وين اقدر اصمم منقل فخم((ملبس خشب))

[الشاطر]

السلام عليكم ورحمة الله وبركاته


تكفون ياااااااااأخوان

ابي اسوي منقل فخم والبسه خشب وزبرقه بدبابيس ذهبية ...وين القاء احد يسويه لي

وعلى فكرة

رحت للديره سوق البشوت ...ولاحصلت
رحت للحراج ....ولا حصلت .
رحت لجيان ...طريق اخريص ...عنده مناقل ملبسه لكن مش حلوه
رحت لشارع التخصصي محل الرماية ومحلات مقناص ...ولاحصلت
رحت لمحلات الاواني المنزلية في كل مكان حصلت شي 700 ستن ستيل مو ملبس خشب .((لاباس))بس انا ودي بالخشب

حاجتي فية تتمثل :-
باني اجلس بحديقة فلتي ويجتمع عندي ارجال ودي اركب عين كهربائية بالاضافة للجمر ...
وعشان اوضح لكم /انا شفت واحد في فندق المردين بالخبر ...حاطينه في بهو الفندق لرواد الفندق يحمي عليه القهوجي دله يحبها قلبك.

[hani458]

,والله على بالي كنت ابس~ل الي يصب القهوه واين حابوه منه لكن نسيت

[aziz2727]

يا هلا والله بالاخ الشاطر
حسب ما فهمت من كلامك انك تعبت ما حصلت طلبك .. بس انا عندي لك شور وانت بهواك
في المحلات الى على طريق الملك فهد وانت طالع من سوق عتيقه رايح شمال بتشوف محلات تبيع توانكي مويه ( خزانتات مويه ) على اليمين ويبعون مناقل فحم ثابته ومتحركه .. خذ واحد منهم وسوله تلبيس بالطريقة الي تناسبك ولو احتجت بعد اضافات عليه ممكن انك تسويها بعد .. وانت بهواك وهذا مجرد راي .
ويعطيك العافية

[الروضة]

أخوي الشاطر
فيه منقل من المنيوم ومركب عليه عيون على كهرب تقدر تأخذ هذا وتلبس عليه الخشب حسب مزاجك عند أي منجرة
يكون أخف من منقل الحديد
وهذا تحصله عند محلات الأواني المنزلية وفي بريدة في شارع الصناعة متوفر وحسب الحجم المطلوب
وجهة نظر
والسلام

[جرير]

الله الله
انا سبق وفصلت منقل ممتاز وعلي مزاجي بس بدون خشب في سوق حجاب بالنسيم
واذا تبغي المزبوط وص اي واحد من اهل حايل هم اهلها ويسوون اللي تبغي
ولا تنسي تعزمنا على شان نشوف المنقل طبعا بسسسسس



سامحونا

[الشاطر]

hani458.
يااااااااااااخوي كيف مااااااااسألته هالحين تصدق اني افكرالعب على واحد من الشباب :j اقوله قوه نتمشى في الخبر عشان اصل الفندق وطمر للقهوجي اللي على الوجار ....همن اقول يااااااااولد صب فنجال ...و اقول منين انتم شارين هازين ...بستصدق اني خايف يقول مدري :( ....بس خلك حولنا ان شاء الله نبي نجيب خبره او نصوره
....بيني وبينك شغله حلووووووووو مره لو لقيت محله كان ابسوي منقل اعجوبه ...بس انتظر .

aziz2727
واللـــــــــــــــــــــــــــــــــه انها فكره ...بس اغدي نحصل اللي مسوى بفندق المردين...أخ بس


الروضة
انا شفت اللي تقول بس ياخوي مايطيب خاطري ....خلك حولنا امااااااااااااا لقيناه مااااااااااالك الا واحد ياخذ اقامة ذاك السوداني لين يعترف منين هو جاااااااااااااايبه ...حنا لابغين الشي نجيبه ..لوهو بصين
ياخوي براسي فتحات ماتليص لين القاء هالنقل وين يباع فيه.. ;)

جرير
يااااااابعد حيي ماااااااااايسكر فتحاااااااااااات راسي ...لكن لو لزم الامر نقفي الجيب قفينا ابو جده لحايل نجيب المنقل
مع اني شاااااااااااااك اني ماااااااني لاقية الا بحايل ..لاقلت حايل احس ان نفسي يتصاعد نفسها بعمق :eek:

