يوسف الخليفة1
02/11/2010, 09:38 PM
بسم الله ابدا قبل بدية كلامي=الواحد المنشي خلايق عدامي
الباقي اللي ما يجيه المنامي=امره ونهيه صار بالكاف والنون
فلق بذور الزرع وانبت حدايق=وانشا بالارحام النطف والعلايق
يعيد يوم البعث كل الخلايق=يقافي العسر بيسر داير الكون
اوجد قبل يوم القيامه دلايل=جملة علاماتن نذيرة قبايل
اشراط صغرا والكبار الفحايل=بضعه وخمسين الصغاير يقولون
الصغرا تبدا حين بعثة محمد=اختار بالدنيا شكورن تعبد
الصادق المصدوق ليله تهجد=وهو رسول الله والناس يدرون
والثانيه موت النبي وانتقاله=من بعد ما بلغ تمام الرساله
صلاة ربي عد سافي رماله=على رسولن تحت الابطاح مدفون
والفتح للمقدس بجيش الخيارى=عصر عمر قاد الصحابه وسارى
طهرها من جور اليهود ونصارى=يصلي فيها واللي خلفه يصلون
وابرابع الاشراط طاعون عمواس=مات الكثير من الصحابه والاجناس
فيهم امين الامه من اشهر الناس=ابو عبيده مات باسباب طاعون
والخامسه خيرن على الناس وافضال=اليا استفاض المال وتزيد الاكيال
تنساق للامه كنوزن مع اموال=ما عاد يلقا من مساكين يبغون
ثم الفتن تاتي كبارن عظيمه=هذاك ابن عفان ذبحه وخيمه
معها الوقايع والخوارج ظليمه=والقول بالقرآن فرقه يزيغون
والسابعه في مدعين النبوه=ناسن بهم كذبن وزيغن وسوه
يوردون اتباعهم قاع هوه=حول الثلاثين العدد او يزيدون
ثم انتشار الامن ثامن علامه=يدلج بها النجاع امن وسلامه
ولا يخاف الا الولي وانجامه=قاله نبي الله لا بده يكون
والتاسعه ضيان قشرا خطيره=نارن نشت شرق المدينه سعيره
تنير منها عنق خلج وبعيره=في بصرى يم الشام فيها يشوفون
والعاشره عرض الوجيه الجلوفي=يبدا قتال الترك ذلف الانوفي
ناسن اولي باسن شدادن صلوفي=ثم يسلم اكثرهم للامه يخدمون
واقتال يظهر لاهل خوزا وكرمان=هم العجم ياتون نسوه وغلمان
ثم يكثرون بدار الاسلام سكان=يمسون اسودن باللقا ما يفرون
وعلاماتن تبدا ضياع الامانه=اليا اكثرت فيها فعول الخيانه
افعال خوانن تناقص ايمانه=والامر يعطى للي ما يستحقون
والثالثه عشره بها العلم يقبض=والجهل يظهر فوق الاكتاف ينهض
الناس تجهل باللي يعرف ويفرض=والجاهلين بقول فتوى يضلون
واربع طعش شرطه كثيرين واشرار=للظالم اعوانن يصبون الامرار
معهم سياطن تشبه اذناب الابقار=على سخط ربي يجون ويروحون
ومن العلامات الزنا وانتشاره=اليا تزايد رايدين الدعاره
لهم يقول اللي صلح من خياره=لو انكم خلف السواري توارون
والسادسه عشره مع البيع حيله=فيها الربا يظهر ويكثر عميله
ما همه الانسان حرمة حصيله=الناس من مشبوه الاموال يشرون
ويضا المعازف يفعلوها طرابه=العود والمرواس ويا الربابه
وان كثرت الانواع صارت خيابه=محرمه لو كثروا اللي يغنون
شرب الخمور اطروها ظمن العلامات=تكثر وعدوها من المستحلات
ما هي حلال ودارجه بالخطيات=محرفه بالاسم ثاني يسمون
وامن العلامات بحديثن رواها=الناس فيها بالمساجد تباها
بالوان ورسوم الزبارق تراها=بها المصلي بالزخاريف مفتون
تاتي من الاشراط باتلا الزماني=تنافس اهل الشاة باطول مباني
اهل الحفا صاروا على وضع ثاني=تكثر بها الاموال والناس يبنون
ويضا الامه انجباها من بشرها=علامه المصدوق قال وذكرها
علامتن صغرا عرفنا خبرها=لها البخاري حتى مسلم يخطون
