ابي منكم الطريقه !!!

[صقار2008]

السلام عليكم و رحمة الله و بركاته

كيف الحال ان شاء الله بخير ...
السالفه ان عندي طير نص وحش ينقز على اليد من دون علف و ماهنا ازين منه الا بشين واحد
الي هو الملواح الوح لطير ما يناظر الملواح ولا يفكر يشوفه و كم مر اعلفه من نفس الملواح بس ماش ما نفع معه
اي شيء نبي رايكم الله لا يهينكم وللمعلوميه الطير حر فارسي فرخ

[صقار2008]

عشر مشاهدات ولا واحد رد ..... الله يخلف بس

[ال عبس]

وعليكم السلام والرحمه

اربط حمامه حيه بالملواح وخله يتعشاها

وبكره اذبح الحمامه وخلها بالملواح وخله يشوف الدم وينقز عليها وبيتعود

[قرناس شماالي]

اخوي كثر من تدهيل الطير
لان توه خايف منك ومايناضر الملواح

[صقار2008]

مشكورين على الردود و الله يجزاكم خير

[جره الصيد]

كثر قعداتك مع الطير وانقله واجد وشنذره ووجبه يوم واحد وحط بالملواح صافق من الحمامه وان شاء الله يجي

[أبو خاااالد]

افادوك الاخوان



وما قصروا

[صقار2008]

الله يكثر خيركم و يجزاكم خير الشنذره ما تضر الطير

[الحمش1]

انتبـه انتـبه انتـبه انتـبه
تـشنذر الطـير الطير مايجي عـلى الملواح
لانه وحـش وخـايف شـوي اذا المـلواح حـباري وره غـيره يمكن يهـاب الحـبارى من اول جـرب ملواح الحمام حـي مومـيت فـيه طـيور ماتـرغب الـي بـالملـواح ميـت لـوحله بحمـامه حـيه لاتذبحـه وبيـجي ان شـاء الله ولاجـاك تعـاله شـوي شـوي تعـاله وانت تـزحـف واربـط سـبوقه وعـاونه بـالعلف نـتف الحمـامه معـه نتـف ريـش الثنـادي مـاهـو كـله نتـف شـوي لـين تـبين الثـندوه وخـله يـعلف يـعلف يـعـلف لييييييين مـايقـول بـس ولاخـلص عـلف يـنقـز لـلمركابه (الـوكر) نـظـف بـوزه واسـقه مـاء وبـعد (صـلآة العــشأء) عطـه سـكر نبـات بـس لاتـكثر حط ماء بفـنجـال وحـط سـكر النـبات بالفنجـال لـين مايـذوب واسحـبه (بأبره) وافتـح بـوز واسـقه والسـكر نـبات حـط كسرتـين قـطعتـين وسـط مـاهو كـبيـرات وبـتشـوف النـتيـجـه والسحـب سحـب المـواح لاتكـثر عـليه اول مـره يعـني ( 5خـمس )مسـحات وعطـه المـلواح خـله يعـلف وبعديـن بـالتدريـج كـل شـوي زود السـحبـات وابـعد المـسافه وان شـاء الله انـه بيـجيـك وبيـلعب لعـب عـلى المـلواح وبشـرني لاجـاء الطـير عـلى المـلواح وان شـاء الله اني مـاقصرت معـك وتـقبـل خـالص مـروري ..:

[صقار2008]

مشكور اخوي الحمش على النصيحه بس اذا عطيته الحمام حي اخاف ما يجي على الملواح الا بالحمام الحي

[الحمش1]

عـاد والله وش تـسوي الشـكوى لله
فـيه طـيور مـاتجي عـلى المـلواح الا اذا شـافت الحمامه حـيه تكافخ
وانـت مـوكـل يـوم تخـلي الحمـامه حـيه لا اول شي بـالتدهيل بعديـن اذبح الحمـامه علـشان مايتـعود

[$ تساهيل$]

؛؛؛؛؛؛؛؛؛؛؛؛؛؛؛؛؛

[عابر الموج]

الاخوان ماقصرو الله يعطيهم العافيه شف احضر ملواح من ريش الحباري وكل يوم ادعه وعشه عليه
طبعا من مسافه قريبه وخل فيه صافق حمامه ولكن اكرر من مسافه قريبه حتى يشوف العلف بالملواح ويجيه اذا شفته ماجاه نقزه لاتعلفه يوم ورايح يجي الملواح وبعد ذلك ابعد المسافه بين الحين ولاخر وذا جاك على
مسافه 100 متر هذا المطلوب واسحب الملواح مره وحده وعشه وبعد ذلك زود بالملواح ورايح يلعب على الملواح هذا تدريبنا للطيور الوحوش تقبل مروري

[صقار2008]

الله يجزاك خير اخوي...
(وانـت مـوكـل يـوم تخـلي الحمـامه حـيه لا اول شي بـالتدهيل بعديـن اذبح الحمـامه علـشان مايتـعود )ما فهمت شي من الكلام ذا يا ليت توضح معليش اشغلتك يا ذيب

[صقار2008]

مشكورين يا اخوان على التفاعل

[سلطآن الشآمسي]

http://www.mekshat.com/vb/showthread.php?t=154767

يفيدك الموضوع طبق الخطوات !!