امااااااااابنسبة للعزيمه .....ماااااااااااينسى الإ الائيم وانتم تشرفون قبل يجي المنقل وبعد جيته

[الربذي]

السلام عليكم
اخوي الشاطر فيه منتقد(وجار ) حلو مره مع سوامه (مدخنه ) روعه فيه حجمين صغير وكبير كنت ناوي اشتري الصغير وفيه ايضا حاجه تسحبه من جواء وتغطي النار عشان الدخان يطلع مع السوامه واذا راح الدخان تدخله جواء وطبعا ملبس رخام ومسبك للغاز عشان حط حطبك واشعل النار
الصغير 1500 والكبير 1800 شفتهن عند سنيدي القصيم بريدة

[الشاطر]

الربذي

قد شفت اللي تقول..وبعدين ثقيل تجلس تنقله .....اللي اقصد انا. غير شكل كشخة ياولد...انا شفته بفندق المرديان بالخبر ..ببهو الفندق ...من يجيبلي الخبر أأأأأأأأأأأويلاه

مشكور على مرورك بس مر عزالله اني ابحط صوره له...لالقيته

[aziz2727]

شف يا خوي يا الشاطر
مالك الى حل واحد علشان تحصل على منقل حسب مطلوبك ...
روح يم الفندق وقل للولد الي على المنقل .. تبيع المنقل ؟؟ واشتره منه ههههههه

هذي بس والله مداعبه وان شاء الله تحصل طلبك يالغالي

[معشي الطيـر]

الســــلام

مسـاكم الله بالخير ..


اخوووي الشاطر انا مستغرب انك مالقيت المنقل اللي تبيه بالرياض انا عرفت اللي انت تقصد ومتوفر عندنا بالشرقيه

تحصله بمحلات الاواني بمخطط (8 ) بالدمام واذا بغيت اشياء احسن عليك بحفر الباطن فيها اشكال وانواع

وانا اخبر كل سنه نجيبهن من الكويت في سوق الفحيحيل المنقل يجيك خشب وبعضهن حق فحم وفيه منهن يجي فيه عيون غاز ومحل للفحم والخشب يجي لونه بني فاتح وفيه بني غامق وفيه اسود ومرصع عليه دبابيس ونجووم وبعضهن اشكال يجي عليها
تمثال دله وفنجال وسيفين ونخله بشكل بارز <<<< تصلح مشب بخيمه حقة مهايط من جد << محصل المنقل هذا بـ750 في محل مقناص بالدمام

اتمنى اني قدرت افيدك

واسمحلي على الاطاله

[الشاطر]

يااااااااااااامعشي الطيور

راسك بالله احبة.....ولا خشمك تكفا خشمك خشمك احبة...........وااااااااااااااوك يافرحتي

انت لمست الجرح ...شوي ولا اندمل .........المهايط بزبط حنا نبي منقل المهايط


ياااااااااااااااااااحبنيلك ياااااااااامعشي الطيور الاربعاء ان قالها الله بالدمام

مشكور يااااااااااقلبي على المعلومة بيض الله وجهك وعزالله انك كفيت ووفيت
------------------------------------------------------------

aziz2727
ياااااااااااااااااحليلك جايبن رقم الرجال من قبل لاتقول وقالي زي مااااااااقال اخوي معشي الطيور
لكن ماااااااااااقصرت

[مرقاب الشرق]

هههههههه الظاهر طلبك عندي وانا ابو فارس تعال عندي بالخبر اقهويك من دلة تصلح عليه وتشوفه بالمجلس . ولآ بعد معه دولاب لصف الدلال عليه من نفس اللون والخشب يعني طقم بس تراني حاطه على الكهرب وتقدر تفصل منقل تحطه بدل الكهرباء .انا توي جاي من حايل وجبت معي واحد هديه لأحد الزملاء سير علي وشافه عندي وجازله بالحييل وجبت له واحد هديه زي ماقلتلك بس سعره بحايل وحفر الباطن ب380 ريال بس والدولاب ب 120 وفيه نوعيه علشان الدلال الكبيره والصغيره . وبدمام ب450 عند القناص .(تراه يجي محل للكهرب ومحل عين للغاز ) ترانا نخدم الطيبين وحاضرين .