تاتي علامه اليا مرت ليالي=اخبر بها المصدوق كثر القتالي
حبالها مخلوطتن بالنبالي=زادت حروبن والبشر ما يبالون
ثلاث وعشرين يتقارب زمانه=تمرها اللحظه سواة الشيهانه
العام مثل الشهر سابق عنانه=اليوم كالساعه لصاروا يعدون
ويضا علامه تقترب فيها الاسواق=جت في حديث المصطفى مابها امذاق
في مسند احمد والسند قول وثاق=علم الثقات موكدن مابه ظنون
ويضا علامه مع ظلامن وغمه=الشرك يظهر في كنوفات الامه
شرك الذبايح يبدا ويسيح دمه=تنعث بها الاوثان فيها يعبدون
والفحش يظهر واذكروا قطع الارحام=معها اذا للجار له حق الاكرام
الله نهى عنها الثلاثه بالاسلام=واهل الجهل والفسق ناسن يصدون
تشببن للمشيخه جت علامه=لهم لحا كالحوصله للحمامه
تصبغ سوادن لاغدت كالثغامه=ماهم لريح جنان ربي يشمون
منها كذلك كثرة الشح بالناس=والشح مذمومن ولا فيه نوماس
يزداد بين الناس باثره يجي باس=سفكن وعرضن ينتهك بايسر الدون
تبدا علامه كثرتن للتجاره=من النسا فيها تبين الشطاره
واتشارك الازواج ربح وخساره=واعوذ بالله من بلا الشر والهون
وامارتن وردت سنين الزلازل=جتنا صريحه في شريفن ونازل
قاله محمد حق ما هي مهازل=صلى عليه الرب ما زخت مزون
ويضا ظهور الخسف والمسخ والقذف=اذا الخبث فيها كثر واحتمى العزف
والخمر ببطون الملا صار يشتف=وانتشرت القينات والناس بامجون
واشراطها اللي وارده قل الاخيار=واليا اكثرت بين الميادين الاشرار
حثالتن ماله مع الخير معشار=تخالطوا والعهد بعده يخونون
ثم يصبح الامر بصفوف الاراذل=علامتن جت بارتفاع الاسافل
وتصير بيديهم سنوم المحامل=ناسن سفاها ينظمون ويحلون
ويضا التحيه تقتصر للعرايف=تسليمن مخصص لناسن ولايف
علامتن فيها تصير الكلايف=افشا السلام اطروه للي يعرفون
منها التماس العلم عند الاصاغر=من سار بخطاهم يشوف المخاسر
وادروبهم عوجن قصية محاجر=ناسن بظن الراي صاروا يقولون
ويضا ظهور النسوة الفاهراتي=وصوفهن وردت كسا العارياتي
روسن سنام البخت جن ما يلاتي=لزما على اللي قاله انتم تصلون
ثم صدق رؤيا المومنين الخيارا=تصير بالواقع عيانا جهارا
تصح للي جا صدوق العبارا=من النبوه ما بها شك واظنون
ثم الكتابه حين وقت اشتهاره=ظهورها يكثر يزيد انتشاره
على الكثر صار الجهل هو مناره=قليل فهم الشرع والناس يقفون
معها التهاون بالسنن والعبادات=فيها الشعاير همشت بالخضمات
حتى المساجد صارت من الممرات=ما ركعتين المسجد ابدا يصلون
والاربعين اليا انتفاخ الاهله=باول هلال الشهر خرطوم دله
كنه بيوم اثنين من كبر هله=سبحان من خلا الزمن عام واقرون
كذلك الزيف ودجل كاذب القول=ما به تثبت لانحكى العلم منقول
تبدا السوالف ما لها صدق مدلول=دجاجله واحذر من اللي يقولون
علامتن تكثر شهادة هل الزور=والحق مكتومن ولو كان مخبور
سبايب البهتان يظهر بها الجور=ما فيه خشيه والملا ما يخافون
ويضا علامه بينتها الدلايل=كثر النسا وارجالها بالقلايل
خمسين حرمه لاذن برجل عايل=والا اربعين يتابعنه عن الهون
والموت بغته جت اماره صريحه=بالجامع الموثوق جتنا صحيحه
كثرتها بين الناس ما هي مزيحه=والعالم بغفله عن الموت يلهون
واشراطها اللي بالروايه صغاير=صار التناكر بين خلقن كثاير
اخو العلن يمسي عدو السراير=على مصالح دنيويه يعيشون
