هم وخوف وخسائر مع الفرامل ددسن موديل 94

[أبو واسم]

السلام عليكم
أخواني لدي مشكلةفي سيارتي الددسن موديل 94 اشتريتها وللأسف ما وفقت فيها كل يوم قطعة جديدة لتلف القديم
والآن طلع لي مشكلة بعد قيادة السيارة لمدة اسبوع تفاجأت بتحجر الفرامل فبدأ الخوف معي بقيادة السيارة
بدأت بالف على الورش بعضهم قال الفحص كان شاد على الفرامل من شان ينجح والآن خففنا عليها
ولا وفقت في هذاالتشخيص توجهت إلى ورشة متخصص في الباكمات قال الباكم سليم ولا تعبث فيه دور مشكلة غيرها
توجهت لورشة آخرى قال علبة الزيت
ثم ورشة قال الكليبر
ثم ورشة قال لي الباكم الي متجه للمكينة
ثم ورشة قال بلف الباكم
بصراحة أشغلني الموتر هم ( هل سوف أجد الحل
خسائر مادية ووقت
خوف من وقوعي في مشكلة لاقدر الله وأنا أقود السيارة
شكرا على قراءة الموضوع ومشاركتي في همي ولو لم ترد

[ساحووق]

الله يوفقك ويسددك وتلقى حل عند النشااما

ولايقصرون

[200]

[QUOTE=أبو واسم;5530768]
السلام عليكم

أخواني لدي مشكلةفي سيارتي الددسن موديل 94 اشتريتها وللأسف ما وفقت فيها كل يوم قطعة جديدة لتلف القديم
والآن طلع لي مشكلة بعد قيادة السيارة لمدة اسبوع تفاجأت بتحجر الفرامل فبدأ الخوف معي بقيادة السيارة
بدأت بالف على الورش بعضهم قال الفحص كان شاد على الفرامل من شان ينجح والآن خففنا عليها
ولا وفقت في هذاالتشخيص توجهت إلى ورشة متخصص في الباكمات قال الباكم سليم ولا تعبث فيه دور مشكلة غيرها
توجهت لورشة آخرى قال علبة الزيت
ثم ورشة قال الكليبر
ثم ورشة قال لي الباكم الي متجه للمكينة
ثم ورشة قال بلف الباكم
بصراحة أشغلني الموتر هم ( هل سوف أجد الحل
خسائر مادية ووقت
خوف من وقوعي في مشكلة لاقدر الله وأنا أقود السيارة
شكرا على قراءة الموضوع ومشاركتي في همي ولو لم ترد
نفس المشكلة والسيارات توافيق انا شريت سيارة من اخوي والسيارة جديدة على يدة من وكالتها ويوم اخذتها منه ثلاث شهور وهي كل يوم بمشكلة وانا عارفها ومفضلها عن المعارض على شأن عارفها احسبها ماتطلب شي لانها ماشية معه زي الحلاوة بس بالامر خيررة يمكن هالخراب الله راد عني مكروة وطولت بس الفلوس تروح وتجي ومالى خبرة

[أبو واسم]

الله يعطيكم العافيه على مشاركتي همي
نرفع الموضوع لعل أحد يفيدنا

[عبدالإله9933]

السلام عليكم ياليتك تذكر مكان منطقتك علشان يدلونك الشباب على ورش زينه

[أبو واسم]

مكاني بالخرج ولفيت على أغلب الورش وبها مهندسين سعوديون مثل البلقاء المهندس الخريجي وللأسف لم أوفق بتشخيص متفق كل يبدي رأية

[امير الامراء]

ياخي خذ النصيحه

اذا رحت ورشه وقال لك هاذا خربان
قل له غيره بس اذا ماطلع منه لا اتحمل ولا ريال قيمت القطعه + اتعاب شغله
وبهاذي الطريقه سوف تظمن حقك وراح ينحل مشكلتك
ولاكن تبي لها وقت والي يبي الدح مايقول اح تحمل التعب شوي
ورح الصناعيه القديمه لكثرت الورش وتوفر قطع الغيار

وانا صراحه بحكم خبرتي
اقول لك شف لك باكم مستعمل قيمته اتوقع 150 وركبه وبذن الله تنحل المشكله

[أبو علي 2003]

السلام علكم
أبو واسم الله يكون بعونك ويسر أمرك قل أمين

حبيت أشارك شعوري

[أبو واسم]

أمين الله يعطيك العافية يأبو علي

أتمنى من الأخوة مشاركتي بخبراتهم ودمنا بود

[بترووول]

السلام عليكم
اخوي شكلك طالعن علا الددسن للنفود او داخل فيها طين
المشكله مرت علي غسل السياره من تحت ومع المكينه وانشالله تضبط
بالتوفيق

[أبو واسم]

والله توني شارية ما بعد طلعت به إلا للورشة
شكرا لك وبارك الله فيك أبغسله اليوم لعل يظبط

[بترووول]

علمنا وش صار لك

[إكه]

حياك الله يالغالي

إن شاء الله المشكلة بسيطة

إذا كان الباكم سليم تأكد من بلف الباكم اللي مركب عليه خرطوش واصل بالمكينة

إن شاء الله أمورك زينة

بالتوفيق

[YUKON_GMC]

الظاهر انك نحوت او فيه واحد كل شوي صاكك عين ... دائم العوكسه اللي زي كذا سببها عين ... شف من اللي معطيك عين وخله يتفل عليها خخخخخ صدق والله ما امزح

والفرمه امرها هين وانا اخوك .. خاصة والوتر ددسن وقير عادي عادي ... تقدر توقف بالنمر بحيث تصك بالواحد لو يمشي 100 او تشف على القامشاات الخلفيه وتتأكد ان الجلنط يوقف السياره مضبوط وتقدر تستخدمه وقت الزنقه بس النمره اضمن

مشكلة الحجير غالباً يكون سببها هواء الباكم ... اما عطل او تنسيم .. وتقدر تتأكد اذا حجرت فك ماصورة الباكم وتشوفه يفك ..

[ابو محمد11]

السلام عليكم
مساك الله بالخير
اذا الفرامل بهن تحجير فهاذا والله اعلم انه الباكم
اشتر واحد مستعمل لان الجديد خالي
وتقبل مروري

[أبو واسم]

بارك الله فيكم أنا سوف اشتري بلف الباكم وسوف أعطيكم آخر الاخبار
شكرا لكم على حرصكم

[YUKON_GMC]

^^^^^
ولاتنسى تقرأ عليه قل اعوذ برب الفلق وقل اعوذ برب الناس

[أبو واسم]

ههههههههههههههههههههههههههههههه
والله يوم شريته كنت قاري المعوذات
بس أبشر أبنفث على الاديتر كود إن النفس تطلع مع الكنداسة
والله طيرت اللهم نرد عليكم بإذن الله غدا