[خيال الغلبا]

ياحمامه غريبه عند باب السلام ..... شفت رسم الهوى باطراف جنحانها
ذكرتني طواريق الهوى والغرام.......حارت الرجل بالمسعى على شانها
رسمها رسم نجد اللي سقاها الغمام ... ياعرب كنى عطر الورد باوجانها

[خيال الغلبا]

نجم الحق
ممكن وصف دقيق لمحل القناص لأني لست من أهل الدمام
الله يحفظك

[مرقاب الشرق]

ابشر والله ياخيال الغلبا هذا يطويل العمر وانت جاي من مطار الملك فهد داخل للدمام تجيك اول اشارة خذ فوق تحت وادخل شارع الخدمة يجيك على اليمين ولوحته كبير . واضح !!!!

[الشاطر]

نجم الحق

ابو فارس


هلا وغلا ...شكلك مهايطي زي محاسيك ...........خخخخخخخخخخخخ

صدقني دعوتك فرحتني وحزنتني لاني تذكرني هالبيت

من دون بابك ما تمنعت من خوف....مير الحيا يمنع قوي العزومي
لكني اخشى هرج حاسد وملقوف ....وصبح كما النيشان ترداه اسهومي

[مرقاب الشرق]

المهايطي والله هو (ياسر التويجري) هههههههه كلنا مهايطيه ياشاطر بس تراني والله صادق تعال (حنا عشينا الذيب يوم الجوع محنا عاجسين نعشي رجل شرواك بوقت القو والعز)

تذكرت قول اشاعر :.

ترا الدلال لهن حقوق ومواجيب ومن حطهن يصبر على طق بابه

اشوفك نسيت المنقل وش السالفه ؟؟؟؟؟؟؟

[خيال الغلبا]

معشي الذيب والنعم والله
اجل انت من جماعة ابن مهيد
اوذاك مصوت بعشاه

[مرقاب الشرق]

النعم بحالك والله ياخيال الغلبا يابعدحي هالوجه .

[الشاطر]

نجم الحق ..ابو فارس

ماقول الا كفو

تبي الصراحة اني نسيت المنقل يوم شفت رد اهل الوفاء والمروات
هههههههههههههههههه لا شفتك علمتك

خاص
مالك بقلبي غير دله وفنجال ...وعرش علية انت المليك المفدى
ياصاحبي تدري على كل الاحوال ...أن الفؤاد إليا فقدك يتردى
حشمه وعز وقدر بقفاي وأقبال ...خوينا لكن علينا مبدى
الشاعر /ياسر التويجري

انا ايخوي شوقتني ودي اشوفك ..لاني اليوم الجمعة انا بالخبر
بس تكفا تكفا ...مغير قهوه وشوفي بس

انت قابل بشرطي ولا من هالحين خلني اكسراشدادي ورجع لديرتي
وياليت تحط رقمك برساله خاصة لوتكرمت

[الشاطر]

السلام عليكم ورحمة الله وبركاته


رحنا للمردين وسألنا القهوجي ...منين جايبين هالمنقل !

قال والله ماااااااااااااا دري ..لكن اوعدني انك تبحثلي عن وظيفه وساعدك ...قلنا ابشر بعزك

المهم ...رد قال ///ان هذا المنقل له 10 سنوات في الفندق وحتمال انهم شارينه من سوريااااااااااا


المهم

انا صورته ببالجوال وبنزل صوره باقرب فرصه...إلا اذا احد بيتبرعلنا يحط رقم جواله عشان نرسلها الصور بالوسائط المتعدده لجل ينزلها لنا :cool:

-----------------------------------
ونجم الحق

الف شكر على لطافتك وترحيبك بنا ...ولنا لقاء ثاني ان شاء الله

[مرقاب الشرق]

اخوي الشاطر ماقول إلا خسرنا شوفت الطييبين مثلك وشرواك والله يحييك انت وجميع الاعضاء في اي وقت .
لاتنسا وعدك بزيارتي اذا جيت للخبر .