وامن العلامات بصحيحات الاخبار=قال الرسول المصطفى راس الاخيار
بارض العرب ترجع مروجن مع انهار=فيها الحدايق والبساتين واعيون
ثم تكثر الامطار مع قل الانبات=علامتن جتنا صحيحة روايات
في مسند احمد قالها راوي ثقات=العلم الاوثق من مقولات مامون
ثم الفرات امرن عجيبن ذكربه=جبل ذهب باتلا الزمن ظاهرن به
يحصل عليه قتال واتشب حربه=حذاري تاخذ من ثمينه ولا لون
ويضا الجمادات وكلامه للانسان=حتى السباع تخاطب الانس بلسان
سوط الرجل يحكي خطابه وحذيان=ينبيه فخذه وش هم اهله يسوون
والموت يطلب من شديد البلاوي=عن النبي ثابت على قول راوي
والرجل من شد الحسر والعناوي=لاشاف قبرن قال يا ليتي مدفون
والروم تزداد بصحيح الروايه=واقتالهم للمسلمين بسطايه
ياتون من تحت الثمانين رايه=واثناعش الف بكل رايه يصفون
من بعدها القصطنطينيه تركيه=مدينة اسطنبول بصدق الرويه
سبعين الالف المسلمين الغزيه=ياتونها من فضل ربي ينتصرون
ثلاث وخمسينن خروج القحطاني=تحصل وتاتي باختلاف الزماني
يمشي بطوعه كل قاصي وداني=عصاه تلقى الناس معها يطيعون
والمسلمين قتالهم لليهودي=باتلا الزمن علمن ثباتن وكودي
يفضحهم الصخر بذراه اللبودي=حتى المشاجر من وراها يدسون
ويضا المدينه يوم تنفي خبثها=تقصي خياب الخلق يثنون عنها
تمسي خليه يخرج الناس منها=واسباعها بالمسجد امسوا يبولون
ثم تاتي ريحن طيبه لاهل الاسلام=من شان قبض ارواح الايمان واكرام
ريحن برادن تاتي من يمة الشام=يبقى شرار الناس حمرن يدولون
هذي تمام الصغرى من فوق خمسين=ثم تاتي الكبرى كما فصل عقدين
عقدين سبحه يفرط القطع راسين=تاتي توالي عشرها لو تعدون
الاوله يظهر رجل ذايع الصيت=المهدي فيها يدعم القول تثبيت
اسمه محمد فاطمي من هل البيت=ناسن لسلطانه تراهم يقيمون
ويضا لجا الدجال فتنه مريره=يقطع جميع الارض ساعة مسيره
الله عطاه كنوزها والمطيره=من يتبعه يمسي حسيرن ومهيون
والثالثه فيها نزول ابن مريم=عيسى نبي الله والله يعلم
يكسر صليب الكفر بالعدل يحكم=يذبح بها الدجال واللي يزيغون
والرابعه ياجوج وماجوج ياتون=من كل حدبن بالوطا هم يفيعون
بانشاب للي بالسما قاموا يرمون=ترسل نغف بارقابهم ثم يموتون
والخامسه تاتي ثلاثة خسوفات=الاول بمشرق ولا فيه شكات
والخسف بالمغرب رواية صحيحات=وارض الجزيرة مثلها ذكرت تكون
ويضا بها الدخان سادس علامه=يعم كل الناس مثل العسامه
الواضح البين سواة الغمامه=واليا انكشف عنهم تراهم يعودون
والسابعه لاقفى الظلام بمريره=الشمس فيها جت خلاف لمسيره
بالغرب تشرق والملاحد خسيره=تغلق بها التوبه عن اللي يتوبون
تظهر بها الدابه وتبدا الذهايل=ثامن علامه في صحيح الدلايل
بوجيه خلق الله عملها هوايل=المسلم وكافر على اللي يدينون
منها علامه يدمي البيت الاحباش=اليا استحلوه الحرم عوج الاوباش
ثم يهدم الكعبه رجل سوقه حماش=ولا تقوم وما لها من يردون
والنار للمحشر تسوق الخلايق=من اليمن تاتي صحيح الحقايق
الناس تحشرهم ثلاثة طرايق=اليا اصبحوا تصبح واذا هم يبيتون
هذي علاماتن تلاعج وليعه=بضعه وخمسين الصغيره جميعه
والكبرى عشره من سببها الهليعه=صلوا على المختار ياللي سمعتون
صلاة ربي عد وبل المطيره=واعداد ما حوم مع الجو طيره
واعداد ما بالدو يسفي ذريره=على النبي ياللي سمعتوا تصلون
