب مصنعى موديل 2004و 2005 و2006
واعتقد 2007
انا عندى 2005 وبعد سنه غيرت الدفرنس وبعد سنتين طلع مشكله بالماكينه والحين الدفرنس والقير والدبل واشياء كثيره وشيكتها بالوكاله وقدرو التصليح مع القطع مايقارب 15000
وقتها كانت تحت الضمان لاكن طلعو لى الف عله وقالو مايشملها الضمان لانى فوت تغيير زيت عندهم
والسياره الحين جاثمه عند البيت لها اكثر من شهر

[asd20009]

الله يعوضك بخير منها ان شاللله يارب والله قبل فتره كان واحد خربني اشتريها الا شوي بس الحمدللله يوم دققت فيها وسالت كم خبير من الربع نصحوني ابعد عنها .... وجزاك الله خير على هالنصيحه اخوي احمد ديزرت

[احمد ديزرت]

ربى يوفقق
انا بسالك عن الافلانش اذا عندك خبره لانه داخل مزاجى وبشترى

[زيتون أبيض]

موفق اخوي ان شاء الله

[asd20009]

سم امر اخوي وش بغيت بس ........ نعم لي خبره فيه ....

خل اعطيك نبذه شويه :
طبعا اكيد تعرف انت التاهو الشفروليت هذا نموذج منه لكن بصندوق او حوووض بالاصح .. والحمدلله جداااا مرييييييح مركبه وممشاه
اكيد انت بيهمك العيوب وليس الممزات بشكل ادق ...

العيوب : من وجهة نظري انا ::
الطول لانه يشكل لي قلق ببعض المديورات الصغيره واحيانا بالمواقف
من ناحية البر
عيبه بالبر انه قريب للارض شوي وهذي ممكن تتفادها بتركيب جنوط اكبر مقاس 20 مثلا او رفع الموتر بطرق كثيره ...
العيب الاخر ان مشكلته المكينه 1500 قوتها فماتتحمل حجم الموتر لو انه تعلق في الرمل مع وجود الدبل طبعا (باختصار لاتتوهق انك ماتشغل الدبل الا بعد ماتتعلق لانه مثل ماقلت لك لاغرز الموتر تغريز قوي من الصعب انه يطلع بسهوله )

اما من ناحية قطع الغيار فالامريكي معروف بكل البلد القطع المستهلكه رخيصه والغير مستهلكه غاليه مع العلم انه فقط عندنا بالمملكه فقط التلاعب بالقطع والاسعار وعسى ربك يسهل ....

الخلاصه ::
الموتر مافيه كلام من ناحيتي انا كمجرب
علما ان الشكل الجديد مرررررره فخم ويوصل لفوق 120 الف ريال
وفيه منه نوعين
1- 2500 مكينته وحده 8100 راح تتعبك بالصرفيه الزايده والاداء مافيه زود لانه موتر سحب قيره ثقيل ودفرنسه ثقيل ومكينته اثقل z71

2- 1500 صرفيه ممتازه خفيف بر وطرق مريح ويفي بالغرض

وان شاء الله افدتك

[لحظةوداع]

معي أفلانش 2007 وانصح به بقوة
الموتر خفيف وحلو استعماله

[احمد ديزرت]

تسلم والله اخوى ماقصرت وربى يخليك...........
ايش رائكم فيه فلانش موديل 2008 فل ابوشن احمر الى معروض بموقع حراج السيارات ناوى اشتريه
حده على 125000 مناسب سعره

[asd20009]

اخوي اذا كانت هذي فعلا مواصفاته فتمام وجدا روعه لكن انا اشوف اللون شوي مب لايق .... وانت صاحب الراي ... والسعر مناسب لو قدرت كمان تحاول فيه باقل من كذا شوي بخصوص لونه اعتقد صارخ شوي ...

والراي لك اخوي طيب دور لون اخر بتلاقي نفس المواصفات اكيد ان شالله

[احمد ديزرت]

اخوى صحيح لونه لون بطيخه حمراء لاكن بحاول اغير اللون اغمقه وامس رحت الصالات وحصلت منزليل سيارات كثثيره من الافلانش موديلات 2007 والوان كثيره وماشيه 100 الف تقريبا واسعارها تتراوح بين 95000 الى 11500
وانا انشاء الله جازم على الموتر الاحمر
وانت انشاء الله تحصل الى تدور عليه

[asd20009]

ان شاءالله يارب والله حلو الاسعار...
طيب بحاول اخرب تفكيرك شوي ههههههههههههههه
مافكرت بالتاهو بما انك وصلت لهالاسعار
انا ماااقول ان الافلانش مب عملي بالعكس عملي بس يعتمد هل انت راعي تحميل واغراض والا لا ..
لان التاهو سواء (الشفر والا اليوكن الجي ام سي ) قصير وخفيف ومواصفاتهم حلوه وحتى بالبيع ماتبلش فيهم ... لانها مطلوبه بكثره ....
وشكرا لثقتك فيني اخوي الغالي ...

[aljoker502]

.


موفق ..

[احمد ديزرت]

اخذت السياره وطلع لونها على الطبيعه افضل من الصوره والحمد الله السياره نضيفه ومشكور اخوى على اهتمامك
واخوى aljoker502 الله يوفقك
وانشاء الله الوعد احد الفياض بالصمان او النعيريه الله يحييك

[asd20009]

مشالله عليك الف الف الف مبروك
الله يطعمك من خيرها ويكفيك شرها يارب
من المال ومنها الصبر ان شالله ...

هلا والله اجل بنصير افلانشين بالصمان هالسنه هههههههههههه ابيض واحمر

[احمد ديزرت]

الله يبارك فيك ويخليك يارب

[مهاجر2009]

كم حدك في الافلانش يا خوي

[asd20009]

كم حدك في الافلانش يا خوي

هلا اخوي الغالي والله انا ناوي ابييع بحدود هالثلاثينات طال عمرك ...