افضل ورشة لرش السيارة من تحت عشان الحماية من الصدأ

[المريكبات]

بسم الله الرحمن الرحيم


الى اخواني الكرام الله يعافيكم يااهل الشرقية

ابي تدلوني على افضل مكان يسوي رشة صدأ لبطن السياره خبركم الرطوبه اللي تحلي

بالحديد وتلعب فيه , واود ذكر السعر ولكم الشكر والتقدير .

[sarab88]

ياخوي مايحتاج ورشه كانك بالرياض رح لمحل ساكو والا اقرب محل حق بويات واشتر لك بخاخ اسود (مطفي ) لاتنسى مطفي اشترلك 2او3قيمته الظاهر حدودوالله اني نسيته لكن انه حدود 20ريال بس قبل ماترش نظف بطنه وصنفره زين بعدين رشه من بعيد شوي وان شاء الله وكاله وبيعجبك انشاء وتقبلووووووا مرووري

[المريكبات]

الله لايهينك اخوي سراب

بس وانا اخوك انا مابي بخاخ وكذا انا ابي متخصصين في عملية الرشه

وبعدين ابي الورشه تكون بالدمام او الخبر فقط

[هاوي البر]

صدقني ما يحتاج ورشه متخصصه ولا شي
لو تروح ليومار او كار كير او مثل هذي المحلات ضربوك بسعر 1000 ريال تزيد او تقل
انا رحت بسيارتي لورشه دهان وشريت لي كيلو بويه لون اسود مطفي اصلي بسعر 20 ريال يكفي السياره كلها وعلبه تنر بسعر 10 ريال ورحت لورشه ترش بوية سيارات وقلت ابيك ترش لي اسفل السياره الشاصيه وجميع قطع الحديد اسفل السيارة بشرط تغطي لي الجلب ولليات البلاستك والربل كله قال ابشر قلت كم قال 250 ريال انا وياه قال 200 ريال قلت بكره الصباح عندك
رحت في الليل وغسلت السيارة من اسفل بستم ماء فقط بدون بخ ديزل ورحت له الصباح ورشها لي من احسن ما يكون لو تشوفها تقول وكالة كلها ما كلفتني 250 ريال

[المريكبات]

تسلم لي ياشيخ يعني افهم من كلامكم ان الرشه مكونه من دهان بويه اسود عادي

وليس شي خاص للصدأ

يعافيكم ربي

[مخاوي الذيابه]

تسلم لي ياشيخ يعني افهم من كلامكم ان الرشه مكونه من دهان بويه اسود عادي

وليس شي خاص للصدأ

يعافيكم ربي

محلات حمايه من الصدأ يرشون السيارة قار ..
عشان يكون طبقه عازله تجدد كل فترة ...

[شاص]

أهل المناطق الساحلية غالباً ما يرشون سياراتهم بطلاء ضد الصدأ وفي بعض الأحيان بنوع معين من الزيوت وتشوفها في الغالب على السيارات الخليجية ويكون لون الرشة مائل للبيج وهو خلاف ما ذكروا الشباب من البوية السوداء المطفية

[YUKON_GMC]

القار هو الافضل والشائع بس غالي