يوسف الخليفة ( أبو عبد الله )
الباقي اللي ما يجيه المنامي=امره ونهيه صار بالكاف والنون
فلق بذور الزرع وانبت حدايق=وانشا بالارحام النطف والعلايق
يعيد يوم البعث كل الخلايق=يقافي العسر بيسر داير الكون
اوجد قبل يوم القيامه دلايل=جملة علاماتن نذيرة قبايل
اشراط صغرا والكبار الفحايل=بضعه وخمسين الصغاير يقولون
الصغرا تبدا حين بعثة محمد=اختار بالدنيا شكورن تعبد
الصادق المصدوق ليله تهجد=وهو رسول الله والناس يدرون
والثانيه موت النبي وانتقاله=من بعد ما بلغ تمام الرساله
صلاة ربي عد سافي رماله=على رسولن تحت الابطاح مدفون
والفتح للمقدس بجيش الخيارى=عصر عمر قاد الصحابه وسارى
طهرها من جور اليهود ونصارى=يصلي فيها واللي خلفه يصلون
وابرابع الاشراط طاعون عمواس=مات الكثير من الصحابه والاجناس
فيهم امين الامه من اشهر الناس=ابو عبيده مات باسباب طاعون
والخامسه خيرن على الناس وافضال=اليا استفاض المال وتزيد الاكيال
تنساق للامه كنوزن مع اموال=ما عاد يلقا من مساكين يبغون
ثم الفتن تاتي كبارن عظيمه=هذاك ابن عفان ذبحه وخيمه
معها الوقايع والخوارج ظليمه=والقول بالقرآن فرقه يزيغون
والسابعه في مدعين النبوه=ناسن بهم كذبن وزيغن وسوه
يوردون اتباعهم قاع هوه=حول الثلاثين العدد او يزيدون
ثم انتشار الامن ثامن علامه=يدلج بها النجاع امن وسلامه
ولا يخاف الا الولي وانجامه=قاله نبي الله لا بده يكون
والتاسعه ضيان قشرا خطيره=نارن نشت شرق المدينه سعيره
تنير منها عنق خلج وبعيره=في بصرى يم الشام فيها يشوفون
والعاشره عرض الوجيه الجلوفي=يبدا قتال الترك ذلف الانوفي
ناسن اولي باسن شدادن صلوفي=ثم يسلم اكثرهم للامه يخدمون
واقتال يظهر لاهل خوزا وكرمان=هم العجم ياتون نسوه وغلمان
ثم يكثرون بدار الاسلام سكان=يمسون اسودن باللقا ما يفرون
وعلاماتن تبدا ضياع الامانه=اليا اكثرت فيها فعول الخيانه
افعال خوانن تناقص ايمانه=والامر يعطى للي ما يستحقون
والثالثه عشره بها العلم يقبض=والجهل يظهر فوق الاكتاف ينهض
الناس تجهل باللي يعرف ويفرض=والجاهلين بقول فتوى يضلون
واربع طعش شرطه كثيرين واشرار=للظالم اعوانن يصبون الامرار
معهم سياطن تشبه اذناب الابقار=على سخط ربي يجون ويروحون
ومن العلامات الزنا وانتشاره=اليا تزايد رايدين الدعاره
لهم يقول اللي صلح من خياره=لو انكم خلف السواري توارون
والسادسه عشره مع البيع حيله=فيها الربا يظهر ويكثر عميله
ما همه الانسان حرمة حصيله=الناس من مشبوه الاموال يشرون
ويضا المعازف يفعلوها طرابه=العود والمرواس ويا الربابه
وان كثرت الانواع صارت خيابه=محرمه لو كثروا اللي يغنون
شرب الخمور اطروها ظمن العلامات=تكثر وعدوها من المستحلات
ما هي حلال ودارجه بالخطيات=محرفه بالاسم ثاني يسمون
وامن العلامات بحديثن رواها=الناس فيها بالمساجد تباها
بالوان ورسوم الزبارق تراها=بها المصلي بالزخاريف مفتون
تاتي من الاشراط باتلا الزماني=تنافس اهل الشاة باطول مباني
اهل الحفا صاروا على وضع ثاني=تكثر بها الاموال والناس يبنون
ويضا الامه انجباها من بشرها=علامه المصدوق قال وذكرها
علامتن صغرا عرفنا خبرها=لها البخاري حتى مسلم يخطون
تاتي علامه اليا مرت ليالي=اخبر بها المصدوق كثر القتالي