[معشي الطيـر]

سلام ومساك الله بالخير ياخوي نزل لنا الصورة ولا ارسلي لي رساله بالخاص اذا ماتعرف تنزلها واعطيك رقمي وابشر بالمنقل توصلك الين محلك وانت معزز ومكرم

[عليم العطش]

اخوي الشاطر اعتقد ان المنقل اللي يقعد راسك هو منقل ثابت من الرخام من نوع الروزا البرتغالي او من الرخام الهندي الاخضر موصل بماسوره غاز علشان تشب الحطب من دون دخان .
لكن لازم يكون بين الرخام والنار عازل ينمع وصول الحراره الى الرخام حتى لايحدث به شروخ مع الوقت .وجعل ادراج بالجنب صغيره لعبس التمر وغيره.
فيه واحد متخصص بصنع المناقل بالدوادمي اسمه (مفيد)عنده ورشه الشاطي وعنده فنيين فلبينين يجيدون هذه الشغله ومناقله معروفه على مستوى السعوديه والخليج حيث اشترك العام الماضي بمعرض بسوريا وحصل على عقد بعدد 1500منقل بدوله الامارات يمكن تجد عنده طلبك فهو يحب الافكار الجديده ويهوى تنفيذها.
لن اطيل عليك هذا جواله(0503413556)
تحياتي
عليم العطش

[النجم الهاوي]

ابد بكره رايح للقناص واصوووور المنقل وانزله هنا

[النجم الهاوي]

مساء الخير اخواني

اليوم رحت للقناص وصووورته لكم

مدري هذا اللي تبونه والا واحدن غيره

http://www.waladmangel.com/up/files/1234567899999.jpg

[الشاطر]

معشي الطير

لا عدمنا خدماتك رقمي عندك بالخاص


النجم الهاوي

ماقصرت لا غير هذا ...وتراني ارسلتلك رساله خاصة بالغلط :no:


عليم العطش

بالله لا تبعد الصور بيحطها لنا معشي الطير

[محب الشمال]

يا رجال روح لسوريا وتلقى عندهم الي يطربك من المناقل
في مواقع في سوريا متخصصين من سنين في هذي الامور

[راعي النحل]

موجود طلبك يالحبيب في سوق الصفافير في الكويت.
يوجد في الكويت سوق الصفافير وهو سوق متخصص لجميع اعمال الالمنيوم وصاج الحديد والزخارف وخلافه...
وشاهت بنفسي اشكال والوان لا تعد ولا تحصى ....ويمكن يفصل لك بعد على الطلب .
يعني الكويت اقرب لك من سوريا....وان جيتنا اهديناك عسل بعد .

[ابومرتاح]

انا اتوقع لو تروح للكويت ....سوق المباركية او سوق الصفاة........راح تغير رايك عن المناقل اللي بالسعودية كلها .........رح هناك وما راح تندم.......[b]

[معشي الطيـر]

هـــــذي صور المنقل اللي يبيها اخونا الشــاطر

هذي انا ماقد شفتها بالسعوديه بس اظن بالكويت زيها وانا لي روحه قريب

ولي رد بعدين اعلمك

اترككم مع الصـــــــور

http://www.0zz0.com/2005/10/09/414092778.gif

http://www.0zz0.com/2005/10/09/127963094.gif

http://www.0zz0.com/2005/10/09/118943363.gif

[الشاطر]

معشي الطير

ياخوي بيض الله وجهك وكثر الله خيرك ....لا عدمنا هالفزعات

[الشاطر]

محب الشمال

ياااااااااااااااااويل سبدي

ياخوي تقول سوريا ....ماظنك نلقاء اللي ينسينا المنقل خخخخخخخخخخخخخخخخخخخخخخ

راعي النحل
الله يطول عمرك والله كله ابركه هالمنقل اللي يجمعنا بجواد مثلك وشرواك

هل انت شفت مثل هالمنقل بسوق انتظر ردك خبرك الروحة والجية يبيلها تحزم ورقلت اشداد

ابومرتاح

بالله تشوفلنا...مثل هالمنقل تكفا ياولد ابوي

[راعي النحل]

حياك الله يالشاطر ...
طلبك موجود في اكثر من سوق في الكويت وشاهدتها بنفسى ومن هذه الاسواق كما قلت لك سوق الصفافير وسوق الجمعه
وبعض الاسواق الشعبيه ...احسن ما تروح سوريا وتنقطع كبدك على اللي هناك ؟؟؟؟؟؟؟
وبالمناسبة موجوده ايضا في حفر الباطن وشاهدتها العام الماضي بنفسى ...وش تبي بعد ؟

[الشاطر]

راعي النحل

علمك غانم وماااااااااقصرت...........اه يالكويت اتجهت انظاري لها..

[ابوقاسم]

قوم تعاونوا ماذلوا ...............
انشهد انكم رجال ينشد ابكم الظهر ..............
والحمد لله حصل الشاطر ما يريده بفضل الجهود المضنية والتعاون المثمر..................