السلام عليكم

[خشم الحصان]

الاخوه الغالين
السلام عليكم
اخوكم (خشم الحصان) الفقير الي ربه رجع وهو علي خجل منكم بعد انقطاع عنكم ولا اجد عذرآ عن سبب الاتقطاع
سوا انكم تعذروني فقط وتسامحوني الله يغفر لي ولكم اجمعيآ امين امين امين
وان شاء الله انكم بخير وصحه وعافيه انتم ومن يعز عليكم وذريتكم وخيانكم
اخوكم
خشم الحصان

[ابو محمد]

وعليكم السلام ورحمة الله وبركاته
حمدا لله على سلامتك ، والغائب حجته معه ، ونحن بانتظار مواضيعك ، وتعليقاتك .

[صقر]

يالله تحيي راعي المشراق

يافرحتنا برجوعك ياخشم الحصان.

والله لك وحشة يابو جراح ... لكن ما نقول الا الله معك وعسى ظروفك ان شاء الله زالت.

حياك الله مرة أخرى

وبارك الله فيك.

[عاشق الجبل]

وعليكم السلام

الحمدلله على السلامة وعودآ حميدآ

[الهلالي]

هلا والله ومسهلا ومن طول الغيبات جاب الغنائم . وبدأت الطيور المهاجرة تعود . الحمد لله على السلامة ومشتاقين لسوالف المشراق .

[المربد]

يا عقايل الله ، يا عقايل الله
الحمد لله على السلامة
بشرنا عنك يا بو يراح ؟
عساك زال عنك خطر البرشومي؟

[ريف النشاما]

ابو محمد

وين هالغيبات

لايكون البرشومي محتجزك وأنت ماعلمتنا

لكن ماعليه يابو محمد والحمد لله على السلامه

ويقولون عنك رحت تاخذ عمره باول الموسم

وحنا هالحين بالوسم إلا شي بسيط

لايكون رايح تأخذها بالقدس

:d

[المترو]

السلام عليكم ورحمة الله وبركاته

الحمدلله على السلامه اخي العزيز وحكيم مكشات خشم الحصان وعوداً حميداً الله يغفرلنا ولك ووالدينا ووالديك اجمعين
عسى ان شالله المانع خير

ويقول واحد يطمنا عليك اثناء غيابك ان خشم الحصان وهو بالطائف بالاجازه تكرفس له بكرتون برشومي وطول الاجازه وهو ينقش الشوك من جسمه عساه طهوران شالله (ادري انها اشاعه مغرضه) والا لا ؟؟؟!!

حياك ببيتك الثاني بين اهلك وعيالك واخوانك

اخوك المترو

[خلف]

عودن حميدن اخوي خشم الحصان

وش قصة ذا البرشومي علمنا هي اشاعة والا
هههههه

[Khalid AlGhamdi]

وعليكم السلام

الحمدلله على السلامة :)

[راعي المدّى]

ياهلا والله بالغالي الحبيب .. ابو محمد خشم الحصان
والله ثم والله اني مشتاق لك ...عوداً حميداً ومن طول الغيبات جاب الغنايم .. طلتك الغالية لها سر أعتقد بأنك شميت ريحة الغالي حفرلوجيا { ابو سليمان} وأكتمل الشمل الله لايفرقنا ويوفق الجميع
وعساك على القوه يابو محمد ويخليلك ا ميمتك وأبيك ويسعدك وكافة أفراد الأسرة الكريمة .

أخوك :
راعي المدّى
ابو ابراهيم
sisha003@yahoo.com

[عروان]

هلا والله يا بوجرّاح

وش هالغيبة يخي

كل ذي صيفية؟؟

ما ظهرت الا مع سهيل. :)


مرحبا بك والله و مسهلا و مشتاقين لمشراقك.



