اخيرا مزرعة فالكون سنتر للصقور في الرياض

[صوعان]

اخواني ازف لكم بشرى حضور مزرعه فالكون سنتر المشهوره عالميا في الرياض
للتنتهي معناتنا في صعوبه الحصول على الطيور من المزرعه في الامارات
الحين يمديك تاخذ اطلق طير ومن قريب وانا مريتهم وشفت الطيور الي تفتح النفس
ومشهود لها با السبق واللحوق والارتفاع والذبح وانا شفت طريقتهم كامله
وشفت الهك حقهم فيديو شبوك مهيب صاحيه من كبرها .
اذا حام الطير ماعاد تفرقه هو بيور ولا شاهين ولا تبع من كبرها
وانا مريتهم في الرياض واخذتهم منهم جير شاهين ثنتين وحده سودا ووحده حمرا
ووووووين حباري الشمال ان قاله الله ها السنه مايروح شي..
واخذ منهم ها السنه صقارين معروفين من موقعهم في الرياض




هذا جير ابيض الله يرزقنا بواحد مثله 18 في 18 مشالله

http://www.mekshat.com/pix/upload04/images186/mk14441_b1.jpg



صوره ثانيه لجير ابيض

http://www.mekshat.com/pix/upload04/images186/mk14441_b11.jpg





وهذا جير اسود 18.5 قي 18 مشالله شكله يوسع الصدر

http://www.mekshat.com/pix/upload04/images186/mk14441_b2.jpg





وهذي صور جير الشاهين مشالله 17 في 16 مشالله صواريخ

http://www.mekshat.com/pix/upload04/images186/mk14441_s2.jpg


جير شاهي 18 في 17 مشالله

http://www.mekshat.com/pix/upload04/images186/mk14441_s11.jpg



http://www.mekshat.com/pix/upload04/images186/mk14441_s22.jpg




والطيور موجوده في استراحه على طريق الدمام وابو محمد مدير المزرعه متواجد مع الطيور
وهذا رقم ابو محمد مدير المزرعه 0561021111


وهذا رقم ابو مشاري 0540011212

[صاحب نوماس]

الله لايهينك يالغالي

[نمر الصحراء]

بشيرخيراخوي مشكورعلى الخبر

[ALAMIR]

ما شاء الله ، تبارك الرحمن

ياليت توافينا بالاسعاار

[أنس الحزيمي]

طيب وين المكان الله يجزاك خير وين بالرياض؟؟؟؟؟

[صقرالخطارة]

الله يعطيك الف عافية وماقصرت يالحبيب مشكووووور

[ابوسعد 3]

ماشاء الله
يعطيك العافيه ,,

[عابر القارات 2000]

الله يبشرك بالخير

ومقطع اليوتيوب الي بالتوقيع
الصقار الي معك الصغير الله يخليه لك ويبارك فيه

[قناص حائل..]

الله يبشرك بالخير اخوي العزيز

بس لو سمحت اسعارهم ؟؟

[جير دبي]

مشكور والله يعطيك العافيه

[بن سليم]

الله يبشرك بالخير

ومقطع اليوتيوب الي بالتوقيع
الصقار الي معك الصغير الله يخليه لك ويبارك فيه

ماقول الا ماشاء الله تبارك الله والله يحفظ ويصلح

[قرناس شماالي]

ما شاء الله ، تبارك الرحمن

ياليت توافينا بالاسعاار

[حي الجامعيين]

كيف اسعارهم معقوله

[قنيص غير]

الله يعطيك الف عافية وماقصرت اخوي

[راعي السلاح]

ما شاء الله ، تبارك الرحمن

[هاووي الطير]

الله يبشرك بالخير اخوووي
والله يعطيك الف عافيه
مشكوووور على الخبر الرائع

[النـادر]

انعم واكرم هالمزارع اللتي تستحق دفع فلوس في انتاجها
ان الله احيان الى السنه الجايه مريتهم اما هالسنه ماعاد يمدي خلصت الاجازه وحسبي على الاشغال ماهي بتقضي

[أبو خاااالد]

ماشاءالله تبارك الله


اخوي وين مكان المرزعه بالضبط؟

[alnassar]

فالكون سنتر غنيه عن التعريف === وخطوه جيده وجودهم فى الرياض

[راعي الهريس]

مشكور الله يعطيك العافيه

[صوعان]

اسف على التاخير في الرد يا الربع لاني يوم الجمعه ماني متواجد

اما الي يسالون عن الاسعار ..
اسعار فالكون سنتر معروف عنها انها اغلى من غيرها لان الطيور متعوب عليها صح و 99 في الميه من طيورها ناجح
لانهم يهتمون في السلاله قبل كل شي
لكن ابو محمد مدير المزرعه يعطي خصم مهوب طبيعي بحكم انهم اول سنه في السعوديه ويبون يثبتون لهم موقع قدم في السوق السعودي ويوصل خصمه الى اكثر من 50 في الميه وبعض المرات الى 60 فيه الميه وهذا شفته قدام عيني والخصم السنه هذي بس
يعني السنه الجايه اذا بغيت مثل طيرك راح تدفع دبل لان السنه الجايه ما اتوقع تحصل مثل ها الخصم

[صوعان]

