أفضل وقت لشراء ذبيحة العـــــــــيد...

[دل البحار]

أخواني متى أفضل وقت لشراء ذبيحة العيد

[دبدوب محبوب]

خلاص الحين معد تفرق بالنسبه للسعر ولاكن اذا بيغيتها ترخص خذها ثاني ايام العيد

وجهة نضر

[راع الحشه]

خذها ثاني العيد تحصلها نازل فيها قيمة

[محمدالزبيدي]

أيام التشريق ويوم وقفة عرفات أحيانا

واشتر من الحلقة لا تشتري من الشريطية

يعني دور الجلالبة اهل الحلال

وكل عام وانت بخير مقدما

[عطيب ومايغيب]

يارجل بنك الراجحي شرق اسياء سعر معقول ونء ملاعمال بنيات

سعرها من350الى500افضل من 1800 اوبعد الله يستر

[العودالازرق]

بالنسبه لي هو الشراء قبل العيد لمن يحب الجوده لأن الاغنام عندنا محدوده
والطيب قليل عرضه أما السعر فهو ثابت منُذ زمن من 1300 إلى 1550 ريال هذا الطيب
النعيم والنجدي وهذا الموضوع سبق وأن طرحته

بعض طرق اختيار الذبيحة (http://www.mekshat.com/vb/showthread.php?t=323130)

[صالح...]

اذا عندك مكان تضع في الغنم ، انصحك تشتري من الحين تلقى من 1100 الى 1200 شيء طيب . وبعد أسبوع تقريباً من الحين راح يقفز سعر الأغنام والله اعلم كم يصل حسب العرض والطلب. واذا ماعندك مكان خذها ثاني العيد والله يكون بعونك .

*اذا بتشتري انصحك بسوق النظيم صباحاً بعد صلاة الفجر مباشرة . اليوم واحد من الشباب شاري من السوق 7 ضحايا نعيم بلدي 1100 ريال حالها فوق المتوسط.

[نجم سهيل 111]

بعد صلاة العيد مباشرة والله يتقبل منا ومنكم صالح الأعمال

[دل البحار]

طبعآ انا بأقلكم بسالفتي لكن رجأيي ما احد يمر بالموضوع من غير ما يدلي برأيه اليوم كنت طارح الموضوع ومافيه الاقوة تفحيط ما احد حتى عبر صفحه كامله ولو برأي أو مشاركه تقول عيال مصاريه ما يعرفون الا فراخ وعجل ولا يكرهون ريحة المواشي ههههههههههه
الموضوع انا العيد الي راح كنت شاري لي ذبيحة خروف حري فل الفل حجم فوق المتوسط بالنسبه لحجم الخرفان xxxxl وكان السعر معقول بحدود 850 ريال
بعدها ولعت الاسعار وصار الي شريته ب850 ينباع على 1300 ريال
جيت السنه الي راحت والله قبل العيد بيوم وألقالي مجموعة رجال حول ال 3 رجال أناأصغرهم ودلني الله عليهم قلت اش رايكم واحد يشري من سياره دينا لنا ونعطيه المبلغ يعني يدفع فلوسها الاول وبعد كذا كل واحد ياخذ له خروف قالو موافقين وراح الرجال وطلب عدد سبعة خرفان احجام حلوه جدآ وبسعر 650 ريال لأنه ماخذ مجموعه لو كان خروف ما بيشيله اقل من 900 ريال لكن مشت وسهل الله في الشراء لما كنا مجموعة من الرجال الطيبين شرواكم ، طبعآ بيسهل لك الشراء بسعر معقول انا ماكنت مصدق على بالي زي الاول 850 الى 950 ريال
شلت خروفي وكان بحمد الله من نظرتي له انظف وأشيك خروف
اليوم العيد قابلت رجال ستيني معه عيال صغار بالمسلخ الجزار يذبح لي ويذبح له العيد سالني ماشاء الله بكم شريت الذبيحه قلت بحدود ال 700 ريال قال شف خروفي وخروفك انا شريته ب1200 ريال والله ياولدي الفرق بسيط قلت الله يعوض عليك بالجايات
الشاهد من الكلام انه في الجمعه بركه لو ذهبت الى سوق المواسي لشراء العيد لا يمنع ان تشتري لك مع مجموعه يكون أرخص بكثير عن الشراء الفرديوأفضل بالحجم وتحياتي وألف شكر لكم يالي شاركو ونورو وابدو أرائهم بالموضوع وأنشاء الله بعد العيد نشوف التقارير الموووووووووووله من طبخ ونفخ وشوي وقلي وحينئذ والاهم الالتقاآآآآآآآآآآآآآء بالاحبه ،، وكــــــــــــــــل عام وأنتم بخـــــــير...

[ابورايف]

افضل وقت عصر يوم عرفة

[نواف الغازي]

ثاني عيد بعد مشمس تصفق الشريطية وعضامهم تكسرمن الوقفة

[السنع كله]

بعد العيد بيوم اويومين تجدها ارخص ومع ارتفاع الشعير الناس ودها تبيع والله لايخسر مسلم