أطيب تحية

[مغباش]

هلا والله بالعزيز خشم الحصان
سعدنا بعودتك الميمونه في دارك وبين اصحابك
صدقني ثم صدقني اني ما تعرضت لك بشي وكنت جدا مسالم وعملت هدنه طوال مدة غيابك واذا لم تصدق اسأل الاعضاء خاصة سلفر سنايبر (طبعا ماعدا 25 تعليق وعدد 2 رسم كاركاتير )
كنت متوقع انك تتابع مكشات دون مشاركة ولكن بعد تعليقاتي البريئه الحنونه فيك وعدم ردك ...!
ونغزاتي المسالمة لك وعدم مبالاتك ...!!!
توقعت انك وصلت مرحلة الشيخوخة ..لا سمح الله ضعف الشوف وكبرت وتخالفت اصابع ايدك عن الكي بورد
لكن والحمدلله بعد مشاركتك هذه اطمأن قلبي عليك ..
عمرة مقبولة انشاالله ولو ان بعض الاخوان يستنكرون طول مدتها وهم لايعلمون الله يهديهم انك لازلت تستخدم الجمال في تنقلاتك

[ابو درع]

حياك الله ويهلا والله بهطله ... سمعنا انك في كترينا وشلون جيت .

والحمدالله على سلمك ..

لا .. قلي وش ودك لكترينا ..

[((( الحر)))]

حللت اهلا ووطأت سهلاً...!!!

مرحبا والحمد لله على السلامه...!!!

سعدنا بعودتك رغم حضورك في قلوبنا...!!!

فانت ابو المشاريق والمغاريب...!!!

اخوك.....((( الحر)))...!!!

[خشم الحصان]

