باترول السلام عليكم عندي حرة بالباترول

[أبو علي 2003]

كما في العنوان عندي باترول 2003 باب واحد يطلع صوت حرة
إذا كان القير بالفاضي والونة إذا كان معشق بأي نمرة ومستمرة
مع مختلف السرعات ما هي النصائح أو الأراء المطلوبة
طبعا غيرة عمود الكردان ما نفع
تبين الصوت وراء بعد الفحص
عايرت زيت الكارونة والقير
ممكن اللي قبلي صاحب السيارة مغير الزيت ؟؟
كم التكلفة تقريبا مع شغل اليد

أرجوكم بعد الله أفزعوالي .لي أسنتين ونا والصوت
يخبرنا اللي حصل معه مثل كذا
الموقع بريدة


ولكم مني الدعاء بأذن الله

[أبو علي 2003]

للرفع رفع الله قدركم

[برايدوي عنيد]

هلابك اخوي .........

الونه ممكن من الصلبان..

مر على ورشه ابوسليمان الهبيش بخضيراء وكذلك ورشه ابوعبدالله الصمعاني بالتشليح

شغلهم نظيف ولهم خبره بالامور .

هذا مالدي و تقبل مروري ..........

[أبو علي 2003]

يعطيك العافية بريداوي بس أقولك غيرت العامود كامل مع الصلبان ما نفع

لاكن جزاك الله خير على المرور

نشوف الأخوان أرجو ممن مرت علية يخبرنا

[اسيرالعيون]

سلام عليكم اذا كان صوت مع النمار فاهذا هو رمان القير ياخوي وتقبل من اخوك /اسيرالعيون

[أبو علي 2003]

يعطيك العافية اسير العيون على المرور

لكن هل رمان القير يشمل جميع النمرات كما تفضلت



نشوف باقي الأخوان

[أبو علي 2003]

للرفع جزاكم الله خير

[لحن الوداع]

للرفع ,,

للفائده ..

[4*4]

اخوي اذا كان راعيه الاول مغير زيت الدفرنس وحاط زيت حقين المشاحم فاعرف ان كارونتك على وشك تجيم
اما ان كان ماغيره ايضا كارونتك فيها مشكله ,, بحكم انك تقول الصوت من ورا
الباترول مايغير زيت الكارونه ابد الا بزيت وكاله واذا جيت تفكه لازم تصب الزيت في سطل وترجعه مره ثانيه
كلم الصمعاني في بريده وان شاء الله بيفيدك

[أبو علي 2003]

هلا بك أخوي 4*4
كلامك سليم بس أبي كم التكلفه ؟
لو تكون الكارونة مجيمة على قولك وهل الصمعاني عنده كوارين
ودي بالسعر تقريبا
جزاك الله خير على المرور


نشوف باقي الاخوان من مر علية مثل كذا

[4*4]

الصمعاني عنده كلش ويضمن قطعه وشغله
اتوقع ياخذ عليك من 1000 الى 1500 << توقع فقط
ويمكن تكون قطعه في الكارونه زي التاج وتحتاج تصليح في المخرطه
دامك في بريده لاتنشد احد رح للصمعاني وبس
بالتوفيق
بسالك انت رافع موترك من ورا بياي استرالي او كعكات ؟؟

[فارس المدى]

كم موديل موتر وهل هو باب ولا بابين ؟


فيه فرارات أو لآ ؟

[ابوحميد122]

يفيدونك الشباب ان شاء الله