حبالها مخلوطتن بالنبالي=زادت حروبن والبشر ما يبالون
ثلاث وعشرين يتقارب زمانه=تمرها اللحظه سواة الشيهانه
العام مثل الشهر سابق عنانه=اليوم كالساعه لصاروا يعدون
ويضا علامه تقترب فيها الاسواق=جت في حديث المصطفى مابها امذاق
في مسند احمد والسند قول وثاق=علم الثقات موكدن مابه ظنون
ويضا علامه مع ظلامن وغمه=الشرك يظهر في كنوفات الامه
شرك الذبايح يبدا ويسيح دمه=تنعث بها الاوثان فيها يعبدون
والفحش يظهر واذكروا قطع الارحام=معها اذا للجار له حق الاكرام
الله نهى عنها الثلاثه بالاسلام=واهل الجهل والفسق ناسن يصدون
تشببن للمشيخه جت علامه=لهم لحا كالحوصله للحمامه
تصبغ سوادن لاغدت كالثغامه=ماهم لريح جنان ربي يشمون
منها كذلك كثرة الشح بالناس=والشح مذمومن ولا فيه نوماس
يزداد بين الناس باثره يجي باس=سفكن وعرضن ينتهك بايسر الدون
تبدا علامه كثرتن للتجاره=من النسا فيها تبين الشطاره
واتشارك الازواج ربح وخساره=واعوذ بالله من بلا الشر والهون
وامارتن وردت سنين الزلازل=جتنا صريحه في شريفن ونازل
قاله محمد حق ما هي مهازل=صلى عليه الرب ما زخت مزون
ويضا ظهور الخسف والمسخ والقذف=اذا الخبث فيها كثر واحتمى العزف
والخمر ببطون الملا صار يشتف=وانتشرت القينات والناس بامجون
واشراطها اللي وارده قل الاخيار=واليا اكثرت بين الميادين الاشرار
حثالتن ماله مع الخير معشار=تخالطوا والعهد بعده يخونون
ثم يصبح الامر بصفوف الاراذل=علامتن جت بارتفاع الاسافل
وتصير بيديهم سنوم المحامل=ناسن سفاها ينظمون ويحلون
ويضا التحيه تقتصر للعرايف=تسليمن مخصص لناسن ولايف
علامتن فيها تصير الكلايف=افشا السلام اطروه للي يعرفون
منها التماس العلم عند الاصاغر=من سار بخطاهم يشوف المخاسر
وادروبهم عوجن قصية محاجر=ناسن بظن الراي صاروا يقولون
ويضا ظهور النسوة الفاهراتي=وصوفهن وردت كسا العارياتي
روسن سنام البخت جن ما يلاتي=لزما على اللي قاله انتم تصلون
ثم صدق رؤيا المومنين الخيارا=تصير بالواقع عيانا جهارا
تصح للي جا صدوق العبارا=من النبوه ما بها شك واظنون
ثم الكتابه حين وقت اشتهاره=ظهورها يكثر يزيد انتشاره
على الكثر صار الجهل هو مناره=قليل فهم الشرع والناس يقفون
معها التهاون بالسنن والعبادات=فيها الشعاير همشت بالخضمات
حتى المساجد صارت من الممرات=ما ركعتين المسجد ابدا يصلون
والاربعين اليا انتفاخ الاهله=باول هلال الشهر خرطوم دله
كنه بيوم اثنين من كبر هله=سبحان من خلا الزمن عام واقرون
كذلك الزيف ودجل كاذب القول=ما به تثبت لانحكى العلم منقول
تبدا السوالف ما لها صدق مدلول=دجاجله واحذر من اللي يقولون
علامتن تكثر شهادة هل الزور=والحق مكتومن ولو كان مخبور
سبايب البهتان يظهر بها الجور=ما فيه خشيه والملا ما يخافون
ويضا علامه بينتها الدلايل=كثر النسا وارجالها بالقلايل
خمسين حرمه لاذن برجل عايل=والا اربعين يتابعنه عن الهون
والموت بغته جت اماره صريحه=بالجامع الموثوق جتنا صحيحه
كثرتها بين الناس ما هي مزيحه=والعالم بغفله عن الموت يلهون
واشراطها اللي بالروايه صغاير=صار التناكر بين خلقن كثاير
اخو العلن يمسي عدو السراير=على مصالح دنيويه يعيشون
وامن العلامات بصحيحات الاخبار=قال الرسول المصطفى راس الاخيار
