فرخ حمادي عجيب امره....!

[عزوتي وايل]

السلام عليكم ورحمة الله وبركاته

أمسي أو اصبح عليكم بالخير ومبروك لكل من صاد والله يرزقنا بالمطر والخير ان شاء الله ماننسى أخوانا أهل الحلال والله يعينهم ع الشعييييييير وان شاء الله تربع الارض ولاتحتاجونه ويتكوم عندهم

ياجماعه الموضوع ومافيه عندي حدا الطيور مشري هالسنه هو فرخ حمر حمادي مزيون قطعه وروز وعاتق وكفوف تشوفه ماشاء الله تقول طير السعد وطير الثلاث ماعليه قصور

الطير حار ع العلف بشكل كبير وفتون ولايهاب شي ان شاء الله نعامه بالارض ماعنده مشكله اما (نعامه) نوع من التضخيم ههههه:p

هديته على كروان وصاده بس للامانه مارتفع الكروان وهديته على ارنب وصادها ماشاء الله عليه ضربه وحده ماثناها

لكن......... الطير لارتفعت عدته انفسق وقام يمسح ع التلواح من بعيد قلت بقصر عليه يومين تصدقون انه نقض في يومين بس..............!!!!

وعقب اكرمته شوي ويومين وترتفع عدته حيل..........!! اول مره اشوف طير كذا خلال يومين تنزل او ترتفع عدته شي غريب

يعني الطير اللحين ماعاد اقدر اتحكم فيه لاقصرت على عشاه عشان يتسنع ولاينفسق نقض ولاهي عده هدد

واذا اكرمته شوي صار عديد الطير وانفسق ........؟ والله شغله ياجماعه

والشي الثاني يفح بسرعه الطير بس كم كفخه وتعينه فاح

والشي الثالث وهو اكبر مشكله انه مايرتفع مع الحمام او شي صامل يحوم عندي على طول مع انه فرخ وحش مفروض مايروح شي عليه

هديته امس على وزه وطارت ولحقها وعلقها بس مارتفعت واجد

لاتقولون فيه دود او شي وديته مستشفى امريكي وافحصوه الطير سليم 100 بالميه الحمد لله


اذا حد قد مرت عليه هالحاله يفيدنا الله يجزاه خير

والحاله بختصار ان الطير مايطرد اكثر من نص كيلو على طول يصف

[راكان1000]

شيك يمكن فيه اقلاع فرسه هذا اللي يخليه يفح بسرعه

[عزوتي وايل]

شيك يمكن فيه اقلاع فرسه هذا اللي يخليه يفح بسرعه


والله اللي محيرني ياركان اني وديته وطلع سليم ولافيه الا العافيه

[بن معيش]

الطير تفريخ ماهو أصيل !!!!!!!!!

[الرحال 33]

مو شرط
يفيدونك الاخوان

[عزوتي وايل]

الطير تفريخ ماهو أصيل !!!!!!!!!


بن معيش الطير اصيل وتم شرائه بعد معاينه من ثلاث صقاقير لهم خبره كبييييييييره
بالصقور وطال عمرك مانشتري التفريخ واذا كان عندك الخبره الكافيه تعال شف الطير ان كانه تفريخ خذه هديه مني لك

[بارود22]

مبرووك الطير وفاله الخرب الازرق

اخوي مالك بعد الله الا شناذره ,,, صحيح هو فرخ بس بعض الفروخ تحصل فيها شبيكه ما تحصلها بــ قرنااس بيتي

بالتوفيق يارب

[ولد شمال]

السلام عليكم
هلا اخوي انا مرت علي الحاله ذي في جير عندي
لو اقصر يوم واحد عليه تنزل عدته في الارض ولو زدته انتفخ ولا عاد يجي حتى على الدعو
وللعلم حتى الحمام يطرد 300 متر الى 500 متر ويصف

وديته فحصته عند الامريكي مافيه الا العافيه فحصته عند سوق الطيور ولا فيه شي الطير
الطير صار له 20 يوم والله ياكل غدى وعشى ومرتاح وتعال شوف مثل السكين من الضعف
ولا ادري وش الدبره معاه

ما اقول الا يالله الخير

[عزوتي وايل]

