جيب gx 96 اللي عندهـ الحل لا يبخل

[ممدوح الأرجح]

السلام عليكم و رحمة الله

بالخير يالربع

أنا عندي جيب جي إكس 96

و إطلعت فيه مشكلة

ألا و هي

ألقى بالأديتر زيت ....... و ينتقل من الأديتر إلى المطارة

و خسرت عليه إلى هذه اللحظة أكثر من 3000 ريال

و المشكلة لا زالت ....

اللي عنده خبره يفيدني و بيض الله وجهه

تكفون المقانيص و المكاشيت بدت و أنا (متوهق ) :f

[ممدوح الأرجح]

يالربع

24 مشاهد و لا واحد أبدى رايه

تكفون نصيحة ببلاش

[بترووول]

اتوقع من الثلاجه

[العنابي 616]

السلام عليكم
يا أخوي ممدوح أنت وش صلحت إلى الان
و وين مكانك يمكن أدلك على ورشة زينة

الله يعينك و يسهل لك أموره

[رفيع المقآم]

يالغالي اللي مايعرفها يعرفها لكن ماعليش
الحين اي شيارة توماتيك تبرد زيت القير بالرديتر وزيت المكينه بالرديتر يبرد بعد
لان عندنا فورد م 97 فيها بس للقير
وعندنا جمس م99 فيه للقير وللمكينه انت شيك على المبرد اللي داخل الرديتر وان شاء الله تنحل مشكلتك
وليتك ذكرت موترك عادي ولا توماتيك
الزيت للمكنه ولا للقير

[قمة افرست]

اذا قير اتماتيك
طبة مبرد القير داخل الاديتر فيها تنسيم
اول شي تاكد المكينة اذا مافيها ماء عن طريق سحب عيار الزيت
المشكلة تقريبا تنسيم طبة التبريد للزيت داخل الاديتر ( مبرد القير )
ولاحظ الزيت بيكون لونه فاتح مع الماء

[بواسامه]

اذا الخلط في المكينة فالمشكله تخبيط
واذا الخلط في الاديتر فقط والقربة فالمشكلة من المبرد الجرم والقاعدة وبتقص عليك حول 2000ريال
ويلزمك غسيل للديتر والمكينه حول خمس مرات حتى ينظف تماما
عموما الامر سهل ولا تستعجل بقولة توضيب
الله يوفقك

[ممدوح الأرجح]

بيض الله وجيهكم و الله يجزاكم ألف خير

أولا أنا بحفر الباطن ياللي تبي تدلني على ورشة طيبة

ثاني شيء يالربع المتر قير عادي ... ما فيه مبرد لقير الزيت بالراديتر

يعني ما هو مثل الفورد و الكابريس

و الخلط بالرديتر ما هو بالمكينة

......................ز

أما بالنسبة للي يسأل عن وش سويت

(طرنبة الزيت -مواصير الطرنبة -)فكفكة المكينة قطعة قطعة

و لا فاد شيء .... حتى الوجيه بدلناها

و لكن (لا جدوى )

[بواسامه]

حتى العادي له مبرد
بجانب المكينة الايمن
شيك عليه
صارت معي مع 97 نفس الخلل
وصلحته وضبط
ويمكن شعر في السرندل
وله حل
معجون يصب في الاديتر بعد ان تكسب حرارة عاليه جدا
ليسد هذا الشعر لانه يهرب على مجرى الماء زين فيخلط
اقرب احتمال هو مبرد الزيت

موقع مبرد الزيت

تحت القزوز راكب في السلندر ومصنوع من الالمنيوم
صورة توضحية

http://www4.0zz0.com/2009/12/30/07/579264736.jpg (http://www.0zz0.com)


.....



الله يوفقك

[ممدوح الأرجح]

حتى العادي له مبرد
بجانب المكينة الايمن
شيك عليه
صارت معي مع 97 نفس الخلل
وصلحته وضبط
ويمكن شعر في السرندل
وله حل
معجون يصب في الاديتر بعد ان تكسب حرارة عاليه جدا
ليسد هذا الشعر لانه يهرب على مجرى الماء زين فيخلط
اقرب احتمال هو مبرد الزيت

موقع مبرد الزيت

تحت القزوز راكب في السلندر ومصنوع من الالمنيوم
صورة توضحية

http://www4.0zz0.com/2009/12/30/07/579264736.jpg (http://www.0zz0.com)


.....



الله يوفقك

أبو أسامه شكرا جزيلا لك

و الله يبارك فيك

و لا قصرت ,,,, بس ما شاء الله شكلك صاحب خبره طويله فيهن

[رفيع المقآم]

يالغالي خبرنا وش يصير معك
والله يعينك
وتبي الصراحة بالحفر مافيه ورش تعتمد عليها بالياباني
الله يعينا بس

[كديان]

اخبر بعض المكاين
بعض مسامير راس المكينة يكون داخل على مجرى الماء اللي قبل طرمبة الماء
و كان يدهنون المسمار بسلقون عشان ما يدخل ماء على الزيت و العكس صحيح
همن يشدونه هو و باقي مسامير الراس

افتح غطاء الزيت بعد مشوار يكون الموتر حامي
اذا حصلت على غطاء الزيت حليب ابيض بخار ماء فعندك خلط بسيط ضعف بوجه الراس ما يحجب الماء عن الزيت و العكس صحيح
و احيانا يكون الراس به شعر بسيط او مقوس

و يمكن غطاء الصدر يهرب زيت على طرمبة الماء

[ابوراكان تبوك]

مالك الا انك تغسل الا ديتر اكثر من مره لين يروح الزيت وخله فتره وشيك عليه اذا رجعت المشكله شوف لك ورشة تثق فيها