كيف التعامل مع الناقة اللي دوبها والده

[محمدالزبيدي]

كما العنوان

تكفون يا هل البل

[عاشق الجهامه]

اخوي بالمسايسه والهداوه اهم شي لايجي عند الناقه ورعان وكل يوم قردلها واحلبها ولاتخاف منها وبعدين ابعد ابعد ابعد ابعد ابعد ابعد ابعد ابعد عن الرباط لاتربطها لو ماتحلبها مع الايام تصير هاديه شف عندي ناقه بالبدايه هاديه بعدين مادري وش صار بعدين قيدتها والحين مااحلبها الا برباط لاتخلي احد يحلبها غيرك ولاتشيل العصا بيدك لانك اذا قفلتها معك اكيد تبي تعطيها كم ضربه مادري وانا اخوك ودي اقولك عطها خبز بس اخاف يضرها الاخوان يفيدونك بشان الخبز واعطها برسيم ولاتحط الماء عندها لمده يومين او ثلاثه اتمنى ان الاخوان يفيدوني ليش ماتعطى ماء الا بعد الولاده بيومين او ثلاثه لان اخذت المعلومه من شايب ولادري وش السبب هل عشان ديسها مايخبش ؟؟؟؟؟

[محمدالزبيدي]

بارك الله فيك اخي عاشق الجهامة

معلومات قيمة افدتني بها

لا عدمتك

[ألم وعشناه]

ماشاء الله تبارك الله ماعندي فكره لافي البشر
ولا في الابل بس شكلها وناسه
في النساء احياناً يجي اكتئاب مابعد الولاده
يمكن الابل مثلها! فقط
حبيت ادعي لك بالبركه

[محمدالزبيدي]

ههههههههههههه

الله يبارك فيك يا ألم وعشناه

عقبالك ان شاء الله تجيبين اعظم فارس

لك ردود رائعة تركزين على نقاط معينة

اكتئاااااااب

لا تفاءلي بخير الله يستر هذي ناقة مو حرمة

يمكن تجي منها ركلة تخلي الواحد يعاف البل وسيرتها

شكرا للمرور

[ذيب السواري]

انا مع اخوي عاشق وعطاك العلم الوكاد

بس انا اخالفه عن سالفة الما والبرسيم
الأخ عكسها مفروض ماتعطيها برسيم لمدة اسبوع كحد أقصى لأنه يطيح رحمها
ثلاثه ايام فتره كافيه

وشلون ماتعطي الناقه ما لمدة ثلاثه ايام كذا تعذبها لكن عطها خبز بيدك وعطها رودس خفيف
وقرد لها ولا تطير الناقه ولا تقرب حوارها

[مشراق المر]

الناقه اللي تو ها والدها طال عمرك خلها تخلوى بحوارها واقطع عنها
الماء يومين او ثلاثه ثم اعطها اقل من حاجتها من الماء وابعد عنها
البرسيم لانه يزيد من حليبها ثم يذرق الحوار وافضل شي تخليها تاكل
من القشع ولاتعلفها الى ان يجدل حوارها ونظف ديدها باستمرار
وبالتوفيق ان شاء الله

[محمدالزبيدي]

أخوي الكريمين

ذيب السواري

مشراف المر

لا عدمتكم على المعلومات

أفدتوني الله يجزاكم خير

[قزيزالنعام]

ماقصرو الاخوان عطوك معلومه كافيه بس احرص كل الحرص على وروكه ولا تعارضه بربط على شان حليبها لمده سبوع الين تنشف الناقه وتيبس وروكه وعقبها معليك منها تصرف فيها ايذ نحوس علمه الربط ون كانت هديه فبرك

[ابوفيصل3]

انتم اهل الابل يازبيد 00لا بد يكون احد من ربعك قريب منك يطبع المصغر على الحلب خصوصاً ان صورتك تعكس انك رجال شقردي

[ساحووق]

مرحبا يالزبيدي

قد اعااارض بعض الاخوان في عدم اعطتء الناقه ماء لمدة 3 ايام ليش حنا عشنا معا ورعيناها ومع جدودناا وابائنا مااقالو هالكلام وهالمعلوومه خاااطئه وايضا البرسيم عطه النناقه ولايضرهاااااا....

اما طريقة التعااامل
اول شي عزل الخلفه عن البل من شان البل ماتذبح الحوااااار...
ثاني شي احلب عن النااقه لايذبحها الحليب بديسها ويورم وخل للحوار اللي يكفيييه وانتبه للحواااار من القراد والخمل ....