مبرووك الطير وفاله الخرب الازرق

اخوي مالك بعد الله الا شناذره ,,, صحيح هو فرخ بس بعض الفروخ تحصل فيها شبيكه ما تحصلها بــ قرنااس بيتي

بالتوفيق يارب

الله يبارك فيك أخوي بارود22 ومشكور عالراي الطيب ونسمع من الاخوان

[عزوتي وايل]

السلام عليكم

هلا اخوي انا مرت علي الحاله ذي في جير عندي
لو اقصر يوم واحد عليه تنزل عدته في الارض ولو زدته انتفخ ولا عاد يجي حتى على الدعو
وللعلم حتى الحمام يطرد 300 متر الى 500 متر ويصف


وديته فحصته عند الامريكي مافيه الا العافيه فحصته عند سوق الطيور ولا فيه شي الطير
الطير صار له 20 يوم والله ياكل غدى وعشى ومرتاح وتعال شوف مثل السكين من الضعف
ولا ادري وش الدبره معاه


ما اقول الا يالله الخير



الله يعين ياولد الشمال ويعافي طيرك ويطربك ان شاء الله

[zais]

السلام عليكم ورحمة الله وبركاته.....
ولد الشمال الله يعينك.
بنسبه لمرض طيرك اقرب له وهو يسمى عند اهل الحمام (ابو سيوف) واغلب مايجيبه القمري القوقسي. وفيه ناس تسميه (الطير جفيان) يعني تعطيه غداء وعشاء ماينفع . وهو نقص هورمون.... علاجه ماعندي خلفيه اذا كان عندك احد راعي حمام يعرفون علاجه

[قرناس شماالي]

افادوك الاخوان

[عزوتي وايل]

السلام عليكم ورحمة الله وبركاته.....

ولد الشمال الله يعينك.

بنسبه لمرض طيرك اقرب له وهو يسمى عند اهل الحمام (ابو سيوف) واغلب مايجيبه القمري القوقسي. وفيه ناس تسميه (الطير جفيان) يعني تعطيه غداء وعشاء ماينفع . وهو نقص هورمون.... علاجه ماعندي خلفيه اذا كان عندك احد راعي حمام يعرفون علاجه


هلابك ومشكور ع المرور وماقصرت وان شاء الله انك تفيد ولد الشمال يستاهل الذيب

[عزوتي وايل]

افادوك الاخوان


ماقصرو لكن ماصلنا لحل مناسب وانا اخوك

[ضب نجد]

شكل الطير فيه عرق من الباز ..

[عزوتي وايل]

شكل الطير فيه عرق من الباز ..



عرق من الباز ..........!! والله ياضب ماندري يمكنك صادق

[ابوسرور الرشيدي]

السلام عليكم اخوي ولا اقصور فيك وفي الصقاقير الي شافو الطير بس للاسف الحين يتقنون التفريخ

وانت علا كلامك كل شي يجيه يعني الطير مو فسقان وتقول مايرتفع وهو فرخ وحش يعني في كامل لياقته

يعني الي فهمته منك ان الطير تفريخ ميه بلميه
وانا والله مرة علي نفس حالتك بلضبط للاسف طلع تفريخ

والحين الي مايرتفع يرفعونه بلطياره والله يعينك وشاكرلك

[نواف وبران]

عسى الله يصلح طيرك ويبارك فيه ويطعمك من صيده

[صقار القبيله]

وده خالد العويدي
اتمنى اني افدتك
تقبل مروري

[النداوي22]

السلام عليكم بالنسبه لولد الشمال تاكد من القمله يمك تكون فيه وبالنسبه لعزوتي وائل وشلون مرش طيرك (برازه) اخضر وفيه فقاعات والطير يشرب مويه واجد افدني عاجل وان شاء الله المشكله بسيطه

[حر ابوظبي]

الطير الا تسويله منظار اخوي من الرداد والكبد

انا اتوقع فيه شي في الكبد والله يشفي طيرك

[saif2009]

اكثر مرض يخلي الطير يسيف الككسيديا اذا اهملت ..افحص في مستشفى ثاني وشوف...