الاخوه الغالين
السلام عليكم
اخواني غفر الله لي ولكم مشكورين كل الشكر علي ماكتبتموه وما سطرته اصابعكم الكريمه (عسي ماهيب مربعه )كله منك ياحفرلوجيا وسوست
وكنت اريد ان شكركم جميعآ في رد واحد ولكن لقيت البعض معقد الشوش والصوره مغبشه بالحيل
لذلك لي عوده وسوف ارد علي كل واحد ان شاء الله .........وشوله بعدين الا هالحين
المربد
(عساك زال عنك خطر البرشومي؟)............... يصير خير :mad:
ريف النشاما
(وصلك البرشومي) اقول الله يثيبك فكنا من قصايدك وحنا والبرشومي بخير
اما القدس الله يسمع منك ونصلي فيه ولو مريره
عروان
( ياخيي حنا فيدين سياحه شهبان لهبان الله يحسن اليك ).....بس ياخيي لي مزينها ان حنا خذنا عمره الله يقبلها امين
ثم رحنا لجده وتمددنا علي البحر الله ياهو سبير ولونك شايفني وانا طاق القبوع والصروال المخطط وذيك الفنيله
لي مرتفعه شوي عن السر ومن شافني قال الاخ زلق في كرتون بويه اشكال ولوان ماودك راعي البر يروح لمثل هذي الناطق نفشل ولا يوم طبت في البحر صاروخ وشوي ولا حولي بقعة دهن (سني ناقلة نفط غرزه)
اقول اخيي خل البازي بعدين اذا تقابلنا اخاف من هالمشفح يمسكون علي ثم وش يفكني منهم
برشومي ............وشف العياره
مغباش
( بسم الله عليك وش دعوا هو انت خليت شي ياخيي تابعة وشفة كل شي كتبته يدكم الكرررررررررريمه
ماهقوتي.......... يوم رجعت لكن لي مصبرني اني ما ادل اذا طلعت من البيت وخاف اظهر الي حقين النت ثم وش ريجعن الي العيال ثم زود علي البرشومي (خرج ولم يعد) اقول الله يغفر لنا ولك من اليوم ترك معهم في القائمه
اجل بعارين ليتك مخاليها علي (الكركتير سان اشلي) ومنول اقول ياحليل مغباش حلايلاه وثرك ياخي مثل العوشزه
الله يكافينا الشر ماقظبته شققته الله يحسن اليك :no2: خلاص ...........
ذكرتني (بسلامه العبدالله) الله يففر لنا وله يومه يقول
(لا تعتذر ذي غلطتي يوم................. كملها عاد انت :mad:
ابو درع.
........هلا ومرحبا وشلونك الله يثيبك امين
كترينا ...........مره وحده وش دعوا الله يرفع قدرك مقطوع سري في صحاري (ارزونا) لي مير ورا ماتزرونا
ترا الصيد وجد عندنا
:D
الحر
هلا والله بك ياخيي كل الهلا
الله مير يسلمك امين ولا به شك لكن ياخيي (المشاريق ) وعرفناها اما قولكم غفر الله لي ولك (المغاريب)
فقد اختلف فيها النحويون(فيه مغراب ) و(مغراب) انسانه مغرب الشمس فزين بس انسانه ..........
بس ياخيي هقوتي تعني الاوله ان شاء الله الله يجزك عنا ياخيي بدخول الجنه امين
المترو
(سابقآ الرحال 2003) ابو ناصر
هلا والله بك يابعدهم وشلونك الله يرفع قدرك دنيا واخره (ياحبيلك) بس اخاف تطلع مثل مغباش لكن نبي نصبر لين يتبين سهيل محناب عجلين
الا مير وش جال يومك غيرة اسمك (ورك اسلبت) يعني فصخت الاول ولبست الاسم الثاني
الحين يوم حفظة الاسم تقوم وتغيره اقول اركد وقضب اسم لا تصير مثل عصفور السدره تناقز كل يوم ولك اسم
تكرفس (في كرتون برشومي) قطع ...........يانتم مثل الدشوش مايخفاكم شي اقول
لا تصدق ...........اشاعه
تدري اخيي الله يعفو عنا وعنك قرب اذنك ابعلمك شي .......... اقول اول مره اشوف سيزاني اثري ابيض مشاء الله
ياهي اطبوق يوم قمت استعمل (لزقة ابو اسد) علشان شوك هالبرشومي اثرنا شهبان غادي الواحد سيقانه سنها خشب شجر العشر مغير شطوب وطبوق..........
.................................................. .................
ابو محمد
الله مير يحيك ويحفظك من كل مكروه امين وان شاء الله القادم احسن
صقر
الله مير يثيبك ويجزك عنا كل خير ولا تفقد غالي يالغالي امين
عاشق الجبل
الله يسلمك يابعدهم ويغفر لنا ولك ويرفع قدرك
الهلالي
الله مير يحيك يابعدهم ويجعل والدينا والديك في جناته امين يارب العرش العظيم
والمشراق يبي ان شاء الله يستمر بس عطن فرصه الله يثيبك امين
خلف
هلا كل الهلا يابعدهم الحين تقول الله يثيبك هي اشاعه ولا (ههههههه) عجل علي الضحكه الله يرفع قدرك
مدري...........يمكن ويمكن
ابو معاذ
الله مير يسلمك ويحفظك يابعدهم ومشكور علي مرورك والمشاركه الله يرفع قدرك امين
راعي المدي
هلا والله ابو براهيم كل الهلا هذي والله الساعه المباركه
وشلون الصيد والدخل والقميري يابعدهم عساك استانست ان شاء الله يجعله بالعافيه الله يجزك عنا كل خير
ودي ياخيي اني معكم بس ماش حدتنا لي انت خابر
لكن يابو براهيم الايام جايه ان كنا من الحيين ان شاء الله
.............................
اخوكم
خشم الحصان

[حفرلوجيا]

هلا بابو محد .. أسفرت وأنورت خيام مكشات ..
لك وحشة .. ولمشراقك نكهة .. باصابع مربعة او بدون .. قبل البرشومي وبعده ياغالي :)

[((( الحر)))]

شف ياخشم الحصان الشرهه مهوب عليك الشرهه على الي يرحب فيك

هالحين اقولك راعي المشاريق والمغاريب يعني ربطت الشرق بالغرب يعني بالانقليزي مشرق الشمس ومغربها وتروح تحربث وتحوسس تدور شي غير مغرب الشمس ... اوريك القطعه الجايه ان رحبت فيك

انا متاكد انك راعي مزوح ولا كان صار الكلام رسمي

وافر واحلى تحيه

[ماجلان]

