استفسار وشو دفلك ؟

[dr_mal7os]

السلام عليكم
انا اشوف ردود مكتوب فيها مواصفات مثل دفلك او هدد وهي كثيرة بس ما اعرف معانيها يا ليت احد يقولنا وش معانيها وشكرا

[صبي مسرد]

هدد : جيب Gx تويوتا صالون
دفلك : نظام يساعد السيارة على الخروج من التغريز بمساعده القفل المركزي للعجلات بحيث يوازن عملية الحفر

واسمحلنا ع القصور

[مجالس الرجال]

الدفلك باختصار لو تعلقت بالرمل وصار الحمل على احد الكفرين تشبك الدفلك مع الثقيل
ويدور كل الاثنين وتسلم من الحفر والجر
هدد المقصود فيه gx التويوتا

[علي عليوه]

غريب ما تعرفهن !!!

طال عمرك الدفلوك

هو فرار يجي يسار الدركسون وفايدته إنه يشبك الكفرين الخلفيات مع بعض يعني لو تعلق الموتر

ما يكون كفر ثابت وكفر يحفر ,, مهمته يجبر الكفر الثابت على الدوران مما يقلل احتمال التغريز نوعا ما

هذا بالنسبة للجيوب الصوالين من 98 وطالع

لكن من 97 وتحت ,,, والشاص ,,, يجي دفلك كامل قدام وخلف وهذا أفضل

**********

الهدد هو الجيب الصالون الـ gx من 94 ( بداية التسمية ) وطالع إلى ما لا نهاية وميزاته إن الكفر سخيف

وغالبا يحمل نفس مواصفات الجي اكس آر ولكن شكله الخارجي كلاسيكي بدون زيادات كالجناح والرفارف الفيبر

ولون الصدام يختلف , والمرايا ومسكات الأبواب نيكل

ومن 97 وتحت له مواصفاته

ومن 98 إلى 2007 له مواصفاته

ومن 2008 إلى 2011 له مواصفاته

والهدد غالبا سيارة شبابية بحته ,, وبريه بكل المقاييس

وكان لك نية مشترى وأنت شباب لا تعداه أبد

وموفق للخير