نسيت اقول ان طيور معمول لها هك شهرين كامله
وانا خذت شيهانتين من عندهم الاولى دهلت الحمدلله وفكيت لها (فزن شريته من الاخ تركي الي حاط اعلانه في مكشات) فكيته وطار وترتكز معه الشيهانه مشالله ويحول يبي الارض وتقشه
فكيت لها سوادي اول مره ..وارتكزت الحمامه فوق ماتوقعت انه الشيهان بتسوي كذا قسم بالله في ذنيباها مقاضب مافكتها لين حولت بها
ميزه طيورهم انها ترتفع وسبق
ان قال الرحمن ها السنه ان ابرد سبدي من حباري الشمال

ومشكوريين على التفاعل مع الموضوع

[alnassar]

الله يبارك فيك ياصوعان ومشكور على المجهود والمعلومه

[الصياد المحترف]

فالكون سنتر مزرعة طيور الشيوخ وكبار الصقــــــاقيرالي يقنصون الجزائر والمغرب وتونس وباكستان وغيرها ولن انسى الطير الي في قناة دبي الأسود السبوق الي يطــــــرد الغزلان وهو من عندهم الله يهنيكم ويفككم من الطيـور الي نتعب عليها وبالأخير ما قصر ردها مرد وراحت الحبــارى.:f

[الرّمااااي]

شكرا اخوي صوعان وياليت تعطينا فكره بسيطه عن الاسعار

[خطاف99]

مـــــــــــــــــــــمــــــــــــــمــــــــــــ ــــــــــــــــمــــــــــــــمــــــــــــــمـــ ـــــــــــــــمــــــــــــــمــــــــــــــــمــ ـــــــــــــــــــمــــــــــــــــــــــــــــمـ ـــــــــــــــــــمشكور على الموضـــــــــــــــــــوع

[صوعان]

الي يبي وصف الاستراحه يا الربع يدق على ابو مشاري
اما اسعارهم معقوله واذا جاهم زبون صامل ينزلون له في الاسعار بقوه لانهم يبون الصقاريين السعوديين يجربون طيورهم السنه الاولى لهم في السعوديه ويبغون الناس تشوف فعل طيورهم وفرقهم عن المزارع التعبانه ابو ريالين ..انا والله لا لي فيها ولا شي بس شي شفته وبنقله للأخوان في مكشات وانا شريت منهم طيرين وراعوني في الاسعار
واحب ان اخواني في مكشات الي له هوا وشف في الجيره انه يجرب فالكون سنتر وباذن الله مايندم
اذا وفق الله واخذت جير وفعل معك بينسيك الاحرار كلها

[الخرب الازرق]

الله يعطيك العافيه ماقصرت وبيض الله وجهك
فالكون سنتر غنيه عن التعريف
وطيورهم ماشاء الله تبارك الله
وتقبل مروري

[قطاااع الدروب]

اسف على التاخير في الرد يا الربع لاني يوم الجمعه ماني متواجد

اما الي يسالون عن الاسعار ..
اسعار فالكون سنتر معروف عنها انها اغلى من غيرها لان الطيور متعوب عليها صح و 99 في الميه من طيورها ناجح
لانهم يهتمون في السلاله قبل كل شي
لكن ابو محمد مدير المزرعه يعطي خصم مهوب طبيعي بحكم انهم اول سنه في السعوديه ويبون يثبتون لهم موقع قدم في السوق السعودي ويوصل خصمه الى اكثر من 50 في الميه وبعض المرات الى 60 فيه الميه وهذا شفته قدام عيني والخصم السنه هذي بس
يعني السنه الجايه اذا بغيت مثل طيرك راح تدفع دبل لان السنه الجايه ما اتوقع تحصل مثل ها الخصم

الله يبيض وجهك كفيت ووفيت
ودنا نعرف ان كان مافي احراج كم اخذت الثنتين ومقاساتها كم
تحياتي;)

[خشم الحيد]

ممكن نعرف الأسعار

[رماح طاشا]

سويلنا كروكي لموقع المزرعه وجدول نوع \مقاس \سعر \ مع الدسكاون

[صوعان]

الاسعار يا جماعه حسب حجم الطير كل ماكبر زاد سعره اتوقع كذا حسب ماشفت
والنوع طبعا له دور البيور غير الجير شاهين

[موج2009]

السلام عليكم انا زرت الموقع الطيور الموجوده مو هاك الزين والريشه بس فيه مشكله السعر خيالي مرة ولا يعقل ارخص شي 40 الف شي ميعقل بعد الخصم هذا السعر ولا فيه الون الاسود والابيض

[الصياد المحترف]

اخوي صوعان وش انواع الطيور الي عجبتك :
1 السيبيري البيور.
2- جير الشاهين
3-القراميش.
4- التبوع.

[THE SNIPER H]

اذا كان بالإكان تنزيل بعض المقاسات والاسعار مع النوع
ولكم كل الفضل والتقدير

[alnassar]

السلام عليكم
مجهود جيد اخوي صوعان وتجاوب منك تشكر عليه

[falcon 1]

الله يبشرك بالجنه ..ولاهنت على الخبر الطيب

[مخايل البراق]

الله لايهينك اخوي صوعـــــــــان
بيض اللــــــه وجهك من غير قصور في الحاظرين

[راعي طلاع]

الجوالات الموضوعه مقفله الثنين ارجو من الربع

اعطائئنا الوصف ودي اسير عليهم الليله ونشوف الطيور.......

[rakan al3jmi]

الله لا يهينك على الخبر

ولاهنت لو تقدر تجيبلي احداثية الموقع على الماجلان اكون شاكرلك

[الطرس ممدوح]

ماشاءالله تبارك الرحمن