مبرد زيت القير GM

[MohsinSK]

السلام عليكم..

للبيع, مبرد زيت القير. المبرد كت كامل يشمل المبرد + قواعد للتركيب + اهواز + كلبسات + براغي + مواصير..

الكت من GM و مخصص للجموس بس يركب على سيارات ثانية..

السعر 460 ريال..

من الممكن ارساله لجميع مناطق المملكة شرط دفع قيمة الشحن..

ملاحظة لإبراء الذمة,, تم تركيب المبرد في واجهة السيارة لكن لم يتم شبكه مع القير لأني بعت السيارة بعد فترة وجيزة.. يعني المبرد غير مستخدم, فقط تم تركيبه في الواجهة..

تحياتي..

[prof2]

ممكن صوره له

[MohsinSK]

عذرا على التأخير في الرد.. كان في مشاكل في اتصال الانترنت,, شركة الاتصالات وما تسوي.!!

ان شاء الله راح اصور المبرد و احط الصور قريبا..

[MohsinSK]

هذي الصور,, و القاعدة المركبة عليه ترى هذي مرهمة عشان يركب على السيارة الا كانت عندي.. القاعدة الاصلية هي القطعتين الا في الصورة الاولى تحت.. في يمين الصورة


http://www10.0zz0.com/2010/11/07/12/745716256.jpg



http://www10.0zz0.com/2010/11/07/12/147181698.jpg




http://www10.0zz0.com/2010/11/07/12/958495467.jpg

[MohsinSK]

سبحان الله و الحمد لله ولا اله الا الله و الله اكبر...

[قناص*07]

ويش نوع السياره اللي كنت تبي تركبها عليها
وهل هي قير عادي او اوتوماتيك ويش موديلها

[MohsinSK]

ويش نوع السياره اللي كنت تبي تركبها عليها
وهل هي قير عادي او اوتوماتيك ويش موديلها

عذرا على التأخر في الرد,, توني اشوف السؤال,, غريبة ما جاني ايميل بخصوص اضافة الرد..

طال عمرك كانت بليزر موديل 1991 حجم كبير..
و القير تماتيك حجم 700

[عبدالله الضويان]

اخوي السلام عليكم ورحمة الله
هل هو يركب على الجمس السييرا 1500 z71
واذا كان يركب وش الفرق بينه وبين حق الوكاله وش الفايده منه
لان بصراحه انا معي سييرا من الشكل الجديد ونصحني واحد قال غير مبرد الزيت وما ادري ليه والواحد ما عاد دخل النت عشان اقدر اساله

[MohsinSK]

و عليكم السلام و رحمة الله و بركاته..

في اعتقادي انه يركب.. و لو ما ركبت القواعد الا معاه, تقدر ترهم له قواعد عند اي حداد..

بصراحة انا ماعندي فكرة كيف وضع مبرد الزيت في موترك.. انا شريت المبرد الا عندي لأن البليزر الا كان عندي تبريد القير فيه على الرديتر فقط.. فقلت احط هذا اضافي عشان لا يحتر القير في الصيف..

انا مادري وش حجم المبرد الا في موترك للأسف.. ومادري اذا كان التبريد في موترك على الرديتر فقط او انه فيه مبرد زيت خارجي مثل هذا.. بس خبري الجموس مافيها و الله اعلم.. خبرتي فيها في الموديلات القديمة فقط..

طبعا الفايدة منه يساعد في تبريد القير بكفائة اعلا.. لأن القير في التطعيس ترتفع حرارته بدون مبرد, و تلاقي التبديل بين النمر يصير فيه نوع من الفضاوة مع ارتفاع الحرارة.. نفس الكلام في حالة سحب المقطورات الثقيلة.. و المبرد هذا يزيد من تبريد زيت القير.. و مثلك عارف, كلما ارتفعت حرارة القير, كلما زاد احتمال تلف الكلتشات و يحتاج القير بعدها لتوضيب..

[Moshakes13]

الله يرزقك البيعة الطيبة

اخوي سعرك نهائي والا فيه مفاوضة؟

[MohsinSK]

الله يرزقك البيعة الطيبة

اخوي سعرك نهائي والا فيه مفاوضة؟

امين يارب العالمين..

بالنسبة للسعر.. يعني لو كان فيه مفاوضة ما بكون المجال كبير يعني..
سوم و خلنا نشوف !! وان شاء الله ما يصير الا الخير..

[Moshakes13]

350 سومتي
وان ما ناسبتك
اعتبرها فتح باب
جاد وصامل
والله يرزقنا واياك من واسع فضله

[ابوصالح3]

الله يرزقك من واسع فضله

[MohsinSK]

يعطيك العافية..

للأسف السومة ما تخارج.. هو انا تقريبا ببيعه براس ماله.. و شوفة عينك, كامل مع المواصير وكل شي تقريبا..
شكرا على السومة, وان ما كان نصيبك, الله يرزقك بالا احسن منه..

[MohsinSK]

الله يرزقك من واسع فضله

يرزقنا وياك يابو صالح..
شكرا على المرور.

[Moshakes13]

راجع الخاص اخوي

[MohsinSK]

رديت عليك في الخاص اخوي..

[MohsinSK]

تم البيع..

الله يبارك للمشتري و يعوضه خير..

دمتم سالمين