[ديوان العرب]

اعتقد والعلم عند الله فيه دود امعاء هاذ الي يضعف الطير تغديه وتعشيه ولا يفيد فيه هاذي اعراض دود الامعاء افحصه بمركز فهد بن سلطان

[عزوتي وايل]

السلام عليكم اخوي ولا اقصور فيك وفي الصقاقير الي شافو الطير بس للاسف الحين يتقنون التفريخ

وانت علا كلامك كل شي يجيه يعني الطير مو فسقان وتقول مايرتفع وهو فرخ وحش يعني في كامل لياقته

يعني الي فهمته منك ان الطير تفريخ ميه بلميه
وانا والله مرة علي نفس حالتك بلضبط للاسف طلع تفريخ

والحين الي مايرتفع يرفعونه بلطياره والله يعينك وشاكرلك


مرحبا يابومحبوب والله انك صادق وااااجد الطيور التفريخ فالسوق بس مثل ماقلت
الحمد لله عندنا الخبره الكافيه ننقز التفريخ من ألف طير وحش ولاقصوراً في حد

وياجماعه والله شي غريب امس نزلت الموضوع ويوم دعينا امس العصر الا الامور تغيرت والله ياجماعه حتى أخوياي ع الجهاز يقولون ماشاء الله ماشاء الله
الطير هدته امس غير هدت وحش اللي انتظرها هديته على وزه ولايمديها تمغط ظهرها الا وهو معلقها وعقب هديته على حمامه ولحقها لحوق طيب بالحيل وصادها شكل الطير نزر ونفسيه ولاهب تفريخ مثل ماقلتو واللحين اتمنى اي واحد يجيب حمامته واذا راحت ع الطير تركته مكانه

[عزوتي وايل]

عسى الله يصلح طيرك ويبارك فيه ويطعمك من صيده

الله يجزاك خير ابشر الطير زان طياره حيل الظاهر من دعوتك يالغالي

[عزوتي وايل]

وده خالد العويدي
اتمنى اني افدتك
تقبل مروري

صقار القبيله بيض الله وجهك

[عزوتي وايل]

السلام عليكم بالنسبه لولد الشمال تاكد من القمله يمك تكون فيه وبالنسبه لعزوتي وائل وشلون مرش طيرك (برازه) اخضر وفيه فقاعات والطير يشرب مويه واجد افدني عاجل وان شاء الله المشكله بسيطه

مرش الطير أعزك الله طبيعي وابشرك الطير زانت علومه

[عزوتي وايل]

الطير الا تسويله منظار اخوي من الرداد والكبد

انا اتوقع فيه شي في الكبد والله يشفي طيرك

حر ابوظبي بيض الله وجهك يالغالي وماقصرت

[عزوتي وايل]

اكثر مرض يخلي الطير يسيف الككسيديا اذا اهملت ..افحص في مستشفى ثاني وشوف...

صدقت ياسيف ومشكور ع المرور

[عزوتي وايل]

اعتقد والعلم عند الله فيه دود امعاء هاذ الي يضعف الطير تغديه وتعشيه ولا يفيد فيه هاذي اعراض دود الامعاء افحصه بمركز فهد بن سلطان

هلابك ديوان العرب يالله حيه مشكور ع المرور وماقصرت

[عزوتي وايل]

مرحبا بالجميع واشكر كل من شارك فالموضوع وبيض الله وجيهكم جميع وابشركم الطير غدا من فئة الطيور السبق ماشاء الله شكلها دعوه من حدا الاخوان الله يجزاكم خير

[خيال M1]

السلام عليكم الله يبارك بطير يا راعي الطير وجيك على الطير يخذ من مدهنته اذا تفله واذا المدهنا ملتهبه ما يرتفع والعلم عند الله هذا حسب خبرت العود

[الحمش1]

اخـوي والله اذاه الطـير الـلي بـبـالي فـانه تفـريخ جـايـبينه مـن برا فـرخ حمـر
ومـاخبرنـا الوحـش مـايريتفـع انـا بدور صـور الطـير واريـك ايـه وان شـاء الله مـاهـو طيرك
والله يجـعله يـنجم ومـايشـوفه الدربيـل ويـالله انـه ينـجم مع الخـرب