بسم الله الرحمن الرحيم


وعليكم السلام ورحمة الله وبركاته أخوي أبو جراح

لقد افتقدتك أخي الكريم وأنا جد سعيد بعودتك

مرحبا بك بين إخوانك

[محب البر]

وعليكم السلام ورحمة الله وبركاته

الغالي خشم الحصان إهلا بعودتك بعد غيبة

القمر عند ظهوره في الليالي المقمره له طعم خاص عند أهل البر يقدرونه ويعرفون قيمته أكثر من تقدير العشاق له

وكذا خشم الحصان فهو قمر من أقمار مكشات التي لها رونق خاص وأسلوب مميز يحن ويشتاق له أهل مكشات وما هاترحيب إلا دليل الشوق والمحبة لشخصكم وكتابتكم المميزة

فعودة حميدة وقوية لمكشات

أبو مروان

[رعد الجنوب]

السلام عليكم

هلا ومسهلا ابوجراح
انشاءالله المانع خير وانشاءالله انك في اتم صحة وعافية ومن تحب ،
هلا والله براعي المشراق
والله اننا مشتاقين لك ولسواليف مشراقك المشوقه .

اجمل تحية وسلام

[حيمود]

وعليكم السلام

اسفرت وانورت
هلا وغلا بخونا خشم الحصان , صدق فقدناك في المنتدى وفقدنا مشاركاتك ومواضيعك وفكاهتك وجدك , واعتبر انك مرخوص ومسامح منا اذا كنت في اجازة ومستاسع صدرك , اما لو ندري ان الكمبيوتر قريب منك , عز الله الا بنزعل ونشره الى ان تكمل مواضيعك 13001

حياك وسعدنا بشوفتك

[حد السيف]

السلام عليكم ورحمة الله وبركاته
الحمد لله على السلامة ابو محمد
وش سالفة البرشومي ابو محمد عسى ماسويتة مربى
اللي يقول متكفرس بكرتون برشومي واللي يقول طايح ومعة كرتون برشومي
عسى مانتب طول ليلك معك منقاش وجالس تشيل هاشوك
بس تراهم يمدحون لصقة جنسن تراها وحده بوحد لشيل الشوك وخصوصا اذا الواحد زالق وسيقانة مكشوفة
انا من اهل الطائف واعرف سوايا البرشومي زين
تهون الكرفسة بالكرتون عندها


محبك ابو سليمان دعواتي لك دمتا سالما

حد السيف

[خشم الحصان]

الاخوه الغالين
السلام عليكم
وحياكم الله كلن بسمه
الاخ الغالي
مع اني متعقد من كلمة ابو اصابع مربعه ومشوطره
لكن يابو سليمان ياحفرلوجيا
الله مير يحييك يابعدهم (البرشومي) بعد انت دريت (مشكله)
فمن الله
اخوك
خشم الحصان
نغزه.....(ابو محد) حلوه منهو لي اصابعه مربعه ومشوطره :D :D :p
.................................................. ..............
الاخ الغالي
ومشرفنا الفاضل
الحر
بسم الله عليك ياخيي الله يغفر لنا ولك وشفيك يادفع البلا انا قايل لك من قبل انت تقصد الاوله يعني غروب الشمس
وليس (.........) ياحبيلك بس اذا شفت توقيعك ارتاح خاطري ودريت ان راعي التوقيع
(((((((((((((((((((((((((((حر))))))))))))))))))))) ))))
اخوك
خشم الحصان
..................................................
الاخ الغالي
والحبيب
والمشرف العام
السلام عليكم
الله يجزك عنا كل خير ويغفر لنا ولك يابعدهم امين
بس يا خلفهم يومك تقول(وكذا خشم الحصان فهو قمر من أقمار مكشات ) بس يابو مروان اخاف ينتهي الوقود
وطيح علي احد في ابر ثم اقبره
لكن لك محبه يابو مروان ومشكور كل الشكر علي كلامكم الطيب يالطيب
اخوك
خشم الحصان
.................................................. ...........
يتبع