بارض العرب ترجع مروجن مع انهار=فيها الحدايق والبساتين واعيون
ثم تكثر الامطار مع قل الانبات=علامتن جتنا صحيحة روايات
في مسند احمد قالها راوي ثقات=العلم الاوثق من مقولات مامون
ثم الفرات امرن عجيبن ذكربه=جبل ذهب باتلا الزمن ظاهرن به
يحصل عليه قتال واتشب حربه=حذاري تاخذ من ثمينه ولا لون
ويضا الجمادات وكلامه للانسان=حتى السباع تخاطب الانس بلسان
سوط الرجل يحكي خطابه وحذيان=ينبيه فخذه وش هم اهله يسوون
والموت يطلب من شديد البلاوي=عن النبي ثابت على قول راوي
والرجل من شد الحسر والعناوي=لاشاف قبرن قال يا ليتي مدفون
والروم تزداد بصحيح الروايه=واقتالهم للمسلمين بسطايه
ياتون من تحت الثمانين رايه=واثناعش الف بكل رايه يصفون
من بعدها القصطنطينيه تركيه=مدينة اسطنبول بصدق الرويه
سبعين الالف المسلمين الغزيه=ياتونها من فضل ربي ينتصرون
ثلاث وخمسينن خروج القحطاني=تحصل وتاتي باختلاف الزماني
يمشي بطوعه كل قاصي وداني=عصاه تلقى الناس معها يطيعون
والمسلمين قتالهم لليهودي=باتلا الزمن علمن ثباتن وكودي
يفضحهم الصخر بذراه اللبودي=حتى المشاجر من وراها يدسون
ويضا المدينه يوم تنفي خبثها=تقصي خياب الخلق يثنون عنها
تمسي خليه يخرج الناس منها=واسباعها بالمسجد امسوا يبولون
ثم تاتي ريحن طيبه لاهل الاسلام=من شان قبض ارواح الايمان واكرام
ريحن برادن تاتي من يمة الشام=يبقى شرار الناس حمرن يدولون
هذي تمام الصغرى من فوق خمسين=ثم تاتي الكبرى كما فصل عقدين
عقدين سبحه يفرط القطع راسين=تاتي توالي عشرها لو تعدون
الاوله يظهر رجل ذايع الصيت=المهدي فيها يدعم القول تثبيت
اسمه محمد فاطمي من هل البيت=ناسن لسلطانه تراهم يقيمون
ويضا لجا الدجال فتنه مريره=يقطع جميع الارض ساعة مسيره
الله عطاه كنوزها والمطيره=من يتبعه يمسي حسيرن ومهيون
والثالثه فيها نزول ابن مريم=عيسى نبي الله والله يعلم
يكسر صليب الكفر بالعدل يحكم=يذبح بها الدجال واللي يزيغون
والرابعه ياجوج وماجوج ياتون=من كل حدبن بالوطا هم يفيعون
بانشاب للي بالسما قاموا يرمون=ترسل نغف بارقابهم ثم يموتون
والخامسه تاتي ثلاثة خسوفات=الاول بمشرق ولا فيه شكات
والخسف بالمغرب رواية صحيحات=وارض الجزيرة مثلها ذكرت تكون
ويضا بها الدخان سادس علامه=يعم كل الناس مثل العسامه
الواضح البين سواة الغمامه=واليا انكشف عنهم تراهم يعودون
والسابعه لاقفى الظلام بمريره=الشمس فيها جت خلاف لمسيره
بالغرب تشرق والملاحد خسيره=تغلق بها التوبه عن اللي يتوبون
تظهر بها الدابه وتبدا الذهايل=ثامن علامه في صحيح الدلايل
بوجيه خلق الله عملها هوايل=المسلم وكافر على اللي يدينون
منها علامه يدمي البيت الاحباش=اليا استحلوه الحرم عوج الاوباش
ثم يهدم الكعبه رجل سوقه حماش=ولا تقوم وما لها من يردون
والنار للمحشر تسوق الخلايق=من اليمن تاتي صحيح الحقايق
الناس تحشرهم ثلاثة طرايق=اليا اصبحوا تصبح واذا هم يبيتون
هذي علاماتن تلاعج وليعه=بضعه وخمسين الصغيره جميعه
والكبرى عشره من سببها الهليعه=صلوا على المختار ياللي سمعتون
صلاة ربي عد وبل المطيره=واعداد ما حوم مع الجو طيره
واعداد ما بالدو يسفي ذريره=على النبي ياللي سمعتوا تصلون
يوسف الخليفة ( أبو عبد الله )