قراند ماركيز - 1995

[slom.zero]

سلام عليكم ورحمة الله وبركاته

الهي يديم عليكم الصحه والسلامة وراحة البال
ويهديني ويهديكم الى سراطه المستقيم
ويجمعنا في فردوسه الاعلى قولو امين

انا بالصدفه حصلت منتدى مكشات
كنت بلفلف واصول واجول في عالم الانترنت

والله فرحت لمن شفت مواضيع تصليح السيارات
حيث عشقي من الصغر الميكانيكا
اخواني

واجهتني مشاكل في سيارتي الرائعه قراند ماركيز 95
اصعبها
وجيه المكينه وتنضيف وطبات ودفرنس\


وحساس الجربكس الاسفل ((المشط))
جات فترة السيارة ماتعشق الا بالقوة ويادوب الثاني بس زبطت بعد تغير الحساس

لكن لازت اعشق هاذا الموديل
ولن اتخلى عن سيارتي لها مغامرات معي فانا احبها
الان واجهتني مشكله والله الكمبيوتر والميكانيكي ماعرفولها


غيرت قطع بقيمة 1000 ريال ماكو فايده
غيرت الزيت وزيت الجربكس والفلتر ماكو فايده



المشكله هي لمن تدعس او تحرق بالسيارة وتوصل 100 او 120
تولع لنمبه خضراء في الطبلون بدون سبب
ويبدا الفلم احيانا تعشق بس بقوة واحيانا ماتوصل الرابع
وتجلس تحرق في الثالث الين اهدي او اطفيها وارجع اشغلها وامشي
غيرت حساسات في الجربكس مافي فايده حتى الكمبيوتر فحصها مرتين يقلي
مافي شي

وخليته يسوقها وشاف المشكلة قلي وظب الجربكس كامل
قلت استشيركم

[ممدوح الأرجح]

و الله يا أخي الكريم

الموديل هذا مشاكلة أكثر ما تكون من

الكمبيوتر (برمجة ) حاول بالبرمجة قبل لا تجفد

[الشقردي 205]

صراحة انا من اشد المعجبين بالفوووورد . . .


بس يفيدونك الاجاويد ان شا الله . . .


تقبل مروري . . .

[slom.zero]

منورين اعزائي

ربي مايحرمني منكم

:( والله هوا الموديل هاذا مشاكله كثيره بس
الله يعين معجبيه

والله التوضيب مو سهل بالنسبه لطالب مثلي
بالقليل يكلف 3000

ممكن تكون مشكلة برمجة كمبيوتر او كهربا
بس بستشير الاخوان قبل لاجرب

[ملك الفكتوريا]

يالغالي إذا عندك تولع لمبة خضراء اللي هي O/D فهذي لمبة القير


وحلها إما فصل البطاريه لمدة ومن ثم تشبك البطارية وتشوف اذا راحت فالدعوه برمجه وهذي بسيطه وتصير دائم وحصلت لي شخصيا



والحل الثاني بعد فصلها وترجع اللمبة تشتغل هذي حساسات بالقير وهي ثلاث حساسات وشف الخربانه وغيرها وسعرها وكالة للفكتر موديل 99 . 700 ريال تقريبا واذا عندك قصدره غير الحساسات كلها وطبعا تحتاج تغيير زيت




والحل الثالث شيك على الاسلاك اللي توصل القير بالمكينه وكذلك الكمبيوتر شف لا يكون في سلك مجروح وهو السبب



طبعا اللي فوق المشاكل اللي تصير غالبا بالترتيب




لكن أنصحك نصيحه


اول حل افصل البطاريه وارجع اشبكها وانتظر 3 ايام

ثانيا اذا رجعت المشكله بنفس اليوم فالغالب المشكله من سلك وشيك على الاسلاك الموصله بين القير والمكينه والكمبيوتر

ثالثا اذا كانت الاسلاك سليمه مالها الا حساسات



طبعا انا اتكلم عن الفورد وسيارتي فورد ولكن اذا فيه اختلاف بين موديل 99 و95 فهذا شي ثاني والغالب اختلاف بسيط

[slom.zero]

ملك الفكتوريا ان شاءالله باخذ بنصيحتك واردلك
خبر ايش يصير
والله يجزاك خير ويسعدك دنيا واخره
بس ماقلتلي اذا رجعت المشكلة بعد ثلاث تكون برمجه صح

[ملك الفكتوريا]

يالطيب اذا تحتاج برمجه مو معقول بس القير اللي خرب والامر الاخر اللمبه تولع بسبب خراب احد الحساسات

او يحتاج برمجه واللي هي فصل البطاريه السالب مو برمجه من ميكانيكي



على العموم ترى الكمبيوتر أحسن مني

اذا فصلت البطاريه ورجعت المشكله

كلها فحص كمبيوتر للقير بـ100 ريال بس ويمكن تلقى اقل وبيعطيك السبب وتوقع شخصي ما غير الحساسات راح تلقى


لانك لو رحت قبل الفصل طبيعي بيعطي خراب بالحساس










والله يوفقك







ملاحضه نسيتها وهي المفروض الاولى


اذا اللمبه والعه ثابته هذي جرب تطفيها من عصى القير او برمجه بفصل البطاريه

واذا تولع وتطفى مثل الفلشر فهذا يعطيك ان فيه حساس عطلان

[مكشاتي 505]

بما اني من عشاق الفورد ايضا
واحيانا يكون خرابها محير ونفس الوقت يكون شئ تافه
مشكلتك كما افادو الاخوان اما ان حساس السرعه الرابعة عطلان او ان الاسلاك تكون سليمه وتلاقي نفس الافياش وصخانه وخاصة بالزيت حاول تتأكد وتنفخها هواء وتنظفها وتجرب لو الكمبيوتر او برمجة ماراح تولع اللمبة ولاتغير اصلا بتكون بنمره واحده وبالتوفيق

http://www.mekshat.com/pix/upload04/images185/mk171448_090909.gif

[slom.zero]

ملك
انا فحصتها مرتين كمبيوتر

يقلي مافي مشكله

بس لمن امشي بالسيارة فوق سرعة 110 واحيانا بس امشي 40 تولع

واحيانا لا

المشكله لمن تولع يبداء التخبيط في الرابع

[slom.zero]

مكشاتي جاري قراة الموضوع وفهمه

الله يجزاك كل خير اخوي

ولايهونن البقيه

ربي مايحرمني من الوجيه الطيبه