ثالثا انتبه من النااقه الخلفه ترااها احياان تذبح الريااجيل وكم مره بغيت اروح ضحيه هههههه

هذ والله اعلم

ةاتمنى اني افدك طاال عمرك

واي سوال تحت امرك سوا بالخااااااص او هنااااااااا

[عاشق طابه]

حياك الله يالزبيدي .. اهم اهم شيء تنظيف ديس الناقه . وان كان بتعزلها خل شبكها واسع والا طلعها لابد تمشي . اما بخصوص حلب الناقه على حسب طبعها بعضها تهدى بسرعه وبعضها لازم رباط وبعضها لازم رباط وقيد ورسن وياالله ياالله تهدى . وانت ونظرتك تدرج مع الناقه شوي شوي احيانا رباط وعقال وبعدين بس عقال وبعدين بدون عقال . وترى الخبز والمقارد للناقه ضروري بالتطبيع . وان كان الراعي عندك يضرب البل بالعصا لايجيها ولايقربها حتى لو كان طبعها زين راح يخرب طبعها خصوصا ان كان سوداني . وبخصوص الماء انا معارض لان اهل البيطره يقولون الناقه اثناء الولاده تفقد سوائل من جسمها . طيب منين تعوض ان كان منعت عنها الماء خصوصا في هالوقت . وانتبه على الحوار من حيث التظليل وقت الظهر خصوصا ولادالصيف والمتالي او سهيل . ولا الدرا وقت المربعانيه والشبط . وانتبه الله يعزك ومن يقرأ من الدراق للحوار من كثر الحليب يمكن يقتله . وسامحنا على الاختصار . موفق

[محمدالزبيدي]

ماقصرو الاخوان عطوك معلومه كافيه بس احرص كل الحرص على وروكه ولا تعارضه بربط على شان حليبها لمده سبوع الين تنشف الناقه وتيبس وروكه وعقبها معليك منها تصرف فيها ايذ نحوس علمه الربط ون كانت هديه فبرك

هلا بك أخي

الله يوفقك ويبارك لك في حلالك الناقو بحمد الله هدية

انا اقصد الحرص عليها وعلى بنتها

ولا قصرتوا

[محمدالزبيدي]

انتم اهل الابل يازبيد 00لا بد يكون احد من ربعك قريب منك يطبع المصغر على الحلب خصوصاً ان صورتك تعكس انك رجال شقردي

ما عليك زود اخوي أبو فيصل

هههههههههه الحمد لله طبعها زين وكفتنا نفسها

مشكور اخي على المداخلة المميزة

[محمدالزبيدي]

مرحبا يالزبيدي

قد اعااارض بعض الاخوان في عدم اعطتء الناقه ماء لمدة 3 ايام ليش حنا عشنا معا ورعيناها ومع جدودناا وابائنا مااقالو هالكلام وهالمعلوومه خاااطئه وايضا البرسيم عطه النناقه ولايضرهاااااا....

اما طريقة التعااامل
اول شي عزل الخلفه عن البل من شان البل ماتذبح الحوااااار...
ثاني شي احلب عن النااقه لايذبحها الحليب بديسها ويورم وخل للحوار اللي يكفيييه وانتبه للحواااار من القراد والخمل ....

ثالثا انتبه من النااقه الخلفه ترااها احياان تذبح الريااجيل وكم مره بغيت اروح ضحيه هههههه

هذ والله اعلم

ةاتمنى اني افدك طاال عمرك

واي سوال تحت امرك سوا بالخااااااص او هنااااااااا

هلا راعي المصاغير

تسلم اخي أفدتنا الله يكتب لك الأجر والاخوان جميعا ما قصروا الله لا يحرمنا منكم

شاكر لك ومقدر ولا نستغني عن مثلك وشرواك

[محمدالزبيدي]

حياك الله يالزبيدي .. اهم اهم شيء تنظيف ديس الناقه . وان كان بتعزلها خل شبكها واسع والا طلعها لابد تمشي . اما بخصوص حلب الناقه على حسب طبعها بعضها تهدى بسرعه وبعضها لازم رباط وبعضها لازم رباط وقيد ورسن وياالله ياالله تهدى . وانت ونظرتك تدرج مع الناقه شوي شوي احيانا رباط وعقال وبعدين بس عقال وبعدين بدون عقال . وترى الخبز والمقارد للناقه ضروري بالتطبيع . وان كان الراعي عندك يضرب البل بالعصا لايجيها ولايقربها حتى لو كان طبعها زين راح يخرب طبعها خصوصا ان كان سوداني . وبخصوص الماء انا معارض لان اهل البيطره يقولون الناقه اثناء الولاده تفقد سوائل من جسمها . طيب منين تعوض ان كان منعت عنها الماء خصوصا في هالوقت . وانتبه على الحوار من حيث التظليل وقت الظهر خصوصا ولادالصيف والمتالي او سهيل . ولا الدرا وقت المربعانيه والشبط . وانتبه الله يعزك ومن يقرأ من الدراق للحوار من كثر الحليب يمكن يقتله . وسامحنا على الاختصار . موفق

هلا اخوي بارك الله فيك عل النصايح الثمينة ولا قصرت انت والأخوان جميعا

الله يحرمنا وجودكم وكرمكم

كفوا والله والنعم فيك وفي جميع من قدم لنا النصيحة وكل من حضر

بارك الله فيكم

[البواردي.]

افادك الذيب ( راعي المصاغير )

[محمدالزبيدي]

سلمت ياالبواردي

عسى عمرك طويل